Têx lênhx pox niêv nhoz tox siêz Nghệ An txơưx ntok ntâuz thiêz xơưk pax ntâuz

Nhoz cxiê qơư hâur jok Hoa Tiến, niêx hnuz tsuôk hnor thiêz pov têx lênhx pox niêv hâur jok ntok ntâuz. Thâuv muk uô liêx uô têz lok so, niêv lâuk Lang Thị Hồng ho huôk njôngr jâuv mê njik ntok têx ntâuz xor. Niêv lâuk heik pâuz, zos iz lênhx nxeik hloz lox, lênhx tưs cux tsuv pâuz uô xor, ntok ntâuz, xơưs tsôngk trik yo hnar thiêz pax ntâuz, tsôngk trik yo ntơư zos nênhs Thêir lok zos Poz Ziz nhoz thax tsav qơư no txux chi cêr nênhx vênhx huôv. Niêv lâuk Lang Thị Hồng heik:

"Thâuv ntêx zos lênhx niêv kriê zuk uô, taz sik nhiv no muôx têx lênhx uô pax ntâuz, xơưs tsôngk trik yo kriê nzir, viv li têx lênhx pox niêv vir ndâuk lênhx tưs cux pâuz uô, pâuz xơưs chiê muôx nzir phênhv sâu tâu trâu chuôz zis, iz hlik txix 5-6 tsov đeiv'.

Đrav ntêx, têx xiv huv pax ntâuz, tsôngk yo ntơư tsuôk zos zuk uô trâu zuk thiêz têx nênhs hâur tsêr hnar, xơưs uô huv muôz fix chuôv trâu têx nxeik thâuv muk uô nhaz tâu hnar xưz. Seiz pov tâu nênhs Poz Ziz, tỉnh Nghệ An têx cêr nênhx vênhx huôv jông ntơư, lar heik zos têx huyện muôx ntâu tsôngv box heir nênhs Poz Ziz uô nênhx nhoz tưz cxiv tsa têx jok uô pax ntâuz, xơưs tsôngk trik yo, cê zos chiê tuôr tsês côngv thôngx têx txux chi vênhx huôv jông, cê chiê trâu tsôngv box muôx nzir phênhv sâu tâu txix têx xiv huv no.

Tsôngv box têx xiv huv uô tâu tưz yênhx têx huv tâu tsôngv kruô hâur thiêz đrâuv luôs 2 chas têz qơưk pâuz thiêz nhiêv zuôr txos. Têx pax ntâuz, tsôngk yo Hoa Tiến, Quỳ Châu tưz muôx muôs nhoz trâu cxuô qơư thiêz tsênhv tâu muôs muk trâu saz Lok Tsuôk, Thái Lan, Trung Quốc, Ấn Độ. Zơưv Lô Văn Tịnh, Bí thư Chi bộ jok Hoa Tiến 2, xã Châu Tiến, huyện Quỳ Châu heik pâuz, hur si hâur jok muôx txos 80% chuôz zis cxaz chuôz uô têx pax ntâuz, tsôngk trik yo heik sâuv. Uô zav hâux lưv no chênhr zos chiê tuôr tsês têx txux chi vênhx huôv jông taz sik cux muôx nzir phênhv sâu tâu trâu tsôngv box sơưr đơưk. Zơưv Lô Văn Tịnh heik:

"Uô zav hâux lưv no, mak iz chas uô liêx uô têz, tsôngv box tsênhv huôk tâu six hơưv thâuv tar su lok sik tsâuk ntux uô mê njik, chiê tsi pôngz plox thiêz muôx cxaz phênhv sâu trâu jok, trâu pêz jok Hoa Tiến".

Cux li jok Hoa Tiến, ntâu jêx jok ntơưv têx huyện Con Cuông, Quế Phong, Kỳ Sơn, Tương Dương, tỉnh Nghệ An tưz cxiv uô tâu têx jêx jok uô têx pax ntâuz, xơưs tsôngk trik yo li heik sâuv đros yênhx puô lênhx pox niêv vir ndâuk cxaz chuôz./.

                              (TTT-Riê Lâux cxeik, nhênhv)

Sin Suối Hồ-Lai Châu:Tsôngv box Hmôngz uô bluô nux txix huôv tsar uô du lix

          Jos Sin Suối Hồ nhoz đêz đrôngl Lai Châu 30 caik cêr, taz sik chêix yêz ô tô muk tas 2 six hơưv ntâu thiêx li txos, viv muôx ntâu ntu cêr muk lok khâuk lêv sâuv têx ntar trôngz siêz, tsik zôngx ziv muk lok đhâu.

          Hâur ntu đrav ntêx, zos chêix yêz muk đhâu txox cêr no cux tsik zôngx ziv; zos hâur têx hnuz ntux lok nas, tsuôk zos muk tơư. Txix ntu cêr Sin Suối Hồ tưz muôx bê hâur ntơưr thiêz muôx ntâu zav pax jông jav nhoz trơưk oz saz ntus cêr, lar hêik zos hâur luz hli 11, tâu tsôngv kruô tuôx ndis shuôk txos. Iz kro uô trâu tsôngv kruô nhiêv tuôx ndis shuôk txos Sin Suối Hồ, zos txix tsôngv px sđ têx vax tsêr, cêr nox nhoz muk lok đu lul, nziv trâu tsôngv kruô siêz nhiêv, tuôx sêiz shuôk txos. Ntơưv têx ndâux cêr zuôr muk trâu tsôngv px tsêr, cux sâu tsưr tsêr bê thiêz sâu số máy hu xor tôngx chiê chox kruô ndis shuôk têz qơưs. Đros ntơư, hâur oz saz cêr muk hâur jos cux muôx trôngx ntông chiê tsôngv kruô tuôx ndis shuôk têz qơứs tâu jâuv so uô si. Tix lâus Por x shôngx, nhoz jos Sin Suối Hồ hêik pâuz tiêk:  Hâur oz pêz shông đhâu lok no, tsôngv px sđ tưz muôx luz nênhx tsâu sor jux juk, viv uô qơư du lix thiêz chos pax Lan.

“Ziv chuôz  zis tưs cux chos pax, muôx iz cxiê ziv chuôz zis chos pax hâur iz shông cux sâu tâu oz pêz puô triệu thiêz tsôngv kruô cux tuôx ndis shuôk têz qơứs trâu têx hnuz thưr 7 thiêz hnuz ciêz”.

          Sâuv thax tsav jos Sin Suối Hồ, thâuv tưs cux muôx chuô lax nziês hâur yênhx shông đros trâu muôx ntâu zav shôngz ntông, ntâu zav pax tơứs jông jav; lar hêik zos pax Lan. Hâur ntu đrav ntêx, tsuôk muôx oz pêz ziv chuôz zis thiêx chos pax Lan; taz sik nhiv no ziv chuôz zis tưs cux chos pax Lan chiê muôs trâu tsôngv kruô tuôx ndis shuôk têz qơưs. Xav hâur shông đhâu, hur si cxuô ziv chuôz zis nhoz jos Sin Suối Hồ chos pax Lan muôs tưz sâu tâu lok nhiêx txiêx xar 2 tỷ ntâu. Tix lâus Trang x Vax, zos iz lênhx px nhoz jos Sin Suối Hồ hêik pâuz:

“Nhiv no chos pax địa Lan zôngx ziv đuô ntu đrav ntêx thiêz tsik txov nhêv li khưr tsêz chos blêx chos poz cưk”.

          Zơưv Phùa x shôngx, Bí thư chi bộ jos Sin Suối Hồ hêik pâuz: Jos muôx 114 ziv chuôz zis, 428 lênhx nênhs; xav txix shông 2010 txos trâu nhiv no, tsôngv px nhoz jos no tưz chuôz piz huôv tsar uô du lix côngv thôngx, cux sâu tâu mê njik nhiêx txiêx. Thâuv qir uô du lix cux njiz tsik zos tsơứs phiv liv; kror phiv liv tiv iz zos, tsuv uô li chas tsôngv px thiêx hlôngr tâu têx cêr uô nênhx nox nhoz muk lok cov huv đros, tsik uô vuôz tsuôz kiêk nênhs. Chiê uô cov tâu truôx luôs hâux lưv tok kruô du lix, ntâu ziv chuôz zis nhoz jos Sin Suối Hồ tưz tsưr tsix cxiv uô tsêr so tok kruô. Sở vênhx huôv du lix tỉnh lai Châu, tưz tso cán bộ muk yax kriê cxuô ziv chuôz zis cxiv uô tsêr tok kruô cov zos đrêiv li quy tênhv. Zơưv Phùa x Shôngx, Bí thư chi bộ jos Sin Suối Hồ hêik pâuz:

“Thax tsav qơư tsôngv px uô du lix đrav ntêx, hur si cxuô txox cêr muk lok zos tsôngv px sđ tưx kriz uô, têz qơưs paz xi măng. Txix shông 2014, hur si tsôngv px sđ sik côngv uô cêr lênhv suôz jêz txix ciês ntơưv ndâux cêr muk hâur jos”.

          Iz chas hâu nov ntơưv qơư đros paz, Bộ tuz lênhv biên phôngx tỉnh lai Châu cux sik côngv tsưr ziv đas jos đros huôv tsar uô du lix côngv thôngx cov huv đros. Thiếu tá Hà Đức Long, Chính trị viên, tuz lênhv  zênhx biên phôngx Sin Suối Hồ hêik pâuz tiêk: Pêz cux yax kriê tsôngv px sđ tsưr tsix huôv tsar uô cxuô qơư du lix tok kruô; tsêr kruô cov huv đros thiêz zos đrêiv chêi quy tênhv nhoz thax tsav ntus đriv.

“Tuz lênhv zênhx biên phôngx đros hâu nov ntơưv qơư yax kriê px huôv tsar du lix thiêz uô jông luôs hâux lưv chox kruô ndis ntux sêiz shuôk têz qơưs”.

          Muk txos trâu jos Sin Suối Hồ, tsôngv kruô sđ cux zuôr tâu nox siv pêz hêir nênhs Hmôngz cxuô zav nox li: Grêix kêiz, njêk đêx, chơưr poz cưk…Đhâu ntơư, tsôngv kruô cux zuôr tâu muk sêiz shuôk têx tox trôngz siêz li trôngz phăng xi phăng. Lar hêik zos pâuz txos pêz hêir nênhs Hmôngz têx cêr nênhx vênhx huôv jông thiêz têx qơư du lix côngv jông jav nhoz trâu thax tsav tox siêz đêz đrôngl./.

                                         (Tsu vưx cxêik nhênhv-Mạnh Phương TTT)