Luz tsêr tsês cxuô chuôz zênhx hâur thax tsav Tây Nguyên

          Luz tsêr nhoz ntu cêr Hải Triều, đrôngl Buôn Ma Thuột, tỉnh Đắc Lắc, tâu zơưv Võ Minh zok nriêr thiêz cxiv tsa chiê tsês trâu cxuô hêir nênhs thax tsav Tây Nguyên têx chuôz zênhx kuz đrav ntêx. Luz tsêr no tâu zơưv Võ Minh Luân cxiv uô cxix cxuô, huv đros thiêz luz tsêr co đar muôx 500 ntiêr, trâu tsês hêir nênhs Tây Nguyên cxuô zav hưx jông txơưr tsik siz thôngx, tâu cxiv uô đhâu yênhx cxênhz shông lok. Zơưv Võ Minh Luân cux hêik pâuz tiêk: Hur tiz si têx chuôz zênhx ntơư, iz cxiê tưx zok nriêr tâu, muôx iz cxiê zos têx fôngx zưs muôz puz:

          “Zav hưx Thanh Lễ no zos zav hưx chóe cur tsênhv taz tov zok nriêr, thiêz tsik zôngx ziv zok nriêr tâu. Cur tưz zok nriêr txix shông 2017 txos trâu nhiv no, taz sik muôx iz cxiê zav chuôz zênhx cux zuôr tâu; zos zuk tsik khơưk tsês chiê, tsik zok nriêr mak cxuô zav chuôz zênhx co zuôr trâus pôngz plox lơưv jux juk”

          10 cxênhz ntâu zav chuôz zênhx kuz đrav ntêx, txix cxuô zav hưx hâur ntu Đông Sơn, Lý, Trần, Lê zos zav Biên Hòa, Châu Ô, Quảng Đức…txos trâu thax tsav Tây Nguyên. Ntơư zos zơưv Võ Minh Luân, sir tas ntâu đas jos tsưr ziv zok nriêr tâu hâur ntu đhâu. Viv zok nriêr cxuô zav hưx, zơưv thiêx pâuz tâu ntâu lok lịch sử đros trâu cxuô hêir nênhs VN têx vênhx huôv jông. Zơưv  Đặng Gia Duẩn, phưv Giám đốc sở vênhx huôv-Du lix tỉnh Đắc Lắc hêik pâuz:

“Pêz cux sik njiz sik thav tiêk: Ntơư zos iz qơư du lix trâu tsôngv kruô sđ tuôx sêiz shuôk. Sir jos zok nriêr khơưk tsês chiê cxuô zav chuôz zênhx kuz đrav ntêx tok txos ntênhk hội cà phê Buôn Ma Thuột jiês tiv 8 shông 2021, mav li kriz qơư du lix no, cov yênhx iz kror qơư trâu tsôngv kruô tuôx sêiz shuôk”

          Txix zok nriêr cxuô zav chuôz ênhx kuz đrav ntêx chox lok tsês chiê, cux tâu chuôz zis jông siêz thôngx ziv, viv ntơư zos iz luôs hâux lưv uô muôx liv trâu cxuô hêir nênhs hâur hur si têz qơưs. Lar hêik zos cxuô hêir nênhs nhoz thax tsav Tây Nguyên cxuô chuôz zênhx kuz đrav ntêx, tưz tâu zơưv Minh Luân chox lok khơưk tsês chiê. Đros co, zơưv Võ Minh cux tsênhv zok nriêr cxuô hêir nênhs nhoz đrôngl HCM, tỉnh An Giang têx vênhx huôv jông chox lok tsês chiê cov muôx đros đrêiv hâur luz nênhx tsik chiê pôngz plox.

          “Cur xar tiêk, tsuv uô li chas cov zok nriêr tâu Việt Nam cxix cxuô zav hưx chóe, zos zuk pox côngz zơưv côngz uô hâur ntu đrav ntêx. Cur zok nriêr cov tâu cxix cxuô chox lok tsês chiê trâu thax tsav Tây Nguyên cov tsôngv kruô cux li têx tuz nhuôs tiêv tov kaz pâuz txos”.

          Nhiêv zuk thax tsav qơư xênhz zus, uô nênhx lox hloz, zơưv Võ Minh Luân, muôx siêz nhiêv hur tiz si cxuô hêir nênhs nhoz thax tsav Tây Nguyên têx chuôz zênhx kuz nto bê, tsiv uô tâu yênhx cxênhz shông đhâu đrav ntêx chox lok khơưk tsês tsik chiê pôngz plox./.

(Tsu cxêik nhênhv-VOVTN)

Triệu Nguyên Minh-zos iz lênhx tuôr chiê hêir nênhs  Cho têx vênhx huôv jông

Đros zơưv Triệu Nguyên Minh, chiê muôx tâu têx txux chi mênhx cxưx Cho liêz li nhiv no cux zos iz kro hmôngr lok six jông. Uô njuôs niêv njuôs txir txix thâuv zâu, zơưv tâu iz lênhx nênhs chox txix qơư kik Thái Bình tuôx trâu tox siêz Lào Cai-huôv tsar cêr uô nox. Thâuv co zơưv hmôngr jông tâu iz chuôz zis mênhx cxưx Cho jênhv uô mê nhuôv puôs. Pov zơưv cux txơưx njê, lơưr tưz chiê muk cơưv hêir nênhs Cho têx ntơưr đrav ntêx.

Jênhv pâuz tâu chor ntơưr no têx tsiv gri vênhx huôv; viv li hâur 30 ntâu shông đhâu zơưv Minh tưz sir jos nhênhz chơưv thiêz tsês ntâu six hơưv muk zok nriêr thiêz tuôr chiê. Nhiv no zơưv tsênhv tuôr chiê tâu muôx 100 ntâu fâu ntơưr sâu txix hêir nênhs Cho têx ntơưr đrav ntêx. Hâur co muôx lok six ntâu fâu ntơưr muôx tsiv gri lịch sử. Tiv zix, muôx têx fâu ntơưr sâu hêik lok têx phongx cxưx, kruôz kriê lênhx nênhs lok cêr uô nênhx jông. Zơưv cux tsik so mnôngs Đaix chiê cơưv nzir txux chi, nriêr pâuz lok têx tsưr ziv uô jông chiê kho đuô têx ntâuz ntơưr cov huv đros paz trâu nênhs nhênhz chơưv zôngx ziv pâuz đuô:

“Thâuv ntêx no mak hâux lưv tuôr tsês chiê lok six phiv liv, iz zav li jax txi côngv pox côngz zơưv côngz, nhiv no cur tưz sâu tsês cxix cxuô yênhx iz fâu ntơưr. Thiêz ntâu kror txi côngv, ntênhk, phongx cxưx txơưr đuô cux tâu kho đuô huv đros. Nênhs pâuz tâu ntơưr nôm mak zuôr sêiz nhênhv tâu. Thâuv sâu yênhx ntơưr li no lơưv mak zuôr thôngx ziv tâu tsưr ziv sir zôngv, hêik tsênhv mênhx txos têx ntênhk. Nhiv no tas nro têx jêx jok nhoz Nậm Dạng no puôr lênhx sir zôngv trơưk chor ntơưr no hur si”.

Tưz tsik zos tuôr tsês chiê tâu ntâu fâu ntơưr lâu tsiv gri, zơưv Triệu Nguyễn Minh tsênhv kruôz kriê trâu ntâu cxênhx hluôk, paz trâu lơưr zos yênhx têx txir nênhz. . hâur côngv thôngx mênhx cxưx Cho hêik cxuô, lênhx txir nênhx tsik so tâu sêiz zos mênhx cxưx cho li iz lênhx cưk kriê txux chi, zos nênhs tuôr chiê thiêz pâuz txos têx ntơưr lâul. Txos nhiv no, nhoz chor xar huyện Văn Bàn tưz muôx zuôr xar 300 lênhx nênhs tâu zơưv kruôz kriê, thiêz nhiv no tưz muôx nhos 20 lênhx nênhs zuôr sơưr uô tâu têx ntênhk, phongx cxưx phiv liv tiv zix hâur mênhx cxưx Cho luz nênhx.

Uô lơưr zuk txir li siêz nhiêv txos vênhx huôv mênhx cxưx Cho, zơưv Minh 8 lênhx nhuôs tuz, lênhx tưs cux pâuz ntơưr Nôm Cho thiez puôr lênhx zos chor txir nênhz txơưx hâur thax tsav. Zơưv Minh tuz tuz nzơưs zos tix lâus Triệu Kim Hữu tsênhv xar tơưv tâu suôz gâux Cho txix ntơưr Nôm thiêz uô tâu têx phongx cxưx phiv liv tiv zix lơưr mênhx cxưx li chax chês.

“Txix thâuv zâu cur tưz zênhx tâu cơưv ntơưr, cê cơưv ntơưr cho thiêz zuk mênhx cxưx têx phongx cxưx. Nhiv no cur tưz uô tâu ntâu kror phongx cxưx txix zâu txos hloz lơưv. Nhiv no, khov thâuv txir tsênhv muôx jos mak kruôz kriê nzir trâu zuk cov cxix cxuô đuô. Pov cur txir tưz tâu Đảng, têz qơưk kruôk txos, tâu côngz jênhv zos nghệ nhân ưu tú mak cur hax zav sir jos cơưv đuô, nhênhz chơưv nriêr pâuz têx ntâuz ntơưr lâul pox côngz zơưv côngz tưz tsês chiê co”.

Nhiv no, tiv muôx ntâu kror vênhx huôb txuôv đros, chor nênhs pâuz lok vênhx huôv mênhx cxưx Cho li zơưv Triệu Nguyễn Minh yuôr tsik chôngz lơưv . Chênhr viv li, chênhr viv li mak hâux lưv kruôz kriê trâu cxênhx hluôk têx tsiv gri vênhx huôv xưk li zơưv Minh zos iz kror hâux lưv uô lok six jông, tâu chính quyền tiv phaz thiêz pêx xênhv côngz jênhv. Zơưv Nguyễn Anh Đức, Phưv chủ tịch UBND xar Nậm Dạng, huyện Văn Bàn, tỉnh Lào Cai hêik:

“Zơưv Minh zos nênhs nhiêv nriêr pâuz thiêz tuôr chiê têx ntơưr Cho lâul txix ntêr lok lơưv. Zơưv tưz sir jos kriê trâu cxênhx hluôk nênhs hâur jok. Thâuv zơưv tâu côngz jênhv nghệ nhân ưu tú, tưz tsik tiêk zos chuôz zis cêr shir phaz xưz mak zos tas nro pox nhuôs cxuô mênhx cxưx hâur xar Nậm Dạng li cêr shir phaz thiêz. Pêz zênhx tsik so cxơưz cxiz chor nênhs muôx siêz nhiêv tuôr tsês chiê zuk mênhx cxưx li têx vênhx huôv cxôngx nzor cov tsik trâus pôngz plox”.

Shông 2019, zơưv Triệu Nguyên Minh zos iz hâur tỉnh Lào Cai li 10 lênhx nghệ nhân thiêz zos 561 lênhx nênhs hâur têz qơưk tâu chủ tịch têz qơưk khơưk kruôk zos “Nghệ nhân ưu tú”. No cê zos kror khơưk kruôk muôx gri lox, cê zos kror cxơưz paz đas jos chiê zơưv Triệu Nguyên Minh tror kruôz kriê, tuôr chiê thiêz phuôx huiz mênhx cxưx Cho li têx tsiv gri vênhx huôv jông co trâu cxênhx hluôk nênhs tov kaz no pâuz txos cov tsik trâus pôngz plox./.

(Chẻo Thu-Lik Thox cxêik nhênhv)