Txuz lênhx nxeik nênhs Cho trâus nziês đas chox muk muôs trâu Trung Quốc: “Cur cux tsik jông siêz”

          Nus: Trơưk li VOV tưz heik tơưv hâur têx jax sâu hâur ntu đhâu lok txuz nziês đas muôv muôs lênhx nênhs trâu saz đrâuv têz qơư sâuv thax tsav huyện Sìn Hồ, tỉnh Lai Châu, txos nhiv no tsi tâu uô tsênhz mênhx lok hâux lưv no. Zos chiz coaz hlôngr njêx muôk, tsoz phưz, por vêv qênhx liv huv cêr chei trâu têx hội viên thiêz cux tưz jênhv tâu ntơưr pênhr cxôngx têx lênhx nênhs trâus nziês đas chox muk muôs, zos li Hội liên hiệp pox niêv xar li chas lok vênhv thix no?

          Têz: Đros Hội liên hiệp pox niêv tỉnh li txơưx jênhv, jênhv vưv, thâuv jênhv tâu 3 đeiv ntơưr pênhr cov, pêz tưz xa ntơưr co trâu chiz coaz muôx txơưx jênhv, chiz coaz muôx qênhx. Tiv zix zos pêz tưz xa têx ntâuz ntơưr, ntơưr pênhr co thiêz công văn trâu huyện Sìn Hồ thiêz xa trâu phòng cảnh sát hình sự Công an tỉnh. Pêz cux xar njôngr têx chiz coaz muôx txơưx jênhv thâuv car chêx têx hâux lưv muôx chêx cuk li chas mak taz viv tsuv pov cov trâu pêz chiê pêz pâuz tâu. Lok saz Hội liên hiệp pox niêv mak pêz cux chox kriê Hội liên hiệp pox niêv huyện Sìn Hồ muk seiz nus, pâuz tâu chuôz zis cux xưk li lênhx nênhs trâus chox muk muôs li siêz xar.

          Nus: Zos iz lênhx pox niêv, cox pheiz kênh li chas đros têx pox niêv, tiv zix zos chor pox niêv nhoz Sìn Hồ trâus nziês đas chox muk muôs?

          Têz: Hâur ntơưr pênhr cov, zos chor nxêik muôx 14-15 shông tưz trâus nziês đas chox muk muôs, lok six moz cur siêz thâuv muôx ntâu lênhx pox niêv, muôx têx mê nhuôs tsi tâu hloz tiêr nênhs tưz trâus nziês đas chox muk muôs. Tsi pâuz têx lênhx nênhs fêv co lơưr pok txơưx xar thiêz. Thâuv hâux lưv cur thiêz cur têx mê nhuôs cux lok six hluz têx mê nhuôv nxeik trâus nziês đas chox muk muôs.

          Nus: Lai Châu zos tỉnh tox siêz muôx chôngz tsôngv box mênhx cxưx nhoz uô nênhx. Thor cox puz pâuz qênhx shênhx têx nhuôv nxeik, pox niêv trâus nziês đas chox muk muôs saz đrâuv têz qơưk hâur têx shôngk đhâu sâuv thax tsav zos li chas?

          Têz: Lai Châu zos tỉnh nhoz buôk ntus đriv têk qơư Suôr lok zos Trung Quốc, tsôngv box nhoz thax tsav ntus đriv ntâu viv li qênhx shênhx muôv muôs lênhx nênhs mak cux muôx yưv. Đros thiêz têx mê nhuôv nxeik trâus nziês đas chox muk muôs mak muôx ntâu lik zơưx, tiv zix đros thiêz iz cxiê lênhx mê nhuôv, pox niêv muôx luz nênhx txov nhêv, tiv 2 zos têx chuôz zos niêv txir khênhr siz chêv siz ntâus, tsi muôx mê nhuôs, nhoz uô nênhx buôk ntus đriv zôngx ziv mul lok đhâu ntus đriv, lơưr khênhr mul uô nox uô hâuk, mul zuôr txir, zuôr pox niêv Trung Quốc. Muôx têx lênhx nhiv kruôr hloz tiêr nênhs tsi xar uô hâux lưv, uô lox tôngv, xar uô si xưz mak zôngx ziv trâus nziês đas. Nhiv kruôr đhâu pêz jênhv tâu 3 đeiv ntơưr pênhr cov zos têx pox niêv nhoz xã Phăng Xô Lin huyện SÌn Hồ xa tuôx thiêx li pâuz hâux lưv no muôx yưv cxôngx shông 2008, 2009 txos nhiv no.

          Nus: Zos li thor cox puz pâuz nzir lok tsôngv box, tiv zix zos pox niêv nhoz tox siêz li jênhv pâuz muôx zênhr shar li chas txos hâux lưv trâus nziês đas chox mul muôs trâu Trung Quốc?

          Têz: Pox niêv nhoz tox siêz li jênhv pâuz cux kis. Viv li lơưr tsi xar tiêk zuk trâus nziês đas li ntơưv. Nhiv kruôr đhâu pêz cux tưz tsưr tsix têx huôx tôngv yax mông, vênhv tôngv pêz thiêx pov ntâu lênhx pox niêv tsênhv tsi tâu tâu jênhv pâuz tâu li chas zos muôv muôs, li chas zos nziês đas.

          Nus: Thor cox puz pâuz, đhâu têx txuz hâux lưv li no, hội liên hiệp pox niêv zuôr tsuv chuôz tsar côngz xưv yax mông, heik kriê zaoz zux, chei têz qơưs li chas trâu tsôngv box chiê pox niêv tsi trâus nênhs fêv nziês đas?

          Têz: Pêz tưz tsưr tsix ntâu tsaz yênhx txos têx jêx jos, txos yênhx ziv chuôz zis. Tiv zix zos pêz uô côngz xưv yax mông hâur xênhz huôx hội chiê yax kriê pox nhuôs, hội viên uô li chas chiê chuôz tsar côngz xưv phax tar muôv muôs pox niêv thiêz mê nhuôs zâu. Thiêz tiv zix pêz sik côngv đros têx tsưr tsix phi chinhr phuv, têx tsưr tsix xã hội txơưr tsưr tsix côngz xưv thôngz xor mông. Cxôngx hâur shôngk shông no pêz tsưr tsix 4-5 jiês kriê cxaz thiêz thôngz xor mông nhoz 2 xã huyện Tân Uyên zos Pắc Ta thiêz Chung Đồng. Pêz tsưr tsix thôngz xor mông cxôngx têx huôx tôngv chiê phax tar têx hâux lưv zôngx ziv trâus nziês đas, trâus muôv muôs lok sik mul uô hâux lưv đêz... Thiêz pêz cux heik kriê iz cxiê số tênhv thâuv trâus chox mul muôs mak tsuv ciêr chênhr hu tênhv trâu tiv phaz, taz viv por vêv trâu zuk./.

(PV VOV Tây Bắc- Txâur Vax cxeik nhênhv)

Piêr kriê têz qơưk tsaz yênhx qơư tsov txos lok txo grêk cêr pluôs ntu 2016-2020

Hnuz xiêz 2/9/2016, Thủ tướng chính phủ tưz cir quyết tinhv sôr 1722/QĐ-TTg thôngz đhâu têz qơưk tsaz yênhx qơư tsov txos lok txo grêk cêr pluôs ntu 2016-2020. Tsaz yênhx hnuz no, pêz zuôr tror xa txos sđ mnôngs Quyết tinhv li tsênhv njiêz, đros thiêz têx mông hêik lok sâuv cui tinhv uô tsaz yênhx.

Nus: Cui tinhv uô lơưr têz qơưk tsaz yênhx qơư tsov txos lok txo grêk cêr pluôs ntu 2016-2020 tsênhv tsênhz uô li chas?

Têz: Cui tinhv uô têz qơưk tsaz yênhx qơư tsov txos lok txo grêk cêr pluôs  ntu 2016-2020 uô li đrav kaz:

-Uô lơưr chei, cui tinhv paz tsưr ziv, pênhr trâu têx chuôz zis pluôs, chuôz zis zuôr xar pluôs, chuôz zis nhiv kruôr hla đhâu chuôz zis pluôs thôngz đhâu dưv anr tưz tâu cơ quan muôx vax huôv thôngz đhâu cir khov sâuv tsưr ziv huôv tsar uô nox, ntơưv qơư đêx anr hlôngr yiêz tsưr ziv uô nox; paz têx chuôz zis pluôs, chuôz zis zuôr xar pluôs, chuôz zis nhiv kruôr đhâu chuôz zis pluôs tsuv cir đros dưv anr thôngz đhâu cxuô chuôz zis, côngv thôngx; pênhr uô dưv anr txix têz qơưk nhiêx txiêx, pênhr kêr txeik tsêr nhiêx tsênhv chei XH; pênhr muôz uô uô cê têx tsênhv chei, tsaz yênhx, dưv anr, chuôz zis têx pênhr; sâu thiêz hlôngr hâur côngv thôngx iz phênhv nhiêx txiêx paz max lok sik tsiêx tu zus (txix pênhr txiêx têz qơưk) fiv đros yênhx dưv anr thiêz six hơưv têx lênhx nênhs tâu paz, chiê nthuôr uô đar dưv anr trâu ntâu chuôz zis pluôs, chuôz zis zuôr xar pluôs, chuôz zis nhiv kruôr hla đhâu chuôz zis pluôs txơưr đuô đros uô.

-Uô lơưr cui tinhv đas cir đros têx qơư kriê txux chi tsưr ziv uô hâux lưv, lok sik doanh nghiệp, tsưr tsix lês uô têx hâux lưv têz qơưk chox nênhs lox tôngv muk uô hâux lưv saz đrâuv luôs 2 chas têz qơưk; uô lơưr cui tinhv đas cir đros têx cơ quan ntơưr pov tsir chiê yax kriê Đảng, têz qơưk têx tsênhv chei, cui tinhv lok txo grêk cêr pluôs.

-Uô jông têx chei, cui tinhv trơưk cêr sik thôngx ziv hâur tsaz yênhx têx dưv anr; nhiêk txơưr nhiêk lol sâuv têx phênhv paz thiêz cêr tsov cưv trơưk lênhx nênhs, thax tsav, tsênhv njiêz uô;

-Cxơưz cxiz tsôngv box thiêz côngv thôngx sir jos hla đhâu yeiz pluôs; uô lơưr tsưr ziv buôk ti txo grêk cêr pluôs khov lok côngv thôngx; krêz uô đar thiêz muôz six hơưv chiê chuôz tsar tsôngv box cêr cxaz chuôz đros uô têx hâux lưv hâur tsaz yênhx txix xav tinhv lênhx nênhs tâu sơưv txos trâu cxiv uô tsưr ziv; fuô uô thiêz ntâuk grê têx luôs hâux lưv uô, taz por tsênhz mênhx.....hâur six hơưv uô tsaz yênhx;

-Uô uô cê tsưr ziv uô tsaz yênhx 5 shông thiêz niêx shông đros trâu cxiv uô tsưr ziv huôv tsar kinh tế-XH thiêz niêx shông nhoz cấp xã, muôx têx canr bôv lês car uô đreiv têx hâux lưv sâuv hâur xã, têx tsưr tsix, đoanx thêv thiêz côngv thôngx đros uô. Uô uô cê têx hâux lưv li: Tênhx qơư, pox niêv txir nênhx vax huôv siz luôs, txo grêk tsơưs ntux uô ruôr hiêv thiêz fiv đros ntux têx txơưr txar hâur six hơưv cxiv uô tsưr ziv.;

-Têx bộ, ngênhx thiêz cxuô cấp ntơưv qơư sir zôngv têx tsưr ziv qênhz yuôx shuôs cêr pluôs uô qơư khov xav tinhv tsov cưv yưv pênhr uô hâur tsaz yênhx, muôx uô sik côngv đros têx tsaz yênhx, dưv anr txơưr đuô./.

(Bích Thủy-Riê Lâux cxeik, nhênhv)