Đeiv their njêx muôs-hâux lưv uô mê, taz sik muôx liv lox

Niêv lâus Phạm Phương Anh, Phưv Bí thư Đoàn cơ sở Phòng cảnh sát cơ động, Công an tỉnh Sơn La zos lênhx nênhs xuz thơưx xar tơưv tsưr ziv thiêz phuôx tôngv hluôk nênhs hâur taz viv sik đros uô đeiv their njêx muôs phax tar caz moz siz cik. Tsưr ziv uô tâu lênhs tov taz viv thiêz đoàn cơ sở phòng cảnh sát cơ động thôngx ziv uô. Tsi taz li ntơưv, ndaz ndơưv têx hnuz so, iz chas six hơưv uô hâux lưv ntơưv taz viv, ntâu taz viv txơưr cux sik đros uô đeiv their njêx muôs no:

          “Hâur six hơưv zuôr txos zos muôx chêx cuk, pêz zuôr sir jos krêz uô đêz đar tsi taz phưx vưv hâur lưx lươngv công an Sơn La mak zuôr khơưk muôz paz têx taz viv đrâuv chiê sik đros hla đhâu têx phêv liv hâur côngz xưv phax tar moz”

          Têx đeiv their njêx muôs tâu uô lok six zôngx ziv. Đros têx chiến sĩ cảnh sát cơ động, đeiv their njêx muôs no zôngv muôx chêx cuk đuô đeiv bos kror ndâux, tiv zix zos zôngv tâu ntâu jiês thâuv tưz nzuôr hur si. Đhâu 2,3 hnuz krêz uô, têx taz viv tưz uô tiêr 200 đeiv their njêx muôs. Tix lâuk Nguyễn Anh Tú, nhoz đại đội 2, tiểu đoàn cảnh sát cơ động tỉnh Sơn La heik:

          “Cur pov lok six jông siêz thâuv tâu gôngr đas jos uô đeiv their njêx muôs chiê paz phax tar moz covid-19 jông đuô”.

          Zos lưx lươngv tơưv txênhz chêx chôngk, zos muôx iz lênhx nênhs trâus moz mak uôr cik moz lok six sei. Hâur co, thâuv uô jênhv vưv cán bộ, chiến sĩ njiz ntâu lênhx nênhs, lax phax tar tâu moz. Tix lâuk Lò Văn Ngọc, nhoz tiểu đoàn cảnh sát cơ động puz pâuz, cxôngx thâuv chox đeiv bos kror ndâux thiêz zôngv đeiv their njêx muôs zos têx đồng đội uô tâu mak tso siêz đuô thâuv uô jênhv vưv:

          “ Thâuv tâu khơưk muôz đeiv their njêx muôs no pêz lok six jông siêz, uô tsâus ntâu txos têx đồng đội. Thâuv moz tsênhv huôv xênhz li no pêz muôx đeiv their njêx muôs cur ov tso siêz thâuv uô jênhv vưv”

          Iz đeiv their njêx muôs tâu uô tiêr lok six muôx liv lox, tso pov cán bộ, chiến sĩ Phòng cảnh sát cơ động li siêz jông tsês trâu zuk têx đồng đội. No cux zos iz hâux lưv uô tsênhv tsênhz, gôngr phênhv sik côngv tês đros têx cấp, têx nganhx thiêz tas nro xã hội nzor txu grês, phax tar tâu moz covid-19./.

(Đắc Thanh-Txâur Vax cxeik nhênhv)