Jax sâu thưr 5.13.10.2016:

LUZ NÊNHX TSÂU SOR SÂUV TÊX TRÔNGZ CUIV FIX

          Zơưv Triệu Tiến Bảo chuôz zis nhoz jos Khe Lợ, xã Viễn Sơn muôx 20 hecta tsoz ciêv fix. Thâuv têx tuz cxêik mul zuôr txir, zuôr pox niêv tas, lơưr mênhx cxưx Cho li phongz cxưx, zơưv Bảo pheiz trâu têx mê nhuôs cxôngx 2 txos 3 hecta chiê uô pênhr. Nhiv no zơưv Bảo oz niêv txir yuôr 5 hecta ciêv fix. Tsi taz tsoz phưz thiêz sâu ciêv fix, zơưv chuôz zis tsênhv sâu zuôr pox nhuôs hâur jos, hâur xã li ciêv fix. Grê muôs ngaz tul viv li têx shôngk jê ntơưv no, chuôz zis cux muôx phênhv sâu zuôr xar 200 tsov đeiv. Zơưv Triệu Tiến Bảo heik:

          “ Tsoz ciêv fix chox lol chêx cuk kinh tế siêz, tưz yênhx phongz yaox, chuôz zis tưs, lênhx nênhs tưs cux chos ciêv fix. Tsoz ciêv fix reik đros pox nhuôs li luz nênhx, thâuv sâu lơưv tror chos cxaz. Chos cuiv fix muôx phênhv sâu ngaz tul viv li pox nhuôs muôx luz nênhx tsâu sor”.

          Ntâu shông tov ntêx, tsoz ciêv fix tâu chos tsi chêx chôngk, muôx oz pêz ziv nhoz Văn Yên chos xưz. Txos thâuv hnor mông tiêk hloz Hôx pôngz lơưv, chiê ndo txos Hloz li têx côngz lox, pox nhuôs tsôngv box têx mênhx cxưx, tiv zix zos mênhx cxưx Cho nhoz huyện Văn Yên tưz chos têx trôngz ciêv fix ndo txos zơưv côngz Hôx. Cxôngx co, phongz yaox chos cuiv fix ziv hnuz ziv phuôv tsar, tsoz ciêv fix yênhx tsoz chos tsênhv hâur phuôv tsar kinh tế tiv phaz heik cxuô, hâur yênhx ziv chuôz zis heik taz. Pos Đặng Kim Thanh, nhoz jos 1, xã Đại Sơn, huyện Văn Yên heik:

          “ Thâuv ntêx cur chuôz zis txov nhêv hênhr, uô liêx xưz, cxôngx thâuv tâu vênhv tôngv chos ciêv fix mak chuôz zis cux chos 5, 6 hecta ciêv fix. Cxôngx 5, 6 shông tror lol no mul mul sâu ciêv fix cxôngx co kinh tế chuôz zis cux jông đuô tuôx, zuôr tâu chuôz zênhx trâu chuôz zis, tsoz phưz mê nhuôs mul cơưv ntơưr, zuôr tâu yêz mul lol”.

          Têx shôngk đhâu, huyện Văn Yên thâuv tưs cux xav tênhv, tsoz ciêv fix zos tsoz chos tsênhv hâur phuôv tsar kinh tế. Têx xã: Đại Sơn, Viễn Sơn, Mỏ Vàng, Xuân Tầm, Châu Quế Hạ, Phong Dụ Hạ, Phong Dụ Thượng thiêz Tân Hợp zos têx thax tsav chos cuiv fix ntâu tiv zix hâur huyện.

          Chiê paz max tsôngv box chos ciêv fix tuôr truôx mênhv chêx thiêz muôz siêz tsơưr lươngv xiv huv, huyện Văn Yên tưz paz pox nhuôs nôngz tsoz chos, uô uô cê đros iz cxiê tsaz yênhx dự án chiê paz max tsôngv box tsoz phưz thiêz sâu cuiv fix. Tiv zix niêx shông hâur tsưr ziv chos jôngr nhoz huyện, mênhv chêx chos ciêv fix thâuv tưs cux tsav 80% ntâu. Zơưv Hoàng Văn Minh, phưv chủ tịch UB xã Đại Sơn, huyện Văn Yên heik:

          “ Chính quyênx tiv phaz tưz phuôx tôngv tas nro tsôngv box chos ciêv fix. Nhoz Đại Sơn tsôngv box mênhx cxưx Cho tsav 70% thâuv ntêx txov nhêv lok six ntâu, tsav 50% ntâu. Txos nhiv no chor ziv chuôz zis pluôs tưz txu grês ntâu khov chos ciêv fix. Nhiv no nhoz Đại Sơn pêz muôx 100% chuôz zis chos ciêv fix”.

          Nhiv no, Văn Yên zos tiv phaz muôx thax tsav chos ciêv fix ntâu tiv zix hâur têz qơưk đros mênhv chêx zos 40 cxênhz hecta ntâu, tsav 70% tas nro tỉnh Yên Bái li yar lengx, niêx shông chox lol phênhv sâu 400 tỷ đeiv ntâu trâu pox nhuôs nôngx mênhx. Shông 2011, tsoz ciêv fix Văn Yên tưz tâu Cục sở hữu trí tuệ- Bộ khoa học công nghệ cungz ntơưr por hưv ar têz, zos qơư chiê phuôx huiz chos ciêv fix nhoz no. Zơưv Vũ Quang Hải, chủ tịch UB huyện Văn Yên, tỉnh Yên Bái puz pâuz:

          “ Tsoz ciêv fix chox lol chêx cuk kinh tế lok six siêz. Pêz tsênhv tror krêz đar mênhv chêx, cxiv tsa bê ciêv fix Văn Yên. Tsiv uô tâu tơưr ciêv fix nto bê, tiv 2 zos tsiv uô xiv huv taz por niêv ciêz li zoz qơưx, tiv 3 zos ntông ciêv fix mak têx doanh nghiệp tsiv uô txiêk, ntông ntơưv tiv phaz muôs tơưv đrâuv luôk oz chas têz qơưk”.

          Têx trôngz ciêv fix Ndo txos zơưv côngz Hôx ziv hnuz ziv njuôz jông sâuv tox siêz Văn Yên, tsi taz paz pox nhuôs txu yeiz cxuôv pluôs mak tsênhv uô bluô nux. Thôngx cxix paz por vêv tênhx qơư jôngr ntông. Oz shôngk jê ntơưv no, huyện Văn Yên tsi so tsưr tsix têx ntênhs phêv cuiv fix chiê heik kriê xiv huv cuiv fix Văn Yên txos cxuô lênhx nênhs hâur têz qơưk thiêz sâuv ntiêx têz. Ntênhs phêv ciêv fix huyện Văn Yên shông no tsưr tsix hâur 2 hnuz hnuz xiêz 7 txos xiêz 8/10 đros ntâu huôx tôngv jông, zaz zâuv chôngz tsôngv box tuôx cxaz chuôz./.

(Đinh Tuấn- Txâur Vax cxeik nhênhv)

Phênhv thưr 5 hnuz 13/10/2016

Bí thư đoanx xar pâuz huôv tsar cêr uô nox nhoz tinhv Hoax Binhx

Cơưv tiêr cao đẳng kinh têr kôngz nuv, shông 2006, tix lâus Bùi Văn Tươi lok uô canr bôv sêiz car zoz thôngz, đêx liv thiêz kôngz nuv, uô bí thư Đoanx xar Dũng Phong. Shông 2007, huyênv Cao Phong muôx dưv anr chos txir cam thiêz bưởi diễn. Tâu cxuô câpz chinhr quyênx paz, tix lâus sir jos txêik pênhr yeuv hlôngr yiêz 1 ha thax tsav vax chiê chos 120 tsoz txir bưởi. đhâu 3 shông tsoz phưz, txir bưởi paz muôx phênhv sâu shông xuz thơưx 30 triệu đêiv, chor shông tov kaz no, tix lâus Tươi li vax txir bưởi sâu tâu txix 100 txos 150 triệu đêiv. Muôx nzir phênhv pênhr kriz đar uô xênhz yar, shông 2012, tix lâus chos nzir 1 ha đros muôx 1.000 ntâu tsoz txir cam lơưr ploz tsênhr VietGAP. Sir zôngv chor kỹ thuật tsoz phưz njuôz, hur, tix lâus Tươi yưv pênhr uô qơư zưs đêx zâu, shông xuz thơưx paz muôx phênhv sâu 200 triệu đêiv, paz muôx hâux lưv uô trâu 15 lênhx nênhs hâur chêix thiêz 5 lênhx nênhs lox tôngv tsik so; njuôk xav shông 2016, vax txir cam zuôr sâu tâu 500 triệu đêiv. Tix lâus Bùi Văn Tươi hêik:

 “Chos chor txir n mak tsuv muôx kỹ thuật siêz. Đros chor tsưr ziv muôx tâu thâuv tsênhv cơưv ntơưv tsêr cơưv, cur tsênhv tsuv muk nriêr pâuz, cơưv shâuv nzir txix chor nênhs chos yênhx côngz hâur hâux lưv chos chor zav txir nox paz muôx tâu chêx cur siêz. Đros co tâu chinhr quyền tiv phaz tsov cưv txos, kriz lớp kriê nghêx thiêz tsưr ziv chos txir cam. Đros têx zuk tưz pâuz mak sir jos paz muôx tâu chêx cur kinh têr trâu chuôz zis”.

Đros huôv tsar kinh têr ziv chuôz zis, đhâu qênhx shênhx uô xênhz yar, tix lâus Bùi Văn Tươi jênhv pâuz têx kror uô tsik tâu tâu hâur pox nhuôs uô xênhz yar zos uô tsơưs, xêir tsov zuz nôngz tsoz chos tsik siz xưk; chor yuôx por vêv đrox tsuôs, chuôz zêhx kôngz nuv gri siêz, zuôr tâu hax huv chuôr, tsik taz por tsơưr lươngv…Chiê cêir chêx têx phiv liv, shông 2011 tix lâus sơưr hêik yênhx lix Hợp tác xar div vuv kôngz nuv xar Dũng Phong đros 39 lênhx nênhs, hâur co 90% ntâu zos hluôk nênhs. Hưpj tác xar sik côngv đros Công ty kriz uô côngz trinhx đêx liv Hoax Binhx chi nhanhs Cao Phong đros sêiz car thiêz tso tas nro trâu cxiv luôs đêx zưs hâur xar, paz muôx hâux lưv uô, chuôz ndê phênhv sâu trâu chor nênhs hâur hợp tác xar shông 2014, tas nro phênhv sâu txix chor div vuv Hợp tác xar tax tâu 566 triệu đêiv, txos shông 2015 chuôz ndê ntâu đuô oz jiês muôx 1,1 tỷ đêiv…Hêik lok Buix Văn Tươi, tix lâus Nguyễn Văn Đoàn, Bí thư huyện đoàn Cao Phong puz pâuz:

 “Tươi muôx tsưr ziv chos txir lok six muôx chêx cur, paz muôx hâux ưv uô trâu yênhx châuv lênhx nênhs hâur xar, đros phênhv sâu truôx. Zos nênhs sir jos hâur uô hâux lưv, cux xưk li chor phongz yaox huôv tsar kinh tế nhoz tiv phaz. Hợp tác xar tix lâus Tươi uô chủ nhiệm tưz uô tâu muôx chêx cur, paz trâu pox nhuôs tâu hêik pâuz thiêz chos têx tsoz chos muôx gri hâur kôngz nuv”.

Đros chêx cur tax tâu shông 2016, tix lâus Bùi Văn Tươi tâu Trung ương đoax muôz côngz kruôk, zos lênhx hluôk nênhs pâuz huôv tsar cêr uô nox./.

(TTT-Lik Thox cxêik nhênhv)