Nzor paz trâu tsôngv box tox siêz hla đhâu têx phiv liv tiv moz Covid-19

Jok Mò O Ồ Ồ, xar Thượng Hóa, huyện Minh Hóa, tỉnh Quảng Bình zos qơư tsôngv box Rục uô nênhx nhoz. Pox nhuôs luz nênhx zos khov trâu uô liêx têz, chos kôngz lôngk, kok ntông, chos tsơưz. Zơưv Hồ Bốn, 55 shông, nhoz jok Mò O Ồ Ồ puz pâuz, tiv phiv liv txix moz covid-19 kok ntông chos tâu lok muôs tsik tâu, luz nênhx hax zav txov nhêv. Zơưv Hồ Bốn trâus sêv khiz luz chêr, tsik so trâus moz gênhs xar cov nzor txêik tâu Chính phủ li têx paz:“Cux txâuk nox, hâur tsêr muôx mor, muôx jâuz đaz tsik mak nox đaz tsi. Nhiêx txiêx lok cux tsik muôx ntâu chiê muk ciêz zuôr jâuz, grêix lok nox. Vav tiêk têz qơư zuôr nzor paz trâu pêx xênhv”.

Xar Thượng Hóa, huyện Minh Hóa, tỉnh Quảng Bình muôx zuôr xar 800 ziv chuôz zis đros muôx 3600 lênhx nênhs, phênhv ntâu zos tsôngv box mênhx cxưx tsơưs nênhs. Ntu no, pox nhuôs têx kôngz lôngk muôs tsik tâu, cxur tsês chiê lok cux tsuôk txâuk nox hâur iz ntu lur…Chính quyền tiv phaz tsik so muk yênhx jêx jok, nus yênhx chuôz zis chiê nriêr pâuz lok pêx xênhv luz nênhx. Chuôz zis tưs tas cxur mak nzor paz tâu sêiz, tsik chiê chuôz zis tưs yêiz plaz, tsik muôx nox. Zơưv Đinh Thanh Văn, Chủ tịch UBND xar Thượng Hóa, huyện Minh Hóa puz pâuz, tiv phaz sêi đrơưv qênhz shuôk, uô bê ntơưr chor chuôz zis tâu sơưv cêr chêi, chuôz zis pluôs thiêz pox nhuôs tsik muôx hâux lưv uô, njiz trâus phiv liv tiv moz Covid-19 chiê paz trâu lơưr:“UBND xar mak tsik so qênhz yuôx, nriêr pâuz pox nhuôs luz nênhs yênhx hnuz. Zos pox nhuôs yêiz plaz tiês mak UBND xar sir zôngv phênhv dự phax xar chiê zuôr cxur thiêz muôz paz ciês trâu pox nhuôs. Chiê uô tsênhv chêi ngaz tuk xar hôiv, UBND xar yênhx lix Ban chox kriê chiê qênhz yuôx, nriêr pâuz chor nênhs lox tôngv, chuôz zis pluôs, zuôr xar pluôs”.

Zơưv Đinh Văn Lĩnh, Phưv chủ tịch UBND huyện Minh Hóa, tỉnh Quảng Bình puz pâuz, hâux lưv xav jênhv chor nênhs lox tôngv tsik muôx hux thôngx, lox tôngv tự do tsik muôx hâux lưv uô tsênhv ziv hnuz ziv njiz ntâu phiv liv:“Pêz tưz chox kriê qênhz yuôx cxuô nro têx phiv liv txix moz Covid-19 txos huôv tsar nganhx, hâux lưv uô, kinh têr xar hôiv huyện. Hêik pâuz têx tsưr ziv paz trâu nênhs lox tôngv chiê taz por ngaz tuk xar hôiv sâuv thax tsav, truôx tuk luz nênhx trâu pox nhuôs, tiv zix zos thax tsav tsôngv box mênhx cxưx tsơưs nênhs, thax tsav nhoz đêz, tox siêz…”./.

(TTMT-Lik Thox cxêik nhênhv)

Cêr cxơưx lok têx vuôz tsuôz kiês nênhs hâur ntu moz Covid-19

huôv xênhz

Têx hnuz đhâu, têx đeiv bos kror ndâux tâu seiz zos chuôz zênhx muôx đros đreiv đros cxuô lênhx nênhs thâuv tơưv mul đrâuv jôngr. Chiê taz por phax tar moz jông tiv zix, iz lênhx nênhs tsuv zôngv tsơưs tiv zix 2 đeiv bos kror ndâux iz hnuz. Viv zos xiv huv tsuôk zôngv iz jiês viv li thâuv por tsês, têx đeiv bos kror ndâux y tế tưz đhâu sir zôngv txơưv têx vuôz tsuôz kiês nênhs thiêz tsi muôx txux zôngv phax moz lơưv:“Fênhx yax cur chuôz zis iz hnuz iz lênhx zôngv 2 đeiv. Li ntơưv mak iz hnuz zôngv 8 đeiv, têx hnuz li no cur zôngv 2-3 đeiv. Thâuv zôngv tas cur por tsês ciês. Thâuv ntêx mak cur tsuôk zôngv đeiv ntâuz bos kror ndâux xưz. Cxôngx thâuv moz huôv xênhz cur thiêx zôngv đeiv bos kror ndâux y tế”.

          Zos iz lênhx zôngv 2 đeiv hâur iz hnuz, đros thiêz muôx nhos 50% ntâu tsôngv box sir zôngv mak chor bos kror ndâux y tế por lok hâur tênhx qơư têx hnuz đhâu lok six ntâu.“Phênhv ntâu hâur têx qơư por vuôz tsuôz kiês nênhs mê thiêz lox puôr lênhx muôx lok six ntâu đeiv bos kror ndâux y tế. Pêz tsi tsov cưv txos zos muôx hor ntâu taz sik mak qơư por vuôz tsuôz kiês nênhs tưs cux pov muôx lok six ntâu”.

          Đeiv bos kror ndâux tưz đhâu sir zôngv njuôs xav muôx caz moz, cxôngx têx nênhs moz khâuz thuôk, moz lok cêr uô pa, moz thox plaz...Viv li, nênhs sir zôngv tsi cxoz por têx đeiv bos kror ndâux cxuô qơư, tsi taz uô kiês nênhs tênhx qơư mak tsênhv njuôs xav cik moz trâu côngv thôngx thiêz. Niêv lâuk Phan Thị Tuyến- Uô hâux lưv hâur công ty tênhx qơư đô thị Hà Nội cxơưx thiêz heik li no:“Cxôngv thâuv muôx moz huôv xênhz cur mul uô hâux lưv sâuv cêr mak pov muôx lok six ntâu đeiv bos kror ndâux tâu por tov têx cêr, pêz tsuv mul qêz suô tas nro têx đeiv bos kror ndâux co, lok six ntâu, nênhs sir zôngv tsi muôz siêz zuk li txơưx jênhv siêz xar viv li thâuv tsi zôngv thiêz mak por ciês tov cêr. Cur xar mak hâux lưv tsuv uô nhiv no zos phax tar moz, viv li chox đeiv bos kror ndâux mak thâuv zôngv tas cux tsuv por trâu qơư tso vuôz tsuôz kiês nênhs thiêx li tsi uô cik moz trâu lênhx nênhs txơưr. Zos por li no tov cêr mak njuôs xav zuôr uô cik moz trâu lênhx nênhs txơưr”.

          Têx chuyên gia y tế cux heik, tsi cxoz por têx đeiv bos kror ndâux y tế tưz đhâu sir zôngv đros chuôz zis li têx vuôz tsuôz kiês nênhs, viv nhiv no, hâux lưv pheiz têx zav vuôz tsuôz kiês nênhs tsi tâu tâu uô jông thiêz uô cxix cxuô, phênhv ntâu zos têx vuôz tsuôz kiês nênhs cxuô zav. Hâur co muôx đeiv bos kror ndâux tưz đhâu sir zôngv lok six riêz nênhs đros têx lênhx nênhs uô hâux lưv qêz suô têx vuôz tsuôz kiês nênhs thâuv zôngv tês cor trâus têx co. Bác sĩ Trần Xuân Hùng-Phưv giám đốc Tsênhv qơư seiz car moz tỉnh lào Cai muôx lul heik li no:“Hâux lưv tsôngv box por têx đeiv bos kror ndâux trâu tov têx cêr zos iz hâux lưv uô riêz nênhs njuôs xav uô hiêv txos côngv thôngx li đas jos viv têx lênhx nênhs njuôs xav trâus moz li têx kâuz ndâus njuôs xav muôx caz moz sâuv têx đeiv bos kror ndâux tưz đhâu sir zôngv, chiêx tâu hâur 6 six hơưv, muôx têx caz tsênhv chiêx ntêr đuô. Đros têx đeiv bos kror ndâux li ntơư mak zuôr uô caz moz cik lok hâur tênhx qơư lok six ntâu, njuôs xav cik moz trâu côngv thôngx. Đeiv bos kror ndâux thâuv tưz đhâu sir zôngv tsuv por trâu qơư por têx vuôz tsuôz kiês nênhs muôx hâu vor cov ntov chiê taz por côngz xưv sâu thiêz yưr lir têx vuôz tsuôz kiês nênhs”.

          Lơưr têx chuyên gia, chiê phax tar moz, tsôngv box txơưv tsi zos thâuv tưs cux tsuv zôngv đeiv bos kror ndâux y tế iz jiês mak zôngv têx đeiv ntâuz bos kror ndâux fênhx yax, zôngv tas zôngv yuôx phongx nxuô hur si chiê tror zôngv jiês tov kaz. Tiv zix, ntơưv têx tiv phaz tâu cêv kuôk tiv muôx moz huôv xênhz mak lênhs tov tiv phaz tsuv thôngz pov trâu têx cán bộ yưr lir tênhx qơư tsưv ziv đuô thâuv uô hâux lưv sâu têx vuôz tsuôz kiês nênhs. Têx đeiv bos kror ndâux y tế zôngv iz jiês tsuv tâu sâu trâu iz luz hnaz txơưr, đhâu co khi cov jông thiêz chox mul por tsês, chiê caz moz tsi cik lok hâur tênhx qơư iz buôk ndis./.

(VOV1-Txâur Vax cxeik nhênhv)