Truôx siêz uô jông têx jênhv vưv por vêv ntus đriv têz qơưk

Thâuv cơưv tiêr Học viện pênhz phax, shông 2019, thiếu úy Mã A Phổng jênhv uô côngz xưv ntơưv Zênhx pênhz phax Sì Lở Lầu. Thâuv caz moz Covid-19 huôv xênhz muôx têx txơưr txar ntâu, đros hluôk nênhs li chinhz yênhx uô ntêx nyuôk, sir jos hla đhâu cxuô phêv liv, tix lâuk tưz đros têx đồng đội truôx siêz muk uô jênhv vưv phax tar moz nhoz têx qơư phêv liv tiv zix, nhoz thax tsav ndêx đriv têz 72. Thiếu úy Mã A Phổng, Tuêv tsar tuêv trinh sát, Zênhx pênhz phax Sì Lở Lầu puz pâuz: “Lok thâuv hli 8/2020 tsênhv zos cheix ntux lok nas. Hnuz co cur thiêz iz đồng chí muk jor ntơưv qơư seiz car, tsâus ntux ntux lok nas lox, chuô lox. Oz lênhx iz tul puôk iz tul ndêx chiê qơư seiz car tsi trâus poz vâu. Cheix ntux nas cêr lok six lax muk lok, tox poz. Qir thơưx tsi muôx đêx pêz tsênhv muk ciês ntơưv tul đêx gra đêx chiê phưx vưv xênhz huôx. Cxôngx têx phêv liv co pêz cux sik côngv siêz thiêz khưx phưx têx phêv liv, sir jos uô tiêr jông jênhv vưv tâu choz”.

          Tul đêx Na Mu Chi Hồ, nhoz buôk ntus đriv 2 têz qơưk VN thiêz Trung Quốc ntưs đhâu thax tsav xã Sì Lở Lầu luz cheix no tsi muôx đêx thiêz tsuôk muk 2,3 truôv tơư cux hla tâu trâu saz ntus đriv uz. Cux viv li mak ntâu lênhx nênhs fêv liv zôngv chiê tsưr tsix nhiês muk lok đhâu ntus đriv tsi trơưk chei. Viv li, ntu đhâu cán bộ, chiến sĩ Zênhx pênhz phax Sì Lở Lầu thâuv tưs cux yax six muk seiz car, qênhz yuôx chiê pâuz tsênhz qênhx shênhx sâuv thax tsav.

          Thiếu tá Hoàng Tuấn Anh, Trạm tsar trạm seiz car pênhz phax Gia Khâu, Zênhx pênhz phax Sì Lở Lầu pheiz kênh: “Nhoz thax tsav ntus đriv, pox nhuôs muôx cêr coaz siv jông hâur têx mênhx cxưx, viv li uô ntêx thâuv muôx moz huôv xênhz, pox nhuôs cux muk lok đhâu ntus đriv chiê seiz lênhx nênhs cxênhz jê. Cxôngx thâuv muôx moz huôv xênhz côngz xưv coar lik muk lok đhâu ntus đriv tâu chuôz tsar uô zov chênhr đuô. Cê phax tar, cê yax mông chiê pox nhuôs muôz siêz siêz xar hâur côngz xưv phax tar moz”.

          Hâur shôngk shông no, lưx lươngv bộ đội pênhz phax Lai Châu tưz ntês thiêz tos jênhv 30 ntâu lênhx nênhs zos nênhs lox tôngv nhiês muk uô hâux lưv trâu saz Trung Quốc nhiês tror lok kuz têz qơưk tsi trơưk cêr chei. Hâur co, cán bộ, chiến sĩ Zênhx pênhz phax Sì Lở Lầu tưz ntês tâu 7 lênhx nênhs. Thôngx cxix uô ntâuz ntơưr uô cxâuv hành chính thiêz uô ntơưr chox muk cêv kuôk phax tar moz Covid-19 lơưr cui tênhv.

          Thiếu tá Nguyễn Văn Tuân, Chính trị viên Zênhx pênhz phax Sì Lở Lầu puz pâuz: Taz viv tsênhv tuôr truôx 6 qơư seiz car chiê tuôv zênhv zoz qơưx jênhv vưv tir tar moz Covid-19. Têx ar têz nhoz iz buôk ndis co cán bộ, chiến sĩ tưz chos jâuz, tu zus keiz ok chiê phưx vưv uô jênhv vưv phax tar moz lêx ntêr. No zos iz hâux lưv jông chiê cán bộ, chiến sĩ tso siêz uô côngz xưv, coar lik jong ntus đriv: “Uô jênhv vưv phax tar moz covid-19 thiêz coar lik, por vêv ntus đriv zos 2 jênhv vưv tsuv uô jông. Xav tênhv chinhz yênhx phax tar moz li tir tar tros châuz,cán bộ, chiến sĩ thâuv tưs cux njênhs njôngr, xav tênhv tsênhz mênhx txơưx jênhv hâur uô jênhv vưv. Đhâu co, cxôngx ciês thâuv muôx moz Covid-19 huôv xênhz txos nhiv no, lưx lươngv tưz pov 85 txuz, 400 ntâu lênhx nênhs VN nhiês muk lok đhâu ntus đriv nhoz thax tsav Zênhx pênhz phax coar lik”.

          Đros zuôr xar 30 cei cêr ntus đriv tâu choz coar lik, 8 tul ndêx đriv têz nhoz faz Bắc chor trôngz Hoàng Liên Sơn, txơưv thax tsav đar, tsik zôngx ziv muk lok, taz sik txơưv đruôz hnuz lok sik hmo ntux, têx bộ đội pênhz phax cux truôx siêz uô jông côngz xưv. “ Zênhx pênhz phax zos tsêr, ntus đriv zos têz qơưk, tsôngv box têx mênhx cxưx zos cưr tix nênhx tsa”, co zos têx lo luk mak lơưr thâuv tưs cux ndo njôngr hâur siêz tsi plox. Đại tá Phan Văn Hóa, Phưv chỉ huy trưởng, Bộ chỉ huy Bộ đội pênhz phax Lai Châu puz pâuz: “Pêz chox kriê têx taz viv, chuôz tsar têx lưx lươngv muk seiz car ntus đriv. Đrâuv lưx lươngv zênhx pênhz phax, pêz chuôz tsar lưx lươngv tỉnh, têx taz viv nghiệp vụ, krêz uô têx tsưr ziv chiê pâuz tsênhz qênhx shênhx hâur thax tsav, tiv zix zos qênhx shênhx ntus đriv đros saz Trung Quốc. Zos muôx huôx tôngv chêx chôngk pêz zuôr yưr lir. Zos pov lênhx nênhs nhiês muk lok đhâu ntus đriv mak thôngz pov trâu têx qơư seiz car Việt Nam chiê ciêr chênhr tir tar”.

          Phênhv ntâu têx qơư seiz car lav cxiv uô têx tsêr fênhz suôz nhoz sâuv ntus đriv, đros ntâu phêv liv lok qơư nhoz, qiv hơưv, taz sik cán bộ, chiến sĩ pênhz phax nhoz no cux chuv tôngv shưv đros. Hâur ntu phêv liv ziv chuôz cxaz têx lênhx bộ đội pênhz phax li chinhz yênhx, siêz sir jos. Ntâu lênhx cán bộ, chiến sĩ tưz tsuv ndeiv zuk chuôz zis, pox niêv viv jênhv vưv coaz tsôngv por vêv ntus đriv, tuôr truôx luz nênhx ngaz tul thiêz shir phaz trâu tsôngv box./

 (K.Kiên-Txâur Vax cxeik nhênhv)

Yax kriê lok phax tar têx moz gênhs hâur cheix ntux sor

  Đhâu têx luôs hâux lưv seiz kaz y tế tso pov, txix tsôngv px tsưr ziv phax tir thêir moz Covid-19 iz zav li: Tsi so chox ntâuz bos kror ndâux, muôz xaz phôngx nzuôr têk lol sik muôz cuô đêx yuôx nzuôr têk chiê paz txo grêk tsơưs têx lênhx nênhs trâul moz iz cxiê zav moz li: Moz poz kror ndâux têk tơư, moz kruô tâuv li têx shông uô ntêx. Chênhr viv li hâur ntu nhiv no, zov chênhr đuô hur si zos yênhx lênhx nênhs, chuôz zis thiêz côngv thôngx tsuv gra siêz tsưr ziv vêv xênhz lênhx nênhs hur si, tênhx qơư nox nhoz chiê phax tir thêir têx moz lok cêr uô pa thiêz tsi so vêv xênhz lênhx nênhs, vax tsêr, chox ntâuz bos kror ndâux thâuv muk uô hâux lưv uz no saz đrâuv jôngr thiêz iz tus nhoz kuôk đêz iz tus muôx 2 thiêr thâuv siz chuôs njiz, thav pêv, heik lul đros luôs lưv tus.....

Lok sâuv têx moz plaz điêk hâu, heik tsôngv px sđ tsuv nox siêr hâuk bâu, tsi so qêz suô, tu têx vax tsêr, qơư nhoz cov hur si đu lus hâur niêx hnuz, thâuv pư sđ tsuv đei vix tsav tsi trâul zôngr tov, tsik cik tâu caz moz, iz ndis têx vax tsêr tsi chiê muôx têx đêx tênhr lok sik chuôz zênhx uz no ntiv đêx tsês chiê uô qơư trâu zôngr, caz vêiv nhoz gâuv, huôv xênhz.

Nhạc cắt

Thâuv txos cheix ntux cuz sor, sđ muôx têx njiz trâul têx li: Kâus yar ntux cuz sor, trâul tuôs tiv cuz sor hênhr, qir tiv phênhv ntâu zos tir yar ntux cuz ntêr lok sik uô hâux lưv hâur têx qơư yar ntux cuz sor hênhr..... Têx lênhx zôngx ziv trâul têx li heik sâuv zos: Nênhs lâuk, nhuôv zâu, chor pox niêv xênhz tuz ci hâur chêr, têx lênhx uô hâux lưv, cơưv shâuv uz no nhoz tir yar cuz ntêr đrâuv têx yar tiêx lok sik hâur qơư cuz sor, chor nênhs trâul moz têx moz txơưr đuô uz no...., khênhr njiz trâul têx li: gênhs, nkrik đêx, tsâuk muôs, plơưr đhiê sei, trâul tu lênhs...., thiêz hnhar đuô zos moz tâuz hâu hênhr, uô tsi yuô tâuk pa, xar ntuôr lok sik ntuôr, tus nênhs tsi muôx đas jos, nzâus  lok sik tuôs iz saz chêr, trâul lôngx tsi hnor kaz thiêz muôx têx trâul tuôs. Thâuv njiz trâul têx li heik co, sđ tsuv zênhx max chox lênhx nênhs ntơư muk nhoz trâu têx qơư lax, nzôngr nzông, hlê iz cxiê trik yo saz đrâuv muk zos tus nênhs ntơư hnar ntâu trik yo, đhâu co uô li chas cov tus nênhs moz iz chêr lax, zos hâuk tâu đêx mak muôz đêx trâu hâuk, jông đuô hur si zos muôz chor đêx cxaz nzir njêr lok sik tsơưr khoar li: Oresol trâu hâuk lơưr heik kriê. Zos lênhx nênhs moz co moz hnhar, tsuv zênhx max chox muk chuôs cưk yuôx./.

                 (TTKSBT tỉnh Vinhx Phúc-Riê Lâux cxeik, nhênhv)