PHAX TAR NHIÊS MUÔV MUÔS ĐHÂU NTUS ĐRIV LÀO CAI

Zos thax tsav muôx cêr ntus đriv buôk têz qơưk Trung Quốc ntêr 184 cei cêr, muôx ntâu txox mê, zôngx ziv trâu têx lênhx nênhs fêv liv zôngv nhiês muôv muôs hax huv muk lok đhâu. Cxôngx qênhx shênhx no, cxôngx hâur shôngk shông 2016, Cục Hải quan tỉnh Lào Cai tưz muôx tsưr ziv tơưv txênhz, ruôr por tsês ntâu txuz nhiês muôv muôs hax huv txưr. Hải quan têx taz viv tưz sik côngv đros têx lưx lươngv muôx txơưx jênhv txơưr chuôz tsar qênhz yuôx, seiz car jông hax huv tâu muôv muôs lol thiêz muôs tơưv đrâuv luôk 2 chas têz qơưk.

          Cxôngx hâur shôngk shông txos nhiv no, Cục hải quan Lào Cai li têx lưx lươngv phax tar nhiês muôs hax huv chuôr, hax huv txưr tưz đros têx lưx lươngv muôx txơưx jênhv txơưr pov, ntês cxov thiêz tu tas 81 txuz uô cxâuv têz qơưs. Pir li shông 2015 tưz txu grês tsơưs 35% txuz. phênhv ntâu zos zav nox pâuz tsik tsênhz qơư zuôr, li plaz hnhur tsiêx cxu, keiz, ok, nquôr ntax, chuôz zênhx trâu mê nhuôs uô si, fov ntơưr.... Zơưv Nguyễn Văn Lâm, Tuêv tsar tuêv qênhz yuôx hải quan, Cục hải quan Lào Cai puz pâuz: “Nhiv no pêz heik 2 lưx lươngv, iz zos sâuv cêr ar muôx phaz pênhz, chuôz zênhx paz txưv thiêz iz lưx lươngv nhoz cêr đêx muôx yêz gox đêx. Thâuv muôx cán bộ thax tsav lok sik xor mông cxôngx tsôngv box pov mak pêz tsưr tsix trâu tuêv seiz car ntês cxov hax huv co”.

          Pâuz thôngz nênhs fêv li tsưr ziv huôx tôngv, Cục hải quan Lào Cai tưz choz zok hâux lưv trâu cxuô lực lươngx Hải quan chuôz tsar đros têx lưx lươngv muôx txơưx jênhv li Bộ đội pênhz phax, coar lik niêv thiêz thiêz công an seiz car jông sâuv têx ntu cêr ntus đriv. Tuêv tsênhv đros têx lưx lươngv txơưr chiê seiz car jông thax tsav, uô têx tsưr ziv nghiệp vụ, yênhx lix têx tuêv chuyên trách lok phax tar nhiês muôv muôs hax huv, zax zênhz.

          Zơưv Phạm Ngọc Thạch, Phưv cục tsar Cục hải quan Lào Cai puz pâuz: Six hơưv cxôngx nhiv no txos kaz shông zos ntu phưx txuôx tiv zix tiv zoz qơưx sir zôngv hax huv hâur têz qơưk chuôz ndê siêz. Viv li, hâux lưv sik côngv têx lưx lươngv hâur côngz xưv no zuôr tâu chuôz tsar đuô thiêz: “Cxôngx nhiv no txos kaz shông, cục hải quan Lào Cai chuôz tsar côngz xưv qênhz yuôx têx taz viv trực thuộc cục hâur hâux lưv uô jông tsưr ziv tso tơưv cxôngx hâur shôngk shông thiêz sik côngv jông đros têx chiz coaz muôx txơưx jênhv tỉnh seiz car jông thax tsav chiê phax tar muôx chêx cuk côngz xưv nhiês muôv muôs hax huv chuôr, hax huv trâus txưr”.

          Đros trâu têx lưx lươngv muôx txơưx jênhv txơưr sâuv thax tsav, lưx lươngv hải quan li luôs hâux lưv uô phax tar nhiês muôv muôs hax huv chuôr, hax huv txưr tưz gôngr phênhv uo txu grês ntâu têx hax huv chuôr, hax huv tsi txâuk tsơưr lươngv thâux lol Việt Nam. Lơưr Ban chox kriê 389 tỉnh Lào Cai li ntâus grê, qênhx shênhx nhiês muôv muôs hax huv cxôngx hâur shôngk shông txos nhiv no tsi ntâu, tsi muôx têx txuz lox... gôngr phênhv taz por txiv ngaz xã hội ntơưv tiv phaz thiêz por vêv qênhx liv trâu lênhx nênhs sir zôngv./.

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 19)

                  Hnuz tso: Thưr 3 hnuz 13 hli 9 shông 2016

Nhạc hiệu chuyên mục “ Nhà nông cần biết”

Tsôngv box….! Txix qir uô nênhx, zav tưs cux tsik muôx, khov gruôs khưr, sir jos cơưv shâuv têx lênhx nênhs txơưx huôv tsar uô nox, txos nhiv no zơưv Vax Văn Đội nhoz xã Bản Giang, huyện Tam Đường, tỉnh Lai Châu tưz cxiv uô tâu vax tsêr jông jav chox lok nhoz thiêz đros trâu phênhv sâu tâu xar muôx 400 tsov đeiv iz shông.

Zơưv Vax Văn Đội uô bluô nux txix tu zus tsiêx cxu thiêz uô kôngz

( Hlôngr suôz)

Txix shông 2011 tror đrav ntêx, zơưv Đội chuôz zis cêr huôv tsar uô nox njiz trâus phiv liv thiêz txov nhêv; viv li iz shông tsuôk uô tâu iz chiv blêx thiêz iz chiv poz cưk, têx kôngz uô cux sâu tsi tâu nju. Khov cxuô cấp hâu nov, Hội nôngx mênhx huyện thiêz xã moz siêz txos, zơưv tâu đros cơưv têx lớp cơưv kriê cxaz nzir tsưr ziv huôv tsar cêr uô nox li: Tsêz chos kôngz, tu zus tsiêx cxu, shuôz njêl thiêz tâu muk ndis seiz shuôk, cơưv shâuv luôs lưv tuk txơưx huôv tsar uô nox hâur tỉnh li tsưr ziv uô. Tror lok tsêr, zơưv uô lơưr têx tsưr ziv ntơư hâur luz nênhx.

Shông 2011, zơưv Đội kêr txeik tsêr nhiêx têz qơưs huyện 50 tsov đeiv, yưv pênhr uô kôngz thiêz tu zus 10 tuk yis, 20 tuk buô, 60 tuk keiz, 80 tuk ok. Thâuv ntu ntơư, zơưv têx tsiêx cxu tsi so trâus muôx moz ơưk thiêz tuôs. Txơưv li co, taz sik zơưv Đội cux sir jos đros cơưv têx jiês kriê cxaz txux chi tsưr  ziv uô nox zos Hội nôngx mênhx cxuô cấp tsưr tsix chiê zok nriêr tsưr ziv, sik kriê têx phiv liv njiz trâus hâur uô kôngz thiêz tu zus tsiêx cxu. Shông 2012, zơưv tror txeik têx pênhr nhiêx têz qơưs đros trâu têx nhiêx txiêx cxênhx txuôs tâu chiê krêz uô đar qơư tu zus. Txix pak đêx tso njêl zus đar muôx 5 cxênhz xưv phaz, zơưv xeir chor nôngz njêl lox muôx 500g txos iz cir chiê tso zus, iz shông ntâuk muôz iz fâuv muôs, gra lok phênhv sâu tâu trâu chuôz zis muôx 300 tsov đeiv. Ndaz nzơưv têx pak đêx muôx ntơư, zơưv tu zus ok grêix muôx 90 tuk iz paz, sâu tâu liv txix 20 tsov đeiv iz shông. Iz chas têx hâux lưv uô li heik sâuv, qơư tu zus buô zơưv cux krêz uô đar đuô chiê zus muôx 30 tuk iz paz thiêz zus nzir yis, nhux tưv, keiz ok….

Đros 2 ha ntâu ar liêx têz, zos xưk li đrav ntêx uô blêx, poz cưk mak tsuôk tsêz chos tâu iz chiv, nhiv no zơưv tưz uô tâu 2 chiv poz cưk iz shông thiêz chos poz cưk iz chiv nzir trâu têx tơư liêx; xeir zuôr têx nôngz cưk jông, tir tâuk ntux kruôr thiêz no lok chos. Chênhr viv li, iz shông sâu têx kôngz tâu txix 50-60 tsov đeiv. Zơưv Đội ho tror yưx nhiêx zuôr tâu tsôngv box hâur jok  xar muôx 1 ha ar têz chiê chos txir thênhx caz; uô qơư trâu têx meir ntâuk blêx, jov poz cưk phưx vưv chuôz zis cux li tsôngv box sđ hâur thax tsav li zoz qơưx. Đros tsưr ziv “ zuôr lur zus ntêr”, cê yưv pênhr, cê uô kôngz, huôv tsar tu zus tsiêx cxu, zơưv Đội chuôz zis tsưr ziv huôv tsar uô nox tưz uô tâu trơưk têk, ziv hnuz ziv muôx phênhv sâu tâu ntâu thiêz truôx tuk.

  Tsôngv box…..! Phênhv nôngx mênhx zuôr tsuv pâuz hnuz no tsuôk xâuk li no xưz. Phênhv no zos Đeix TNVN đros tsênhv qơư cxiz kôngz têz qơưs uô./.