Jax sâu thưr 3.13.12.2016:

TSÔNGV BOX NAM BỘ ĐROS TAS NRO TÊZ QƠƯK SƠƯR TƠƯV TXÊNHZ

          70 shông đhâu, taz sik pos Tôn Thị Đức, cán bộ cơưx mênhv lâuk thành phố Hồ Chí Minh tsênhv ndo njôngr chuôs li thâuv pos nhiv kruôr muôx 15 shông, tsênhv cơưv ntơưr ntơưv tsêr cơưv Tây Mỹ Tho (Tiền Giang) thiêz nhênhv tâu Hloz Hôx li lul hu grus tơưv txênhz sâuv đeiv pov tsir Têz qơưk. Pos heik:

          “ Thâuv co Chiến khu 8 li ntơưr pov tsir Têz qơưk tâu xa trâu iz cxiê lênhx du kích, cur nhênhv tâu Hloz Hôx li lul hu grus sơưr tơưv txênhz. Nhênhv tâu cur lok six jông siêz cxôngx Hloz li lul hu grus co. Thiêz xa ntơưr trâu têx lênhx nênhs txơưr nhênhv, đhâu co cur tul nus tưz sơưr cêr mul tơưv txênhz uô ntêx”.

          Lơưr chủ tịch Hồ Chí Minh li lul hu zâuv, zos iz lênhx tix lâus hâur ziv chuôz zis sơưr cêr mul tơưv txênhz uô ntêx, đhâu co txos têx niêv lâuk, niêv hluôk cux tso ntơưr tsês thiêz sơưr cêr mul lơưr cơưx mênhv. Tsi taz muôx pos chuôz zis mak tas nro Nam Bộ mul lơưr cơưx mênhv. Tas nro pos Đức li niêv txir, cưr tix muôk nus puôr lênhx trâus tros châuz ntês, cơư tux...taz sik lênhx tưs cux iz siêz mul lơưr Đảng, lơưr zơưv Hloz Hôx.

          Yuôr zơưv Nguyễn Văn Tòng, kuz Giám đốc Sở vênhx huôv-thôngz xor mông Thành Phố Hồ Chí Minh, đảng viên 70 shông nhoz hâur Đảng, mak cxôngx hnuz Nam Bộ sơưr tơưv txênhz, zơưv zos iz lênhx shux xênhz trung học Pháp, tso ntơưr tsês chiê mul lơưr cơữ xmênhv. Zơưv mul Đồng Tháp Mười, cơưv lớp chính trị chiê thox cxov chính trị viên, qir cơưv shâuv Đảng li lý luận cơưx mênhv. Hnuz Hloz HÔx hu grus tas nro têz qơưk sơưr tơưv txênhz, ntâu lênhx shux xênhz tưz chêx chôngk yênhx lix tuêv vũ trang yax mông, tâu têx chiến sỹ cộng sản chỉ huiz hu grus tsôngv box sơưr tir ntâus tros châuz Pháp. Vưv qiv gra lơưr muôx cxuô zav li: hlâu, triêv, kưk....Zơưv Tòng heik:

          “ Tas nro têz qơưk sơưr tơưv txênhz lơưr Hloz Hôx li lul hu grus. Pêz uô jông thiêz pov zuk li jênhv vưv zos tror phuôx huiz nhoz nam Bộ sơưr lơưr tros châuz Pháp mul, tsi chiê tros châuz mul Hải Phòng, Hà Nội...”

          Tiến sĩ sử học Ngô Chơn Tuệ, lênhx nênhs nhênhz chơưv lok ntu lix xưv no tưz khav tênhv: Nam Bộ tưz sơưr tơưv txênhz cxôngx hnuz 23/9/1945 viv tros châuz Pháp xar txênhz Nam Bộ uô ntêx, cxôngx co pheiz Nam Bộ tsi chiê zos Việt Nam li iz thax tsav thiêz. Đhâu co seiz car pheiz Việt Nam yênhx 3 kỳ chiê seiz car jông đuô. Chính phủ Việt Nam thiêz Hloz Hôx pâuz tsênhz tros châuz Pháp li tsưr ziv uô, viv li tas nro têz qơưk sik đros sơưr đros tsôngv box Nam Bộ tơưv txênhz tir tar tros châuz. Thâuv co, têx lênhx nênhs nhoz faz Bắc tâu xa mul faz Nam tơưv txênhz. Têx lênhx sư...cux mul faz Nam tir ntâus tros châuz. Nênhs Việt Nam nhoz Campuchia, Lào, Thái Lancux xa tuz nhuôs lol faz Nam đros tsôngv box Nam Bộ sơưr tir ntâus tros. Hnuz 19/12/1945, tsôngv box Nam Bộ đros siêz xar “ tsi chiê tros châuz txênhz tâu têz qơưk, tsi chiê trâus tros tror huôz zuôv”. Tiến sĩ Ngô Chơn Tuệ ntâuk grê:

          “ Hloz Hôx li lul hu grus chuôz cxaz đas jos trâu tsôngv box Nam Bộ. No zos đas jos tsi muôx tu tsi hlôngr tâu. Tas nro mênhx cxưx Việt Nam sơưr por vêv độc lập, thôngx ziv têz qơưk. Độc lập thiêz thôngx ziv têz qơưk li kror tsiv grê co tsôngv box Việt Nam lênhx tưs cux pâuz thôngz đhâu ntâu shông trâus huôz zuôv. Đas jos tas nro mênhx cxưx ziv tâu chuôz ndê”

          Hnuz tas nro têz qơưk sơưr tơưv txênhz lơưr chủ tịch Hồ Chí Minh li lul hu zâuv tưz krêz tơưv trâu cxiv tsav txênhz tir ntâus tros châuz Pháp. 70 shông đhâu, phuôx huiz chênhz yênhx niêv côngv siêz mênhx cxưx, siêz xar cơưx mênhv, truôx siêz hla đhâu cxuô phêv liv, tsôngv box Nam Bộ thiêz tas nro mênhx cxưx Việt Nam đros Đảng li lênhs tov tror truôx siêz mul lơưr chủ nghĩa xã hội, txox cêr mak Đảng thiêz zơưv Hloz Hôx tưz xeir tsov./.

(PV- Txâur Vax cxeik nhênhv)

Phênhv thưr 3, hnuz 13/12/2016:

Tsưr ziv uô kôngz phênhv 3

Tsưr ziv tir thêir tsik chiê caz hmoz ruôr hiêv blôngx tsơưz

    Pêz thor hêik kriê caz hmoz uô ruôr hiêv blôngx tsơưz; ntơư zos iz zav caz hmoz uô trâu têx blôngx tsơưz kruôr thiêz puôk tsuôx.

Caz hmoz uô ruôr hiêv:

    Caz hmoz uô ruôr hiêv tas nro hur si cxuô zav tsơưz chos ntu nhiv no thiêz qir tiv zos uô muôx yưv trâu chor blôngx tsơưz lâuk đax thiêz uô tuôx muk trâu têx blôngx tsơưz mok, đax kruôr hloz tsik tâuk.

    Thâuv chor blôngx tsơưz ntơư trâus caz hmoz nox, uô trâu blôngx tsơưz đax, liêz thiêz kruôr, cxơưr tsik tâuk thiêz uô tsoz tsơưz ntơư tuôs.

     Tsưr ziv tir thêir:

   -Tsik chos tsơưz trâu thax tsav ar kâuz thiêz hâur thax tsav ar chos tsơưz, tsuv khơưk thoz cưx tsik chiê đêx nhaz têx tsơưz; lar hêik zos hâur chêix ntux nas.

    -Jông đuô, tsik xêir têx tsơưz tưz trâus caz hmoz thor nox chox lok chos thiêz thâuv pov caz hmoz ruôr hiêv, tsuv zênhx max muôz triêv txiêr têx tsơưz caz hmoz ruôr hiêv ntơư por tsês, tsik chiê cik đêz đar trâu cxuô tsoz.

    -Iz đêiv ar têz tsuv chos iz zav tsoz chos 3-4 shông, ho muôz hlôngr chos đuô cxuô tsoz chos txơưr li: Lâuv huôz xênhz, tâuz tưs, poz cưk…

-Thâuv zuôr chos, hâur luz kror zuôr chos ntơư, tsuv muôz qir tsiêx shơư hmôngr jêz siz tso trâu uô ntêx li chos tsơưz trâu.

    -Thâuv pov caz hmoz ruôr hiêv têx blôngx tsơưz, tsuv muk zuôr zav yuôx: Ma cô zen, zin nép, An vin Ben no myn, Cô re…chox lok tsuôs tir thêir tuô caz hmoz; zos caz hmoz ruôr hiêv têx blôngx tsơưz hnhar, tsuv tsuôs 7-10 hnuz./.

                       (Tsu cxêik nhênhv-Thanh Thuỷ)