Txir lok tsuôk lok zos txir caz nzưr hmaz, tsoz chos cxuz cêr yeiz pluôs trâu thax tsav tox siêz Nghệ An

Hâur 2 shông ntâu đhâu, xã Tri Lễ, huyện ntus đriv Quế Phong, tỉnh Nghệ An zos iz ntu lok six ntêr viv cêr yeiz pluôs thiêz pôngz kaz. Hâu nov thiêz tsôngv box nhoz no cux tưz zok nriêr cxuô faz tsưr ziv huôv tsar uô, taz sik tsôngv px hâur thax tsav no cux tsênhv six pluôs thiêz txov nhêv li ntơư. Txix thâuv muôz têx tsoz txir lol tsuôk lok zos txir caz nzưr hmaz, Choz Tsiz hu uô txir chanh leo chox lok chos chiê trâu têx liêx têz ar uô tsi jông kôngz; txix ntơư tưz krêz hlo iz hâur cêr yiêz trâu thax tsav no huôv tsar uô nox uô hnar. Cux txix ntơư, zơưv Lương Văn Thiết, nhoz jok Yên Sơn, xã Tri Lễ thiêx pâuz kir txeik nhiêx yênhx puô tsov đeiv chiê krêz phaz chos 4 ha têz txir lok tsuôk lol zos txir caz nzưr hmaz, muôz hâux lưv uô trâu tsôngv box sđ  hâur jok. Zơưv Lương Văn Thiết nhoz jok Yên Sơn, xã Tri Lễ, Quế Phong, Nghệ An heik pâuz:

“ Têx tsoz txir caz nzưr hmaz no nưk nziv thiêz chos tâu trâu thax tsav no viv li cur tưz yưv pênhr tuôx no chiê huôv uô nox, chiê muôz hâux lưv uô trâu tsôngv box sđ nhoz suôv qơư no”.

Luôs hâux lưv gra têx txir caz nzưr hmaz lok zos txir lok tsuôk chox lok chos trâu thax tsav no, tsi tiêk iz, oz hnuz txơưv uô tâu. Xuz thơưx, huyện Quế Phong uô siv trâu ntơưv 20 chuôz zis nhoz têx jok Yên Sơn, jok Đ1 thiêz jok Xan. Huyện sir jos chox kriê chos, vênhv tôngv têx doanh nghiệp thiêz canr bôv muôx tsưr ziv uô paz kriê tsưr ziv chos thiêz tu trâu tsôngv box. Viv li txix ciês chiv xuz thơưx sâu đê têx txir tâu 17-18 tênhr iz ha. Zơưv Lữ Đình Thi, Bí thư huyện ủy Quế Phong heik pâuz:

“Iz chas têx hâux lưv, tsưr ziv paz txix T.Ư têx cui tinhv, tsênhv chei đhâu Chính phủ Nghị quyết 30A mak tỉnh ủy, HĐND, UBND tỉnh tso tơưv iz cxiê nghị quyết, tsưr ziv, tsênhv chei paz trâu tsoz chos txir caz nzưr hmaz no cov tsôngv pox nhuôs uô tâu trơưk têk, iz zav paz têx ziv chuôz zis pluôs 100% zuz thiêz 70% lok sâuv têx qir, yuôx…chiê chos, tu têx txir caz nzưr hmaz lok zos txir lok tsuôk no, iz chas ntơư têx chuôz zis zuôr xar pluôs mak paz 50%”.

Tỉnh Nghệ An tưz muôx tsưr ziv zuôr tsoz chos caz nzưr hmaz uô tsoz chos chiê cxuz cêr yeiz pluôs trâu têx huyện tox siêz; viv li tưz sir jos chêx tsôngk paz txix fuô kriê txos trâu yưv pênhr paz li: cxiv tsa tsêr meir tsiv uô, por hưv thiêz sâu zuôr têx txir caz nzưr hmaz, hux jos đros viện Khoa học kỹ thuật kôngz nuv Bắc Trung bộ thiêz Công ty yưv pênhr huôv tsar kôngz nuv cxiv uô qơư uô têx zuz txir  côngz trâu tsôngv box ntơưv qơư chos. Txix ntơư, yênhx puô lênhx tsôngv box ntơưv qơư tưz muôx hâux lưv uô, phênhv sâu tâu truôx. Tix lâus Vi Văn Sơn, nhoz jok Xan, xã Tri Lễ, Quế Phong, Nghệ An heik:

“Đrav ntêx mak cur hâux lưv uô chênhr zos muk hâur har jôngr txiêr tơưk, zok njuôs lok muôs, nhiv no cur tưz muôx hâux lưv uô truôx. Niêx hli cur muôx phênhv sâu tâu truôx tuk  thiêz têx nuv uô cux tsi yuô hnhar”.

Trơưk li têx lênhx nhênhz chơưv kôngz nuv, iz ha txir caz nzưr hmaz lok zos txir lok tsuôk li heik sâuv chos ntơưv Quế  Phong mak sâu đê tâu txix 65 txos 70 tênhr txir. Zos uô jông tu, seiz shuôs njôngr, muôx têx jiês tsênhv sâu đê tâu ntâu đuô thiêz. Grê muôs têx txiz caz nzưr hmaz ntơư nhiv no zos 10 cxênhz đeiv iz cir, xưk li nhiv no mak iz ha muôx têx sâu tâu lok txix 320 tsov đeiv, yưx hur tiz si têx nhiêx ntiêr nênhs uô, nênhs đê….têx tas, lênhx nênhs chos zav txir no sâu tâu liv muôx 200 txos 250 tsov đeiv iz shông. Zơưv Lương Thanh Hải, Tsar Ban mênhx cxưx tỉnh Nghệ An heik:

“Hâur six hơưv jê lok no, tỉnh Nghệ An tưz muôx têx tsưr ziv nhênhz chơưv thiêz tưz gra iz cxiê zuz nôngz kôngz yiêz muôx grêk kinh tế siêz lok trâu tsôngv box sđ nhoz thax tsav no chos, iz zav li têx txir caz nzưr hmaz heik sâuv ntơưv Quế Phong, txir thênhx caz V2 nhoz Quỳ Hợp, têx tsoz chos uô yuôx ntơưv Kỳ Sơn, Tương Dương…. Tsuv  heik, têx tsưr ziv yưv pênhr uô ntơư tưz paz lok six jông trâu tsôngv box, paz gra siêz luz nênhx nox nhoz, paz cxuz cêr yeiz pluôs truôx vênhk”.

Thax tsav qơư 20 shông tso tsês tsik tsêz chos zênhz, txos nhiv no tưz zok nriêr tâu hâu cêr muk, paz tsôngv box sđ hla đhâu yeiz pluôs thiêz ntâu ziv chuôz zis tưz sir jos huôv tsar uô bluô nux. Tri Lễ zos xã ntus đriv, thâuv Tri Lễ huôv tsar mak cux xưk li thax tsav ntus đriv no thâuv tưs cux tâu tsưx phưv jông thiêz truôx tuk./.

(TTT-Riê Lâux cxeik, nhênhv)

Tsôngv box thiêz fongx zưs hmor yuô! Phênhv phax tar zax zênhz ciêz no, pêz tror xa trâu sơưr đơưk mnôngs jax sâu: “Txix iz đêx anr txos hlôngr yiêz iz thax tsav” thiêz grê 31, 32, 33 hâur chêi phax tar zax zênhz.

Nhạc cắt

Txix iz đêx anr txos hlôngr yiêz iz thax tsav

Tsôngv box thiêz fôngx zưs hmor yuô! Đros qênhx shênhx phamv cxâuv thiêz txiêz nanv zax zênhz txơưr txar phiv liv, uô muôx yưv têx tsik jông, câpz uyv, chinhr quyênx chor tiv phaz nhoz Sơn La tưz sir jos uô đros tsưr ziv cxuô tâu zax zênhz, iz thênhv jux juk paz muôx luz nênhx jông trâu pêx xênhv. Hâur phênhv “Phax tar zazz zênhz” ciêz no PV Thu Thuyx tror xa trâu sơưr đơưk mnôngs jax sâu: “Txix iz đêx anr txos hlôngr yiêz iz thax tsav” đhâu Lik Thox cxêik nhênhv, zâuv sơưr đơưk đros mnôngs:

Đros qênhx shênhx phamv cxâuv lok zax zênhz nhoz Huôiv Môtv txơưr txar phiv li ntâu txos pêx xênhv luz nênhx, Ban thươngx vuv huyênv uyv Sông Mar tưz cơưv, cuêz tênhv tso tơưv Nghiv cuêz chuyên đêx hnuz 4/5/2012 lok chuôz cxaz côngz xưv cxiv tsa Đangv, uô truôx jông cxiv luôs chinhr triv thiêz tsav txênhz txo grêk zax zênhz ntơưv no; thôngx cxix muôz trâu tinhv sêiz shuôk Đêx anr hlôngr yiêz thax tsav Huôiv Môtv ntu 2012-2017. Phưv bir thu Huyênv uyv Sông Mar Hoangx thiv Đôi puz pâuz:

Băng: “Pêz xav jênhv tsuv phuôx huiz tas nro cxiv luôs chinhr triv li đas jos, tiv zix zos cxuô cxênhx pêx xênhv li têx paz thôngx ziv. Uô ntêx thâuv zuôr uô đêx anr, pêz hêik Đangv uyv, Uyv ban xar muôx tsưr ziv tsênhv tsênhz chiê uô. Đêx ar jêx jok mak chi bôv jêx jok cux tsuv muôx nghiv cuêz chiê lênhx tov jêx jok uô”.

Tsik tsơưs phiv liv, taz sik txix sir jos hâur yêx kriê, vênhv tôngv đros tsưr ziv “Uô jux juk sơưr đơưk zuôr pâuz”; txix txơưx uô hâur cxuô tsưr ziv, xưk li tso têx tsênhv njiêz phax tar zax zênhz trâu hâur chêix jêx jok; xưv bluô hnhar chor nênhs sir zôngv zax zênhz lok sik tror chos tsoz zax zênhz…đhâu 4 shông kriz uô Đêx anr, Huôiv Môtv tưz hlôngr yiêz jux juk. Bir thu Đangv uyv xar Lox Văn long shir phaz puz pâuz:

Băng: “Xar Huôiv Môtv nhiv no muôx 25 Chi bôv, 240 ntâu lênhx Đangv viên. Xar xav jênhv phuôx huiz chor Chi bôv li txơưx jênhv, pưk txux, tiv zix zos chor đangv viên. Iz lênhx đangv viên tsuv zos nênhs yax kriê, muk yênhx qơư, txos yênhx chuôz zis chiê yax kriê, vênhv tôngv trâu pêx xênhv pâuz tâu zax zênhz li têx uô hiêv; hêik pêx xênhv phax tar zax zênhz, hlôngr yiêz uô nox uô hâuk chiê iz thênhv jux juk truôx tuk luz nêhx”./.

(VOVTB-Lik Thox cxêik nhênhv)

Nhạc cắt

Yôngx 4:

CHIV ZÊNHK ZAX ZÊNHZ

Grê 31:

Têz qơưk sir zôngv tsưr ziv chiv zênhk zax zênhz huv đros trâu nênhs muôx zênhk zax zênhz zos nênhs tsênhv trâus cxov cơư, nênhs phamv cxâuv trâus cơư, nênhs hâur qơư zoz zux, shux xênhz tsêr cơưv zoz zux. Cơ quan sêiz car chor qơư no sik côngv truôx đros cơ quan y têr tiv phaz chiê uô cuiz tênhv no.

Grê 32:

1. Hâur qơư chiv zênhk zax zênhz, chor nênhs muôx zênhk zax zênhz đrav kaz no tsuv tâu chiê nưk nhoz nưuk iz kror qơư chiê sêiz car thiêz kho moz:

a) Nênhs tsik tâu yênhx nênhs;

b) Pox niêv;

c) Nênhs muôx moz siz cik phiv liv;

d) Nênhs tưz chiv zênhk zax zênhz ntâu jiês lok sik uô phiv liv txos ngaz tuk.

2. Qơư chiv zênhk zax zênhz muôx txơưx jênhv uô huv lơưr tsưr ziv chiv zênhk zax zênhz tưz tâu cơ quan muôx qênhx xav jênhv; tsưr tsix lox tôngv, xơưv shâuv, kho moz trâu nênhs chiv zênhk zax zênhz.

Grê 33:

Nênhs tưz chiv zênhk zax zênhz tâu chinhr quyênx tiv phaz, chuôz zis thiêz chor tsưr tsix tok jênhv, paz tsar tov cơưv nghêx, nriêr hâux lưv uô, txêik pênhr, cxaz chuôz chor huôx tôngv xar hôiv chiê uô nênhx đros côngv thôngx./.

(Hà Phương-Lik Thox cxêik nhênhv)