Jax sâu thưr 4.13.7.2016:

NTUS ĐRIV HÂUR TSÔNGV BOX SIÊZ

          Chuôz zis nôngx mênhx Lý Diếu Soàn nhoz jos Lao Chải, xã Sì Lở Lầu zos ziv chuôz zis muôx phênhv sâu cxôngx 1 hecta ntâu txir hơưk sâuv jôngr nhoz buôk ntus đriv. Txơưv tiêk tưz muôx 60 shông, taz sik ciêz tưs, zơưv cux mul seiz têz iz txos oz jiês. Zơưv li hâux lưv zos yax six mul pêv têz txir hơưk chiê uô cam kết đros canr bôv Zênhx pênhz phax Sì Lở Lầu lok hâux lưv seiz car tul ndêx đriv têz 72 nhoz buôk chuôz zis li têz txir hơưk. Chiê por vêv chuôz zis li mênhv chêx txir hơưk, thiêz gôngr phênhv por vêv ntus đriv têz qơưk, zơưv chuôz zis cux tưz gôngr 3.000 yiv ndis ntâu ar nhoz buôk ntus đriv chiê bôv đôiv pênhz phax cxiv lax caz tir their.

          Zơưv Lý Diếu Soàn heik: zuk tưz cam kết đros canr bôv tsuv uô cov jông. Xar uô jông mak tsuv yax six mul seiz car, mnôngs chiê pov cov trâu bôv đôiv. 10 shông ntâu đhâu, zuk thiêz cxuô lênhx nênhs hâur chuôz zis tưz pov yênhx châuv txuz uô cxâuv cêr đriv têz. Zuk cux heik trâu yênhxx puôk jiês lênhx tsôngv box 2 saz ntus đriv tsi mul đhâu, tsi uô cxâuv quy chế ntus đriv. Đros thiêz hâux lưv cxiv lax caz tar, qir thơưx zuk tsi pâuz, viv li cux teix chế độ. Thâuv pâuz thôngz zuk ho zos lênhx nênhs uô ntêx gôngr côngv ar. Zơưv Lý Diếu Soàn heik:

          “ Viv jênhv pâuz tsênhv kis, cur pâuz tsi tas hâux lưv cxiv lax car tar ntus đriv li ziz njiêz, viv li cuiz tênhv teix tâu pâux nzir ar trâu chuôz zis. Taz sik tâu têx lênhx bôv đôiv pênhz phax thiêz chinhr quyênx xã ntâu jiês heik kriê, cur pâuz hâux lưv cxiv tsa lax caz tar ntus đriv zos hâux lưv muôx liv trâu têz qơưk thiêz pox nhuôs tsôngv box thax tsav no. hâux lưv uô no paz bôv đôiv pênhz phax mul seiz car zôngx ziv đuô, cxôngx co tuôr truôx txiv ngaz thax tsav pêz nhoz uô nênhx. Thâuv pâuz thôngz, cur tưz txưv zênhv gôngr ar mak tsi teix tul tsi hlo”

          Tsi taz uô hâux lưv seiz car cêr đriv têz, ntâu shông no, tsôngv box Hà Nhì, Cho nhoz têx xã Sì Lở Lầu, Ma Ly Chải tưz chiv chir gôngr yênhx châuv cxênhz yiv ndis ar sâuv ntus đriv tiv phaz chiê bôv đôiv cxiv tsa lax caz tar, por vêv ntus đriv. Têx luz bê li Lý Diếu Soàn, Chẻo Chỉn Nụ nhoz jos Lao Chải ( xã Sì Lở Lầu) lok sik Giàng Tả Mẩy nhoz jos Tỷ Phùng, Lý A Sa nhoz jos Gia Khâu ( xã May Ly Chải) zos têx lênhx nênhs uô ntêx nyuôk viv têz qơưk, viv tsôngv box nhoz tiv phaz. Lơưr tâu pâuz txos zos têx lênhx nênhs jông viv liv zix têz qơưk, tsi viv zuk thiêz chuôz zis li liv zix mak teix tâu pâux nzir cxuô zav.

          Zơưv Tẩn Lao San, chủ tịch UB xã Sì Lở Lầu puz pâuz: Đros thiêz tsôngv box têx mênhx cxưx nhoz tiv phaz, lơưr li kinh têr phênhv ntâu khov txos liêx têz, tsoz txir hơưk, poz cưk thiêz kok ntông. CHiê muôx tâu mênhv chêx liêx jông nhoz thax tsav ntus đriv, ntâu cxênhx nênhs tưz pôngz lok six ntâu côngz krêz phaz. Viv li qir thơưx uô chủ trương cxiv lax caz their mak chính quyênx thiêz tiv phaz cux njiz lok six ntâu phêv liv.

          “ Qir thơưx muôx chủ trương cxiv lax caz their ntus đriv mak ntâu chuôz zis tsi thôngx ziv. Taz sik thâuv mul njuôs xav, chính quyênx xã đros zênhx pênhz phax yax mông, vênhv tôngv viv li pox nhuôs cux uô lơưr. Têx chuôz zis cux thôngx ziv chiê bôv đội pênhz phax thiêz chính quyênx cxiv lax car their por vêv ntus đriv. Pox nhuôs cux pâuz tiêk chủ trương no zos viv têz qơưk li liv zix”.

          Nhoz tox siêz ntus đriv Phong Thổ, hâux lưv tsôngv box txưv zênhv cxaz chuôz coar lik ntus đriv, ndêx đriv têz muôx lok six ntâu, hâux lưv gôngr côngv ar chiê uô cêr, cxiv lax caz ntus đriv cux muôx tsi tsơưs. Ntâu shông no, têx chuôz zis tsôngv box Hmôngz, Cho, Hà Nhì nhoz buôk ntus đriv tưz txưv zênhv seiz car ndêx đriv têz thiêz gôngr côngv yênhx châuv hecta ar kôngz nuv, jôngr nuv chiê cxiv lax caz ntus đriv. Tsôngv box nhoz no pâuz tiêk hâux lưv no zos côngz tsinhx côx phax, viv têz qơưk li liv zix. Yuôr ndêx đriv têz, yuôr ntus đriv mak yuôr têz qơưk, yuôr luz nênhx ngaz tul nhoz zuk jêx zuk jos.

          Thiếu tá Lù Văn Chung, chính trị viên Zênhx pênhz phax Sì Lở Lầu, huyện Phong Thổ puz pâuz: Têx shôngk đhâu, Zênhx pênhz phax Sì Lở Lầu tưz chuv tôngv đros cấp ủy, chính quyênx tiv phaz yax mông, vênhv tôngv chiê tsôngv box đros cxaz chuôz seiz car por vêv txiv ngaz ntus đriv. Đros tsưr ziv uô co, zênhx pênhz phax tưz mul seiz car, vênhv tôngv pox nhuôs đăng cir cxaz chuôz têx tuêv coar lik ntus đriv, ndêx đriv têz, chiv chir coar lik txiv ngaz jêx jos. Txos nhiv no, zênhx pênhz phax tưz cxiv tsa tâu 10 tuêv txiv ngaz thiêz tuêv chiv chir coar lik nhoz 10 jêx jos chiê por vêv txiv ngaz; vênhv tôngv tâu 10 tuêv, 600 ntâu ziv chuôz zis, 15 xênhv nênhs đros zuôr xar 2.400 lênhx nênhs cxaz chuôz phongz yaox chiv chir por vêv 30 ntâu cei cêr ntus đriv, 9 tul ndêx đriv têz taz por. Thiếu tá Lù Văn chung puz pâuz:

          “ Canr bôv pênhz phax đros canr bôv tiv phaz yax mông mak pox nhuôs thiêx pâuz thôngz. Đhâu co pox nhuôs thôngx ziv gôngr côngv ar mak tsi teix pâux nzir tul tsi. Hâur six hơưv krêz uô pox nhuôs cux gôngr côngv đas jos chiê cxiv uô lax caz trơưk six hơưv”.

          Ntus đriv nhoz đreiv hâur tsôngv box siêz, co tsi taz zos têx bôv đôiv pênhz phax nhoz têx xã Sì Lở Lầu, Ma Ly Chải li tsưr ziv huôx tôngv mak zos tas nro têx zênhx pênhz phax nhoz ntus đriv Lai Châu. Txos nhiv no, ntus đriv tưz tsênhz tsênhz zos têx bôv đôiv pênhz phax li têz qơưk. Thiêz tsôngv box ntus đriv tưz tsênhz tsênhz zos têx lênhx chiến sỹ pênhz phax tsi chox quân hàm, niêx hnuz tuôr truôx ntus đriv têz qơưk./.

Khắc Kiên- Txâur Vax cxeik nhênhv

Phênhv thưr 4 hnuz 13/7/2016

Chơưv kho thiêz tsoz phưz đas jos chêix ntux sor cuz

Kror jênhv pâuz

Têx muôx yưv tsik so njiz hâur chêix ntux cuz sor zos njiz trâus thiêz tir tâu yar ntux cuz, uô trâu luz chêr cuz sor.

- Nhoz phênhv tsi tâu hnhar: gênhk, nkrik đêx, tsâuk muôs, plơưr đhiê chênhr, uô pa sêi…

- Nhoz phênhv hnhar mak moz tâu hâu chênhr, lax uô pa, xar ntuôr lok sik ntuôr, tsik muôx jos lok sik tuôs iz saz chêr, yênh, tsik xênhr thiêz têx jâuv zuôr trâus tuôs.

Tsưr ziv tir thêir

Thâuv njiz têx phiv liv lok đas jos tiv yar ntux cuz, khov lơưr têx muôx yưv mak sêi đrơưv sir zôngv chor tsưr ziv huv đros li đrav kaz;

- Zos tsik tâu hnhar: chox ciês nênhs trâus kâus yar muk trâu têx qơư muôx nzôngr nzông, lax nziês.

Uô cov trik yo xôngz lok sik hlê chor trik yo muk, đhâu co so trâu nênhs moz iz chêr cov lax txix xuôk đêx nzuôr thiêz so cov hur si. Tso fuôv txiêk ntơưv qơư li kror tso, poz têik, oz saz chax đaz chiê paz uô trâu jêx tưv luz chêr grêk sêi.

+ Zos tiêk nênhs moz hâuk tâu đêx, muôz trâu hâuk đêx txiêkk jux juk. Jông tiv zix zos cuô njêr li oresol siz tor huv lơưr kruôz kriê.

+ Zos tiêk nênhs moz trâus nzênh lênhs tsuv max mav juôx kror qơư co.

+ Tsik chiê chôngz nênhs nhoz iz ndis nênhs trấu ssaz đhâu muôx 10-15 phênhz zuôr jông jux juk.

- Zos tiêk trâus hnhar, tsuv sêi đrơưv chox lênhx nênhs trâus saz muk tsêr kho moz jê tiv zix. Thâuv thâux xa muk tsêr kho moz tsik so muôz đêx txiêk so trâu nênhs nênhs trâus siêz./.

(Báo SK&ĐS-Lik Thox cxêik nhênhv)