Mộc Châu, Sơn La: Tsêx trung xưv lik têx caz ruôr hiêv poz cưk

Niêv tix Lê Thị Vân ziv chuôz zis muôx 1 ha têz chos poz cưk ntơưv tiểu khu 77, thị trấn Nông Trường Mộc Châu. Đhâu thâuv uô ar chos njiêr tas, poz cưk tuôx thiêz hloz lox jông, taz sik txix thâuv poz cưk muôx pêz đêiv blôngx mak pov muôx iz chor caz nox blôngx thiêz plơưr zuz poz cưk, tsuôk oz pêz hnuz, chor pơz cưk trâus caz muôz nox lưx tas xưk li ntux lok lơưs ntâuk trâus. Niêv tix Vân puz pâuz:“Pox nhuôs sơưr đơưk chos mak tsik tâu muôx shông tưs trâus caz tho nox li no hlo, shông no mak caz muôz tho nox tas. Chuôz zis cux hêik tiêk muôz uô ar chiê txos ntux lok nas mak tror chos đuô sêz puôk tâu xưz. Nhiv no sêz muôx tsưr ziv li chak paz trâu pox nhuôs cov chos tâu lok cux tsik trâus ruôr hiêv luôx tưs, viv pêz chor têz nhoz no trâus caz ruôr hiêv ntâu hênhr”.

Cux xưk li niêv tix Vân ziv chuôz zis, ntơưv Đội tu zus 77, caz cux tưz ruôr hiêv xar muôx 80% chor têz poz cưk, uô hiêv hnhar trâus 33 ha. Phênhv ntâu chor poz cưk trâus caz tho nox mak plơưr tsik jông tas, tsik hloz lox lơưv. Ntâu ziv chuôz zis tsuv tror chos đuô, uô pôngz plox ntâu trâu pêx xênhv. Tix lâus Nguyễn Văn Biên, sêiz car qơư tu zus 77, Cong ty Cổ phần nhux đas zuôr cuô mik Mộc Châu, Sơn La puz pâuz:“Chor chuôz zis ntơưv no trâus hiêv ntâu. Zos tiêk huôv tsar sêi li no mak zuôr trâus hiêv tas hur si. Nhiv no Công ty chor zav nox vov kâuz mak puôr lênhx zos xuôk poz cưk uô. Zos tiêk sâu tsik tâu car poz cưk mak zuôr tsik muôx jâuz trâu tas nro chor nhux ox hâur iz shông”.

Đhâu thâuv muôz xa muk trâu chor cơ quan uô hâux lưv no xav jênhv tâu tiêk no zos zav caz njis ntông keo chêix ntux lax tsênhv uô hiêv ntơưv ntâu tiv phaz hâur têz qơưk. Zav caz no mak lok six lax phax tar, viv ntês tsêx trung trâu chor têz poz cưk mok (txix 3-5 đêiv blôngx). Thâuv tsênhv zâu mak nox blôngx, txos thâuv lox mak gâuv hâur njil poz cưk thiêz tho nox plơưr thiêz nox lok six sêi. Tix lâus Hoàng Văn Tuyến, Tiểu khu 77 thị trấn Nông Trưởng Mộc Châu, Mộc Châu, Sơn La puz pâuz:“Chor caz no mak pêz tsik tâu pâuz shor zos caz đaz tsi, taz sik ruôr hiêv, nox chor poz cưk mak lok six sêi. Hnuz uô ntêx tsik tâu pov li chak hlo, taz sik têis cik hnuz tov kaz mak pov chor poz cưk blôngx tưz trâus ox tas đơưz vos lơưv xưz. Li no mak vav tiêk chor nênhs nhênhz chơưv zuôr zok nriêr tâu yuôx paz trâu pox nhuôs tir tar cov tsik trâus hiêv ntâu”.

Mộc Châu zos iz hâur chor thax tsav chos ntâu poz cưk nhoz tỉnh Sơn La, đros xar muôx 16.000 ha poz cưk, sâu tâu muôx 67 cxênhz ntâu tấn iz shông, hâur co muôx 2000 ntâu ha chos chiê zuôr car pơz cưk vov uô zav nox trâu nhũ xđas. Chiê phax tir tar tsik siz cik sâuv thax tsav đar, huyện Mộc Châu tưz chox kriê chor xar, thị trấn tso cán bộ cxơưz cxiz uô kông qênhz yuôx sâuv têx têz pơz cưk, pov tâu muôx caz ruôr hiêv thiêz kruôz kriê pox nhuôs phax tar txix iz cxiê zav yuôx tuô caz.

Đros chor thax tsav muôx chor caz mok ntâu, đhâu thâuv tsuôs yuôx tas tsuv sêiz kaz jông, zos tsênhv pov muôx caz ruôr hiêv mak tsuôs nzir yuôx jiês tiv oz. Six hơưv tsuôk nzir jiês tiv oz đhâu tsuôs jiês iz txix 5-7 hnuz (Zav yuôx tsuôs jiês oz mak txơưr chor yuôx tsuôs uô ntêx cov caz tsik sưv yuôx). Six hơưv tsuôs yuôx jông tiv zixzos thâuv têis cik sơưr nzor lok sik zar hnuz kêix ntux tưz lax, tsik tsuôs yuôx trâu thâuv tar su. Pos Nguyễn Thị Hường, Phưv Giám đốc Tsênhv qơư Kỹ thuật Kôngz nuv huyện Mộc Châu, tỉnh Sơn La hêik:“Hêik pox nhuôs sơưr đơưk tsik so qênhz yuôx liêx têz, pov nzor, tiv zix zos ntu poz cưk mok txix 3-5 đêiv blôngx, tsuôs yuôx tuô lov, phax tar chor caz moz nhiv kruôr đâus li co zuôr muôx chêx cur đuô. Tsênhv qơư Kỹ thuật Kôngz nuv tưz muôx tsưr ziv kruôz kriê chor xar, hêik pêx xênhv phax tar qênhz yuôx pov muôx caz ruôr hiêv mak tir tar ciês zav caz no. Viv no zos zav caz ruôr hiêv yiêz, huôv tsar lok six sêi, ruôr hiêv cux sêi thiêz tas ntâu đuô pir li têx zav caz pov muôx thâuv ntêx no”.

Thâuv poz cưk tsênhv zâu zos ntu trâus hiêv ntâu tiv zix, viv li cơ quan uô hâux lưv no cux hêik trâu pox nhuôs sơưr đơưk tsik so sêiz shuôk têx liêx têz chiê pov muôx caz ruôr hiêv nzor, ndar six hơưv xưv lik lơưr cán bộ cxơưz cxiz uô kôngz li kruôz kriê./.

                                                                           (CTV Đức Cường-Lik Thox cxêik nhênhv)

Lênhs tov Đảng, têz qơưk dưv ntênhs chiv nhênhv 60 shông Hloz Hôx lok seiz yuô, đros tsôngv box têx mênhx cxưx Tây Bắc thav ntơưv Sơn La

          Kuôk nor 60 shông, ndaz ndơưv chiv nhênhv 5 shông ntâus zênhx lix xưv Điện Biên, 4 shông yênhx lix qơư tự trị Thái-Mèo hnuz xiêz 7/5/1959, Đảng bộ, chinhr quyênx thiêz tsôngv box têx mênhx cxưx Tây Bắc shir phaz tos zơưv Hloz Hôx tuôx seiz yuô. Ntơưv Qar tiêx huyện Thuận Châu, tsênhv qơư hành chinhr qơư tự trị Thái-Mèo thâuv co, Chủ tịch Hồ Chí Minh đros tsôngv box, bộ đội thiêz cán bộ thav. Hloz hlôngr njêx muôs Đảng thiêz Chinhr phuv kruôk txos tsôngv box thiêz bộ đội Sơn La, Tây Bắc li têx yênhx tix jông hâur têx shông tir ntâus tros por vêv têz qơưk nhoz Điện Biên Phủ, gôngr phênhv trâu têz qơưk tâu tiêx tul.

          Cxôngx hnuz tâu hôx fênhx tas nro sir jos uô kôngz lôngk, cxênhx txuôk, hlôngr yiêz luz nênhx, tuôr truôx txiv ngaz. Chủ tịch Hồ Chí Minh choz chêv tsôngv box, cán bộ, bộ đội tas nro thax tsav sir jos tưr thik tsiv uô kôngz lôngk thiêz cxênhx txuôk, cxiv tsa luz nênhx tsâu sor, shir phaz. Suôv câuv jax phuôx plov, Hloz heik “Cxuô lênhx muôx jông đas jos, sik côngv siêz côngv tês, sir jos tưr thik, yênhx côngz jông”. Hloz li lo luk heik co uô cxuô lênhx nênhs pov jông siêz, zôngx ziv to tâuz. Têx lo luk choz chêv co tưz yênhx seiz xar, huôx tôngv cơưx mênhv jông, chox kriê Đảng bộ thiêz tsôngv box têx mênhx cxưx Tây Bắc cxiv kho thiêz por vêv têz qơưk. Zơưv Quàng Văn Lại, tsôngv box nhoz phường Quyết Thắng, đrôngs Sơn La heik:“Chiê uô tsâus ntâu txos Hloz li txox cêr hluz tsês trâu tsôngv box têx mênhx cxưx Tây Bắc, pêz tsuv sik côngv siêz, cxiv kho thax tsav Tây Bắc huôv tsar jông, sir jos cxiv kho qơư vênhx huôv, tuêv, jêx jos vênhx huôv thiêz uô trâu đrôngs Sơn La huôv tsar chuôk thax tsav tiêx đras”.

          Yuôr pos Lò Thị Hoa nhoz huyện Yên Châu puz pâuz:         “Tuôx qar tiêx pov Hloz li đuôz pêz lok six shir phaz, uô tsâus Đảng, uô tsâus têz qơưk tưz tsov cưv chiê Sơn La ziv hnuz ziv huôv tsar đuô”.    Phuôx plov ntơưv ntênhs chiv nhênhv, Bí thư tỉnh ủy Sơn La Hoàng Văn Chất khav tênhv: uô lơưr Hloz li luk kriê tsês, Đảng bộ, chinhr quyênx, lưx lươngv vũ trang thiêz tsôngv box têx mênhx cxưx zuôr sir jos tưr thik, cxiv kho luz nênhx vênhx huôv yiêz, sir jos huôv tsar thax tsav li têx muôs jos chiê huôv tsar thiêz tax tâu ntâu yênhx tix jông sâuv cxuô vênhv thix, sir jos yênhx tỉnh huôv tsar jông hâur thax tsav tox siêz faz Bắc.

          Ntơưv ntênhs chiv nhênhv tưz tsưr tsix tsaz yênh nghệ thuật “Tây Bắc- Sơn La tiêv tiêv ndo txos Hloz Hôx” đros 500 ntâu lênhx nghệ sỹ, shux xênhz thiêz têx nghệ nhân nhoz têx tuêv, jêx jos cxaz chuôz. Suôv câuv ntênhs chiv nhênhv zos jiês tuô fov ntơưr thiêz đhiê pax vuôs xòe sik côngv siêz côngv tês./.

(Thanh Thủy-Txâur Vax cxeik nhênhv)