Chor meir Camera paz seiz car tuôr truôx txiv ngaz ntux đriv

  Tsênhv qơư thành phố Móng Cái puôr lênhx tâu đhok camera seiz car tas nro thành phố li huôx tôngv hâur yênhx hnuz yênhx hmo. Ntơưv têx qơư cuz nxor lok hâux lưv nhiês muôv muôs hax huv đhâu ntus đriv li thax tsav Z1, Z2 nhoz thax tsav phường hải yên, phường Ka Long, qơư tsav yêz Ngọc (xã Bắc Sơn) thành phố Móng Cái tưz đhok meir camera yiêz A1, cơư tâu đêz đar thiêz thâuv hmo ntux cux cơư tâu. Tas nro têx đuôz cơư tâu puôr lênhx tâu sâu tsês ntơưv lênhs tov tỉnh thiêz thành phố li qơư uô hâux lưv. Zơưv Đỗ Văn Tuấn, Phưv chủ tịch UB thành phố Móng Cái pz pâuz cxôngx thâuv nox tsiêz tas, thành phố đhok cxaz meir camera seiz car ntơưv yênhx châuv qơư li trôngx đriv, qơư qênhz yuôx cei cêr 15, têx qơư cêv kuôk chêx chôngk chiê muôz siêz chêx cuk coar lik têz qơưk ntơưv thax tsav ntus đriv:

          “Pir li pêz nhoz no cux seiz tâu tas nro têx huôx tôngv nhoz thax tsav ntus đriv, trôngx đriv...tiv zix zos đros thax tsav muôx ntâu tul đêx li Móng Cái mak tsi txâuk lưx lươngv chiê seiz car 70 cei cêr ntus đriv. Qir thơưx pêz ntâus grê mak no zos tsưr ziv chox lok chêx cuk tsênhv tsênhz, tiv zix zos thâuv qênhx shênhx moz Covid-19 tsênhv huôv xênhz thiêz qênhx shênhx muk lok đhâu ntus đriv tsi trơưk chei tsênhv muôx yưv ntâu”.

          Quảng Ninh zos tiv phaz muôx ntâu phêv liv thâuv moz Covid-19 huôv xênhz viv muôx cêr ntus đriv ntêr đros têz qơưk Trung Quốc. Bộ đội pênhz phax Quảng Ninh li têx taz viv tuôr truôx zos 90 tuêv, qơư seiz car thiêz yênhx puôk lênhx cán bộ, chiến sĩ uô hâux lưv sâuv ntus đriv cxôngx thâuv muôx moz huôv xênhz txos nhiv no. Lưx lươngv tsơưs, đros co zos uô ntâu jênhv vư mak hâux lưv muôx Camera paz seiz car zos lok six jông, paz trâu bộ đội pênhz phax lok six ntâu tiv zix zos hâur têx hnuz qiv hơưv tsi jông, li Thượng tá Đỗ Thái Bình Vương, chính trị viên Zênhx pênhz phax Bắc Sơn, TP Móng Cái:

          “Tsênhz mênhx muôx ntâu hâux lưv tâu pêz seiz đhâu camera, đhâu co lưx lươngv pênhz phax tưz nriêr thiêz ntês tâu lênhx nênhs nhiês muk lok đhâu ntus đriv, uô jông côngz xưv phax tar moz thiêz taz por xã hội. Pêz li siêz xar njôngr zos thành phố Móng Cái đhôk cxaz camera thiêz yưv pênhr cxaz cxix luôk no trâu têx zênhx pênhz phax chiê tir tar hâux lưv tsôngv box 2 têz qơưk uô cxâuv cui tênhv ntus đriv, taz por ntus đriv 2 têz qơưk đuô”.

          Tsi taz muôx thax tsav thành phố Móng Cái, têx huyện ntus đriv li Hải Hà, Bình Liêu cux đhok camera ntơưv têx qơư zov chênhr, têx mêr cêr thiêz têx thax tsav ntus đriv. Zơưv Hồ Đức Quang, Chủ tịch UB huyện Hải Hà puz pâuz 4 luz camera nhoz ntơưv Bản Mốc 13, xã Quảng Đức, qơư thâuv ntêx yax six muôx tsôngv box ntus đriv 2 muk lok đhâu tưz tsênhz tsênhz phuôx huiz tâu txux zôngv:

          “Thax tsav no tsuôk kuôk iz tul đêx thiêz muôx ntâu mêr cêr muk lok đhâu. Hâux lưv đhok meir camera ntơưv no paz xã thiêz zênhx pênhz phax Quảng Đức seiz car jông đuô huôx tôngv muk lok đhâu ntus đriv. Tỉnh ủy tưz chox kriê Ban chỉ huiz Bộ đội pênhz phax tỉnh thiêz têx sở nganhx sik đros seiz shuôk ntus đriv tsi taz Hải Hà xưz mak tsênhv muôx Bình Liêu thiêz Móng Cái chiê muôx tsaz yênhx đhok meir camera cxuô thax tsav ntus đriv. Pêz tsênhv krêz uô lơưr tỉnh li chox kriê”.

          Hâux lưv đhok têx chuôz zênhx khoa học, yiêz no ntơưv Quảng Ninh tưz yênhx trus khav tênhv tâu ziz njiêz tsênhv tsênhz, txu grês têx phêv liv trâu lưx lươngv pênhz phax. Seiz car jông ntus đriv cxôngx cxix luôk meir camera tsênhv zos Bộ tư lệnh Bộ đội pênhz phax thiêz têx tiv phaz muôx ntus đriv li tsưr ziv uô viv truôx tul txiv ngaz ntus đriv./.

(VOV4-Txâur Vax cxeik nhênhv-Lưu văn bản, in đĩa)

Lênhx pox niêv Hmôngz uô bluô nux txix tu zus gruôz

Niêv tix Sú Xênhv Thox, xênhz zus thiêz hloz lox hâur iz chuôz zis muôx chôngz lênhx nuk muôs ntơưv xar Sín Chéng, huyện Si Ma Cai. Shông 2011 thâuv muôx 18 shông, niêv tix Sú tsik muk cơưv ntơưr nzir mak nhoz tsêr chiê zuôr txir. Thâuv lok uô nhaz ntơưv jok Ngải Phóng Chồ, xar Thải Giàng Phố. Oz niêv txir luz nênhx lok six txov nhêv, têx ar têz tâu niêv txir muôz cux lok six tsơưs xưz. Đros gruôs thiêz sir jos cơưv shâuv, niêv tix Sú tsik so xar, nriêr tsưr ziv uô nox chiê paz muôx nzir phênhv sâu trâu ziv chuôz zis. Shông 2017, thâuv sêiz tâu têx xor mông lok tsưr ziv tu zus nôngs gruôz Pháp sâuv mạng internet, niêv tix Sú tưz sêiz lax đros tuk txir thiêz cuêz tênhv tuz zus siv viv no zos tsưr ziv uô nox txix tu zus huv đros trâu chor nhiêx pênhr muôx tâu thiêz huv đros trâu ntơưv thax tsav qơư. Thâuv nhiv kruôr piz tu zus, nhiêx pênhr đros chênhz zênhv tu zus tsênhv tsơưs viv li chor gruôz hloz lox tsik jông, tsik so muôx moz. Taz sik đros zos lênhx hluôk nênhs, niêv tix Sú tưz sir jos muk cơưv shâuv nzir têx tsưr ziv tu zus nôngs txix têx qơư txơưr đuô hâur huyện, hâur tỉnh txix kỹ thuật tu zus txos trâu sik côngv kriz đar qơư sâu zuôr muôs.

Khov trâu cêr gruôs thiêz sir jos, nriêr pâuz tsênhz têx tsưr ziv tu zus nôngs nhoz têx qơư txơưr đuô chox lok sir zôngv uô trơưk viv li nhiv no ntơưv niêv tix Sú chuôz zis muôx zuôr xar 200 gơưv nôngs gruôz zus chia ntês kê đâus mê nhuôv. Niêv tix Sú muôs nôngs grêix zos 150 cxênhz đêiv iz gơưv thiêz nôngs gruôz nôngz zus ntês kê zos 250 cxênhz đêiv 1 gơưv paz muôx phênhv sâu xar muôx 4 triệu đêiv iz hli. Gruôz mak cux zôngx ziv muôs, tiv grêix kaz, muôx ntâu tsơưr pưr, muôx chôngz nênhs zuôr thiêz luôs tuôx ti gâuk tsêr chiê zuôr. Niêv tix Sú Xênhv Thox puz pâuz: “Thâuv piz tu zus gruôz mak njiz lok six ntâu kror phiv liv, tiv iz zos tsik muôx nhiêx chiê zuôr nôngz gruôz cov ntâu lok zus. Uô ntêx mak tu zus tso xưz tsik cơư viv li sêiz shuôk tsik tâu caz moz thiêz tsik pâuz tuk gruôz tưs zuôr ntês kê”.

Chiê chor gruôz hloz lox thiêz huôv tsar jông, niêv tix Sú tưz yưv pênhr cxiv uô iz kror qơư tu zus muôx tsêr guôx lox đar, hâur co muôz phêiz uô yênhx qar nhoz zâu, iz qar mak tu zus iz gơưv gruôz ntês kê. Chor chiêr đêx trâu gruôz hâuk mak tâu uô chiv chir ntưk đêx trâu gruôz hâuk, tsêr guôx tâu cxiv uô cov lax nziês, hur đu cov chor nôngs gruôz huôv tsar jông, cê taz por tênhv qơư iz ndis. Qơư nox thiêz jêk ntês kê trâu nôngs gruôz cux tâu uô huv đros, viv li niêv tix Sú chos nôngs gruôz huôv tsar thiêz hloz lox jông, tsik trâus cik cxuô zav caz moz.

Thâuv niêv tix Sú chor gruôz huôv tsar, tưz tsik zos muôs gruôz tuô uô grêix nox trâu ciêz đrôngs, niêv tix Sú chuôz zis tsênhv muôs chor gruôz nôngz trâu sơưr đơưk sâuv thax tsav thiêz cux taz por muôx txâuk gruôz trâu chuôz zis tu zus. Niêv tix Sú njuôk xav, kaz shông no zuôr khơưz huk chor jêk liêx zâu ntơưv tsêr chiê kriz đar thiêz yưv pênhr uô nzir tsêr guôx chiê tu zus nzir muôx 200 gơưv gruôz ntês kê chiê đâus mê nhuôv thiêz. Viv gruôz mak muôx tsiv gri kinh têr siêz đuô pir li tu zus chor tsiêx cxu lox thiêz kêiz ol; nhiêx txiêx chiê tu zus tsik tas ntâu thiêz cux zôngx ziv tu zus đuô.

Niêv  tix Sú Xênhv Thox hêik pâuz nzir: “Ntu zuôr txos cur vav tiêk cxuô cấp chinhr quyền paz tsar tov lok têx pênhr txêik chiê kriz uô cov đar đuô têx tsêr guôx chiê tu zus gruôz. Đros co, muôx cán bộ cxơưz  cxiz uô kôngz kruôz kriê kỹ thuật tu zus chor nôngs gruôz no cov jông đuô”.

Chênhr viv li mak niêv tix Sú ziv chuôz zis li tsưr ziv tu zus gruôz tưz paz tsik tsơưs trâu hâux lưv hlôngr yiêz đuô tsoz chos, tsiêx tu zus, paz muôx tâu têx hax huv tsơưr lươngv siêz. Đhâu co, tưz paz muôx tâu iz tsưr ziv uô nox yiêz chiê paz cxơưz cxiz chor hluôk nênhs moz siêz, sir jos uô nox đuô ciês ntơưv zuk thax tsav qơư nhoz.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô. Đros muôx Tsênhv qơư cxơưz cxiz uô kôngz Têz qơưk đros paz uô./.

(Lầu Chia-Lik Thox cxêik nhênhv)