Hải Phòng: Paz txưv têx ziv chuôz zis tu zus phax tuô caz moz ơưk buô châu Phi

          Cêr mul hâur têx qơư tu zus buô tâu mfông môngr jêz siz cov đơưz pâus; guôx tâu their jông, vêv xênhz hur si, yênhx châuv lir yuôx tuô caz moz ơưk cungz trâu têx ziv chuôz zis tu zus chiê tsuôk tuô caz moz ơưk....Co zos chinhr quyênx, nganhx muôx txơưx jênhv thiêz tsôngv box xã Cấp Tiến (huyện Tiên Lãng, Hải Phòng) li têx sir jos chiê tir tar caz moz ơưk buô châu Phi. Cán bộ phưv txơưx tu zus, thú y xã cux mul txos yênhx guôx tu zus buô chiê qênhz yuôx, seiz car, sir jos txu grês kis tiv zix caz moz ơưk cik đêz đar. Pos Đỗ Thị Thanh, tsưr qơư tu zus buô ntơưv tuêv 1, xã Cấp Tiến puz pâuz: Cxôngx thâuv caz moz ơưk huôv xênhz hâur xã hnuz xiêz 5/3, côngz xưv phax tar caz moz ơưk ziv tâu chuôz tsar.

          “ Xã muôx bí thư, cán bộ xã cux tuôx, seiz shuôk, tsuôk yuôx tuô caz moz ơưk, mfông môngr jêz siz. Cxôngx hnuz muôx côngz tênhv muôx caz moz ơưk huôv xênhz, chuôz zis tưz mfông môngr jêz siz. Xã cungz yuôx tuô caz moz, zuk chiv chir tsuôk lơưr tsưr ziv heik kriê”.

          Huyện Tiên Lãng nhiv no muôx 5 cxênhz 800 ntâu ziv chuôz zis tu zus buô đros zuôr xar 60 cxênhz tul buô. Zơưv Lâm Hồng Khánh, Tsar phongx kôngz nuv thiêz huôv tsar nôngx cxênhz huyện Tiên Lãng puz pâuz: Têx qơư muôx caz moz ơưk huôv xênhz pov muôx nhoz ntơưv 5 xã hâur huyện, viv li cán bộ thú y tsuv tso lưx lươngv mul tir tar caz moz ơưk tsik chiê cik đêz đar:

          “Txos nhiv no, côngz xưv phax tuô caz moz ơưk tsênhv tâu uô cxôngx hâux lưv cêv kuôk thax tsav thiêz chêx chôngk tsuôk yuôx tuô caz moz lơưr tsưr ziv heik kriê. Đros têx qơư muôx yưv caz moz ơưk, tsuv tsuôl yuôx tsi so hâur 1 ciêz. Xav tênhv, moz tsi muôx yuôx vác xin phax moz, cik sei, txos nhiv no pêz tsênhv chuôz tsar têx tsưr ziv tuô caz moz ơưk, tsi muôs buô mul đhâu hâur thax tsav”.

          Iz chas luôs hâux lưv yax mông tir tar caz moz ơưk, pov têx qơư yiêz muôx yưv caz moz ơưk huôv xênhz, têx tiv phaz muôx moz ơưk buô châu Phi huôv xênhz ntơưv Hải Phòng cux muôz pênhr nhiêx chiê paz txưv têx ziv chuôz zis tu zus buô trâus moz, đros phênhv paz txưv zos 38 cxênhz đeiv iz cir. Zơưv Vũ Văn Đạt, nhoz jos 12, xã Chính Mỹ, huyện Thủy Nguyên, chuôz zis tu zus xuz thơưx pov buô trâus moz puz pâuz tưz jênhv tâu phênhv paz txưv zuôr xar 90 tsov đeiv đeiv:

          “têz qơưk cux tsov cưv txos chor nênhs tu zus tsiêx cxu chiê pêz hla đhâu têx phêv liv hâur jiês muôx caz moz huôv xênhz no. Paz txưv chor nhiêx co, uô ntêx pêz cux kho đuô tâu guôx tu zus. Heik kriê, cungz yuôx tsuôk tuô caz moz ơưk. Heik kriê tsưr ziv hlôngr tsiêx tu zus, thâuv tưs thôngz pov tsi muôx caz moz ơưk huôv xênhz lơưv mav li tror tu zus buô”.

          Lơưr chi cục tu zus thú y, Sở kôngz nuv thiêz huôv tsar nôngx cxênhz Hải Phòng, txos trâu nhiv no tưz muôx 190 ntâu ziv chuôz zis tu zus buô nhoz 20 xã hâur thax tsav 3 huyện zos Thủy Nguyên, Tiên Lãng thiêz An Dương trâus zênhr shar tiv caz moz ơưk buô châu Phi. Chor buô trâus muôz hlơưr, phâus por tsês zos 3 cxênhz ntâu tul hnhar muôx nhos 170 tênhr./.

(VOVĐông Bắc- Txâur Vax cxeik nhênhv)

Tsưr ziv Surfactant-zos faz tsưr ziv chơưv kho yiêz ntơưv Sơn La thâuv xênhz zus tâu mê nhuôv uô tsik tâu pa

  Xav kror đruôz đraz iz shông, khoa kho moz mê nhuôv hâur tsêr kho moz đa khoa tỉnh Sơn La tưz chơưv kho txix 400 txos 500 lênhx nhuôs zâu xênhz zus tsik tâu txưv hli. Chor mê nhuôv trâus tuôs thâuv xênhz zus tsik tâu txưv hli cux muôx yưv chôngz lênhx ntâu tus; qir tiv zos têx zav moz uô tsik tâu pa nhoz nhuôs zâu xênhz zus tsik tâu txưv hli, hâur co muôx phiv liv txos têx hlaz siêz njưl cik txos uô tsik tâuk pa.

Hli 10/2016, chor cán bộ y, bác sỹ khoa nhuôs zâu, tsêr kho moz đa khoa tỉnh Sơn La piz nhênhz chơưv uô tsưr ziv: Chơưv kho têx zav moz phiv liv txos hlaz siêz njưl nhoz nhuôs zâu xênhz zus tsik tâu txưv hli txix tsưr ziv Surfactant. Bác sỹ Nông Thị Diệp Lệ, Phưv khoa nhuôs zâu, tsêr kho moz Đa khoa tỉnh Sơn La hêik pâuz:

“Đros chor nênhs xênhz zus tsik tâu txưv hli ziv hnuz ziv chuôz ndê thiêz qênhx shênhx uô tsik tâuk pa nhoz chor nhuôs xênhz zus tsik tâu txưv hli pêz cux njiz ntâu thiêz siêz xar uô faz tsưr ziv chơưv kho tưz xar tâu ntêr lok. Txos shông 2016, đhâu thâuv pêz têx vax tsêr, chuôz zênhx cxuô zav chơưv kho moz muôx cxix cxuô thiêz muôx cxix cxuô lok lênhx nênhs mak pêz tưz tâu tso chêi uô faz tsưr ziv chơưv kho moz no. hâur têx luz hli uô ntêx, uô đros têx tsưr ziv yiêz mak thâuv tưs cux njiz lok six ntâu phiv liv”.

Hlôngr trâu cxêik Xquang siêz njưl ntơưv txax, chor nênhs uô faz tsưr ziv no tưz xar tơưv hlôngr yiêz luz mêir uô sor trâu mê nhuôv thiêz txar mê nhuôv muk trâu cxiê qơư chiê chox chor nhuôs zâu muk cxêik Xquan thiêz siêu âm lok zos tsov sêiz plaz hnhur lok cux taz por ngaz tuk trâu chor nhuôs zâu. Bác sỹ Nông Thị Diệp Lệ, Phưv khoa nhuôs zâu, tsêr kho moz Đa khoa tỉnh Sơn La puz pâuz nzir:

“Thiêz têx tsưr ziv chơưv paz tâu chor nhuôs zâu lok six mok, xênhz  zus tâu mê hênhr, kror co zos iz kror uô trâu pêz chor cưk kho moz lok six shir phaz. Thiêz chor nhuôs zuk chơưv paz tâu muôx jos, hloz jông mak cux zos chor y, bác sý hâur khoa kho moz li cêr shir phaz lox”.

Đhâu iz shông nhênhz chơưv faz tsưr ziv “Chơưv kho moz tưz paz uô trâu chor nhuôs zâu xênhz zus tsik tâu txưv hli txix tsưr ziv Surfactant” tưz uô tiêr thiêz tâu muôz lok sir zôngv txix hli 10/2017. Hâux lưv sir zôngv  faz tsưr ziv no tưz paz txo grêk tsơưs ntâu têx phiv liv lok uô tsik tâu pa đhâu 24 six hơưv; uô ruôr hiêv txos siêz njưl tưz tâu hlôngr yiêz ntâu thiêz tsik tas ntâu six hơưv, tsik tas ntâu nhiêx txiêx pir li chox lênhx nênhs moz muk trâu tsêr kho moz thênhv siêz. Tiv zix, tsưr ziv no tâu uô ciês ntơưv tsêr kho moz tỉnh zuôr paz muôx lok six ntâu kror liv lok saz xar hôiv li: Txo grêk tsơưs tâu qênhx shênhx têx mê nhuôv zâu thâuv xênhz zus tsik tâu txưv hli trâus tuôs thiêz phiv liv txix uô tsik tâuk pa, tiv zix zos phiv liv txos chor nênhs hâur chuôz zis. Zos iz hâur chor nênhs xênhz zus tâu mê nhuôs tsik tâu txưv hli, txos nhiv no mê nhuôs đas jos tưz truôx tuk, lênhx uô niêv Lường Thùy Trâm, nhoz xar Chiềng Mung, huyện Mai Sơn, tỉnh Sơn La shir phaz hêik:

“Thâuv zus tsik tâu txưv hli mak mê nhuôs uô tsik tâuk pa thiêz đax njês viv li tsuv tso hâur mêir paz uô sor thiêz paz trâu mê nhuôs uô pa. Đhâu 7 hnuz chơưv kho mak nhiv no mê nhuôs tưz tsik đax njês thiêz tưz muôx jos jux juk lơưv. Cur lok six shir phaz viv mê nhuôs tưz hloz lox jux juk lơưv”.

Đhâu 2 shông sir zôngv chơưv kho trâu chor nhuôs xênhz zus tsik tâu txưv hli txix tsưr ziv Surfactant, Khoa Nhuôs zâu-tsêr kho moz đa khoa tỉnh Sơn La tưz chơưv kho muôx 150 lênhx nhuôs zâu trâus moz phiv liv li hêik co. No tâu sêiz zos iz kror hlôngr yiêz jông lok kỹ thuật thiêz tsưr ziv uô hâux lưv hâur taz viv, khav tênhv tsêr kho moz tsik so sir jos gra siêz txux chi tsưr ziv uô hâux lưv thiêz tsơưr lươngv phưx vưv, tsoz phưz nênhs moz jông tiv zix, iz thênhv jux juk muôz têx kỹ thuật yiêz jông hâur y học lok paz chiê chơưv kho moz trâu tsôngv box cxuô mênhx cxưx nhoz tox siêz Sơn La. Cưk yuôx, Thạc sỹ Đỗ Xuân Thụ, Giám đốc tsêr kho moz đa khoa tỉnh Sơn La puz pâuz:

“Hâur têx shông zuôr txos no mak hâux lưv tror sir jos cơưv shâuv cxuô faz tsưr ziv, txux chi, nhênhz chơưv khoa học cux xưk li sir zôngv kỹ thuật yiêz tâu tsêr kho moz cxơưz cxiz uô. Uô ntêx chiê sir zôngv tâu mak cán bộ tsuv tâu muk cơưv shâuv thiêz nhiv no pêz cux muôx tsưr ziv chiê cán bộ muk cơưv nzir ntơưv têx tsêr kho moz trung ương; thongx cxix cux muôx têx kror paz, cxơưz cxiz chor bác sỹ điều dưỡng sir jos cxaz chuôz nhênhz chơưv khoa học chiê sir zôngv têx kỹ thuật, tsưr ziv chơưv kho yiêz ntơưv tsêr kho moz đa khoa tỉnh Sơn La paz trâu pêx xênhv cxuô mênhx cxưx hâur thax tsav tỉnh Sơn La tâu chơưv kho trơưk têx kỹ thuật yiêz hâur tsêr kho moz”.

Ntơưv Hôiv thik tưr xar tơưv kỹ thuật tỉnh Sơn La jiês tiv 6 shông 2018, faz tsưr ziv “Chơưv kho paz trâu mê nhuôs xênhz zus tsik tâu txưv hli txix tsưr ziv Surfactant” tưz tưr tax tâu hov 3./.

(Trấn Long-Lik Thox cxêik nhênhv)