Thor tsi zos chuôz zis pluôs thiêz- iz hâux lưv jông nhoz Đầm Hà-Quảng Ninh

          Xã tox siêz Quảng Lâm, huyện Đầm Hà zos qơư muôx chor ziv chuôz zis pluôs ntâu tiv zix tas nro huyện đros 128 ziv chuôz zis. Tiv zix no zos xã muôx 98% zos tsôngv box mênhx cxưx Cho, cxôngx co tso pov pox nhuôs nhoz xã hâur 135 no tưz muôx siêz xar hlôngr yiêz, chiv chir sir jos hla đhâu cêr pluôs. Tix lâuk Chíu Dì Dểnh iz hâur têx ziv chuôz zis uô ntêx nyuôk uô ntơưr thor tsi zos chuôz zis pluôs nhoz jos Bình Hồ- iz luz jos tsênhv txov nhêv nhoz xã Quảng Lâm puz pâuz:

          “ Shông 2017 cur tsênhv zos chuôz zis pluôs. Têz qơưk tsov cưv paz iz tul nhux đas, cur 2 niêv txir tưz chêx chôngk tsoz phưz chiê phưx vưv uô xênhz yar kôngz nuv. Chuôz zis cux jux jus hla đhâu cêr pluôs”.

          Hâux lưv pox nhuôs uô ntơưr thor tsi zos chuôz zis pluôs thiêz tsi zos iz hâux lưv uô cov muôx phongz yaox, viv têx ziv chuôz zis uô ntơưr thor hla đhâu chuôz zis pluôs puôr lênhx muôx siêz njênhs njôngr txos zuk, thiêz zuôr chiv chir sir jos uô bluô nux. Zơưv Đoàn Văn Đương (63 shông) nhoz jos Thìn Thủ, xã Quảng An zos iz hâur têx ziv chuôz zis muôx luz nênhx txov nhêv viv muôx pox niêv trâus sêv khiz lok luz chêr, iz lênhx tsoz phưz 2 tul mê nhuôs tsênhv mul cơưv ntơưr. Zơưv Đương puz pâuz, ntâu shông tsi so sir jos uô nox uô hâuk cux muôx tsi txâuk nox, shông 2016, zơưv tâu txeik 15 tsov đeiv cxôngx Cuiv paz txưv huôv tsar uô kôngz lôngk trâu ziv chuôz zis pluôs thiêz tưz zôngv chor nhiêx txiêx co yưv zuôr nhux, buô lol tu zus thiêz chos ntông keo. Txos nhiv no, paz tsiêx cxu tưz hloz lox jông đros 2 hecta ntông keo txos six hơưv sâu, njuôs xav zuôr muôx tâu phênhv sâu ngaz tul trâu zơưv chuôz zis:

          “Chuôz zis tưz sir jos chos pêv zav jâuz, tu zus tsiêx cxu chiê huôv tsar kinh têr. Cur chuôz zis luz nênhx nhiv no cux jông đuô phênhv tưs. Shông no, cur uô ntơưr thor hla đhâu ziv chuôz zis pluôs”.

          Cux đros tsôngv box li sir jos, six hơưv đhâu huyện Đầm Hà tưz huiz tôngv têx pênhr jos, chêx chôngk uô muôx chêx cuk Trung ương thiêz tỉnh Quảng Ninh li têx tsaz yênhx, chính sách paz txưv, tiv zix zos têx chính sách tsov cưv txos thax tsav tsôngv box mênhx cxưx tsơưs nênhs li tsaz yênhx 135, đề án 196...paz têx chuôz zis pluôs sir jos huôv tsar kinh têr hla đhâu cêr pluôs. Zơưv Nguyễn Văn Tiến, tsar phongx lox tôngv saz pênhz thiêz xã hội huyện Đầm Hà puz pâuz:

          “Phongx lox tôngv saz pênhz thiêz xã hội cux vênhv tôngv paz pênhr jos chiê têx ziv chuôz zis pluôs, chuôz zis zuôr xar pluôs sir jos hla đhâu cêr pluôs. Hâur ntu zuôr txos, pêz zuôr tror cxơưz tiês têx tsưr ziv txu grês cêr pluôs muôx chêx cuk thiêz cux sik côngv đros têx ziv chuôz zis tưz hla đhâu cêr pluôs chiê paz lơưr tror sir jos hâur luz nênhx, uô bluô nux”.

          Txos nhiv no, chor ziv chuôz zis pluôs ntơưv huyện Đầm Hà tsuôk yuôr zuôr muôx 2%. No zos iz số laov muôx ziz njiêz viv côngz xưv cxuôv cêr yeiz pluôs tsi taz paz muôz siêz luz nênhx trâu tsôngv box mak tsênhv uô hlôngr yiêz lơưr li jênhv pâuz. Siêz xar tos njôngr txos têz qơưk li phênhv paz txưv tsênhv jux jus tâu cxuôv por tsês, ntâu trâur nuv huôv tsar kinh têr, txu grês cêr pluôs truôx vênhs tsênhv tâu krêz uô đêz đar. Đros têz qơưk li phênhv paz txưv mak tsôngv box li chinhz yênhx chiv chir sir jos hla đhâu cêr pluôs zos kror coaz tsôngv tiv zix paz tsôngv box hla đhâu cêrr pluôs truôx vênhs./.

(CTV Trần Hoàn- Txâur Vax cxeik nhênhv)

Tsôngv pox nhuôs sơưr đơưk hmor yuô! Phênhv ngaz tuk zoz thôngz hnuz no, pêz tror xa trâu pox nhuôs sơưr đơưk mnôngs lok tsênhv njiêz Grê 72 “Thâux xa hax huv txix yêz lox”, Grê 73 “Nênhs kinh doanh thâux xa hax huv li qênhx thiêz jênhv vưv”.

Nữ: Grê 72: Thâux xa hax huv txix yêz ô tô

Nam: 1. Thâux xa hax huv txix yêz ô tô tsuv uô lơưr têx cui tênhv đrav kaz no:

a) Hax huv thâux sâuv yêz tsuv tâu tsês cov truôx jông thiêz muôx hluôk khi khor kho;

b) Thâuv thâux xa têx hax huv li ar, hmôngr uz no mak tsuv muôx thêir vor ntov jông tsik chiê pôngz trâu cxiê qơư.

Nữ: 2. Tsik tsuv uô têx kror li đrav kaz:

Nam: a) Thâux hax huv ntâu đuô kror tsuv tâu thâux sâuv luz yêz kror;

b) Thâux nênhs hâur đaz yêz, yưx kror tâu cui tênhv ntơưv khoản 1 Grê 21 Chêi no.

Nữ: 3. Bôv trưởng Bôv zoz thôngz vận tải cui tênhv lok tsưr tsix thiêz sêiz car hâux lưv thâux xa hax huv txix yêz ô tô.

Nhạc cắt

Nữ: Grê 73. Nênhs kinh doanh vận tải thâux xa hax huv li qênhx thiêz jênhv vưv

Nam: 1. Nênhs kinh doanh vận tải thâux xa hax huv muôx têx qênhz li đrav kaz:

a) Hêik cov nênhs ntiêr thâux têx hax huv co hêik pâuz tsênhv chor hax huv zuk thâux chiê sâu trâu hâur ntơưr thâux xa thiêz muôx qênhx qênhz shuôk tsênhz mênhx lok xor mông co;

b) Hêik cov nênhs ntiêr thâux têx hax huv co thêv cov txưv nhiêx thâux xa hax huv thiêz nhiêx txiêx muôx yưv cxaz nzir; hêik cov nênhs ntiêr thâux hax huv thêv têx nhiêx pâux nzir têx trâus hiêv tiv uô zuôv hâur hux thôngx;

c) Tsik cav thâux xa hax huv zos nênhs ntiêr tsik choz zok hax huv lơưr sêiz lax hâur hux thôngx;

d) Hêik cov qênhz shuôk pâuz tsênhz hax huv thâuv tsuv nriêr pâuz.

Nữ: 2. Nênhs kinh doanh vận tải thâux xa hax huv muôx têx jênhv vưv li đrav kaz:

Nam: a) Cungz yêz cov zos, six hơưv, qơư thiêz choz zok hax huv trâu nênhs jênhv lơưr sêiz lax hâur hux thôngx;

b) Kruôz kriê tso hax huv, njêis yêv hax huv sâuv yêz;

c) Thêv nhiêx pâux nzir trâus pôngz plox hax huv, hax huv trâus puôk tsuôx ntu thâux xa xav txix thâuv txêik jênhv hax huv txos thâuv choz zok hax huv, yưv chor jiês tsik thav thêv lơưr chêi têz qơưk li cui tênhv;

d) Thêv nhiêx pâux nzir têx trâus hiêv tsik jông tiv nênhs uô jos, nênhs hlôngr njêx muôs uô muôx yưv thâuv uô têx hâux lưv tâu nênhs kinh doanh vận tải choz;

đ) Muôx txơưx jênhv lok têx phiv liv mak nênhs uô jos, nênhs hlôngr njêx muôx uô muôx yưv tiv uô lơưr nênhs kinh doanh vận tải hêik tsik zos li cui tênhv hâur Chêi no.

Nữ: 3. Chính phủ cui tênhv lok nênhs kinh doanh vận tải thâux xa hax huv li txơưx jênhv./.

(Bích Thủy-Lik Thox cxêik nhênhv)