Cik txos 137 lênhx nhân viên y tế tsik muôx hâux lưv uô ntơưv Lai Châu: 23 lênhx nênhs tror tâu uô hâux lưv li hux thôngx

Qơư tsưr tsix sik thav zos hội trường tsêr kruô Phương Thanh ntơưv thành phố Lai Châu muôx lok six chôngz nênhs lox tôngv. Đhâu ntâu shông uô hâux lưv, lênhx nênhs uô tsơưs mak cux tâu muôx 4 txos 5 shông, lênhx nênhs uô ntêr mak cux xar muôx 8 shông uô côngz xưv, taz sik tsuôk đhâu iz hmo lơưr chiê tsik muôx hâux lưv uô, đros njiz ntâu phiv liv hâur luz nênhx.

Niêv tix Lý Thị Thuận, iz lênhx nênhs tưz zênhx uô hâux lưv ntơưv Tsênhv qơư y tế huyện Mường Tè puz pâuz: Niêv tix tâu Sở y tế cir cuêz tênhv xêir zuôr uô lơưr hux thôngx muk ntêr chiê uô côngz xưv điều dưỡng ntơưv tsênhv qơư y tế huyện Mường Tè txix shông 2013. Ntu uô hâux lưv mak cxuô kror puôr lênhx tâu sêiz xưk li viên chức thiêz ndê nhiêx hli li sơưr đơưk. Hâur shôngk shông 2017, niêv tix tâu taz viv sir zôngv lox tôngv zos tsênhv qoquư y tế huyện Mường Tè hu muk cir hux thôngx iz shông thiêz hâur shôngk shông 2018 niêv tix tsuv cir hux thôngx 3 luz hli tax txos thâuv tsik muôx hâux lưv uô. Nhiv no oz niêv txir thiêz iz tuk mê nhuôs zâu tsuv đros niêv têik nhoz thiêz khov trâu tuk txir kror nhiêx hli 4 triệu đêiv ntâu uô thư viện hâur tsêr cơưv ntơưr. Niêv tix Lý Thị Thuận hêik:

“Xuz thơưx mak pêz xar tiêk pêz zos viên chức li lưv tuk, thâuv thanh tra sở nội vụ tuôx qênhz yuôx muôx ywuv li mak pêz thiêx pâuz. Cur siêz xar cux xưk li chor nênhs txơưr đuô xưz, tỉnh sêiz shuôk chiê pêz tâu uô hâux lưv li chor vien chức txơưr đuô. Viv pêz tưz sir jos muôz tas pêz đas jos hluôk trâu têx hâux lưv no lơưv”.

Cux xưk li niêv tix Thuận, thâuv tsik muôx hâux lưv uô, tix lâus Hà Giang Nam, lênhx nênhs uô hâux lưv ntơưv phongx hành chính, tsênhv qơư y tế huyện Phong Thổ tưz uô tâu muôx 4 shông ntâu thiêz tâu xêir zuôr lơưr hux thôngx hâur biên chế (tsik muôx six hơưv) lơưr Sở Y tế li cuêz tênhv. Hâur shôngk shông 2017, Sở y tế muôx ntơưr lok trâu tsênhv qơư cov cir hux thôngx iz shông thiêz nhiv kruôr đhâu cơ quan cov cir trâu biên bản thanh lý hux thôngx. Jiês xêir zuôr nhiv kruôr đhâu, tix lâus tsik tâu dự thik viv tsik muôx qơư chiê uô hâux lưv thiêz tix lâus tưz txêik tâu Sở y tế li cuêz tênhv suôv câuv hux thôngx. Tix lâus Hà Giang Nam puz pâuz:

“Cur cux txêik tâu cuêz tênhv suôv câuv hux thôngx txix hnuz ¼ thiêz cur xux tsik pâuz shor tiv li chak cur ho trâus tso suôv câuv hux thôngx li co. Cur tưz paz trâu nganhx lok six ntâu kror lok thể thao thiêz gra lok trâu nganhx lok six ntâu khơưk kruôk thiêz cur cux tưz trâus pôngz 25% đas jos thâuv uô thể thao trâu nganhx. Nhiv no chiê nriêr tâu iz kror hâux lưv yiêz mak lok six lax, vav tiêk chor sở, ban nganhx zuôr sêiz shuôk đuô trâu cur cux xưk li sơưr đơưk, chiê sơưr đơưk muôx tâu hâux kưv uô truôx thiêz muôx phênhv sâu paz trâu luz nênhx”.

Zơưv Nguyễn Văn Đối, Giám đốc Sở y tế Lai Châu jênhv lok chor tập thể thiêz tiz nênhs li têx kror tsik tsênhz mênhx thâuv xêir zuôr chor nhân viên y tế tâu tso so hâux lưv lok uô hâux lưv, tiv zix zos ndê nhiêx hli, xav uô têx hâux lưv siêz đuô hâur ntu đhâu, uô trâu nênhs lox tôngv xav tiêk zuk zos viên chức. Lênhx nênhs sơưr thơưx nganhx no khav tênhv, no tsuôk zos jiês sik thav chiê pâuz tâu nênhs lox tôngv li siêz xar chiê muôz trâu thênhv siêz sêiz shuôk. Zơưv Nguyễn Văn Đối hêik:

“Pêz tưz mnôngs sơưr đơưk li siêz xar thiêz đhâu co pêz tưz têz têx vênhv thix mak lơưr pâuz tsik tâu tsênhz. Têx kror tsik zos nganhx y tế li qênhx mak pêz zuôr muỗ trâu tỉnh chiê muôx tsưr ziv huv đros lơưr siêz xar thiêz cêr chêi têz qơưk li têx cuiz tênhv nhiv no. iz cxiê lênhx nênhs cux tưz jênhv pâuz tâu chor tập thể, tiz nênhs li kror uô zuôv; chiê xav jênhv cov tsênhz mênhx mak pêz tsênhv qênhz shuôk đuô yênhx vênhv thix”.

Lơưr co, đhâu thâuv qênhz yuôx, nganhx y tế Lai Châu tưz thôngz sâu chor lox tôngv tâu sơưv cêr chêi lơưr Bộ luật lox tôngv kho đuô cxaz nzir shông 2012 li cuiz tênhv, muôx 23 lênhx, hâur co muôx iz lênhx lox tôngv tsênhv nhoz ntu kho moz viv muôx moz gênhs, 22 lênhx nênhs tsênhv xênhz mê nhuôs hâur chêr thiêz tu zus mê nhuôs tsik tâu muôx 12 hli hnuz nhôngs. Ntơưv công văn số 248 xa trâu chor taz viv hêik mênhx, tiv hâux lưv qênhz yuôx chor nênhs tsênhv uô hâux lưv tơưv têx taz viv li têx xor mông tsik tâu huv đros trâu nênhs lox tôngv tsik tâu suôv câuv hux thôngx lox tôngv. Viv liv, Sở hêik chor taz viv tsik tsuv tâu suôv câuv hux thôngx lox tôngv đros chor nênhs tsênhv xênhz zus mê nhuôs zâu tsik tâu muôx 12 hli hnuz nhôngs, tsênhv xênhz nhuôs hâur chêr, nênhs lox tôngv muôx moz gênhs lok sik trâus txiêz nanv lox tôngv tsênhv tâu chơưv kho moz lơưr qơư njuôk kho moz muôx qênhx li cuiz tênhv.

Zơưv Nguyễn Văn Đối, Giám đốc sở y tế tỉnh Lai Châu puz pâuz: đhâu thâuv muôx chox kriê, tas nro chor taz viv sir zôngv lox tôngv nhoz Sở Y tế tưz tror hu trâu chor nênhs lox tôngv chiê thor thiêz tror cir hux thôngx. Nganhx cux qênhz shuôk đuô yênhx lênhx nênhs lox tôngv chiê taz por têx tsênhv chêi, cux xưk li muôz trâu UBND tỉnh thiêz cơ quan muôx vax huôv, tsuv muôx faz tsưr ziv tưs chiê paz trâu chor nênhs lox tongv muôx hâux lưv uô lơưr chêi têz qơưk li cui tênhv./.

                                                                                 (Khắc Kiên-Lik Thox cxêik nhênhv)

Fuô yax kriê têx chei têz qơưk

Grê 37

Têx nhuôs zâu tâu têz qơưk, chuôz zis thiêz XH por hưv, tsoz phưz thiêz choz kriê cêr uô nênhx; tâu đros cxaz chuôz têx hâux lưv lok nhuôv zâu.  Txưr tsi khênhr zuôv têx nhuôv zâu uô đaz uô tuôs, ntâuk tsiv, zuôv uô têx nuv hnhar....uô cxâuv nhuôs zâu vax huôv.

Têx hluôk nênhs tâu têz qơưk, chuôz zis thiêz XH muôz six hơưv chiê trâu cơưv txux chi, uô hâux lưv, uô si, shâuv uô tiz nênhs jông, cơưv cxaz têx tsưr ziv txux chi yuôr trâus....; thiêz uô ntêx hlo hâur lox tôngv txơưx xar tơưv thiêz tsưx phưv têz qơưk.

Nênhs lâuk hnuz nhôngs siêz tâu têz qơưk, chuôz zis thiêz XH seiz hloz txos, tsoz phưz thiêz phuôx huiz pưs txux hâur cxiv tsa, tsưx phưv têz qơưk.

Grê 38

Cxuô lênhx sđ muôx vax huôv tâu por hưv, tsoz phưz đas jos, muôx vax huôv siz luôs hâur sir zôngv têx dịch vụ y tế thiêz muôx chei uô lơưr têx cui tinhv lok phax tar, seiz njuôk shuôs, kho moz.

Txưr tsi khênhr chiê muôx têx tuk tsi uô hiêv, uô tsi jông txos têx lênhx txơưr đuô thiêz côngv thôngx li luz nênhx, đas jos.

Grê 39

Tsôngv box sđ muôx vax huôv thiêz tâu chei cơưv ntâuz cơưv ntơưr.

Grê 40

Cxuô lênhx sđ muôx vax huôv nhênhz chơưv khoa học thiêz công nghệ, xar tơưv têx tsưr ziv jông lok sâuv vênhx cơưv vênhx ziv thiêz tâu sơưv têx liv jông txix têx hâux lưv uô co.

          Grê 41

Cxuô lênhx sđ muôx vax huôv tâu sơưv thiêz buôk ti txos têx txux chi vênhx huôv, cxaz chuôz trâu luz nênhx vênhx huôv, sir zôngv têx qơư vênhx huôv.

Grê 42

Tsôngv box muôx vax huôv xav tinhv zuk heir nênhs, sir zôngv zuk lul heik, xeir tsov têx lul heik hâur niêx hnuz.

Grê 43

Cxuô lênhx sđ muôx vax huôv tâu uô nênhx nhoz hâur tênhx qơư jông thiêz muôx chei por hưv tênhx qơư.

Grê 44

Tsôngv box muôx chei njênhs thiêz uô trơưk têz qơưk chox kriê.

Uô zuôv, tror tir têz qơưk zos têx uô cxâuv lox yax.

Grê 45

Por hưv têz qơưk zos tsôngv box sđ li hâux lưv thiêz vax huôv.

Tsôngv box tsuv đros cơưv shâuv têx txux chi tuz lênhv thiêz cxaz chuôz tsưx phưv truôx têz qơưk.

Grê 46

Tsôngv box tsuv uô lơưr Hiến pháp thiêz chei têz qơưk; đros por hưv txiv ngaz têz qơưk, truôx tuk XH thiêz uô trơưk têx cui tinhv xênhz huôx côngz côngv.

Grê 47

Cxuô lênhx sđ tsuv sik đros thêv sê trơưk li cui tinhv.

Grê 48

Têx lênhx nênhs saz têz qơưk đrâuv tuôx nhoz trâu VN, tsuv uô trơưk Hiến pháp thiêz chei têz qơưk VN; tâu têz qơưk VN por hưv lơưr luz nênhx, têx chuôz zênhx thiêz vax huôv, têx muôx liv trơưk đreiv li chei têz qơưk VN.

Grê 49

Têx lênhx nênhs saz têz qơưk đrâuv sơưr tơưv txênhz viv luz nênhx, pluôk nox, đeiv hnar, viv têz qơưk truôx tuk lok sik viv cêr nhênhz chơưv khoa học…zos  trâus uô hiêv, mak tâu têz qơưk VN seiz shuôs zok nriêr qơư trâu nox nhoz./.

(Tuyết Lan-Riê Lâux cxeik, nhênhv)