Cuô txoz caz liêz thiêz cuô txoz njêk: Nênhs Thái Sơn La li zav nox kaz

          Chiê uô tâu zav nox kaz no caz liêz zos coaz tsôngv tiv zix, chor caz no mê, đuz thiêz khênhr nhoz hâur têx pas, têx qơư tênhr đêx. Thâuv txos cheix lol nas hli 6 txos hli 7 zênhz lix niêx shông mak muôx ntâu. Nhoz têx pas đêx, têx qơư tênhr đêx nas zuôr pov muôx ntâu zav caz no. Pox nhuôs mul muôz lol chiê uô cuô txoz. Shông tưs lol nas ntâu thiêx li muôx, têx shông tsi yuô lol nas mak tsi muôx. Caz liêz chox lol nzuôr cov hur, thâuv tưs xâuk tas đêx muôz njêr trâu thiêz vâuv hâur huz. Pos Quàng Thị Cương, nhoz Bản Lấu, phường Chiềng Lề, Thành phố Sơn La, tỉnh Sơn La, zos lênhx nênhs khênhr uô zav nox no puz pâuz: trâu njêr cux tsuv trâu cov huv, tsi trâu ntâu uô cuô txoz đơư njêr, trâu tsơưs mak caz liêz tsi siêr:

          “ Thâuv trâu njêr tsuv vâuv tsơưs tiv zix 20 txos 1 luz hlik, muôx têx qơư pox nhuôs muôz cuô txoz shơư ciês chiê tsơưs hnuz txơưv noz tâu, taz sik uô li co tsi kaz. Thâuv trâu njêr tsuv trâu cov huv, trâu ntâu mak đơư njêr, trâu tsơưs mak cuô txoz zuôr trâus kâuz. Chungz fênhx iz cir caz liêz zuk zôngv cxôngx 2 txos 2,5 las njêr txơưv huv đros”.

          Chiê uô tâu cuô txoz kaz, tsuv muôx hor txoz, kêx, chơưr. Caz liêz thâuv tưz tâu trâu njêr chiê vâuv 20 hnuz txos 1 luz hlik mak chox lol shơư đros hor txoz, kêx, chơưr. Hor txoz tsuv xeir têx luz siêr liêz chox mul râuz, thâuv siêr muôk mak đâus lol cov txiês, jov cov mos, kêx mak têr flâuz tas muôz tsông thiêz muôz sik shơư uô cê đros cuô txoz, caz liêz, tso mê njik chơưr thiêz đo cov jông, muôz tso hâur huz vor hâu cov ntuv muôs nhos 10 hnuz txơưv nox tâu. Pos Quàng Thị Cương puz pâuz cxaz:

          “ Cuô txoz caz liêz nox tâu hâur yênhx shông, vor hâu ntuv. Thâuv nox mak muôz tso mê njik mix chinhr txơưv nox tâu. Cuô txoz caz liêz zôngv chiê njư njuôs hâu, greix hâu, jâuz nhôngs. Lok sik tsông luz kê đo đros râuz nox lok six kaz”.

          Thâux nox cuô txoz caz liêz, cuô txoz liêz jông, tsư kaz. Lok six jông nox đros mor blâuv, têx zav njuôs nhoz thax tsav Tây Bắc. Cux xưk li ntâu zav cuô njư txơưr, thâuv ntêx tsôngv box Thái uô cuô txoz caz liêz chiê tsês tâu ntêr nox yênhx shông. Nhiv no, zav cuô njư no tưz yênhx nênhs Thái li zav nox chiê tos tiêv kruô, nox hâur têx hnuz lov jêv. Tsi taz li ntơưv, zav cuô njư no tưz yênhx zav nox nto bê chiê phưx vưv tsôngv box tuôx ndis shuôk têz qơưk. Tix lâuk Trần Thành, iz lênhx kruô nhoz Hà Nội tuôx Sơn La puz pâuz:

          “ Jiês xuz thơưx tâu nox zav cuô njư no cur lok six nhiêv, zav nox no chiê njư njuôs hâu lok six kaz. Cur nox đros thiêz mor cux kaz. Cur khênhr zuôr lol nox, uô huv chiê muôz trâu fôngx zưs nox thiêz”.

          Đros thiêz cuô txoz caz liêz, tsôngv box Thái Sơn La li têx zav cuô njư tâu tuôr tsês cxôngx ntâu cxênhx nênhs txơưr lol no. Zav nox kaz no thâuv tưs cux muôx hâur tsôngv box Thái li trôngx mor niêx hnuz./.

( Lường Huyền – Txâur Vax cxeik nhênhv)

Iz lênhx nênhs pâuz yuôz kênhx thiêz pâuz tsiv uô kênhx Hmôngz nhoz thax tsav tox siêz

          Xênhz zus thiêz huôv tsar cêr uô nênhx lox hloz nhoz trâu thax tsav tox siêz, pêz Hmôngz muôx ntâu txux chi, cêr nênhx vênhx huôv jông, hâur thax tsav xã Har Tsor, huyện Bắc Yên; txix ciês thâuv tsênhv zâu, zơưv Suôr tưz zênhx nhiêv pêz hêir Hmôngz têx txux chi kênhx, nhiêv yuôz kênhx thiêz nhiêv đhiê kênhx. Txix ciês thâuv hloz lox muôx 15-16 shông, zơưv Suôr x Hơưx tưz cơưv shâuv thiêz pâuz yuôz mê njik kênhx, đhiê kênhx. Trơưk li zơưv Suôr đros pêz chor  sâu xor xưv thav: Xar cov zuk yuôz tâu kênhx đror jông, suôz tuk, thâuv zuk yuôz co tsuv uô zuk luz chêr muôs nthak thiêz tsuv cơưv shâuv gruk pa yuôz. Yuôz kênhx thiêz đhiê kênhx, tsuv uô iz chêr muôs nthak đros trâu 6 tus ntir têk pok chor kror ntir kênhx đror suôz sôngz lâuk huv đros siz luôs jok.

Txix thâuv pâuz yuôz kênhx, zơưv Suôr x Hơưx thiêx li muk trâu thax tsav xã Mường Giôn, huyện Mường La, tỉnh Sơn La chiê cơưv shâuv tsưr ziv tsiv uô kênhx ntơưv tus txir nzơưv, viv muôx siêz truôx bo cơưv shâuv tsưr ziv uô thiêz đhâu tsik ntêr, zơưv Suôr tưz tsiv uô tâu kênhx yênhx côngz, chox lok sir zôngv hâur luz nênhx.

Chor kênhx zơưv Suôr uô tâu jông gâux thiêz yuôz đror jông, huv sđ siêz nhiêv. Ntơư cux zos iz lênhx cưk uô kênhx, pâuz xêir txiêr têx shôngz kênhs jông thiêz xêir têx ntông chiêz chox lok jiêz cov kruôr chiê txuô uô tâuz kênhx cux li pâuz xêir tsov têx tôngx gis chox lok ntâuk thiêz hlêik uô blêiv kênhx thiêx uô tâu iz traz kênhx đror jông huv sđ siêz nhiêv. Trơưk li zơưv Suôr đros pêz chor sau xor xưv thav pâuz: Nhiv no hâur thax tsav huyện Bắc Yên, tsuôk muôx 3 lênhx thiêx pâuz uô kênhx; taz sik, chor kênhx zơưv suôr uô tâu jông gâux thiêz đror đuô, muôx tsôngv px nhoz iz thax tsav li: Mù cang Chải, tỉnh Yên Bái tuôx zuôr chox muk sir zôngv thiêz Pêz Hmôngz têx kênhx co cux tsik zôngx ziv uô tâu, iz shông zơưv Suôr tsuôk uô tâu 10 ntâu traz chox lok sir zôngv thiêz muôs trâu tsôngv thiêz iz traz kênhx uô tâu đror jông, grê nhiêx muôs 2 triệu txos 2 triệu 500 puô cxênhz.

Zơưv Suôr zos iz lênhx cưk pâuz uô kênhx thiêz pâuz yuôz kênhx nto bê hâur thax tsav xã thiêz tsênhv kriê tsưr ziv yuôz kênhx trâu têx tuz xênhz nzưr hâur thax tsav. Tus cưr Xênhz x Hơưx, phó bí thư đoanx xã Har Tsor, huyện Bắc Yên, cux zos iz lênhx cơưv kênhx ntơưv zơưv Suôr hêik pâuz li no:

Zơưv Suôr x Hơưx zos iz lênhx cưk pâuz uô kênhx thiêz pâuz yuôz kênhx, tâu tsôngv px Hmôngz hâur thax tsav huyện Bắc Yên pâuz txos thiêz trơưk li zơưv Suôr hêik pâuz, tsưr ziv uô kênhx thiêz yuôz kênhx cux chênhr zos zơưv Suôr li tsưr ziv, siêz xar njôngr khơưk tsês pêz hêir nênhs Hmôngz têx txux chi kênhx cov muôx đros đrêiv hâur luz nênhx tsik chiê pôngz plox./.

                                                                                            (Tsu cxêik nhênhv-Tsu Vưx)