Tsiêz Trung thu sâuv tox siêz ntus đriv Lao Khô

          Tsiêz trung thu jiês xuz thơưx tâu tsưr tsix ntơưv tsêr vênhx huôv tsênhv qơư jos Lao Khô. Cxôngx têx mê nhuôs txos têx lênhx uô niêv uô txir, txơưv lênhx tưs cux shir phaz. Pâuz tâu xor mông muôx ntênhs tsiêz trung thu tâu tsưr tsix, ntâu lênhx uô niêv uô txir tưz tso tsês hâux lưv liêx têz chiê chox mê nhuôs muk đros uô lov jêv tsiêz Trung thu. Têx lênhx mê nhuôs lênhx tưs cux lok six shir phaz thâuv tâu ban tsưr tsix khơưk muôz têx luz tênhz ntơưr, thax nquôr thiêz shir phaz tiv zix zos 50 lênhx mê nhuôs muôx luz nênhx txov nhêv tâu jênhv học bổng. Hmo tsưr tsix ntênhs tsiêz trung thu shông no muôx ntâu ziz njiêz đros têx huôx tôngv li: thik trâu trôngx txir ntông, đhiê pax vuôv, uô vênhx ziv, uô si lov jêv, nox thax nduôr ....Zơưv Tếnh Lao Lánh shir phaz heik:

          “Hnuz no tâu tỉnh đoàn tuôx tsưr tsix hnuz tsiêz trung thu trâu têx mê nhuôs, cux zos jiês xuz thơưx tsưr tsix lox li no cur pov lok six shir phaz. Cur pov tsưr tsix li no mak têx mê nhuôs cux cơưv shâuv tâu ntâu jax cơưv jông cxôngx têx cưk kriê, cxôngx têx cxênhx nênhs mul uô ntêx...Cur cux xar njôngr zos têx nganhx muôx txơưx jênhv thôngx ziv, paz max trâu pêz luz jos tâu tsưr tsix ntâu ntênhs tsiêz jông li no trâu têx mê nhuôs đuô”.

          Niêv lâuk Lò Thị Thúy Hà, Phưv bí thư Tỉnh đoàn SƠn La puz pâuz, chiê tsưr tsix tâu hmo tsiêz trung thu trâu têx mê nhuôs xã ntus đriv Lao Khô, têx đoàn viên hluôk nênhs nhoz têx taz viv tưz sik đros cxaz chuôz. Txơưv têx phênhv huv gra tuôx trâu têx mê nhuôs tsuôk zos thax nduôr, huv cuô mis...taz sik pov têx mê nhuôs shir phaz mak pêz cux pov lok six jông siêz:

          “Niêx shông, thâuv txos tsiêz trung thu, pêz puôr lênhx tsưr tsix têx qơư uô si trâu têx mê nhuôs tâu shir phaz tsiêz trung thu, cov muôx tâu luz tsiêz sor si, lov jêv. Pêz thâuv tưs cux xar njôngr gôngr phênhv đros cấp ủy chinhr quyênx tiv phaz cxơưx trâu têx mê nhuôs, chiê mê nhuôs huôv tsar jông, njênhs njôngr thiêz sir jos đuô hâur hâux lưv cơưv ntơưr”.

          Hmo tsiêz trung thu tưz tsênhz tsênhz chox lol trâu têx mê nhuôs xã ntus đris Lao Khô iz luz tsiêz muôx ziz njiêz, sor si, lov jêv. No zos kror tôngv vênhx lox chiê têx mê nhuôs tror sir jos cơưv ntơưr jông đuô./.

(Đắc Thanh- Txâur Vax cxeik nhênhv)

PHÔNGV CÔNGZ TRÂU CHOR NÊNHS LÂUK HNUZ NHÔNG SIÊZ, UÔ ĐAZ UÔ KRUÔ TRÂU TÊX LÂUK HNUZ NHÔNGS SIÊZ TÂU TAS SIV NÊNHX

 Grê 21. Phôngv côngz trâu chor nênhs lâuk hnuz nhôngs siêz.

1. Chor nênhs lâuk muôx 100 shông tâu Chủ tịch têz qơưk VN phôngv côngz  thiêz muôz huv puz.

2. Nênhs lâuk muôx 90 shông tâu Chủ tịch Ủy ban tỉnh, TP nhoz T.Ư phôngv côngz thiêz muôz huv puz.

3. Ủy ban xã, phường, thị trấn hux jos đros Hội nênhs lâuk hnuz nhôngs siêz ntơưv qơư, nênhk lâuk hnuz nhôngs siêz li chuôz zis tsưr tsix phôngv côngz trâu chor nênhs lâuk hnuz nhôngs siêz muôx 70, 75, 80, 85, 90, 95 thiêz 100 shông tror zar sâuv lok iz hâur têx hnuz li đrav kaz: Hnuz nênhs lâuk hnuz nhôngs siêz VN; Hnuz ntiêx têz nênhs lâuk hnuz nhôngs siêz; Hâur têx hnuz tsiêz têz qơưk; Hnuz xênhz zus lênhx nênhs lâuk co.

4. Nhiêx txiêx muôz uô, cui tinhv ntơưv Grê no zos têz qơưk nhiêx txiêx thiêz XH sđ sik đros côngv paz.

Nhạc cắt

 Grê 22. Uô đaz uô kruô trâu têx nênhs lâuk hnuz nhôngs siêz tâu tas siv nênhx

1. Thâuv nênhs lâuk hnuz nhôngs siêz tâu tas siv nênhx, lênhx nênhs tâu chei thiêz tâu muôx vax huôv tu, zus lênhx nênhs lâuk ntơư, tsuv tâu uô đaz uô kruô trâu lênhx nênhs lâuk co trơưk chei, cxênhx txuôs, taz por luz nênhx vênhx huôv, yưx têx chei têz qơưk muôx cui tinhv txơưr.

Zos lênhx nênhs lâuk hnuz nhôngs siêz tsi muôx nênhs tu zus, tsoz phưz lok sik muôx lênhx nênhs tu taz sik lênhx nênhs ntơư tsik muôx nhiêx txiêx tsưr tsix uô đaz uô kruô, viv luz nênhx txov nhêv mak Ủy ban xã, phường, thị trấn lok sik qơư chơưv paz XH ntơưv thax tsav lênhx nênhs lâuk co uô nênhx nhoz seiz car, đros Hội nênhs lâuk hnuz nhôngs siêz thiêz têx tsưr tsix đoanx thêv ntơưv qơư tsuv sik côngv têk uô đaz uô kruô trâu lênhx lâuk nênhs hnuz nhôngs siêz tâu tas siv nênhx co.

2. Thâuv nênhs lâuk hnuz nhôngs siêz tâu tas siv nênhx, cơ quan, tsưr tsix ntơưv thax tsav qơư lênhx nênhs lâuk hnuz nhôngs siêz co tsênhv uô hâux lưv lok sik cơ quan, tsưr tsix qơư lênhx lâuk nênhs ntơư uô hâux lưv jiês uô kaz, Hội nênhs lâuk hnuz nhôngs siêz, Ủy ban xã, phường, thị trấn thiêz têx tsưr tsix đoanx thêv ntơưv qơư, tsuv tâu đros lênhx nênhs lâuk hnuz nhôngs siêz ntơư chuôz zis uô đaz uô kruô trâu lênhx lâuk co./.

(Bích Thủy-Riê Lâux cxeik, nhênhv)