Jax sâu  thưr 2, hnuz 13/6/2016:

Tox siêz Trạm Tấu bax tsưr ziv tir thêir nas chuô

Uô ntêx thâuv zuôr nzênh trâu cheix ntux nas chuô, xã Trạm Tấu, huyện Trạm Tấu, tỉnh Yên Bái tưz tror qênhz shuôs hur si têx ziv chuôz zis tsôngv box nhoz 100% jêx jok, yax kriê tsôngv px sđ uô jông cxuô luôs hâux lưv tir thêir nas chuô tsik chiê ruôr hiêv txos tsôngv px sđ têx vax tsêr, chuôz zênhx chuôz tav. Tix lâus Tôngx Xênhv Zax ntơưv jok 4, nhoz thax tsav zôngx ziv muôx tox poz ar lơưk, ho zos ziv chuôz zis pluôs viv li, iz chas têz qơưs paz, hâu nov ntơưv qơư tưz hu zâuv tsôngv box sđ, têx tsưr tsix đoanx thêv siz chos paz uô kuô tsêr, njêik yêv chuôz zênhx txix qơư nhoz kuz muk trâu qơư nhoz yiêz thiêz cxiv kho, uô đuô tsêr nhoz. Tix lâus Tôngx Xênhv Zax heik:

“Luk Hmôngz: Thâuv ntêx nhoz pêv kuz tsêr, mak thâuv ntux lok nas yei cơưk li. Nhiv no tâu cưr tix nênhx tsa sđ tuôx đros paz yeik txar muk nhoz qơư yiêz, cur tưz tso siêz, tsi cxơưx, tsi nyei tsav muôx tox poz ar lơưk lok cxuz li đrav ntêx lơưv”.

Trạm Tấu zos huyện tox siêz, tox trôngz nxaz, 90% ntâu zos tsôngv box heir nênhs tsơưs, hâur ntơư phênhv ntâu zos heir nênhs Hmôngz. Viv tsôngv box khênhr cor cav uô nênhx nhoz trâu sâuv têx ntar trôngz siêz thiêz têx tơư trôngz muôx đêx ntưk….zôngx ziv trâus ntux nas chuô ruôr hiêv txos. Chênhr viv li, hâux lưv yax kriê thâuv tưs cux tâu hâu nov huyện Trạm Tấu tsi so moz siêz txos uô ntêx, thâuv zuôr txos chêix ntux nas chuô. Luôs hâux lưv no tâu uô tsênhv tsênhz txix huyện txos ntơưv qơư txix fuô kriê luk Hmôngz, luk Choz Tsiz sâuv têx loa tso nta suôz thiêz hâur têx jiês cơưv jêx jok. Zơưv Jêz Xênhv Muôk, tsar jok Tấu Giữa, xã Trạm Tấu heik:

“ Thâuv tưs seiz thiêz hnor tiêk zuôr muôx nas chuô lox mak fuô kriê trâu tsôngv box sđ tsi muk lok hla đhâu têx đêx, tsi tâu pư pêv têx têz; uô ntêx thâuv zuôr muôx ntux nas lox mak tsuv qênhz shuôs đuô, cxênhv têx vax tsêr cov khor thiêz truôx; têx tsiêx cxu cux lơưr, chaz lok tsêr hur si”.

Túc Đán zos xã muôx tox trôngz hâur pêk nxaz, tsôngv box  uô nênhx nhoz tsi yuô siz jê uô cê thiêz nhoz kuôk đêz tsênhv qơư huyện, iz chas hâux lưv cxiv tsa, qênhz shuôs đuô Ban seiz car  phax tar đêx nas chuô, zok nriêr chơưv paz lênhx tiz nênhs hâur xã, yeik txar têx ziv chuôz zis nhoz têx thax tsav riêz nênhs muk nhoz qơư taz por, xã Túc Đán tưz cxiv uô qơư lênhk txeik, txuôk hu đhâu xor tôngx trâu Ban seiz car phax tar đêx nas chuô, zok nriêr chơưv paz lênhx nênhs ntơưv têx xã nhoz siz jê uô cê li: Xà Hồ, Pá Lau, thâuv muôx ntux nas chuô ruôr hiêv txos jêx jos chiê hu trâu sđ tuôx đros paz zênhx max. Zơưv Zax Xênhv Vax, Phưv Chủ tịch UBND xã Túc Đán, huyện Trạm Tấu heik:

“ Thâuv muôx tuk tsi jông yưv hla đhâu zuk tsưr ziv, vax huôv, Ban seiz car phax tar đêx nas chuô, zok nriêr chơưv paz lênhx nênhs hâur têx xã no zuôr siz paz đros tir thêir zênhx max, siz paz trâu thâuv têx luz six hơưv njiz phiv liv yax. Chor xã no thâuv tưs cux muôx cêr thôngx siêz chiê thâuv xã no zuôr trâus txos mak xã tov hu tsôngv cưr tix nênhx tsa sđ tuôx đros paz thiêz xã tov zuôr trâus txos mak xã no muk đros paz”.

Cheix ntux nas shông uô ntêx, huyện Trạm Tấu muôx 18 ziv chuôz zis tsuv yeik txar zênhx max nhoz trâu qơư yiêz, ntâu côngz trênhx li: Đêx liv, UBND xã, tsêr cơưv ntơưr, cêr muk lok trâus puôk tsuôx…..xav nhiêx tas yênhx tỷ đeiv nhiêx.

Txix ciês hâur cheix ntux nas chuô shông 2016, huyện Trạm Tấu tưz fuô kriê, uô ntâu faz tsưr ziv tsênhv tsênhz li, qênhz shuôs Ban seiz car phax tar nas chuô-zok nriêr chơưv paz lênhx nênhs txix huyện txos xã;  tsưr tsix kriê shâuv têx tsưr ziv chơưv paz lênhx nênhs, yeik txar têx chuôz zis tsôngv box nhoz jê thax tsav riêz nênhs muk nhoz qơư taz por. Nhiv no têx thax tsav qơư, cêr muk zôngx ziv muôx tox poz li, txox cêr lox số 174 muk txix huyện Trạm Tấu trâu luôs 2 chas thax tsav đrâuv tưz tâu huyện bax cxix cxuô meir khơưz huk ar, lênhx nênhs….seiz shuôs njôngr chiê thoz huk têx ar, poz jêz thâuv tưs muôx tox poz cxuz cêr. Pos Lê thị Thu Hà, Phưv Chủ tịch UBND huyện Trạm Tấu, tỉnh Yên Bái heik:

“ Trạm Tấu tox  trôngz hâur pêk nxaz, khênhr muôx yưv têx li heik sâuv, chênhr viv li huyện tưz qênhz shuôs đuô Ban seiz car phax tar đêx nas chuô txix huyện txos ntơưv qơư têx hâux lưv uô. Tiv 2 zos phênhz côngz hâux lưv tsênhv tsênhz trâu yênhx lênhx nênhs lês car uô hâux lưv no hâur huyện seiz car 12 xã, thị trấn. Tiv 3 zos cxiv tsa tsưr ziv, chêx tsôngk lênhx nênhs yeik txar têx chuôz zis tsôngv box nhoz qơư riêz nênhs muk nhoz qơư taz por, txos iz jiês no huyện Trạm Tấu tưz tsi muôx ziv chuôz zis tưs uô nênhx jê têx ntus cưx đês cưx ha riêz nênhs li đrav ntêx”.

Chiê txo grêk tsơưs têx kror tsik jông, tiv nas chuô uô ruôr hiêv, hâu nov nhoz huyện tox siêz Trạm Tấu tưz sir jos gra siêz tsưr ziv uô jông cxuô luôs hâux lưv phax tir thêir đêx nas chuô,  tsik chiê nas chuô ruôr hiêv txos tsôngv box têx vax tsêr, chuôz zênhx chuôz tav thiêz lênhx nênhs./.

( Đinh Tuấn-Riê lâux cxeik, nhênhv)

Phênhv thưr 2.13.6.2016:

CƠƯV POV TSIR CÔNGZ FUR CHÊX CUK JIÊS BO XEIR THIÊZ BÊ TÊX LÊNHX NÊNHS TÂU BO XEIR UÔ TEIV PLOR CÔX HÔIV KHÓA 14

          Lơưr pov cov chêx cuk jiês bo xeir teiv plor côx hôiv khóa 14 thiêz teiv plor hội đôngx cxuô cấp  ntu 2016-2021, tas nro cử tri cxaz chuôz bo xeir zos 67 tsov ntâu lênhx, tax tâu 99,35%. Chêx cuk muôx 496 lênhx ứng viên tâu bo xeir uô teiv plor côx hôiv thiêz 320 cxênhz 360 lênhx ứng viên tâu bo xeir uô teiv plor hội đôngx cxuô cấp. Pir đros tsưr ziv tso tơưv, ntơưv jiês bo xeir no tsi tâu xeir txâuk, tsênhv yuôr 4 teiv plor côx hôiv; 8 teiv plor hội đôngx cấp tỉnh, 120 teiv plor hội đôngx cấp huyện thiêz 6 cxênhz ntâu teiv plor hội đôngx cấp xã thiêx li txâuk. Muôx 15 ứng viên zos Trung ương heik kriê, taz sik tsi tâu bo xeir uô teiv plor côx hôiv. Chêx cuk bo xeir cux tso pov, teiv plor zos pox niêv, nênhs mênhx cxưx tsơưs nênhs puôr lênhx kis,  tsik tâu trơưk li luôs hâux lưv tso tơưv, taz sik siêz đuô pir đros côx hôiv khóa 13. Tsuôk muôx 2 teiv plor chiv chir ứng cử tâu bo xeir. Kror tsuv tsov cưv, ntơưv jiês bo xeir no, teiv plor zos hluôk nênhs (tsi tâu muôx 40 shông) tâu bo xeir zos 71 lênhx, siêz đuô 21 lênhx pir đros njuôs xav thiêz siêz đuô khóa 13. Hâur jiês bo xeir no tsênhv muôx têx qơư uô tsi zos hâur hâux lưv uô ntơưr bo xeir, tiv zix ntơưv thax tsav tso ntơưr số 2 xã An Sơn, huyện Kiên Hải, tỉnh Kiên Giang, tsuv tror bo xeir đuô tiv uô cxâuv chêi têz qơưs.

          Ntơưv jiês cơưv pov tsir, ntâu vênhv thix tâu Phóng viên têx chiz coaz pov tsir thix ziv Hôiv đôngx bo xeir têz qơưk uô tsênhz mênhx lênhx coaz txos teiv plor tror tâu bo xeir kis uô zênhr shar li chas txos tsơưr lươngv, chêx cuk hâur côx hôiv li huôx tôngv. Tsênhv muôx qênhx shênhx paz bo xeir...zos li hâux lưv côngz jênhv chêx cuk bo xeir puk uô trơưk chêi cui tênhv?. Phưv chủ tịch côx hôiv Phùng Quốc Hiển hêik pâuz:

          “ Pêz khav tênhv zos tsi huv cêr chei, taz sik kror uô cxâuv co zos tiv tsi pâuz thôngz, tsi zov chênhr hor ntâu, tsi uô zênhr shar txos chêx cuk bo xeir. Viv li, Hôiv đôngx bo xeir têz qơưk, UB bo xeir tỉnh nhoz qơư muôx hâux lưv co tưz kho đuô thiêz pov chêx cuk bo xeir tsi uô zênhr shar lox thiêz têx cử tri mul bo xeir paz cux tsuôk hâur 1 chuôz zis, tsi ntâu”.

          Têz lul nus, 15 lênhx ứng viên zos Trung ương heik kriê, taz sik tsi tâu bo xeir zuôr uô zênhr shar li chas txos tsưr ziv tsưr tsix uô hâur têz qơưk hâur six hơưv zuôr txos, tsar ban côngz xưv teiv plor Trần Văn Túy hêik pâuz: Hâur 15 lênhx ứng viên tsi tâu bo xeir jiês no, njuôs xav muôx 9 lênhx uô teiv plor côx hôiv chuyên trách, kror no cux zênhr shar txos hâux lưv xeir lênhx nênhs:

          “ Jiês no hâur Luật cui tênhv zuôr chuôz ndê teiv plor côx hôiv chuyên trách txos 35% thiêz chuôz ndê jux jus hâur têx khóa lơưr co. JIês no tưz chuôz ndê txos 15 teiv plor pir đros khóa 13 mak pêz bo xeir tsi tâu txâuk tsênhv yuôr 9 lênhx thiêz viv li cux zênhr shar zos hâux lưv xeir lênhx nênhs. Taz sik tov kaz no huôx tôngv ntơưv nghị trường, têx teiv plor li huôx tôngv hâur tsênhz mênhx mak têx chiz coaz, côx hôiv li UB muôx theox chênhv xeir têx teiv plỏ muôx pênhr xưv chiê cxaz nzir lol zuk chiz coaz”.

          Muôx lênhx coaz txos Hôiv đôngx bo xeir têz qơưk, co zos hâur heik kriê, xeir ứng cử viên tsênhv tsi tâu uô jông, ntơư zos hâux lưv tsi xeir ứng cử viên chiv chir ứng cử teiv plor côx hôiv tưz tâu cử tri njênhs njôngr uô tsôngv box tsi jông siêz; chor sâu xor xưv nus, puk zos chêi bo xeir li cui tênhv tsi tâu uô txos qơư côngz xưv xeir teiv plor trâu tsôngv box, puk tsuv kho đuô chêi chiê khưx phưx hâux lưv no? Phưv chủ tịch côx hôiv Phùng Quốc Hiển hêik pâuz tiêk: Cơưv Hiệp thương jiês tiv 3 kriz đêz đar đuô, muôx ziv chênhv thiêz tsa tês thôngx ziv zos txơưv muôx txâuk theox chênhv cxaz chuôz ứng cử, viv li têx ứng cử viên no tsi nhoz hâur bê teiv plor tâu bo xeir. Taz sik, phưv chủ tịch côx hôiv cux khav tênhv, kror no sđ tsuv sik chos saz lax cov huv đros chiê tsưr tsix bo xeir cov tâu zos đrêiv hâux lưv tso tơưv./.

( TTT-TXâur Vax cxeik nhênhv)