Jax
thưr 5, hnuz 13/8/2015
Têx lênhx cán bộ công an“ 4 đros” tsôngv
box
4 đros zos: Đros tsôngv box xã Làng Nhì nox, nhoz, uô
hâux lưv thiêz đros heik tsôngv box luk, têx lênhx canr bôv nhoz Công an tỉnh
Yên Bái thiêz Công an huyện Trạm Tấu tâu chuôz tsar muk trâu cxuô thax tsav paz
tsôngv box ntơưv qơư cxiv tsa truôx txiv
ngaz chiê tsôngv box huôv tsar kinh tế XH. Iz chas luôs hâux lưv cxiv tsa têx
tsưr ziv lok txiv ngaz, ngaz tuk, têx lênhx cán bộ công an lok nhoz ntơưv qơư
paz tsôngv box cux cxiv tsa thiêz cơưv shâuv tsưr ziv ntêk cxov têx lênhx nênhs
uô cxâuv, kriê tsưr ziv uô hâux lưv zuôr trâus txos trâu têx lênhx nênhs car uô
đreiv hâux lưv no chiê taz por txiv ngaz, truôx tuk trâu têx qơư. Zơưv Mùa Sái
Tông, Bí thư Đảng ủy xã Làng Nhì, huyện Trạm Tấu heik:
Băng: “ Công an tỉnh
Tổ côngz xưv tuôx paz xã yax kriê, vênhv tôngv tsôngv box sđ pâuz to tâuz lok
Đảng, têz qơưk têx chei ê, paz xã cxiv tsa tsưr ziv “ 2 tsi muôx, iz txo grêk”
lok tsi uô zênhz, tsi hâuk zênhz, tsi đros luôs zuôr muôs, uô luôv zax zênhz
viv li nhiv no xã Làng Nhì tưz txo grêk ntâu, tsi yuô muôx lênhx nênhs tưs uô
têx hâux lưv tsi trơưk chei co”.
Têx shông đhâu, Công an tỉnh Yên Bái tưz bax tsưr ziv
hux jos đros huyện xeir têx thax tsav cuz nxor, phiv liv chiê chuôz tsar canr
bôv muk paz hâu nov ntơưv qơư. Ciês thâuv muk txos trâu cxuô thax tsav uô côngz
xưv, tưz qênhz yuôx, ntâuk grê qênhx shênhx thiêz buôk ti nhênhz chơưv tsưr ziv
trâu cấp ủy, hâu nov cxuô tsênhv qươ, tsuv cxơưz tiês phôngz yaox tas nro
tsôngv box sik đros tsưx phưv truôx têz qơưk hâur ntu hlôngr yiêz; cxiv tsa
thiêz cxaz nzir têx cui tinhv chiê taz por txiv ngaz, ngaz tuk; cxiv tsa têx
tsưr ziv phax tir thêir têx nênhs fêv, taz por txiv ngaz, ngaz tuk zoz thôngz……
Iz chas ntơư, tsênhv đros hâu nov ntơưv qơư thiêz tsôngv box sđ tsưr tsix lox
tôngv, vêv xênhz tênhx qơư nox nhoz, uô cêr muk lok; kriê thiêz paz tsưr ziv
huôv tsar uô nox uô hnar…. Đại úy Nguyễn Đức Thịnh, Đội phưv Đội cxiv tsa phôngz yaox thiêz seiz car xã,
công an huyện Trạm Tấu heik pâuz:
Băng: “ Hâur luôs
hâux lưv no, iz chas đros tsôngv box heik lơưr têx luk mak tsênhv uô trơưk đros
lơưr têx cêr phôngz cxưx ntơưv qơư li: Nox yôngz cok, uô đaz uô kruô viv li pêz
seiz car luz xã tưs zuk tsuv pâuz tsênhz, pâuz thôngz lok tsôngv box nhoz thax
tsav co cêr nênhx vênhx huôv, txix ntơư thiêx muôx tsưr ziv sưv jê, uô tâu luôs
hâux lưv Đảng, têz qơưk zok muôz”.
Tix lâus Por Xênhv Shôngx, nhoz jok Nhì Trên, xã Làng
Nhì, huyện Trạm Tấu shir phaz heik pâuz:
Băng: “ Pêz uô kinh
tế phênhv ntâu zos chos kok ntông, uô poz cưk, uô blêx. Thâuv ntêx pêz tsuôk uô
iz chiv xưz, taz sik nhiv no muôx đoanx canr bôv tuôx paz kriê tsưr ziv huôv
tsar uô nox trâu pêz, iz jiês no pêz cux uô 2 chiv blêx thiêz tsêz chos, uô iz
cxiê zav kôngz txơưr đuô, huôv tsar kinh tế ziv chuôz zis chiê txoz cxơưx trâu
zuk têx tuz nhuôs luz nênhx”.
Hâur 5 shông đhâu, Công an tỉnh Yên Bái thiêz công an
têx huyện tưz chuôz tsar muôx 500 lênhx canr bôv muk trâu 48 xã phiv liv lok
txiv ngaz, ngaz tuk. Đhâu têx jiês muôx canr bôv tuôx nhoz hâur thax tsav tưz
paz txo grêk tsơưs jux juk têx nênhs fêv, nênhs uô cxâuv chei têz qơưk ntơưv
têx qơư nhoz. Hâur iz jiês muôx canr bôv tuôx, lưv lươngv muôx vax huôv chuôz
tsar muk trâu têx thax tsav tưz tsưr tsix txix 300 txos 400 jiês cơưv, kriê
Đảng, têz qơưk têx chei trâu 20 cxênhz ntâu lênhx nênhs pâuz to tâuz, đhâu
ntơư, tsôngv pêx xênhv sơưr đơưk tưz gra yênhx puô traz fov thiêz têx yuôx
zôngx ziv tơưs cuz tuôx trâu lưv lươngv muôx vax huôv khơưk chiê. Iz chas ntơư,
cux heik kriê ntâu xor mông paz trâu têx
lênhx canr bôv công an ruôr por tsês tâu têx qơư nhiês zuôr muôs, uô luôv zax
zênhz, uô tsi truôx tuk XH…..Iz chas co, lưv lươngv chuôz tsar muk têx thax
tsav paz ntơưv qơư uô hâux lưv txiv ngaz
tsênhv nhênhz chơưv trâu têx xã xeir cxiv tsa 65 tsưr ziv phax tir thêir têx
nênhs fêv, nênhs uô cxâuv chei têz qơưk, tuôr truôx uô jông têx tsưr ziv taz
por txiv ngaz ngaz tuk zoz thôngz…. Xav txos iz jiês no, tưz muôx 43 xã hâur
thax tsav tỉnh Yên Bái uô tiêr luôs hâux lưv tuôr truôx txiv ngaz, ngaz tuk jêx
jok hâur têz qơưk tsaz yênhx qơư tsov txos lok cxiv tsa jêx jok yiêz. Đại tá
Nguyễn Đức Cường, Tsar phongx cxiv tsa phôngz yaox tas nro tsôngv box sơưr đơưk
sik đros tsưx phưv truôx têz qơưk heik:
Băng: “ Pêz zuôr
tror nhênhz chơưv trâu Đảng ủy, Ban Giám đốc công an tỉnh tsưr tsix chuôz tsar
tso canr bôv chiến sỹ muk uô hâux lưv trâu têx thax tsav muôx ntâu cuz nxor,
têx suôv qơư khênhr muôx ntâu nênhs fêv
uô têx hâux lưv tsi trơưk chei….. Tror hlôngr yiêz tsênhv njiêz, tsưr ziv phuôx
tôngv phôngz yaox tas nro tsôngv box sơưr đơưk sik đros tsưx phưv têz qơưk, uô
uô cê têx tsưr ziv, hâux lưv uô hâur yax kriê, vênhv tôngv. Iz chas ntơư, lưv
lươngv Công an cux tror uô lơưr jông tsưr ziv “ 4 đros” tsôngv box”.
Muôx têx khav tinhv lưv lươngv công an tỉnh Yên Bái
phôngz yaox chuôz tsar canr bôv, chiến sỹ muk têx thax tsav paz ntơưv qơư uô
hâux lưv, đơưk tu têx cuz nxor tưz uô tâu jông trơưk tsưr ziv, siêz xar. Hâur
six hơưv fuô uô tưz paz qênhz yuôx, đơưk tu tâu ntâu txuz nuv phiv liv hâur
thax tsav. Lar heik zos paz gra siêz tsôngv box sơưr đơưk txux chi, tsưr ziv
jênhv pâuz hâur uô lơưr Đảng, têz qơưk têx chei kriê, chiê cxiv tsa luz nênhx
truôx tuk, tsâu sor./.
( Đinh Tuấn-Riê lâux cxeik, nhênhv)
Phênhv “Nênhs gruôs uô tâu hâux lưv jông” hnuz
13/8/2015:
Zơưv Dao Xênhv Vax sir jos uô nox uô
hâuk
Txix chor shông 2000 tror đrav ntêx, zơưv Dao Xênhv
Vax chuôz zis cux xưk li ntâu ziv chuôz zis txơưr đuô hâur jok Phan Chu Hoa lok
six txov nhev. Txơưv ar muôx ntâu, taz sik tu zus, chos kôngz lôngk tâu uô xưk
li cxôngx nzor, viv li cêr pluôs thâuv tưs cux đros đrêiv zươv Dao ziv chuôz
zis hâur yênhx shông. Tsik chưx yêiz pluôs, đhâu thâuv muk cơưv shâuv chênhz
zênhv uô kinh tế nhoz iz cxiê ziv chuôz zis hâur xã thiêz thax tsav iz dis,
shông 2000, zơưv sêiz lax đros pox niêv txêik zênhx hangx xã hội 7 triệu đêiv
nhiêx, chox lok kho đuô thax tsa tu zus, chos kôngz lôngk. Xuz thơưx zơưv yưv
nhiêx tu zus yik. Khov muôx qơư đar tu zus thiêz tu zus huv tsưr ziv kriê; viv
li paz yik huôv vav jông, iz shông muôx phênhv sâu tâu 10 ntâu triệu đêiv nhiêx.
Phênhv pênhr tsês tâu txix tu zus yik, zơưv tror yưv chiê tu zus nhux tưv,
nênhk chiê paz đas jos thiêz thâux kôngz lôngk. Qơư muôx đêx zơưv khơưz pak đêx
chiê zus njêk thiêz uô liêx. Zơưv chos zav nôngz blêx txuô, tsư kaz nhoz tox
siêz, huv đros thax tsav qiv hơưv tiv
phaz. Nhiv no, gri muôs chor cxur no zos 25 cxênhz đêiv iz cir siêz đuô oz jiês
pir li cxuô zav cxur, tâu chôngz nênhs nhiêv zuôr txos. Thax tsav ar tox trôngz,
zơưv chos poz cưk thiêz chos shơư chor zav tsoz chos li tâuv, tâuz đas…Đros uô
cê ntươ, zơưv tsênhv tu zus nzir buô, kêiz chiê muôx nzir zav nox trâu chuôz
zis thiêz muôs trâu tuz luôv ciêz đrôngl, muôx nzir phênhv sâu tâu nhiêx txiêx.
Txix iz chuôz zis pluôs, txos nhiv no zơưv Dao chuôz zis tưz muôx cxênhx txuôs,
chor yik xar muôx 30 tuk, paz nhux tưv, nênhk xar muôx 20 tuk, sâu tâu xar muôx
200 hnaz blêx thiêz tu zus tâu ntâu kêiz, buô…tsiv gri yênhx puô triệu đêiv.
Zơưv Dao shir phaz puz pâuz:
Băng:
“Thâuv ntêx no cur chuôz zis txov nhêv
hênhr. Tâu têz qơưk paz muôz txêik 7 triệu đêiv, đros chor nhiêx cxênhx txuôs
tâu cur chuôz zis tưz yưv pênhr chiê tu zus yik, zus nhux tưv, nênhl, txos nhiv
no luz nênhx tưz tsik yuô txov nhêv lơưv. Cur uô tsâus Đảng, têz qơưk ntâu
hênhr”.
Tưz tsik zos uô bluô nux trâu zuk chuôz zis, zơưv Dao
Xênhv Vax tsênhv tsik so paz trâu pox nhuôs hâur jok. Lênhx tưs tsik muôx nôngz
mak zơưv muôz paz, lênhx tưs tsik pauz uô zơưv kriê yênhx tưv trâu uô. Tưz tsik
zos li xưz, zơưv tsênhv uô ntêx hlo hâur xã li chor huôx tôngv; hêik pox nhuôs
uô jông lơưr Đảng, tez qơưk li têx cêr chêi, sik côngv siêz cxiv tsa luz nênhx
vênhx huôv. Tix lâus Shôngx Xênhv Vax, tsưr jok Phan Chu Hoa, xã Nùng Nàng,
huyện Tam Đường tưz ntâuk gri siêz lok zơưv Dao li têx hâux lưv uô:
Băng: “Nhoz jok Phan Chu Hoa zơưv Dao zos iz hâur
chor chuôz zis txơưx uô nox uô hâuk. Thâuv ntêx mak cux txov nhêv hênhr, tâu
têz qơưk paz mê njik pênhr thiêz oz niêv txir gruôs sir jos uô nox, viv li
chuôz zis tưz muôx ntâu yik, nhux tưv, nênhl, pak njêl thiêz blêx shông tưs cux
muôx txâuk nox thiêz muôs. Zơưv tsưr ziv uô nox uô hâuk no tâu pox nhuôs hâur
jok cơưv shâuv thiêz uô trơưk”.
Đros siêz xar sir jos cov hla đhâu cêr pluôs, zơưv Dao
Xênhv Vax tưz muôz chor ar phaz đrox khơưz uô liêx thiêz khươz pak đêx zus njêk,
chiê hla đhâu cêr pluôs, sir jos uô bluô nux ciês sâuv zuk thax tsav ar, qươ
nhoz. Zơưv tsiv nhos zos iz lênhx uô ntêx hlo trâu sơưr đơưk cơưv shâuv nhoz
tox siêz Tây Bắc./.
(Thúy Ngoạn-Ly cxêik-Txâur Vax nhênhv)
Viết bình luận