Txar qơư nhoz trâu tsôngv box Sơn La- tsênhv yuôr ntâu

phêv liv

Tul đêx Nặm Păm ntưs đhâu thị trấn Ít Ong, huyện Mường La, tỉnh Sơn La hâur jiês đêx cuôr yôngz lix xưv kaz hli 8/2017 tưz uô ruôr hiêv hnhar lok lênhx nênhs thiêz tsôngv box li chuôz zênhx chuôz tas. Qir lol trâu cheix ntux lol nas shông no, chinhr quyênx tiv phaz tưz sir jos chiê txar têx ziv chuôz zis nhoz buôk tul đêx mul nhoz qơư yiêz. Taz sik tsênhv yuôr iz cxiê ziv chuôz zis tsi tâu txar viv muôx ntâu lik zơưx txơưr.

          Jiês đêx cuôr yôngz lix xưv tseiz no tưz cuôr lơưv tas nro chuôz zis niêv lâuk Tòng Thị Oanh nhoz jos Nà Nong, thị trấn Ít Ong, huyện Mường La li têx chuôz zênhx chuôz tas. Đêx cuôr tuôx txos thâuv iz tas hmo, niêv lâuk oz niêv txir tsuôk zênhx puôs tul mê nhuôs khiêr mul đreiv ntơưv tsêr cơưv ntơưr nhoz jê tsêr nhoz. Khưr ntâu shông đhâu chuôz zis thiêx kho đuô tâu luz tsêr kuz. Txơưv zos chuôz zis tsuv txar qơư nhoz thiêz tưz tâu chinhr quyênx tiv phaz pheiz ar nhoz ntơưv thax tsav qơư nhoz yiêz, taz sik chuôz zis tsi tâu txar mul nhoz, txơưv tiêk pâuz nhoz ntơưv qơư kuz lok six riêz nênhs:

          “ Tâu Đangv, têz qơưk tsov cưv txar qơư nhoz taz sik cur chuôz zis cux njiz ntâu phêv liv, nhiv no chuôz zis nhiv kruôr kho đuô tâu tsêr chiê lav nhoz tsi muôx theox chênhv txar mul qơư nhoz yiêz. Txar mul mak tsuv tâu paz txưv pênhr nhiêx. Xar njôngr têz qơưk tsov cưv puz txeik pênhr chiê ngaz tul luz nênhx”.

          Lơưr têz qơưk li cui tênhv, iz chuôz zis tsuv txar qơư nhoz tiv ntux nas zuôr tâu paz txưv 20 tsov đeiv ntâu. Taz sik, txos nhiv no phênhv pênhr co tsi tâu tâu huyện Mường La muôz trâus tsôngv box tas. Tsênhz mênhx 60 ziv chuôz zis nhoz jos Huổi Tóng xã Chiềng Lao, huyện Mường La txar mul qơư nhoz yiêz thâuv hâur shôngk shông 2018, taz sik txos nhiv no tsi tâu jênhv tâu pênhv paz txưv tưs. Zơưv Lường Văn Ngương nhoz jos Huổi Tóng puz pâuz:

          “ Txar mul nhoz jos yiêz mak pox nhuôs cux ngaz tul. Nhiv no tsuôk xar njôngr têz qơưk tsov cưv txos phênhv nhiêx txiêx paz txưv txar qơư nhoz. Niv no pox nhuôs txar qơư nhoz  txeik cưr tix nênhx tsa li nhiêx txiêx xưz, tsi tâu tâu jênhv tâu chor nhiêx txiêx paz txưv txar qơư nhoz tưs”.

          Đros pox nhuôs thax tsav txov nhêv tsuv txar qơư nhoz tiv ntux nas, lơưr zuôr trâus pênhr chiê yưv pênhr zuôr chuôz zênhx tsiv uô. Đros co cuiv ar têz chiê krêz đar mênhv chêx tsêz chos, tu zus cux phêv liv viv phênhv ntâu zos ar têz nxaz. Zơưv Quàng Văn Hia nhoz xã Chiềng Lao, huyện Mường La heik:

          “ Thâuv ntux lol nas mak plas tsêr ar xưz poz viv li zos têz qơưk tsov cưv txar qơư nhoz yiêz mak cur xar txar mul nhoz jos yiêz”.

          Tsênhz mênhx nhiv no, phêv liv lok pênhr nhiêx tưz uô trâu hâux lưv txar tsôngv box nhoz qơư riêz nênhs tiv tox poz xã Chiềng Lao tâu krêz uô kênhz đuô pir đros tsưr ziv tso tơưv. Zơưv Lò Văn Nguyên, canr bộ địa chính xã Chiềng Lao puz pâuz:

          “ Nhoz xã Chiềng Lao nhiv no tưz txar tâu 3 qơư, yuôr 1 qơư nhoz Tằng Khé muôx 23 ziv chuôz zis tsi tâu txar qơư nhoz. Nhiv no pêz cux nriêr qơư nhoz trâu lơưr taz sik tsi tâu tâu muôx qơư tưs nhoz jê ntơưv no huv đros tsôngv box”.

          Lơưr tỉnh Sơn La li tsưr ziv txar qơư nhoz phax tar ntux nas txos shông 2025 tâu thôngz đhâu zos 3 cxênhz 299 ziv. Phênhv ntâu chor chuôz zis tsuv txar qơư nhoz puôr lênhx zos chuôz zis pluôs, zuôr xar pluôs. Viv li chinhr quyênx tiv phaz thiêz pox nhuôs xar njôngr têz qơưk chuôz ndê phênhv paz txưv txar qơư nhoz chiê lơưr cê taz por luz nênhx cê tsiv uô xênhz yar, txu yeiz thiv pluôs tâu truôx vênhs nhoz qơư nhoz yiêz./.

                     (Thanh Thủy- Txâur Vax cxeik nhênhv)

Chuôz zis pluôs tâu paz txos 90% nhiêx bảo hiểm kôngz nuv

Nghị định số 58/2018/NĐ-CP lok bảo hiểm kôngz nuv cui tênhv chor tiz nênhs, tsưr tsix huôv tsar uô kôngz nuv nhoz hâur tsênhv chêi paz bảo hiểm kôngz nuv têz qơưk zuôr sơưv phênhv paz li đrav kaz:

Chor nênhs huôv tsar uô kôngz nuv zos chuôz zis pluôs, zuôr xar pluôs zuôr tâu paz siêz tiv zix zos 90% nhiêx bảo hiểm kôngz nuv;

Tiz nênhs huôv tsar uô kôngz nuv tsik zos chuôz zis pluôs, zuôr xar pluôs tâu paz siêz tiv zix zos 20% nhiêx bảo hiểm kôngz nuv. Tsưr tsix huôv tsar uô kôngz nuv sik côngv paz uô, tsêx trung, thax tsav lox đar sir zôngv khoa học công nghệ thiêz tsưr ziv huôv tsar uô kôngz nuv hur, sưv đros tênhv qơư tâu paz siêz tiv zix zos 20% nhiêx bảo hiểm kôngz nuv…

Bảo hiểm kôngz nuv zuôr paz zos chor nênhs zuôr bảo hiểm njiz phiv liv tiv trâus chuô lox, xoz tuô, đêx ngaz cuôr, ar poz, yar ntux cuz sor, ntux kruôr, caz hmoz… ruôr hiêv txos.

Nghị định tâu uô txix hnuz xiêz 5/6/2018./.

                              (Thu Thùy-Lik Thox cxêik nhênhv)