Điện Biên: Sir jos 100% shux xênhz cxaz chuôz BHYT

Jênhv pâuz lok chính sách BHYT li liv zix, têx shôngk đhâu, BHXH tỉnh Điện Biên tưz sik côngv jông đros têx sở, nganhx li: zaoz zux, y tế, nhiêx txiêx thiêz têx taz viv tsêr cơưv sâuv thax tsav uô jông côngz xưv yax mông, vênhv tôngv shux xênhz cxaz chuôz BHYT.

          Khov co, shông cơưv 2019-2020 nhiv kruôr đhâu, shux xênhz hâur tỉnh cxaz chuôz BHYT tưz tax 98%, hâur co muôx 106 cxênhz ntâu lênhx shux xênhz zos têx shux xênhz tâu sơưv cêr chei, zos ziv chuôz zis pluôs, mênhx cxưx tsơưs nênhs tâu têz qơưk paz txưv gôngr BHYT.

          Zơưv Nguyễn Xuân Thảnh, Phưv Giám đốc BHXH tỉnh Điện Biên puz pâuz: hâur shông cơưv no, tas nro tỉnh tưz muôx zuôr xar 20 cxênhz jiês shux xênhz tâu seiz njuôs moz BHYT đros chor nhiêx txiêx thêv zos 7 tỷ đeiv ntâu.

          “ Hâur shông cơưv 2019-2020, BHXH tỉnh tưz muôz nhiêx txiêx trâu 75 tsêr cơưv muôx txâuk theox chênhv chiê têx tsêr cơưv tsoz phưz đas jos trâu shux xênhz. Pêz cux sik côngv đros têx qơư y tế, seiz njuôs moz BHYT uô jông côngz xưv tsoz phưz đas jos trâu shux xênhz”.

          Ntơưv tỉnh Điện Biên, txos shông 2020 no, shux xênhz tâu nhiêx txiêx Trung ương paz txưv 30%, tỉnh paz 20% nhiêx gôngr BHYT, viv li, iz lênhx shux xênhz tsuôk tsuv gôngr cxaz 50%. Taz sik cxôngx hnuz xiêz 1/1/2021, Ub tỉnh li cuiz tênhv cui tênhv phênhv gôngr BHYT trâu nênhs zos chuôz zis zuôr xar pluôs, chuôz zis pluôs uô kôngz nuv- jôngr nuv, đêx nuv muôx phênhv sâu chungz fênhx thiêz shux xênhz sâuv thax tsav zuôr tas txux zôngv. Viv li, shux xênhz tsuôk tâu paz txưv 30% thiêz tsuv gôngr 70% phênhv BHYT.

          Pos Nguyễn Thị Bích, Hiệu trưởng tsêr cơưv cxênhx iz Tô Vĩnh Diện, TP Điện Biên Phủ, tỉnh Điện Biên puz pâuz:

          “Thâuv txos hâur shôngk shông, tsêr cơưv zuôr tsưr tsix seiz shuôk têx shux xênhz tâu cungz BHYT, yuôr têx shux xênhz tsi tâu cungz zuôr yax mông shux xênhz li niêv txir. Niêx shông 100% shux xênhz niêv txir cux cxaz chuôz zuôr BH trâu mê nhuôs cxix cxuô. Tsêr cơưv cux uô tiêr ntâuz ntơưr muôz nhiêx txiêx chiê tsoz phưz đas jos trâu shux xênhz thiêz sir zôngv huv đros, muôx chêx cuk nhiêx txiêx co chiê phưx vưv trâu côngz xưv qênhz yuôx cux xưk li tsoz phưz đas jos”.

          Thôngz sâu hâur shông cơư tov ntêx, tas nro tỉnh Điện Biên tsênhv muôx nhos 2 cxênhz lênhx shux xênhz tsi tâu cxaz chuôz BHYT, tas nro tỉnh nhiv kruôr muôx 75/329 taz viv tsêr cơưv muôx lênhx nênhs y tế muôx ntâuz ntơưr uô hâux lưv seiz njuôs moz cxix cxuô lơưr cui tênhv; iz cxiê pưv phênhv shux xênhz li niêv txir tsi tâu jênhv pâuz tsênhz mênhx lok hâux lưv cxaz chuôz BHYT li liv zix, viv li tsi tâu sir jos chiê mê nhuôs cxaz chuôz...

          Lok têx tsưr ziv cxơưz tiês zaz zâuv ntâu shux xênhz sâuv thax tsav cxaz chuôz BHYT, zơưv Nguyễn Xuân Thảnh, Phưv giám đốc BHXH tỉnh Điện Biên puz pâuz:

          “ BHXH tỉnh tưz chuv tôngv sik côngv đros têx sở, ban, nganhx, đoanx thể tror heik trâu tỉnh chox kriê tsưr tsix krêz uô BHYT trâu shux xênhz. Thôngx cxix cxơưz tiês cônz xưv yax mông ntơưv têx tsêr cơưv chiê shux xênhz thiêz shux xênhz li niêv txir pâuz tâu BHYT li liv zix, qênhx liv thâuv cxaz chuôz. Sik côngv đros nganhx zaoz zux, Sở y tế cungz ntơưr trâu têx cán bộ uô côngz xưv y tế nhoz têx tsêr cơưv, zos txâuk theox chênhv mak muôz nhiêx txiêx tsoz phưz đas jos trâu têx shux xênhz”.

          Cxôngx hâux lưv cxaz chuôz BHYT shux xênhz li liv zix tsênhv tsênhz; cxôngx têx tsưr ziv uô txos qơư, uô uô cê, BHXH tỉnh Điện Biên sir jos txos têx shông cơưv zuôr txos, 100% shux xênhz sâuv thax tsav zuôr cxaz chuôz BHYT./.

(Vũ Lợi-Txâur Vax cxeik nhênhv)

Đruôl  Xênhv Vax huôv tsar uô nox coz

Xênhz zus hloz lox hâur chuôz zis muôx chôngz cưr tix nuk muôs, luz nênhx txov nhêv, taz sik muôx ntâu ar têz uô kôngz tưz cxơưz cxiz Đruôl Xênhv Vax sir jos hla đhâu têx cêr txov chiê uô bluô nux. “Đhâu thâuv zuôr pox niêv, cxiv tsa chuôz zis, tâu niêv thiêz txir pheiz ntâu liêx têz uô kôngz, taz sik 2 niêv txir ho tsi muôx txux chi tsưr ziv uô kôngz sâuv têx ar têz nxaz. Đhâu ntâu hnuz hmo xar tsưr ziv thiêz muk ndis seiz luôs lưv tus têx tsưr ziv chos poz cưk thiêx pâuz tâu zos zuk tsi muôx tsưr ziv krêz uô têx liêx têz, tsuôk zos lav uô trơưk têx lâuk iz txưv khưr huôv tsar uô nox thâuv ntêx zos tok txos ntux yar ntux nas paz thiêx sâu tâu kôngz. Txix ntơư, 2 niêv txir siz seiz lax, sik heik kriê têx tsưr ziv uô nox, bax uô lơưr tsưr ziv yiêz lok  tsêz chos kôngz sâuv têx ar têz nxaz. Nhiv no, cur chuôz zis muôx têx hlôngr uô tâu 2 chiv poz cưk sâuv ar têz nxaz, xav kror đruôz đraz iz ha sâu tâu 3,5 tênhr poz cưk, iz chiv tâu nhos 35-40 tsov đeiv”.

Nhạc cắt

Seiz pov tsưr ziv tu zus nhux tưv cov trok maz thiêz sha mê nhuôv txix cơư guôx lêis jâuz puz lok sik tso muk seiz zus pêv têx har jâuz, iz chas ntơư cux nzaz nzơưv muôx têx jâuz nox li: Blôngx poz cưk, kuôr blêx zuôr paz txo grêk tsơưs nhiêx txiêx zuôr têx jâuz krâur lok puz, thiêz muôx têx zuôr uô tâu trơưk tsưr ziv, muôx phênhv sâu tâu nhiêx txiêx, shông 2013, thôngz đhâu Tsêr nhiêx Tsênhv chei XH huyện Trạm Tấu li têx pênhr tso kêr txeik, zuôr nhiêx nju tsơưs, Đruôl Xênhv Vax tưz muk kir txeik 30 tsov đeiv chiê yưv pênhr tu zus nhux. “Muôx pênhr, Đruôk  2 niêv txir muk cxuô nro têx thax tsav qơư hâur huyện chiê zok nriêr zuôr têx nôngz nhux ntơưv qơư lok zus, viv chor nhux co zôngx ziv tu zus trâu thax tsav tox siêz”.

Đros ntơư, tix lâus Đruôl tsênhv chos nzir tâux chiê muôx cov txâuk jâuz trâu nhux tưv nox, bax cxax yuôx phax tar moz cxix cxuô thiêz  seiz shuôs njôngr têx nhux li đas jos. Chênhr viv li, txơưv pêv tox siêz muôx ntux no njiv, taz sik khov muôx jâuz tâux trâu nhux tưv nox thiêz muôx qơư cơư, xor thêir ntov jông tsi trâus chuô txiêk..., tix lâus chuôz zis chor nhux cux tsi trâul moz ơưk.

Nhạc cắt

Txos nhiv no, tix lâus Đruôl chuôz zis tưz muôx 6 tus nhux, 10 tus tưv; nhiêx txiêx txix muôs têx nhux tưv, iz shông sâu tâu puô tsov đeiv. Tsi tiêk tso tsês hâur huôv tsar uô kôngz lôngk thiêz tu zus nhux tưv, txix shông 2018, tix lâus Đruôl tror yưv pênhr zuôr yêz lox chiê thâux xa têx kôngz thiêz sâu zuôr tsôngv box sđ têx kôngz muôs. Nhiv no, tix lâus chuôz zis cê chos poz cưk sâuv têx ar têz nxaz đros trâu tu zus nhux tưv, thâux xa tsôngv cưr tix nênhx tsa sđ têx kôngz lôngk. Iz shông txix têx luôs hâux lưv uô heik co, tix lâus chuôz zis sâu tâu 200 ntâu tsov đeiv. Chuôz zis luz nênhx pov bluô nux jux juk, têx tuz nhuôs tâu muk đros luôs lưv tus cơưv ntâuz cơưv ntơưr cxix cxuô.

Phưv Bí thư Đảng ủy xã Trạm Tấu Chú Xênhv Thox khav tinhv: “Đruôl Xênhv vax zos iz tsov iêr chi cax, uô ntêx nyuôs hâur cơưv shâuv thiêz uô trơưk lâuk Hôx cêr uô nênhx jông hâur xã. Tsi tiêk uô nox uô hâuk coz, tix lâus Đruôl tsênhv sir jos đros uô luôs hâux lưv cxiv tsa jêx jok yiêz, paz têx chuôz zis pluôs hâur jok huôv tsar uô nox uô hnar, hla đhâu yeiz pluôs: Ntơư zos paz lok sâuv zuz nôngz kôngz, pênhr nhiêx, côngk fax thâux tsôngv box têx hax huv, kôngz lôngk, sik pheiz tsưr ziv uô nox....”.

(Hlôngr suôz): Tsôngv box....! Phênhv “nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Cơ quan Đeix TNVN nhoz faz Tây Bắc sik côngv đros Tsênhv qơư cxiz kôngz têz qơưk uô./.

                       (Lik Thox cxiv sâu-Riê Lâux cxeik, nhênhv)