Lào Cai: Jok Hmôngz nhoz tox siêz hlôngr yiêz

Kror xuz thơưx uô trâu sđ seiz njiê pov jông thâuv tuôx txos tsôngv box Hmôngz nhoz tox siêz zos, iz chas têx luz tsêr ar thâuv ntêx tsênhv muôx nzir têx luz tsêr yiêz cxiv uô puôz xi măng, xuôz jêz lok six jông jav thiêz. Viv zos thax tsav tox siêz, khênhr no njiv, huôz pok niêz, viv li phênhv ntâu chuôz zis tưs cux muôx qơư cơư têx tsiêx, ziv tưs muôx tsơưs mak 2, 3 tus, chuôz zis tưs muôx ntâu, ndê txos 10 ntâu tus.... Cêr yeiz pluôs, txov nhêv tưz jux juk tâu txo grêk, iz luz nênhx hlôngr yiêz, jông đuô tưz pov muôx nhoz thax tsav tox siêz no. Zơưv Páo Xênhv Shôngx, nhoz hâur jok heik pâuz:“Thâuv ntêx lok six txov nhêv cơưk, nhiv no tưz nhoz khênhr đuô, tsi yuô txov lơưv. Luz nênhx hlôngr yiêz li no tsôngv box sđ lok six shir phaz”.

Shông 2017, BCH Đảng bộ huyện Bát Xát dưv anr tu zus nênhk muôs trâu tuz luôv ciêz đrôngl tưz “Cxơưz cxiz hlôngr yiêz tsưr ziv huôv tsar uô cêr uô nox”, tâu fuô uô hâur thax tsav xã Ngải Thầu, hâur co moz siêz txos têx hluôk nênhs nhoz jêx jok txov nhêv hâur xã, txix ntơư tưz paz tâu trâu tsôngv box muôx six hơưv, hnuz nhôngs hlôngr yiêz siêz luz nênhx nox nhoz. Tix lâus Đruôl Xênhv Shôngx, iz chuôz zis px đros uô dưv anr heik pâuz:“Thâuv ntêx tsuôk zos uô liêx têz xưz, nhiv no zus nzir nênhk, zôngx ziv tu zus đuô pir li zus nhux tưv, nênhk tir tâuk no thiêz hloz lox jông đuô”.

Têx chuôz zis đros uô dưv anr hâur jok xuz thơưx uô tâu trơưk tsưr ziv, siêz xar, thâuv tưs tưz muôx cêr sik thôngx siêz jông, siz paz, siz pheiz kênh nôngz tsiêx tu zus, sik heik kriê tsưr ziv huôv tsar uô nox trâu têx chuôz zis txơưr đuô hâur jok, chiê siz paz sik đros huôv tsar luz nênhx. Tix lâus Lùng Xênhv Shôngx, Bí thư đoanx xã Ngải Thầu heik pâuz: Hâu nov ntơưv qơư xuz thơưx xeir thiêz choz nôngz nênhk trâu têx chuôz zis muôx hluôk nênhs tu zus, txix ntơư huôv tsar uô jux juk txos têx chuôz zis txơưr đuô.“Têx nôngz nênhk txix chor chuôz zis tưz zus zuôr tsov cưv muôz trâu têx hluôk nênhs, tsôngv box zus uô ntêx, tov kaz mav muôs trâu saz đrâuv”.

Txix đêx anr tu zus nênhk hax huv, txos nhiv no jok Ngải Thầu Thượng tưz huôv tsar zus vav txos 50 tus nênhk, hâur hur si 500 ntâu tuk tưv, nênhk thiêz yis. Viv tiêk thax tsav tox siêz, khênhr no njiv, nhoz no uô tsi tâu blêx, mak tsuôk chos tâu mê njik poz cưk iz chiv xưz, viv li ntâu chuôz zis tsôngv box tưz bax tsưr ziv muôz têx nôngz cưk yiêz, sâu tâu nju lok chos, cê taz por đros luôs lưv tuk muôx nox cê phưx ưv huôv tsar tu zus tsiêx. Nhiv no, tsôngv box tsênhv muôz têx yuôx đrox njuôz lok chos, li: Txir hơưk, txir tuôz ziz....chiê muôx cxaz phênhv sâu tâu.

Txix Đảng, têz qơưk cêr moz siêz yưv pênhr paz, hâu nov ntơưv qơư thiêz chênhr tsôngv box sđ têx sir jos. Nhiv no hâur 70 chuôz zis nhoz jok Ngải Thầu Thượng tsuôk yuôr 20 chuôz zis pluôs thiêz zuôr xar pluôs xưz. Hlôngr yiêz tsôngv box txux chi tsưr ziv jênhv pâuz hâur huôv tsar uô nox, luz nênhx xênhz huôx zos têx zov chênhr chiê uô tâu jông luôs hâux lưv cxuz cêr yeiz pluôs nhoz jok Ngải Thầu Thượng, suôv qơư muôx jok Hmôngz uô nênhx nhoz tox siêz đêz đrôngs. Iz luz nênhx huôv tsar thiêz vav mênhx nhoz thax tsav tox siêz no zos khov Đảng, têz qơưk têx cêr moz siêz yưv pênhr paz thiêz chênhr tsôngv box heir nênhs tsơưs nhoz no têx sir jos hla đhâu txov nhêv./.

                                 (VOV1-Riê Lâux cxeik, nhênhv)