Jax sâu thưr 2.13.3.2017:

Chuv tôngv hâur phax tar moz ơưk AH7N9

          Nus: Thor cox puz pâuz, Cxôngx qênhx shênhx caz moz ơưk keiz ok tsênhv huôv xênhz ntơưv Trung Quốc, hâur co muôx caz moz ơưk A H7N9, cục thú y pok  muôx luk heik kriê li chas lok côngz xưv phax tar caz moz ơưk huôv xênhz trâu keiz ok?

          Zơưv Đàm Xuân Thành: Cxôngx qênhx shênhx muôx caz moz ơưk kêiz ok AH7N9 tsênhv huôv xênhz nhoz têx tỉnh, thành phố têz qơưk Trung Quốc, tsuv ciêr chênhr uô uô cê têx tsưr ziv zuôr trâus. Tiv iz zos txưr tsi puz thâux, muôv muôs keiz ok đhâu ntus đriv...Tiv oz zos seiz car jông hâux lưv muôv muôs, thâux keiz ok mul muôs ntơưv têx ciêz, sâuv niêv ciêz lox. Tiv pêz, chinhr quyênx têx cấp xã tsuv tsưr tsix tsuôk yuôx tuô caz moz ơưk trâu têx qơư tu zus, qơư muôv muôs keiz ok...Tiv zix tsuv tsưr tsix jông hâux lưv yax mông trâu tsôngv box tu zus keiz ok, muôv muôs, thâux thiêz tuô keiz ok tsi đros têx huôx tôngv nhiês muôv muôs, tsi sâu zuôr keiz ok đhâu ntus đriv.

          Nus: Sâuv thax tsav nhoz buôk ntus đriv, nganhx thú y tsov cưv têx tiv phaz li chas hâur hâux lưv tir thêir tsik chiê caz moz ơưk kêiz ok A H7N9 siz cik lol trâu Việt Nam?

          Zơưv Đàm Xuân Thành: Đros thiêz têx tỉnh nhoz ntus đriv faz Bắc, tsuv chuôz tsar qênhz yuôx têx hâux lưv muôs muôs keiz ok tsi trơưk chei, têx qơư tuô keiz ok nhoz ntus đriv, yưr lir txos qơư têx lênhx nênhs uô cxâuv. Chiz coaz seiz car đrox tsuôk đros têx chiz coaz muôx txơưx jênhv uô jênhv vưv nhoz trôngx đriv heik Ban coar lik trôngx đriv bax yuôx thiêz tsuôk yuôx tuô caz moz trâu tênhx qơư thiêz muôx têx đoanx mul qênhz yuôx qênhx shênhx moz nhoz têx tỉnh ntus đriv. Chiê paz txưv têx tiv phaz, Cục thú y tưz yênhx lix 5 đoanx mul qênhz yuôx têx tỉnh ntus đriv faz Bắc li: Cao Bằng, Hà Giang, Lạng Sơn, Quảng Ninh thiêz têx tỉnh li: Bắc Giang, Bắc Ninh zos têx qơư njuôs xav sâu zuôr ntâu keiz ok tsi muôx ntâuz ntơưr.

          Nus: Zos li thor cox puz pâuz nzir, lênhx nênhs tu zus cux xưk li nênhs sâu zuôr keiz ok tsuv uô li chas chiê por vêv tâu  keiz ok tsik trâus cik caz moz ơưk thiêz tsik uô ruôr hiêv txos lênhx nênhs li đas jos?

          Zơưv Đàm Xuân Thành: Six hơưv no pox nhuôs tu zus tsuv uô jông têx tsưr ziv phax tar moz lơưr chiz coaz thú y li heik kriê. Tiv zix zos pêz zuôr keiz ok nhoz têx qơư pâuz tsênhz qơư tu zus, tâu lưx lươngv thú y seiz car, tsi zuôr keiz ok sâuv niêv ciêz, viv têx kêiz ok co njuôs xav muôx caz moz ơưk. Thâuv tu zus tsuv pov cov đros chiz coaz thú y thiez chinhr quyênx tiv phaz nhoz jê tiv zix, zos pov muôx caz moz ơưk huôv xênhz tsuv hêik trâu cơ quan thú y pâuz chiê đros tir thêir. Đros thiêz lênhx nênhs sir zôngv, tsuv zuôr têx keiz ok pâuz tsênhz qơư tu zus thiêz zuôr têx greix keiz ok tưz đhâu qênhz yuôx, tsi nox nyar chiêx keiz ok./.

          Thor uô cox tsâus ntâu!

( TTT- Txâur Vax cxeik nhênhv)

Phênhv thưr 2, hnuz 13/3/2017:

Uô lơưr Nghị quyết T.Ư 4: Tuôr truôx Đảng hur jông zos tsưr ziv phax tir thêir “têx tsi jông”

Giáo sư, Vũ Dương Ninh-Đại học quốc gia Hà Nội heik: Đảng zos tsưr tsix mak têx lênhx nênhs uô cách mạng cxiv tsa tâu thiêz tưz uô tâu hâur luôs hâux lưv tir ntâuk zênhx trok châuz tsưx phưv têz qơưk thiêz cxiv tsa CNXH truôx jông. Taz sik, qênhx shênhx hâur têz qơưk thiêz sâuv ntiêx têz tsênhv muôx ntâu txơưr txar phiv liv; Chênhr zos li hêik ntơư, Đảng cux tsuv hlôngr yiêz, huôv tsar uô cov ziv hnuz ziv truôx jông đuô, tsiv nhos đros tsôngv pêx xênhv têx tsưr  ziv, siêz njênhs njôngr tsês trâu Đảng. Đảng tsuv truôx đuô lok txux chi, tsưr ziv, lênhx nênhs, tsưr tsix thiêz zov chênhr zos tsuv khov trâu tsôngv box sđ li cêr thôngx siêz. Têx li heik no ziv muôx liv đuô hâur ntu tas nro Đảng, tsôngv pêx xênhv sơưr đơưk tsênhv cxơưz tiês uô lơưr Nghị quyết  T.Ư 4 khóa 12 lok chuôz tsar tiês cxiv tsa, kho đuô Đảng. Giáo sư, Tiến sĩ Vũ Dương Ninh heik:

     “Nghị quyết T.Ư 4 zos tas nro têx njiêz, luôs hâux lưv lok cxiv tsa Đảng taz sik iz chas ntơư zos uô lơưr hâur ntu nhiv no, tsuv heik, pêz huôv tsar taz sik  cux muôx phiv liv lox, phiv liv hâur ntu têz qơưk tiêx tuk, phiv liv hâur ntu têz qơưk hlôngr yiêz, phiv liv hâur ntu krêz trôngx sik đros luôs 2 chas thax tsav, têz qơưk đrâuv huôv tsar uô nox”.

    Đảng Đại đội 12 tưz tso tơưv zoz qơưx, hâux lưv cxiv tsa, kho đuô Đảng đros 10 faz tsưr ziv tsênhv tsênhz, hâur co heik mênhx txos tsuv tror uô lơưr Nghị quyết T.Ư 4 khóa 11, zov chênhr zos sơưr tơưv txênhz, tir thêir, txo grêk tsơưs têx tsi jông lok chính trị, siêz xar, cêr uô nênhx…. Nghị quyết T.Ư 4 khóa 12 cux  uô tsênhz mênhx iz cxiê lênhx hâur tsi tsơưs têx canr bôv, đảng viên li tsưr ziv, siêz xar tsi jông lok chính trị, cêr uô nênhx li: nox nhiêx têz qơưk, uô tuôr xuôv nhiêx txiêx…., chêx tsôngk lok trâu têx lênhx đảng viên lês car uô têz qơưk têx nuv lox. Zơưv Phạm Xuân Hằng, Ủy ban T.Ư Mặt trận Tổ quốc VN heik: Têx muôx tsênhz no tưz uô trâu tsôngv box sơưr đơưk tas cêr chiê siêz, uô txo grêk tsơưs Đảng txux chi, tsưr ziv lês car têx luôs hâux lưv:

     “Jiês no T.Ư xav tinhv uô cov jông đuô. Txix têx tsênhz tiês nhiv no zos nox nhiêx têz qơưk thiêz uô tuôr xuôv nhiêx txiêx zos 2 kro uô hiêv lox txos têz qơưk têx nhiêx txiêx. Tsuv muôx tsưr ziv tsênhz mênhx thiêz truôx đuô, chuôz tsar nzir cêr njênhs njôngr trâu Đảng viên. Zos pêz tsi moz siêz uô jông têx li heik sâuv, mak Nghị quyết T.Ư jiês no tso tơưv cux zuôr uô tsi tâu trơưk tsưr ziv. Tsuv sir jos, sir jos đuô thiêz”.

    Cxiv tsa, kho đuô Đảng zos luôs hâux lưv phiv liv, zos cxiv tsav sơưr tơưv txênhz chênhr ntơưv zuk tiz nênhs chiê khưx phưx têx uô tsi tâu, tsi tiêr. Luôs hâux lưv no tsuv muôx tas nro Đảng, tas nro tsôngv pêx xênhv sơưr đơưk têx sir jos sik đros uô. Hâur ntơư, hâux lưv tuôr truôx Đảng hur jông zos têx lênhx Đảng viên li tsưr ziv, txơưx jênhv thiêz cêr moz siêz; têx canr bôv hâu nov, seiz car…li cêr uô ntêx nyuôs hâur cxuô luôs hâux lưv. Uô tâu li ntơư, Đảng thiêx tror truôx jông hâur lịch sử chox car tsôngv box  cxiv tsa yênhx côngz thiêz tsưx phưv truôx têz qơưk VN xã hội chủ nghĩa./.

                                                     (TTT-Riê Lâux cxeik, nhênhv)