Jax 3: Tsưr ziv tưs trâu qênhx shênhx “Muk đhâu ntus đriv uô lox tôngv tsik zos chêi” nhoz Tây Bắc?

Zơưv Khoàng Văn Quán, Chủ tịch Ủy ban xar Nậm Tin, huyện Nậm Pồ, tỉnh Điện Biên khav tênhv: Đhâu nus chor ziv chuôz zis muôx nênhs muk uô lox tôngv tsik zos chêi saz đrâuv têz qơưk lok li zoz qơưx mak phênhv ntâu hêik tiêk tiv phaz uô tsik tâu jông hâux lưv hlôngr yiêz tsoz chos, sir zôngv jông khoa hcj kỹ thuật trâu uô xênhz yar. Tiv zix, muôx tsik tâu cxuô lok cơ sở cxuô zav, cêr muk lok phiv liv, têx kôngz nuv pêx xênhv uô tâu tsik muôx qơư muôs, tsik muôx phênhv sâu uô trâu pêx xênhv pôngz siêz, xar muk saz đrâuv têz qơưk chiê uô hâux lưv. Đros qênhx shênhx no, tỉnh Điện Biên cux xav jênhv zos tsôngv box muk uô lox tôngv trâu têx têz qơưk zos huv chêi mak cux jông, viv cêir chêx tâu hâux lưv uô, muôx nzir phênhv sâu thiêz cux paz trâu côngz xưv cxuôv yêiz thiv pluôs. Viv li tỉnh cux tsênhv muôx ziv chênhv trâu têx bôv, nganhx, Chính phủ hâur sêiz shuôk cir têx sêiz lax sik côngv nhoz Điện Biên đros Trung Quốc thiêz Lào li têx tỉnh. Txix co taz por jông tiv zix qênhx liv trâu pêx xênhv, zơưv Lê Văn Quý, Phưv chủ tịch UBND tỉnh Điện Biên hêik:

“Zuôr txos no chiê taz por qênhx liv cux li hâux lưv tsưr tsix trâu pêx xênhv Việt Nam muk uô lox tôngv saz đrâuv têz qơưk nhoz Trung Quốc thiêz Lào tâu muôx chêx cur, taz por qênhx công dân mak pêz cux hêik Chính phủ zuôr cir iz Hiệp định đros Trung Quốc thiêz iz hiệp định đros Lào chiê pêz uô tsênhz mênhx đuô hâux lưv nênhs lox tôngv tưz tsik zos nhoz Điện Biên xưz mak têx tỉnh muk Trung Quốc thiêz Lào lox tôngv cov huv chêi”.

Zơưv Đinh Quang Phửa, Phưv trưởng phongx An ninh đối ngoại Công an tỉnh Sơn La puz pâuz: tsưr ziv muôx chêx cur tiv zix nhiv no zos muôx hâux lưv uô truôx ntơưv qơư nhoz:

“Kror zov chênhr tiv zix zos tsuv sir jos uô côngz xưv yax kriê viv chor nênhs muk tsik zos chêi co phênhv ntâu zos nhoz đêz, tox siêz, muk tiv zos hâux lưv uô, phênhv sâu tsik truôx. Viv li, tsuv paz tsar tov chiê pêx xênhv muôx tâu hâux lưv uô truôx”.

Zơưv Đinh Văn Thơ, Phưv Giám đốc Sở lox tôngv-Xaz pênhz thiêz Xar hôiv tỉnh Lào Cai khav tênhv: nriêr hâux lưv uô muôx phênhv sâu siêz zos nênhs lox tôngv li zoz qơưx huv đros, viv li muôx chôngz lênhx nênhs muk uô jos trâu saz Trung Quốc cox zos kror tsuv muôx xưz viv phênhv sâu siêz đuô. Chiê paz tsar tov trâu pêx xênhv, txix hli 10 tsêiz o txos nhiv no, tỉnh Lào Cai tưz uô siv tso 300 lênhx lox tôngv muk uô hâux lưv ntơưv Công ty Hữu Hạn Khoa học-kỹ thuật Huệ Hồng nhoz Hà Khẩu (Vân Nam-Trung Quốc), xuz thơưx tưz paz muôx tâu chêx cur jông. Taz sik, nhiês cêr muk uô lox tôngv mak tsik tâu chêi têz qơưk por vêv thiêz muôx yưv ntâu phiv liv li txiêz nanv, nhiêx hli tsik truôx, muôl muôs lênhx nênhs, muôl muôs zax zênhz, tsik ngaz tuk thax tsav ntus đriv…Viv li, tsuv muôx chêi lok nênhs lox tôngv nhoz oz saz ntus đriv mak ntêr ,ok no cux tsênhv tsik tâu muôx chêx cur:

“Nhiv no vênhv thix lox tôngv muk uô hâux lưv đhâu têx ntâuz ntơưr tưz cir jênhv mak tâu uô lõ six jông lơưv. Taz sik đros lox tôngv muk đhâu ntus đriv tsik zos chêi  txơưv tưz tâu oz tos hêik txos taz sik cux tsênhv yuôr phiv liv. Viv li pêz vav tiêk nhoz Việt Nam thiêz Trung Quốc muôx iz Hiệp định lok sêiz car lox tôngv, co cux zuôs zos kror pháp lý siêz tiv zix chiê pêz uô jông hâux lưv sêiz car lox tôngv muk lok đhâu ntus đriv”.

Zơưv Đinh Văn Thơ puz pâuz nzir, đros thiêz paz tsar tov trâu pêx xênhv muk đhâu ntus đriv uô hâux lưv, tỉnh Lào Cai cux tsênhv chuôz cxaz kriz uô têx tsênhv chêi kriê hâux lưv uô, tsov cưv cêir chêx hâux lưv uô trâu lox tôngv jêx jok, lox tôngv ntơưv thax tsav txov nhêv; tror zok nriêr, phuôx huiz têx pênhr jos ntơưv tiv phaz chiê paz uô bluô nux truôx ciês sâuv zuk qơư nhoz. Tuôr chiê nênhs lox tôngv tox siêz uô nox truôx ntơưv zuk qơư nhoz hâur qênhx shênhx luz nênhx txov nhêv zos iz kror tsik zôngx ziv uô. Taz sik zuôr lok six zôngx ziv zos tiêk chor tiv phaz nriêr tâu tsưr ziv huôv tsar kinh tế muôx chêx cur trâu yênhx jêx jok, yênhx ziv chuôz zis. Muôx txâuk nox, txâuk hnar, luz nênhx ziv hnuz ziv jông đuô mak zuôr tsik muôx lênhx tưs xar tso zuk qơư nhoz tsês.

Tsôngv fôngx zưs sơưr đơưk hmor yuô! Têx tsưr ziv mak chor tỉnh hâur thax tsav Tây Bắc tsênhv kriz uô li: Nriêr tsưr ziv huôv tsar uô kinh tế truôx, zaz zâuv yưv pênhr, paz muôx hâux lưv uô trâu pêx xênhv nhoz tiv phaz, cir sik côngv lox tôngv đros luôs oz chas têz qơưk chiê txo grêk tsơưs qênhx shênhx uô lox tôngv tsik zos chêi…taz sik chiê txos thâuv tễ xtsưr ziv no tâu kriz uô mak tsênhz zuôr yuôr tsik pâuz pêx tsơưs lênhx nênhs nhoz tox siêz Tây Bắc cux tsênhv zok riêr hâux lưv uô ntơưv luôs têx têz qơưk, zuôr zôngx ziv njiz trâus ntâu phiv liv. Đros têx kror tsênhv tsênhz li co mak cêir chêx hâux lưv uô trâu nênhs lox tôngv tsênhv zos iz kror tsuv uô sêiz đrơưv chiê cêir chêx qênhx shênhx nhiês muk đhâu ntus đriv uô lox tôngv tsik zos chêi tsênhv muôx yưv li hêik co./.

(TTTB-Lik Thox cxêik nhênhv)

Pox niêv hêir nênhs Thái txơưx hâux lưv Hội, gruôs uô hâux lưv hâur chuôz zis

          Hluôk, sei đrơưv zos têx pov tâu thâuv nhiv kruôr njiz niêv lâuk Lường Thị Hoàn. Thâuv tâu nus lok qênhx shênhx huôv tsar kinh têr, cxiv tsa pox niêv hâur tiv phaz li luz nênhx, lênhx cán bộ hluôk no jênhv jênhv vưv tsi tâu nto 2 shông pâuz tsênhz mênhx cxuô hâux lưv xưk ciês têx lênhx Chủ tịch hội tưz muôx ntâu chênhz zênhv yênhx châuv shông.

          Xã Nghĩa An, thị xã Nghĩa Lộ zos xã uô tsênhv tsênhz kôngz nuv, muôx 700 ntâu lênhx hội viên pox niêv. 2,3 shông tov ntêx, thâuv tsênhv zos cán bộ Hội, niêv lâuk Hoàn jênhv pov ntâu pox niêv li kror phêv liv zos tsi xar hlôngr yiêz tsưr ziv uô, tsi tâu truôx siêz zôngv têx yênhx tưv yiêz chiê huôv tsar kinh têr chuôz zis. Chênhr viv li, thâuv tâu bo xeir uô Chủ tịch Hội pox niêv xã shông 2016, niêv lâuk Hoàn sir jos nriêr pâuz têx luôk hâux lưv tưz uô tâu cux xưk li tsi tâu uô hâur phongz yaox pox niêv xã, cxôngx co cxiv tsa tsưr ziv huôx tôngv tsênhv tsênhz. Phêv liv tiv zix zos ntu co uô li chas chiê hội viên zuôr njênhs njôngr txos niêv lâuk:

          “ Cur li kror jông zos cur tsênhv hluôk, zôngx ziv sik côngv, sik thav đros têx pox niêv hâur xã đuô. Tiv phaz zos thax tsav txov nhêv, pox niêv tsi cxoz chêx chôngk iz qơư, mak zuk tsuv mul txos têx qơư nhoz đêz tiv zix, qơư muôx pox niêv lax mul lok tâu txos chiê yax kriê...”

          Thâuv tsưr tsix yax mông, muôz siêz jênhv pâuz trâu hội viên pox niêv cxôngx ntâu tsưr ziv uô, đros vênhv tôngv pox niêv chox nôngz tsoz chos yiêz lok chos, niêv lâuk Hoàn tsênhv heik têx hội viên uô trâur nuv ju lix côngv thôngx chiê phuôx huiz tiv phaz li têx muôx jos.

          Niêv lâuk Lò Thị Thanh Thúy, nhoz jos Đêu 4 zos iz hâur têx hội viên txơưx uô kinh têr nhoz Hội pox niêv xã Nghĩa An. Niêv lâuk Thúy puz pâuz: Cxôngx thâuv cxaz chuôz hội pox niêv, cxaz chuôz têx lớp kriê cxaz lok KHKT zos Hội pox niêv têx cấp tsưr tsix thiêz jênhv tâu Chủ tịch Hội pox niêv xã Lường Thị Hoàn li tôngv vênhx, niêv lâuk tưz truôx siêz yưv pênhr tu zus 1 cxênhz ntâu tul keiz, thôngx cxix chos 400 hnaz ndêz chox lok chêx cuk kinh têr siêz:

          “ Hội pox niêv đros Tsêr cơưv trung cấp kriê hâux lưv uô kriê hâux lưv trâu cur mak cur tưz uô trơưk chiê huôv tsar kinh têr hâur chuôz zis, zôngv têx muôx ntơưv qơư chiê uô”.

          Tsi taz sir jos hâur côngz xưv Hội, đros chinhz yênhx uô ntêx nyuôk, niêv lâuk Lường Thị Hoàn thâuv tưs cux uô ntêx nyuôk hâur huôv tsar kinh têr chuôz zis. Chungz fênhx iz shông niêv lâuk chuôz zis muôs 2 tênhr ntâu greix caz puôz trâu niêv ciêz, sâu lok yênhx puôk tsov đeiv. Niêv lâuk Lò Thị Tươi, hội viên Hội pox niêv xã Nghĩa An puz pâuz:

          “ Niêv lâuk Lường Thị Hoàn hâur côngz xưv mak xar tơưv tâu ntâu luôk hâux lưv jông paz max têx hội viên pox niêv hâur Hội, lok tsêr mak gruôs uô luôk hâux lưv hâur chuôz zis....”

          Txos nhiv no xã Nghĩa An tưz muôx zuôr xar 30 trâur nuv zos pox niêv uô tsưr muôx phênhv sâu 100 tsov đeiv ntâu. Tsi taz huôv tsar kinh têr, têx hội viên tsênhv sir jos tuôr tsês têx tsiv grê vênhx huôv chax chês, cxiv tsa têx trâur nuv chuôz zis shir phaz, têx tuêv vênhx ziv đhiê pax vuôk xòe, câu lạc bộ heik cưr cxiêx Thái.... Chênhr cxôngx lênhx Chủ tịch Hội pox niêv Lường Thị Hoàn li chinhz yênhx hluôk nênhs thiêz cêr moz siêz uô hâux lưv tưz chuôz cxaz đas jos chinhz yênhx trâu têx hội viên pox niêv xã Nghĩa An sir jos đuô hâur luz nênhx niêx hnuz./.

(Đinh Tuấn- Txâur Vax cxeik nhênhv)