Cxix luôk y tế cơ sở tsik muôx lênhx nênhs tuôx seiz njuôs moz thiêz pênhr xưv txux chi kis

          50% canr bộ y tế tsi pâuz njuôs siz mêx txos phênhv tưs zos siz mêx siêz, 90% tsi pâuz chơưv paz thâuv lênhx nênhs nox hâuk trâus đeis chax đaz. Co zos chêx cuk seiz shuôk kuôk nor tsi ntêr ntơưv qơư y tế thax tsav tox siêz; yuôr thax tsav tiêx đras, phênhv ntâu têx qơư y tế puôr lênhx tsi muôx nênhs moz tuôx seiz njuôs moz. Qơư y tế xã Dục Tú taz viv uô sơưr thơưx huyện Đông Anh ( Hà Nội) tsi muôx nênhs moz tuôx seiz njuôs đros luz meir siêu âm trâus liêv ntâu shông tsi so. Zơưv Lê Văn Bắc, Tsar qơư y tế xã Dục Tú heik:

          “Lok chuôz zênhx nhoz no bác sỹ đrâuv muôx luz meir njuôs siz mêx, mnôngs luz chêr mak tsi muôx tul tsi ciês hlo. Thâuv seiz njuôs tsi muôx chuôz zênhx mak nênhs moz tsi njênhs thiêz jux jus lơưr tsi tuôx seiz njuôs lơưv thiêz”.

          Iz jiês seiz car txơưr cux tso pov, phênhv ntâu qơư y tế puôr lênhx muôx tsi txâuk têx zav yuôx zuôr trâus thiêz 30% ntâu qơư y tế muôx tsi txâuk chuôz zênhx y tế zuôr trâus. Txơưv Bộ y tế tưz tso tơưv jix vuv y tế tsênhv, tso chei trâu qơư y tế uô txos zuôr xar 80 zav jix vuv taz sik têx qơư no puôr lênhx uô tsi tâu viv tsi muôx txâuk lênhx nênhs muôx pâuz uô hâux lưv thiêz trâus Cuiv bảo hiểm y tế seiz car tsi đhâu 20% lơưr tsêr kho moz huyện li cuiv seiz njuôs thiêz kho moz trâu nênhs moz tsi nhoz hâur tsêr kho moz nhoz hâur tsêr kho moz. Pos Bùi Thị Thu- Tsar qơư y tế xã Quỳnh Trang, huyện Quỳnh Phụ, tỉnh Thái Bình puz pâuz:

          “Pêz nhiv kruôr uô tâu 60% têx jix vuv y tế tsênhv. Ntâu zav njuôs siv tsi tâu tâu uô tâu. Nhiv kruôr njuôs tâu nênhs moz tso jis thax thiêz pox niêv muôx mê nhuôs hâur chêr. Siêu âm cux tsi tâu uô tâu viv tsi muôx meir. Meir điện tim cux tsi muôx”.

          Lơưr Bộ y tế li thôngz sâu, chungz fênhx iz qơư tsuôk seiz njuôs cxôngx 10 txos 15 lênhx nênhs moz iz hnuz, muôx têx qơư tsuôk seiz njuôs 2,3 lênhx nênhs, muôx têx qơư y tế nhoz thành phố lox, jê tsêr kho moz lox yênhx ciêz cux tsi muôx nênhs moz tưs tuôx seiz njuôs. Pos Phạm Thị Minh, Tổng giám đốc Bảo hiểm y tế xar li no:

          “Nhiv no lênhx nênhs zôngv BHYT chuôz ndê mak tsơưr lươngv lênhx nênhs y tế cux tsuv tâu chuôz tsar mul cơ sở chiê tsôngv box tsi phêv liv mul seiz njuôs ntơưv tsêr kho moz lox. Lok lêx ntêr tsuv tror thox cxov đuô trâu têx y bác sỹ. Uô ntêx zos sik hlôgnrr bác sĩ li qơư uô côngz xưv cxôngx tỉnh mul huyện, huyện mul xã chiê uô têx jix vuv txơưr”.

          Lơưr Bộ trưởng Bộ y tế Nguyễn Thị Kim Tiến, nhiv no tưz muôx cui tênhv tsêr kho moz tỉnh heik bác sĩ sik hlôngr mul tsêr kho moz huyện thiêz ntu zuôr txos bác sĩ tsêr kho moz huyện zuôr mul xã chiê uô hâux lưv. Bác sĩ nhoz qơư y tế xã mul tsêr kho moz huyện chiê cơưv shâuv pênhr xưv txux chi. Bộ cux tưz thix ziv cungz cxaz Cuiv BHYT trâu cơ sở. Bộ trưởng Nguyễn Thị Kim Tiến puz pâuz cxaz:

          “Lok tsơưr lươngv seiz njuôs thiêz kho moz thiêz lênhx nênhs y bác sĩ, Bộ y tế tưz muôx tsưr ziv zuôr thox cxov cxaz lơưr trâur nuv y học chuôz zis trâu tas nro têx y bác sĩ qơư y tế xã, nheiex phí zos khov txos pênhr ODA thiêz paz txưv tsi zuôr thêv. Tiv 2 zos qơư y tế xã đrâuv seiz njuôs moz tsuv coar lik têx lênhx nênhs moz plơưr, siz mêx siêz, tso jis thax, hâur ntu tưz muôx tsưr ziv kho moz chiê tsôngv box tsi tsuv mul seiz njuôs thiêz kho moz đêz”.

          Muôz siêz tsơưr lươngv y tế cơ sở tsênhv khov txos chinhr quyênx thiêz nganhx y tế tiv phaz li tsov cưv, yưv pênhr. Đros uô Bộ y tế li têx tsưr ziv, zos qơư tưs cux uô jông li ntơưv quận Thủ Đức thiêz uô hâux lưv tas zuk siêz, tsov cưv txos nênhs moz mak ntu zuôr txos zuôr nriêr tâu tsưr ziv muôz siêz tsơưr lươngv trâu qơư y tế xã, phường./.

(VOV1-Txâur Vax cxeik nhênhv)

Đắc Lắc: Jêx jok yiêz hlôngr yiêz txix têx txox cêr “Đảng tsưr ziv, pêx xênhv siêz”

Đros têz qơưk li têx cêr paz, pêx xênhv nhoz Buôn Mih, xar Đắk Nuê, huyện Lắk, tỉnh Đắk Lắk tưz muôz 2.300 xưv phaz ar, 1.000 hnuz côngz chiê kriz đar thiêz nquôr bê tông uô ntu cêr ntêr 4 cêik hâur jok. Ntu cêr thâuv ntêx txos chêix yar ntux kruôr thiêz yar mak muôx pluô ar pâus, ntux nas cêr nhav thiêz bluô tsik jông muk lok hlo, nhiv no tưz lox đar thiêz jông, zôngx ziv muk lok, thâux xa hax huv…Zơưv Y Bhem Du, tsưr jok Buôn Mih, puz pâuz, kaz shông 2016, xar Đắk Nuê phuôx tôngv phongz yaox uô cêr muk lok hâur jêx jok, tas nro pêx xênhv puôr lênhx thôngx ziv sik paz đas jos uô, đhâu 2 hli ntâu kriz uô ntu cêr tưz tâu uô tiêr paz trâu pox nhuôs cxuô jêx jos zôngx ziv muk lok.

“Thâuv ntêx mak ntu cêr no lok six phiv liv  muk lok thâuv chêix ntux nas mak nhav jơưk muk tơư, muk yêz lok cux tsik jông muk hlo, nhiv no Đảng têz qơưk tsov cưv paz trâu pox nhuôs uô txox cêr no zos txox cêr chênhr, jok Chinh Cao cux muk txox cêr no, Jok Buôn Mih, Buôn Tham 1 cux muk txox cêr no, no zos txox cêr chênhr”.

Hnuz nhôngs tưz siêz, đas jos ntâul tas, taz pos Trần Thị Thành zos lênhx uô ntêx hlo hâur hâux lưv paz uô tâu têx txox cêr yiêz, chos pax uô jông jav nhoz jok 3, xar Ea Kpam, huyện Cư Mgar. Têx zav pax muôx hâur vax, nhiv no tâu xêir chiê chox muk chos, tsoz phưz trơưk oz saz ntus cêr bê tông siz txuôk jêx jok, xar paz muôx têx kror yiêz jông đuô trâu chor cêr.

“Cur siêz mak pov chor pax tưs jông chêk thor lok chos txos thâuv tsêiz no lơưr uô cêr lơưv, cur pov têx tuz nhuôs chox pax lok chos viv li cur cux thor mê njil lok chos tas hur si. Pax tơưs mak pov zuk tsêr cux jông đuô, txox cêr lok cux jông jav đuô”.

Lơưr Ủy ban tỉnh Đắk Lắk li số lov, ciês hông 2017, pêx xênhv nhoz têx tiv phaz hâur tỉnh tưz gôngr côngv muôx 120 tiv đêiv ntâu, muôz muôx 80.000 xưv phaz ar, gôngr côngv muôx 49.000 ntâu hnuz côngz lox tôngv chiê cxiv tsa cêr cxuô zav hâur jêx jok. Hâur co, têx tiv phaz tưz uô yiêz 640 ntâu cêik cêr bê tông, 102 cêik cêr vuôv poz jêz; kho đuô 243 cêik cêr ntâu hâur jêx jok… Đros co, ntâu tsưr ziv uô jông, txơưx xar tơưv tưz tâu têx tiv phaz sir zôngv li Đoanx hluôk nênhs jênhv kriz uô têx cêr muk lok hâur jêx jok, Hội Nôngx mênhx, pox niêv cxaz chuôz kho đuô, tsưx phưv cêr hâur jêx jok đros têx phongz yaox “ntu cêr chiv chir sêiz jor”, “txox cêr pax pox niêv”…

Zơưv Vũ Văn Đông, Phưv Giám đốc Sở Kôngz nuv thiêz Huôv tsar jêx jok, Chánh Văn phongx seiz car tsaz yênhx jêx jok yiêz tỉnh Đắk Lắk puz pâuz, cxiv luôs zoz thôngz jêx jok tâu uô truôx jông tưz tsik zos paz trâu pêx xênhv zôngx ziv muk lok, thâux xa hax huv xưz mak tsênhv paz trâu huôv tsar kinh tế, vênhx huôv xar hội…Viv li, Đắk Lắk tsik so sir jos kho đuô cxiv luôs zoz thôngz. UBND cxuô cấp tưz tso tơưv ntâu tsênhv chêi paz, cxơưz cxiz pêx xênhv sik đros côngv têk cxiv tsa jêx jok yiêz.

“Tỉnh li tsưr ziv cux li ban chox kriê tsaz yênhx cxiv tsa jêx jok yiêz xav jênhv tsưr ziv jêx jok zos iz hâur têx tsưr ziv zov chênhr tsuv sir jos kriz uô. Viv li ntu zuôr txos tror tsêx trung huiz tôngv têx pênhr jos têz qơưk cux li têx pênhr jos txơưr đuô thiêz pêx xênhv li đas jos chiê cxiv uô cêr muk lok, tiv zix zos tox siêz, nhoz đêz txov nhêv li Mdrak, Ea Sup, Lak, Krông Bông no zos têx thax tsav tsuv tsov cưv txos chiê zôngx ziv trâu pêx xênhv muk lok thiêz uô xênhz yar”.

Muôx têx heik, têx txox cêr cxiv tsa lơưr têz qơưk tsaz yênhx qơư tsov txos lok jêx jok yiêz zos têx txox cêr “Đảng tsưr ziv, pêx xênhv sik thôngx siêz”, paz uô hlôngr yiêz jux juk têx jêx jok nhoz Đắk Lắk. Muôx cêr yiêz cux zos paz zôngx ziv trâu muôl muôs hax huv, paz trâu pêx xênhv muôx luz nênhx tsâu sor, shir phaz đuô./.

(TTTN-Lik Thox cxêik nhênhv)