Tos jênhv 1000 ntâu taz viv nyar hâur hnuz xuz thơưx tsưr tsix

tso nyar jông siêz nhoz Đăk Lăk

Hâur hnuz xuz thơưx, tsaz yênhx tsưr tsix tso nyar jông siêz ntơưv huyện Ea Kar tưz zaz zâuv tâu zuôr xar 2 cxênhz lênhx sâu be tso nyar, đhâu co tưz tos jênhv tâu 1 cxênhz 137 taz viv nyar. Zơưv Phạm Văn Chương, nhoz xã Ea Ô, huyện Ea Kar puz pâuz, zơưv tưz đros tso nyar jông siêz tâu 30 jiês. Zơưv cux vênhv tôngv ntâu lênhx nênhs hâur chuôz zis, xênhv nênhs sik đros tso nyar jông siêz. Ntu đhâu, tưz muôx 9 lênhx hâur zơưv chuôz zis muk tso nyar jông siêz. Hâur co zơưv tul tuz tưz muôx 14 jiês tso nyar jông siêz. Zơưv Phạm Văn Chương heik:

          “Đros cur tsuv pâuz tau six hơưv muk đros tso nyar jông siêz thiêz vênhv tôngv pox nhuôs, cưr tix nênhx tsa muk tso nyar jông siêz. Tsaz yênhx no lok six jông viv tso nyar jông siêz lok six muôx ziz njiêz trâu côngv thôngx thiêz xã hội”.

          No zos shông tiv 7 tsaz yênhx tsưr tsix ntơưv Đăk lăk. Hâur six hơưv cxôngx xiêz 6/7 txos xiêz 6/8, tsaz yênhx zuôr tsưr tsix ntơưv têx qơư: Đại học Tây Nguyên (TP Buôn Ma Thuột), thị xã Buôn Hồ, Cục nhiêx sâu sê tỉnh Đăk lăk thiêz têx huyện Ea Kar, Cư Mgar, M’Đrắc, Krông Păk; njuôs xav tos jênhv muôx nhos 6 cxênhz taz viv nyar. Đros vênhv tôngv tso nyar jông siêz, tsaz yênhx zuôr tsưr tsix yax mông thiêz heik kriê tsôngv box lok hâux lưv tso nyar jông siêz; vênhv tôngv cxaz chuôz têx Câu lạc bộ tso nyar jông siêz chiê truôx siêz tso nyar thâuv muôx nênhs moz zuôr trâus txos nyar chơưv kho moz.

          Hâur 6 jiês tsưr tsix ntơưv Đăk Lăk tsaz yênhx tso nyar jông siêz tưz jênhv tâu 12 cxênhz taz viv nyar. Pos Nguyễn Thị Phi Thảo, Chủ tịch Hội chữ thập đỏ tỉnh Đăk lăk heik, tsaz yênhx paz yax mông jông nhoz tiv phaz:

          “Tas nro cxix luôk chinhr trị puôr lênhx cxaz chuôz, cxuô lênhx tsôngv box sik đros cxaz chuôz. Cxôngx cán bộ công nhân viên, lưx lươngv vũ trang, tốngv box tiv zix zos tsôngv box têx mênhx cxưx tsơưs nênhs cux sir jos cxaz chuôz tso nyar jông siêz. Chênhr viv li mak njênhs njôngr tsaz yênhx zuôr tax tâu ntâu yênhx côngz jông”.

          Tiến sĩ Bạch Quốc Khánh, Viện tsar Viện huyết học- tso nyar Trung ương, Tsar ban tsưr tsix tso nyar jông siêz puz pâuz, shông no, tsaz yênhx tâu tsưr tsix ntơưv 42 tỉnh, thành phố sâuv tas nro têz qơưk, njuôs xav tos jênhv 80 cxênhz taz viv nyar. Txơưv trâus zênhr shar tiv moz Covid-19 uô six hơưv tsưr tsix lis đuô niêx shông, taz sik no zos shông tsaz yênhx tsưr tsix đêz đar, hâur six hơưv ntêr thiêz muôx ntâu tiv phaz cxaz chuôz tiv zix. Tiến sĩ Bạch Quốc Khánh puz pâuz, xav txos hnuz xiêz 6/7 tsaz yênhx tsưr tsix ntơưv 15 tỉnh, thành phố, tos jênhv tâu 11 cxênhz ntâu taz viv nyar, khov têx tiv phaz li têx tsưr ziv tsưr tsix jông, huv đros:

          “Iz hâur têx kror yiêz hâur têx tsaz yênhx zos lok six ntâu tỉnh, hâur co muôx Đăk Lăk tsưr tsix lơưr tsưr ziv yiêz, chox tsaz yênhx lok txos têx huyện thiêz Ban chox kriê nhoz têx huyện cux xưk li tsôngv box têx mênhx cxưx lok six truôx siêz cxaz chuôz tsaz yênhx tso nyar jông siêz shông 2020”./.

(VOVTN-Txâur Vax cxeik nhênhv)