Yên Bái: Heik cov paz thor hâux lưv uô “Pôngz nhiêx txiêx ho thor tsi tâu hâux lưv uô”

          Đhâu iz đraz shông tos njôngr, txos thâuv lênhx nênhs fêv trâus ntês cxov pos Doãn Thị Hòa, nhoz jos 2, xã An Bình, huyện Văn Yên, tỉnh Yên Bái cux tsênhv tsi tâu njênhs tiêk chor nhiêx txiêx muôx 100 tsov đeiv pos mul txeik cưr tix nênhx tsa côngv đros chor nhiêx txiêx cxênhx tsês tâu hâur yênhx châuv shông tưz trâus pôngz tas. Pos Hòa heik:

          “ Thâuv muôz nhiêx txiêx trâu lơưr mak lơưr heik tiêk hâur 3 luz hlik zos thor tsi hâu hâux lưv uô trâu mê nhuôs mak tror thêv chor nhiêx txiêx co lol, lơưr tsênhv khav tênhv 100% tiêk zuôr thor tâu hâux lưv uô xưz”.

          Cux xưk li pos Hòa, cux tsuôk viv zos xar thor tâu hâux lưv uô trâu tul nhuôv tuz nhiv kruôr tơưv shux, viv li txơưv ntâu lênhx nênhs tưz qênhv, taz sik zơưv Trần Văn Hải nhoz jos 10, xã Lâm Giang, huyện Văn Yên tưz chox chor nhiêx txiêx muôx 100 tsov đeiv ntâu txeik tâu trâu lênhx nênhs tsi shưv hlo. Hâux lưv uô tsi pov nhoz tưs mak tsuôk pov luz hlik tưs lơưr cux tuôx teix thêv chor nhiêx txiêx tưz txeik:

          “ Đhâu sik thav tul pox niêv co heik tiêk zuôr thor tâu hâux lưv uô ntơưv no, thor tâu jê huyện Văn Yên. Đhâu iz six hơưv cur tưz muôz txiêx trâu lơưv mak tror heik tiêk cuiz tênhv zuôr thor tâu, taz sik ho tsi pov thor tâu...”

          Chiv chir jênhv tiêk zos lênhx nênhs shưv pâuz ntâu lênhx hâu nov têx Sở, ban, nganhx, đhâu co jênhv nhiêx txiêx thiêz heik tiêk zuôr paz thor hâux lưv uô trâu, thiêz huôz nox chor nhiêx txiêx co zos têx nênhs fêv hâuz nziês li iz hâux lưv uô tsi yiêz thiêz, taz sik jê ntơưv no ho tror pov qênhx shênhx no chuôz ndê ntơưv têx tiv phaz tox siêz, thax tsav tsôngv box mênhx cxưx tsơưs nênhs. Tiv zix zos txuz Hà Thị Mỹ Huyền, xênhz shông 1974, nhoz ntơưv phường Đồng Tâm, TP Yên Bái tưz đas nziês 5 lênhx nênhs đros chor nhiêx txiêx ndê txos 700 tsov đeiv. Cux đros têx tsưr ziv uô li heik sâuv, Nguyễn Ngọc Tú, xênhz shông 1986, nhoz jos Cao 2, xã Chấn Thịnh, huyện Văn Chấn tưz đas thiêz huôz nox chor nhiêx txiêx yênhx puôk tsov đeiv. Hà Thị Mỹ Huyền jênhv:

          “ Viv muôv muôs tsi muôx tsưr ziv uô jông, sâu tsi tâu nhiêx liv tsuv nriêr nhiêx txiêx chiê thêv nux grê viv li cur xar tâu tsưr ziv no chiê đas nziês. Cur cux heik tiêk cur zuôr paz thor tâu hâux lưv uô li ntơưv. Tsênhz mênhx mak cur uô côngz xưv hâur nganhx zaoz zux taz sik zos nhân viên xưz tsi uô txơưx jênhv thor hâux lưv uô lok sik xeir zuôr nênhs lox tôngv...”

          Hâur 2,3 shông tror lol no, Công an tỉnh Yên Bái tưz ntês cxov thiêz krêz tik cêr cxâuv đros yênhx châuv lênhx nênhs fêv vi “ đas nziês huôz nox nhiêx txiêx” đros chor nhiêx txiêx ndê txos yênhx tỷ đeiv. Huôz nox nhiêx txiêx txơưv tsi ruôr hiêv txos txox siê, lênhx nênhs li đas jos, taz sik ho uô trâu xã hội tsi ngaz tul sâuv thax tsav. Trung tá Trần Minh Tâm- Tuêv tsar tuêv heik kriê qênhz yuôx, phongx cảnh sát kinh têr, Công an tỉnh Yên Bái puz pâuz:

          “ Cxôngx têx lênhx nênhs trâus đas nziês li zoz qơưx, têx nênhs fêv tưz đas têx lênhx nênhs nhoz têx thax tsav nôngx cxênhz. Thâuv njiz tsôngv box mak lơưr lok six txơưx heik cov tsôngv box njênhs. Thâuv jênhv tâu nhiêx txiêx lơưv mak ho heik tiêk tos iz six hơưv thiêz...Đhâu co cux canhv pov tsôngv box tiêk thor hâux lưv uô pôngz nhiêx txiêx ntâu co tsuôk zos lik zơưx thiêz têx nênhs fêv li tsưr ziv đas nziês xưz”.

          Liv zôngv zoz qơưx nriêr hâux lưv uô chiê huôz nox nhiêx txiêx zos tsưr ziv uô tsi yiêz taz sik tsênhv muôx ntâu lênhx nênhs zôngx ziv njênhs têx lul đas nziês có. Đrâuv có, ziv hnuz ziv muôx ntâu shux xênhz tơưv shux thor tsi tâu hâux lưv uô, viv li tsưr ziv đas nziês no yênhx iz tsưr ziv jông chiê nênhs fêv liv zôngv. Đrâuv têx chiz coaz muôx txơưx jênhv lí sik côngv tir tar, tsi muôx tsưr ziv tưs tir tar tâu muôx chêx cuk zos tsôngv box tsi tsưv ziv đuô cxôngx nênhs fêv lí têx tsưr ziv đas nziês./.

                                                                                                                                                         (Tuấn Xuân – Txâur Vax cxeik nhênhv)

Lênhx nênhs muôx tsưr ziv chos tsoz chos lưv tsiz

“Chox txir lưv tsiz lok chos ntơưv Sơn La mak lơưr hêik tiêk zuk truôv. Tiv iz zos tsoz txir lưv tsiz luôs chos muôx câuv tơưv, 20 shông sik txos nhiv no ho muôz txiêr por tsês, chiê tror puôz chês đuô, li no puôk zuôr yênhx côngz”

Co zos jax pêv lok chor hnuz xuz thơưx thâuv zơưv Nguyễn Văn Phòng cuêz tênhv chos tsoz txir lưv tsiz ghép nhoz jok 1, tiểu khu Nà Sản, xar Chiềng Mung, huyện Mai Sơn, tỉnh Sơn La.

Kuôk no 6 shông, zơưv Phòng chuôz zis li luz trôngx tox nxa đar xar muôx 2 hec ta tsuôk zos chiê chos poz cưk thiêz cà phê. Ntu co mak poz cưk zos zav tsoz chos sơưr tiv 1 nhoz Sơn La hâur iz ntu ntêr. Oz pêz shông tror lok no ar tsuôs tas, gri poz cưk grêk, tsoz poz cưk pôngz gri jux juk, viv li zơưv phòng thiêx cuêz tênhv hlôngr yiêz đuô chiê chos txir lưv tsiz siêr lis. Zav zuz txir lưv tsiz tâu zơưv xêir chos zos HTM1 muôx ntâu kror liv li: Txir lox, tsik tơưs tơưr, nox kaz viv li tâu nênhs sir zôngv nhiêv zuôr. Nhiv no tas nro vax trôngz nxaz co tưz tâu chos tas nro txir lưv tsiz:

“Tsoz txir lưv tsiz mak uô ntêx zos zuk li kỹ thuật tiêk zos ar tox nxaz xuôk mêir khơưz, zos tsik muôx meier paz mak khơưz uô thênhv, lok sik khơưz kror cov lox chiê yênhx shông ar trâus cuôr lok mak muôz huk thêir uô njưs chiê tsoz phưz cov jông đuô”.

Têx kỹ thuật tâu zơưv Phòng sâu tsês, sir zôngv jông, uô trâu tsoz txir lưv tsiz jông xưk li chor txir lưv tsiz Hưng Yên tsuôk đhâu oz shông tưz sâu tâu chiv xuz thơưx txix 8-9 tấn iz hec ta. Tsoz txir lưv tsiz zuôr chos tâu sâuv ar tox trôngz nxaz, chênhr tiês mak ar tsuv ntâu toz muôx oz đok ntâu txos pêz đok. Iz tsoz txir lưv tsiz chos txix shông tiv 2 tưz muôx txir jông sâu đê, txix shông tiv plâuz tror muk zuôr sâu tâu 2 puô cir iz tsoz. Iz hec ta txir lưv tsiz zuôr sâu tâu txix 20 txos 25 tấn. Yưx nhiêx txiêx yưv pênhr iz shông phênhv sâu txix 300 txos 400 triệu đêiv iz hec ta, ntâu đuô yênhx châuv jiês pir li chos poz cưk:

“Pox nhuôs thax tsav nox chos txir lưv tsiz, txir mo môngk lok six ntâu cur cux xar txêik nhiêx chiê cxiv uô qơư tsês chiê. Zos cxiv uô tâu qơư mak tiv iz zos pox nhuôs tsênhv sâu chênhr tsênhv nhoz ntu txir lưv tsiz kaz mak muôz tsês chiê”.

Đros sir jos uô bluô nux sâuv tox siêz Nà Sản, têx sir jos co tưz paz muôx tâu chêx cur kinh têr siêz. Nhiv no zơưv Phòng chuôz zis tsênhv muôx 7 hec ta ntâu txỉ rlưv tsiz, iz shông sâu tâu muôx 2 tiv đêiv ntâu. Zơưv Phòng cux zos nênhs uô ntêx hlo muôz phongz yaox hlôngr yiêz vax txir lưv tsiz nhoz tỉnh. Nhiv no zơưv tưz yênhx lix hợp tác xã txir lưv tsiz siêz lis thiêz tsik so muôx txix 40 txos 50 lênhx nênhs jênhv paz kho đuôtêx vax txir lưv tsiz nhoz Sơn La thiêz chor tỉnh iz ndis, paz muôx tâu chêx cur kinh tế siêz trâu pêx xênhv, iz thênhv jux juk uô bluô nux./.

(Thanh Thủy-Lik Thox cxêik nhênhv)