Gia Lai: Têx shir phaz jông txix tsưr ziv đrak liêx lox chos caz tsiz

Zơưv Nguyễn Minh Chúc, nhoz tổ 1, phường Ngô Mây, thị xã An Khê, tỉnh Gia Lai tưz cxaz chuôz sik côngv uô tsưr ziv đrak liêx lox chos caz tsiz txos nhiv o tưz muôx 3 shông. Zơưv đros 20 lênhx nênhs txơưr đuô cxiv uô đrak liêx chos caz tsiz xar muôx 20 ha. Sâuv thax tsav no, zơưv thiêz sơưr đơưk tâu tsêr mêir uô suôz thax njêr paz cxuô kror. Khov co, chêx cur kinh tế tâu gra siêz đuô. Zơưv Nguyễn Min Chúc hêik: “Txix hnuz cxaz chuôz đrak liêx lox mak tâu tsêr mêir paz cxuô kror, qir zuôv thiêz sâu zuôr tâu tsêr mêir tsov cưv txos mak pêx muôx phênhv sâu lok six jông. Iz ha yưx tas cxuôz zav, sâu tâu 80 triệu iz hec ta. Pir li tsoz chos txơưr đuô nhoz thax tsav no mak nhiv no tsoz caz tsiz sâu tâu ntâu tiv zix”.

Đhâu 5 shông cxiv tsa tsưr ziv đrak liêx lox ntơưv chor huyện faz Đông tỉnh Gia Lai, tsêr mêir uô suôz thax njêr An Khê (Công ty cổ phần uô suôz thax njênhr Quảng Ngãi) tưz yưv pênhr muôx 400 ntâu luz mêir lêix têz côngz suất lox thiêz 8 luz mêir txiêr sâu caz tsiz tsiv gri yênhx puô tiv đêiv. Kror hlôngr yiêz no tưz uô trâu chor đrak liêx caz tsiz lox nhoz no zos iz công trường, hlôngr yiêz uô txix uô ar, chos txos txiêr sâu. Đros co, côngz xưv nhênhz chơưv zuz nôngz caz tsiz yiêz muỗ tsơưr lươngv siêz cux tâu tsov cưv txos, paz txo grêk nhiêx txiêx yưv pênhr, chuôz ndê tsơưr lươngv caz tsiz thiêz chêx cur kinh tế. Zơưv Nguyễn Hoàng Phước, Trưởng phòng yưv pênhr-cxuô zav, tsêr mêir uô suoz thax njêr An Khê, puz pâuz: “Nhiêx txiêx cxiv uô đrak liêx lox mak txo grêk 15-17 triệu đêiv pir li tsưr ziv uô kuz. Đuô li, tsơưr lươngv siêz đuô oz jiês viv li chêx cur lok đrak liêx lox mak lok six jông. Thiêz zov chênhr đuo zos muôx chính quyền tiv phaz paz, sik côngv đros tsêr mêir uô suôz thax njêr An Khê chiê cơưv pêx xênhv kriz uô tsưr ziv no”.

Đhâu 4 shông kriz uô, txos chiv caz tsiz uô suôz thax njêr 2016-2017, tsêr mêir uô suôz thax njêr An Khê tưz cxiv tsa tâu 4 cxênhz hac ta đrak liêx lox ntơưv chor huyện faz Đông Gia Lai. Viv chêx cur pov tsênhv mênhx, viv li tsưr ziv uô đrak liêx chos caz tsiz lox tsênhv tâu chor huyện, thị xã ntơưv tỉnh Gia Lai sir jos kriz uô, đros tsưr ziv tax tâu 10 cxênhz hec ta trâu shông 2020. Chiê uô truôx jông, thôngx ziv hâur kriz uô, chính quyền tiv phaz tưz chox kriê yênhx lix chor hươpk tac xã caz tsiz lơưr tsưr ziv yiêz. Zơưv Nguyễn Hùng Vỹ, chủ tịch UBND xã AN khê, tỉnh Gia Lai puz pâuz: “Tsưr ziv uô kaz ciês zos uô chak chiê pêx xênhv sơưv tâu liv ntâu tiv zix hâur sir zôngv cơ giới hóa trâu uô xênhz yar, chuôz ndê sâuv iz thax tsav uô. Thiêz tsưr ziv uô zos cxiv tsa hợp tac xã lơưr tsưr ziv yiêz zuôr zos kror luz đraz, sơưr paz sik côngv nhoz tsêr mêir uô suôz thax njêr thiêz pêx xênhv”.

Têx hlôngr yiêz cxuô nro tsêr mêir uô suôz hax njêr An Khê thiêz tỉnh Gia Lai tsênhv uô, zos kror uô tsuv muôx trâu nganhx uô suôz thax njêr tiv phaz uô têx tsav txênhz lox muôx sâuv tiêx têz. Đros têx hlôngr yiêz no, pêx xênhv li kror liv tưz tâu taz por uô ntêx, sik côngv nhoz pêx xênhv thiêz doanh nghiệp tâu uô truôx, uô xênhz yar caz tsiz-suôz thax njêr nhoz no tsênhv puz pov huôv tsar truôx./.

                                                                                                                       (TTTN-Lik Thox cxêik nhênhv)

Lênhx bộ đội lâuk têx tsưr ziv-cêr tsiv txov tir ntâuk tros châuz ntơưv têz qơứs Lok Tsuôk tsênhv nhoz trơưr siêz tsik plox

Xênhz shông 1949, ntơưv huyện Phù yên, tỉnh Sơn La, lơưr têz qơưk li lul hu grus, shông tâu 18 shông hnuz nhôngs, lênhx hluôk nênhs Cầm Xuân Ế sơưr cêr mul uô bộ đội ntơưv taz viv Sư đoàn 316, quân khu Tây Bắc, nhoz ntơưv xã Chiềng Ve, huyện Mộc Châu, tỉnh Sơn La. Cxôngx shông 1969 txos shông 1972, zơưv cxaz chuôz chiến dịch ntơưv têz qơưk Lào, đhâu ntâu cxiv tsav txênhz zov chênhr li: Đras liêx Chum, Xiêng Khoảng; ntâus nhoz Pa-Thí, tỉnh Sầm Nưa; ntâus lol thax tsav Vàng Pao têx shông 1969-1971 thiêz tsênhv yuôr ntâu cxiv tsav txênhz mak zơưv ndo njôngr hâur siêz tsi plox. Thiếu tướng Cầm Xuân Ế heik:“ Hâur cxiv tsav txênhz no, têx bộ đội ziv sik côngv siêz đuô. Muôx têx đồng chí trâus saz, mak hâur cxiv tsav txênhz, txơưv tiêk tros châuz tsi so ntâuk bôngk, tuô fov taz sik cux tsi nyei thiêz khiêr mul chơưv zuk đồng đội chiê chox lol chơưv kho”.

          Suôv câuv cxiv tsav txênhz, zơưv tror lol uô côngz xưv ntơưv têx taz viv quân đội nhoz Sơn La. Cxôngx shông 1989 txos shông 2005, zơưv uô ntâu hâu nov lox. Hâur co cxôngx shông 1999 txos shông 2005, zơưv zos chỉ huiz trưởng Bộ chỉ huiz quân sự tỉnh Sơn La. Cxôngx shông 2005 txos shông 2010, zơưv tâu mul uô Tư lệnh phó Quân khu II. Hâur six hơưv co, zơưv chox kriê paz cxưv tsa 3 jêx jos nhoz tỉnh Hủa Phăn, têz qơưk Lào, đhâu co chuôz cxaz cêr coaz siv jông Việt-Lào. Shông 2006, zơưv tâu ndê quân hàm Thiếu tướng Quân đội pêx xênhv Việt Nam thiêz txos hli 10 shông 2010 txơưv so lâuk. Hâur six hơưv uô côngz xưv, zơưv tưz tâu Đảng thiêz têz qơưk khơưk muôz ntâu huân, huy chương tsiv grê li: Huân chương quân công hav 3; huân chương chiến công hov 1, 2,3; 2 huân chương Ít-xa-la thiêz huân chương lox tôngv hov 3 zos têz qơưk Lào khơưk muôz. Cxôngx hli 10 shông 2012 txos nhiv no, zơưv zos Chủ tịch Hội bộ đội lâuk tỉnh Sơn La, Ủy viên thường vụ TW Hội bộ đội lâuk Việt Nam. Nhiv no, thiếu tướng Cầm Xuân Ế thâuv tưs cux ndo txos têx đồng đội, têx lênhx nênhs trâus tuôs hâur cxiv tsav txênhz, muôx têx lênhx tror lol tsêr taz sik muôx luz nênhx tsênhv lok six txov nhêv. Cxôngx sik côngv đros ntâu chiz coaz, đoanx thêv, shông 2013 txos nhiv no, hội tưz paz 350 ntâu lênhx bộ đội tỉnh SƠn La cxuôv tsêr lav nhoz, tsêr xơư nas. THiếu tướng Cầm Xuân Ế heik:“Cur li siêz xar zos têx bộ đội lâuk thâuv tưs cux muôx tsêr nhoz jông, zaoz zux tuz nhuôs tror phuôx huiz têx cxênhx nênhs tov ntêx li cêr chax chês jông, nhiêv têz nhiêv qơư chiê đros tas nro Đảng, tas nro tsôngv box por vêv têz qơưk, tuôr truôx cơưx mênhv nhiv no li têx yênhx tix”.

          Tsênhv nhoz uô nênhx mak tsênhv tror gôngr côngv, đros thiêz pưs txux zos Chủ tịch Hội bộ đội lâuk SƠn La, Thiếu tướng Cầm Xuân Ế tsênhv tror uô jông têx lênhx bộ đội li têx côngz xưv; thôngx cxix sir tas đas jos paz txưv trâu têx bộ đội tsênhv yuôr ntâu phêv liv hâur luz nênhx./.

                                           (H.Long-Txâur Vax cxeik nhênhv)