Tsu chuz mor- tsôngv box Thái li iz chuôz zênhx zuôr trâus hâur xênhz huôx niêx hnuz

          Tsu chuz mor tâu phênhv ntâu tsôngv box mênhx cxưx tox siêz sir zôngv, hâur co nênhx cxưx Thái li luz tsu tâu zôngv ntông uô. Đros thiêz tsôngv box mênhx cxưx Thái, tsu zos chuôz zênhx zuôr trâus muôx hâur luz nênhx xênhz huôx niêx hnuz, tâu seiz zos mênhx cxưx li iz vênhx huôv jông. Zos muôx jiês tâu tuôx ndis shuôk ntơưv jêx jos nênhs Thái puôr lênhx pov sâuv kror chuz muôx luz tsu chuz mor blâuv lok sik chuz tâuz, jâuz…Niêv lâuk Lò Thị Xiên nhoz xã Chiềng Đen, đrôngs Sơn La puz pâuz:

          “ Cur chuôz zis khênhr zôngv tsu ntông chiê chuz mor blâuv, chuz greix kruôr, njês, tâuz, jâuz…Thâuv chuz li no têx zav nox kaz đuô, mor blâuv mak jôngx đuô, tâuz, jâuz cxuô zav chuz tâu cux njuôz đuô, tuôr tâu tsơưr pưr muôx hâur zav nox”.

          Tsu chuz mor blâuv nênhs Thái khênhr hu zos háy khẩu, tâu zôngv ntông uô, truôx jông tsi tơưk plêz, siêz muôx nhos 2 đok, kaz tsu muôx luz pâu zôngv shôngz hiêz their tsi chiê njiêr cxur pôngz hâur đêx, taz sik taz por siêr mor. Zơưv Cầm Văn Bun nhoz xã Chiềng Đen heik:

          “ Tsu zôngv ntông uô, njuôs xav uô cov chuz tâu 1-2 cir cxur. Cxur tsâu 2,3 six hơưv thiêx li chox mul chuz hâur tsu”.

          Thâuv zôngv tsu chuz mor blâuv lok sik jâuz tâuv cxuô zav khênhr zôngv đros iz chuôz zênhx zôngv tôngx lok sik hlâu cxuôk uô chiê tsâu đêx, luk Thái hu zos mỏ nửng. Gơưv chuôz zênhx no zos chuôz zênhx muôx đros đreiv hâur nênhs Thái li luz nênhx xênhz huôx niêx hnuz. Têx zav nox tâu uô li no nox kaz đuô thâuv hâu hâur đêx. Zos muôx six hơưv tuôx ndis shuôk têx jêx jos tsôngv box mênhx cxưx Thái tâu nox mor blâuv zôngv tsu chuz, zuôr pov mor jôngx thiêz kaz đuô, tsi xưk li mor blâuv nhoz tiêx đras! Sơr đơưs cux tsuv mul ndis shuôk iz cxiê qơư muôv muôs hax huv chiv nhênhv thiêz zuôr trâu zuk iz luz tsu chiê zôngv hâur zuk chuôz zis thiêz./.

( Thanh Thủy- Txâur Vax cxeik nhênhv)

PHÊNHV ĐAS JOS

Grê 23. Cui tinhv taz por ngaz tuk zav nox đros thiêz qơư uô têx zav nox nhôngk.

1.Qơư uô têx zav nox nhôngk tsuv taz por têx li đrav kaz:

a) Taz por têx cui tinhv lok ar têz uô, hâur đêx, qơư tsiv uô chiê uô tâu têx zav nox hur;

b) Uô trơưk chei têz qơưk têx cui tinhv lok sir zôngv zuz nôngz kôngz, tsiêx tu zus; qir zuôv, zav nox trâu tu zus, yuôx por hưv đrox tsuôs, yuôx kho moz, yuôx cxiz cov hloz lox sei, yor sei, por hưv zav nox thiêz têx tsơưr txơưr đuô cik txos ngaz tuk zav nox;

c) Uô lơưr cui tinhv lok qênhz shuôs moz, vêv xênhz têx tsiêx cxu hâur tuô tsênhr lok por hưv tênhx qơư;

d) Uô lơưr xưv lik têx vuôz tsuôz kiêk nênhs trơưk chei têz qơưk cui tinhv lok por hưv tênhx qơư;

đ) Têx cuô đêx nzuôr, yuôx tuô lov caz moz...thâuv sir zôngv tsuv taz por ngaz tuk lok sâuv por hưv tênhx qơư;

e) Tuôr truôx thiêz uô trơưk têx cui tinhv taz por ngaz tuk zav nox, khơưk tsês têx ntâuz ntơưr sâu lok qơư tsiv uô zav nox thiêz têx uz no txơưr đuô lok sâuv hur si six hơưv uô zav nox nhôngk.

2. Bộ trưởng Bộ Kôngz nuv thiêz huôv tsar tox siêz cui tinhv tsênhz mênhx taz por ngaz tuk zav nox đros thiêz qơư uô têx zav nox nhôngk.

Grê 24. Cui tinhv taz por ngaz tuk zav nox đros thiêz qơư zuôr muôs têx zav nox nhôngk.

1. Qơư zuôr muôs zav nox nhôngk tsuv taz por têx li đrav kaz:

a) Uô trơưk têx cui tinhv lok taz por ngaz tuk đros thiêz têx chuôz zênhx, hnaz ntiv, trâu zav nox, cui tinhv lok taz por ngaz tuk hâur por hưv tsês chiê, fax thâux zav nox cui tinhv ntơưv grê 18, 20 thiêz 21 hâur chei no.

b) Taz por thiêz uô vêv xênhz hur si qơư zuôr muôs.

2. Bộ trưởng Bộ Kôngz nuv thiêz huôv tsar tox siêz cui tinhv tsênhz mênhx lok sâuv taz por ngaz tuk zav nox đros thiêz qơư zuôr muôs têx zav nox nhôngk.

(Tuyết Lan-Riê Lâux cxeik, nhênhv)