Jos miến Bình Lư tos Tsiêz yiêz

          Viv liv zix kinh têr siêz đuô đros iz cxiê zav tsoz chos txơưr, ntâu shông no têx ziv chuôz zis tsôngv box xã Bình Lư, huyện Tam Đường tưz hlôngr têx mênhv chêx chos tsoz chos tsi muôx chêx cuk chiê chos kok tsơưz thiêz uô cuz thaz kruôr. Hâux lưv uô cuz thaz kruôr tưz reik đros pox nhuôs iz cxiê jêx jos yênhx châuv shông no thiêz yênhx iz hâux lưv chax chês. Chiê muôx tâu môngr kok tsơưz uô cuz thaz kruôr, tsôngv box tưz chos kok tsơưz cxôngx hli 9 txos hli 10, đhâu co sâu kok lol jov thiêz uô cuz thaz kruôr.

          Niêv lâuk Đặng Thanh Tâm, jos Thống Nhất, xã Bình lư puz pâuz, viv tâu niêv thiêz txir kriê uô cuz thaz kok tsơưz, viv li nhiv no thâuv tưz muôx chuôz thênhx, têx hâux lưv uô cuz thaz kruôr niêv tix puôr lênhx txơưx uô:

          “ Jos uô cuz thaz kok tsơưz muôx cxôngx nzor lol, kuôk nor yênhx châuv shông, tsuôk zos cxênhx nênhs tov ntêx kriê trâu cxênhx nênhs tov kaz uô xưz, lol no uô hnhaz cur cux uô tâu yênhx châuv shông lơưv. Cur chuôz zis zos têx hnuz tsi yar ntux uô tâu tsơưs mê njik, yar ntux mak uô tâu ntâu đuô. Pir đros thiêz chos blêx, uô miến kok tsơưz muôx chêx cuk đuô ntâu jiês, côngz xưv cux tsi khưr hor ntâu. Xưk li nhiv no cuz thaz kok tsơưz Bình Lư tsênhv muôx grê muôs zos 50 cxênhz đeiv iz cir”.

          Thâuv sâu kok tsơưz, chox lol nzuôr hur, jov yênhx môngr, jiêz kruôr thiêz tso hâur hnaz zôngv jux jus. Thâuv uô cuz thaz kruôr txos tưs muôz môngr đo txos co, liv đêx chiê môngr tos trâu saz hâur. Ntu lơưr co zos muôz môngr tso hâur đêx bâu đo thiêz lâuz tso hâur meir chiê uô cuz thaz kruôr.

          Tix lâuk Nguyễn Xuân Trường, nhoz jos Thống Nhất, xã Bình lư, lênhx nênhs uô cuz thaz kruôr yênhx châuv shông lol no pheiz kênh: CHiê taz por tsơưr lươngv cux xưk li siêz njênhs lok xiv huv, nênhs uô cuz thaz kruôr tsuv tsov cưv ntâu ntu cxôngx jov kok tsơưz, vâuv môngr kok, liv môngr kok txos uô cuz thaz kruôr. Tiv zix zos tsi zôngv têx tsơưr uô đơưz cuz thaz, uô li chas cov cuz thaz nox kaz tiv zix txơưv tâu:

          “ Chiê uô tâu cuz thaz kaz thâuv jov môngr lol tsov đo muôx nhos 2-3 jiês đê, liv cov tas têx tsơưr kâuz, têx muôx shơư hâur môngr, thâuv tưs môngr đơưz, kaz mak chox mul uô. Chiê cuz thaz kaz mak six hơưv uô cux uô nhiês muôx nhiês zav cuz thaz kaz li chas. Chiê taz por vêv xênhz tas nro đêx, chuôz zênhx uô tsuv huv vêv xênhz”.

          Cuz thaz kok tsơưz tâu tsiv uô cxôngx môngr kok tsơưz. Thâuv uô cuz thaz mak nox kaz, tsi kâuz, tsi lo uô cê. Cuz thaz kok tsơưz Bình Lư tâu lênhx nênhs sir zôngv njênhs njôngr thiêz yênhx zav nox nto bê nhoz tox siêz Lai Châu, tiv zix zos hâur têx hnuz tsiêz. Txos nhiv no, lênhx nênhs uô cuz thaz kok ntông nhoz no tsênhv xar njôngr uô li chas chiê xiv huv cuz thaz kok tsơưz Bình Lư nzor cxiv tsa tâu bê, chiê tsôngv box tso siêz tsiv uô, muôx phênhv sâu ngaz tul. Tix lâuk Nguyễn Xuân Trường puz pâuz cxaz:

          “ Xar njôngr têx cấp chinhr quyênx tror tsov cưv chiê cuz thaz kok tsơưz  Bình Lư muôx tâu luz bê. Tiv zix zos nôngz kok tsơưz nhiv no tsi ngaz tul, tsuôk chos tâu 2,3 shông ho trâus caz nox. Viv li pox nhuôs xar njôngr tâu chinhr quyênx muôz theox chênhv chiê pox nhuôs muôx tâu nôngz kok tsơưz jông chiê pox nhuôs chox lol chêx cuk siêz đuô”

          Têx shôngk đhâu, grê cuz thaz kok tsơưz Bình Lư thâuv tưs cux ngaz tul, chungz fênhx 50 cxênhz txos 60 cxênhz iz cir. Muôx têx jiês thâuv txos tsiêz mak ndê txos 100 cxênhz đeiv iz cir. Nhiv no, jos cuz thaz Bình Lư muôx 50 ziv chuôz zis chos kok tsơưz sâuv 200 ntâu hecta, yar lengx 60 tênhr kok iz hecta. Hâux lưv chox tsoz kok tsơưz chos hlôngr trâu têx tsoz chos yax lengx kis hâur têx shông jê ntơưv no tưz uô trâu nôngx cxênhz xã Bình Lư muôx ntâu hlôngr yiêz, chor ziv chuôz zis pluôs hâur xã txu grês ntâu. Ntâu ziv chuôz zis sir jos uô bluô nux, txu yeiz cxuôv pluôs...

          Zơưv Lò Văn Thắng, Phưv chủ tịch UB xã Bình Lư, huyện Tam Đường puz pâuz:

          “ Heik txos cuz thaz kok tớưz mak zos iz tsoz chos tsênhv chiê huôv tsar kinh têr cux xưk li txu yeiz cxuôv pluôs, muôz siêz phênhv sâu trâu pox nhuôs sâuv thax tsav. Tsoz kok tsơưz tax muôx nhsó 60 tênhr, hâur têx shôngk đhâu pox nhuôs cux lok six sir jos chos, tsiv uô chiê phưx vưv tsôngv box sâuv thax tsav, hâur thiêz đrâuv tỉnh”.

          Iz cheix ntux yiêz tsênhv lol txos, jos hâux lưv uô xã Bình Lư, huyện Tam Đường tsênhv sir jos uô cuz thaz. Cuz thaz kok tớưz Bình Lư tsênhv jux jus yênhx lix tâu bê nhoz ntâu tỉnh, thành hâur tas nro têz qơưk, zos zav nox zuôr trâus muôx hâur nênhs Việt li trôngx mor hnuz tsiêz./.

                                             (PV- Txâur Vax cxeik nhênhv)

Pêz hêir nênhs Hmôngz Sơn La shir phaz lul tok nox tsiêz têz qơưs

          Hâur ntu đrav ntêx pêz hêir nênhs Hmôngz, txơưv shông tưs tưz nox tsiêz uô ntêx tsiêz têz qơưs; chênhr zos pêz Hmôngz xav tiêk: thâuv tsôngv tsôngv px sđ sâu kôngz lôngk tas thiêz thâuv sêiz pov têx pax đrox vax hmaz tơưs nja iêz, chênhr zos chêix ntux yiêz lok tsiêz 30 txos. Taz sik hâur ntu têz qơưs hlôngr yiêz nhiv no, tưz tâu Đangv têz qơưs fuô yax kriê lok huôv tsar cêr uô nênhx jông, txuôs nox txuôs hâuk cov tsôngv px sđ muôx luz nênhx truôx tuk, tsâu sor đuô ntu đrav ntêx. Chênhr zos li heik ntơư, xav hâur oz pêz shôngk đhâu lok no, phênhv ntâu tsôngv px Hmôngz Sđ tưz đros cxuô hêir nênhs côngv nox iz luz tsiêz têz qơưs. Zơưv Tòng Văn Sơn, chủ tịch uỷ ban xã Chiềng Sung, huyện Mai Sơn hêik pâuz:

           “Hâur ntu đrav ngtêx, pêz hêir nênhs Hmôngz thâuv tưs tưz nox tsiêz uô ntêx, taz sik nhiv no, tsôngv px Hmôngz sđ puôr lênhx côngv đros nox iz luz tsiêz têz qơưs. Ntơư chênhr zos tsôngv px sđ tưz muôx luz nênhx hlôngr yiêz đuô hâur ntu đrav ntêx thiêz muôx luz nênhx tsâu sor đuô”.

          Hâur ntu nhiv no, pêz hêir nênhs Hmôngz sđ tưz pâuz txuôs nox txuôs hâuk, pâuz hlôngr yiêz tsưr ziv tsêz chos kôngz lôngk, tu zus tsiêx cxu…chiê txo grêk iz thênhv jux juk cêr yêiz pluôs trâu tsôngv px sđ. Chênhr zos li hêik ntơư, đhâu iz shông khưr uô kôngz lôngk, tsôngv px sđ tưz sâu tâu nju kôngz thiêz shir phaz lul tok tsiêz 30 têz qơưs. Vư x Cưr nhoz jos Nông Chạy, xã  Mường Chùm, huyện Mường La hêik pâuz:

          Hâur têx hnuz no, txơưv muk txos trâu luz jos tưs tưz zênhx pov njôngr cxuô chuôz zis px hmôngz sđ shir phaz lul bax cxuô zav tok nox tsiêz 30 têz qơưs thiêz hâur têx hnuz tsiêz cux chênhr zos hâur ntu tsôngv px sđ tâu so oz pêz hnuz chiê muk sêiz shuôk cưr tix nênhx tsa cxênhz jê, đhâu iz shông khưr uô kôngz lôngk. Chênhr zos li hêik ntơư,  hâur ntu tsiêz 30, txơưv tus lâuk hluôk, mê nhuôv zâu, sđ puôr lênhx tok njôngr. Tsưz x Muôk nhoz jos Cả Nam, xã Chiềng Sung, huyện Mai Sơn hêik pâuz:

          Chêix ntux yiêz lok, tsiêz 30 txos, tsôngv px Hmôngz Sơn La tưz shir phaz lul đros cxuô hêir nênhs tok nox iz luz tsiêz lov jêv ntưk thiêz muôx cêr côngv siêz đros trâu côngv thôngx sđ muôx luz nênhx tsâu sor./.

                                      (Tsu cxêik nhênhv-Vừ Chu, CQTT Tây Bắc)

Yên Bái tsoz phưz tsiêz trâu chuôz zis tâu sơưv cêr chêi thiêz chuôz zis pluôs

Bax tok tsiêz shông 2018, tỉnh Yên Bái tưz hêik chính phủ paz 400 ntâu tấn cxur trâu zuôr xar 8.200 ziv chuôz zis ntơưv huyện, thị xã. Thôngx cxix khơưk muôz ciês chủ tịch têz qơưk 8.165 kror huv trâu nênhs muôx côngz thiêz 54 lênhx nênhs lâul muôx 100 shông; muôz chủ tịch UBND tỉnh Yên Bái 550 kror huv kror huv trâu nênhs muôx côngz thiêz nênhs lâul. Tỉnh cux khơưk muôz huv trâu 9.600 ntâu ziv chuôz zis pluôs muôx nênhs zos nênhs tsênhv tâu sơưv tsênhv chêi paz txưv xã hôiv, đros phênhv paz 200.000 đêiv iz ziv chuôz zis. Zơưv Vũ Lê Thành Anh, Phưv giám đốc Sở lox tôngv, xaz pênhz thiêz xã hôiv tỉnh Yên Bái puz pâuz:

“Ciês thâuv tâu chính phủ tso chêi paz kôngz krâur trâu chor chuôz zis yêiz plaz hâur jiês tsiêz, pêz tưz sik côngv đros chor tiv phaz tsưr tsix muôz cxur trâu pêx xênhv. Pêz cux sik côngv đros chor huyện, thị xã, thành phố sêiz nus, paz trâu chor chuôz zis tâu sơưv cêr chêi, nênhs lâul, chor chuôz zis muôx luz nênhx txov nhêv. Sik côngv đros MTTQ Việt Nam tỉnh muôz nhiêx txiêx chiê paz trâu chor chuôz zis pluôs njiz phiv liv tiv txiêz nanv hâur shông 2017”.

Chiê taz por trâu sơưr đơưk, cxuô chuôz zis puôr lênhx muôx tsiêz, tsik chiê chuôz zis tưz yêiz plaz hâur jiês tsiêz no, tỉnh Yên Bái chox kriê chor tiv phaz qênhz shuôk, uô bê ntơưr chor nênhs txâuk tsar tov tâu sơưv cêr chêi lơưr cuiz tênhv, taz por tsênhz mênhx, ndax ndênhk; muôz cxur chơưv yêiz plaz trâu chor chuôz zis pluôs, zuôr xar pluôs, muôx luz nênhx txov nhêv cov ndar six hơưv.

Chor huyện, thị, thành phố cux hêik chor xã, phường, thị trấn khov lơưr tsar tov muôz nhiêx txiêx tiv phaz, hêik chor tsưr tsix, tiz nênhs siêz jông sik côngv têk khơưk muôz huv paz trâu chor nênhs tâu sơưv cêr chêi, nênhs muôx côngz thiêz chuôz zis pluôs, chuôz zis muôx luz nênhx txov nhêv hâur jiês tsiêz. Zơưv Lê Minh Đức, phưv chủ tịch UBND huyện Văn Yên, tỉnh Yên Bái puz pâuz:

“Huyện Văn Yên tưz hêik chor nganhx, tiv phaz uô qênhz yuôx chor chuôz zis tsik muôx cxur nox chiê muôz cxur hâur jiês tsiêz no, tsik chiê chuôz zis tưs tsik muôx tsiêz nox. Qênhz shuôk chor chuôz zis pluôs, chuôz zis muôx luz nênhx txov nhêv, nênhs muôx côngz chiê sêiz nus, khơưk muôz huv. Thôngx cxix, hêik chor tiv phaz tror muôz txix nhiêx txiêx xã hôiv chiê paz trâu nênhs pluôs sâuv thax tsav muôx tsar tov chiê nox tsiêz”.

Đros cxuô cấp chính quyền, chor tsưr tsix cơ quan, hôiv, đoanx thêv li têx paz, chor doanh nghiệp thiêz chor nênhs siêz jông cux sir jos sik côngv paz trâu chor chuôz zis pluôs, chuôz zis tâu sơưv cêr chêi sâuv thax tsav tỉnh Yên Bái hâur jiês tsiêz thôngz đhâu Phongz yaox “Tsiêz viv nênhs pluôs”, “Tsiêz sor cxuô chuôz zis”…Thượng tá Lê Thị Thanh Hằng, trưởng phongx Hậu Cần-Kỹ thuật, Công an tỉnh Yên Bái hêik:

“Đros sik hluz sik paz tsik so tâu pêz tsov cưv txos txix têx hâux lưv uô tsênhv tsênhz, muôx chêx cur chiê txo grêk tsơưs iz phênhv tưs phiv liv trâu tsôngv box pluôs sâuv thax tsav tas nro tỉnh, tiv zix zos hâur jiês tok tsiêz đêr shông. Txơưv tiêk têx huv thiêz cxuô kror tsik ntâu, taz sik co zos chor cán bộ, chiến sĩ Công an tỉnh, cux xưk li chor nênhs siêz jông, doanh nghiệp li siêz tsês trâu sơưr đơưk”.

Chor hnuz jê tsiêz no, chor tsưr tsix, tiz nênhs li têx yêz cux tsênhv tror thâux gra têx hax huv siêz jông txos trâu tsôngv box tox siêz thiêz nênhs pluôs tỉnh Yên Bái, chiê paz txo grêk phênhv tưs ntux no njiv, paz muôx iz luz tsiêz sor so thiêz shir phaz đuô./.

                                          (Tuấn Xuân-Lik Thox cxêik nhênhv)