Thượng tướng Lê Khả Phiêu: Thâuv tưs cux moz siêz txos tsôngv tuz lênhv, pêx xênhv sđ

          Đros lênhx uô pov tsir Vũ Ngọc Xiêm- muôx iz ntu uô côngz xưv nhoz pov tsir Quân khu 7, tov kaz no zos pov tsir Hội bộ đội lâuk Việt Nam, đros thiêz zơưv kuz Tổng bí thư Lê Khả Phiêu zos iz lênhx nênhs lênhs tov jông hâur uô côngz xưv, thâuv tưs cux moz siêz txos tuz lênhv, pêx xênhv sđ. Hâur têx jiês khiêz phêv nhoz Quân khu 9, txơưv zos iz lênhx nênhs lênhs tov thênhv siêz, zơưv tsi heik cxuô cxuô mak heik tsênhz mênhx têx vênhv thix, yênhx hâux lưv chiê zôngx ziv to tâuz. Tsôngv box Nam Bộ thiêz bộ đội Quân khu 9 khênhr hu zơưv zos tix “Năm Phiêu”. Tiv zix tov kaz no uô lênhs tov siêz tiv zix hâur Đảng, taz sik thâuv lok seiz quân khu thiêz tsôngv box Nam Bộ zơưv “Năm Phiêu” tsênhv ndo njôngr txos bê, qơư uô côngz xưv thiêz nus yênhx lênhx nênhs uô lênhx tưs cux lok six jông siêz.

          Kuz Tổng Bí thư Lê Khả Phiêu tsênhv lok six tsov cưv txos tsôngv box li luz nênhx thiêz thâuv tưs cux xar lok six ntâu lok hâux lưv no. Tror ndo txos chiv nhênhv tâu jâuv đros kuz Tổng bí thư thav sâuv luz yêz gox đêx muk qênhz yuôx qênhx shênhx ntux nas nhoz faz Tây lok shông 2000, lênhx nênhs uô pov tsir Vũ Ngọc Xiêm heik: Thâuv yêz gox đêx tuôx txos thax tsav ntu đraz Đồng Tháp thiêz Long An, zơưv Lê Khả Phiêu pov iz chuôz zis tsênhv lav nhoz uô nênhx sâuv thax tsav đêx ngaz tưz muk seiz nus. Thâuv pâuz lok chuôz zis li têx phêv liv, zơưv tưz chox kriê tiv phaz tsuv ciêr chênhr paz thiêz txar qơư nhoz trâu chuôz zis no muk qơư taz por đuô. Tsi taz li ntơưv zơưv tsênhz muk qênhz yuôx seiz tiv phaz pov jông hâux lưv co:  “Cur ros ntâu lênhx nênhs lênhs tov muk uô côngz xưv, heik tas mak tsi tror muk qênhz yuôx. Taz sik đros thiêz kuz Tổng Bí thư mak thâuv muk qênhz yuôx thâuv giao ban mak đồng chí txơưv nus ciês: “Chuôz zis co, nêx tưz txar qơư nhoz lơưv tâu?”. Iz đồng chí lênhs tov nhoz Đồng Tháp heik tiêk tsi pâuz txos hâux lưv no. Kuz tổng bí thư heik: Uô cán bộ li ntơưv mak tsi tâu, đồng chí tsuv chox kriê ciês trâu huyện, trâu tiv phaz muk ntơưv co txar qơư nhoz trâu lơưr. Đhâu 2 six hơưv tror pov cov trâu cur”.

          Kuz Tổng bí thư Lê Khả Phiêu li cêr uô nênhx jông tsênhv tâu tso pov hâur iz jiês muk seiz shuôk qênhx shênhx ntux nas nhoz tỉnh Đồng Tháp. Thâuv muk txos co, njiê pov tiv phaz đei đeiv ntâuz hơưv tos sâu “Jông siêz tos đồng chí Tổng bí thư Lê Khả Phiêu lok seiz thiêz uô hâux lưv ntơưv Đồng Tháp” zơưv lok six qiv siêz thiêz heik ciês tiêk zơưv muk qênhz yuôx qênhx shênhx ntux nas tsi zos muk ndis shuôk têz qơưk uô si mak zuôr sâu li ntơưv. Uô cán bộ tsuv jê tsôngv box, pâuz tsênhz lok tsôngv box luz nênhx li ntơưv thiêx li tâu tsôngv box njênhs njôngr.

          Thav lok kuz Tổng bí thư Lê Khả Phiêu- Thiếu tướng Trương Giang Long- Ủy viên Hội đồng lý luận Trung ương Đảng, khav tênhv tiêk, zơưv zos iz lênhx nov muôx cxix cxuô “lênhx bộ đội zơưv côngz Hlox li têx siêz jông”. Iz lênhx nênhs chinhr trị txơưx njê. Thiếu tướng Trương Giang Long ndo tiv zix zos jiês xuz thơưx njiz kuz Tổng Bí thư Lê Khả Phiêu, thâuv co tsênhv uô thư ký trâu Thượng tướng Trần Văn Trà. 2 lênhx hâu nov no jiês sik thav uô zơưv ndo njôngr hâur siêz tsi plox:“Thâuv zơưv đros thượng tướng Trần Văn Trà thav, zơưv thav txos têx đồng đội tâu tas siv nênhx sâuv qơư tsav txênhz Campuchia, 2 lênhx hâu nov puôr lênhx cê thav cê lok cuô muôs. Cur tsi car tuôx jê, cxôngx co tso pov lơưr moz siêz txos têx tuz lênhv, zuk li têx đồng đội li chas, li ntơưv thiêx pov lơưr zos têx lênhx nov txơưx njê, siêz jông hâur quân đội”.

          Tov kaz no, thâuv muk Hà Nội uô côngz xưv thiêz uô Phưv Tổng biên tập Tạp chí Cộng sản, Thiếu tướng Trương Giang Long tâu kuz Tổng bí thư Lê Khả Phiêu hu tuôx tsêr uô si. Ntơưv no, kuz Tổng Bí thư tưz choz chêv li no: Sâu lok Đảng li têx hlôngr yiêz tsuv heik tâu têx kror jông, chiê cxơưz cxiz tas nro Đảng, tas nro quân, tas nro tsôngv box taz sik cux tsuv heik tâu têx tsi tâu uô tâu, tiv zix cxôngx co tsuv muôx tâu jax cơưv trâu zuk thiêx li muôx tsiv grê heik kriê Đảng li côngz xưv tư tưởng thiêz lý luận.

          Lơưr thiếu tướng Trương Giang Long, kuz Tổng bí thư Lê Khả Phiêu li cêr moz siêz txos tuz lênhv, txos tsôngv box, tsi so xar njôngr txos tsôngv box Việt Nam li luz nênhx đhâu jiês tsav txênhz puôr lênhx tâu heik tơưv hâur fâu ntơưr muôx bê: “Cêr hluz txos tsôngv px lok zos Mênh mông tình dân”.“Hâur fâu ntơưr muôx bê “Cêr hluz txos tsôngv px lok zos Mênh mông tình dân” tưz heik tơưv tas nro kuz tổng bí thư li cêr moz siêz txos tsôngv box. Chênhr cxôngx cêr moz siêz co zos đas jos cxơưz cxiz zơưv xar tơưv krêz uô tsưr ziv hlôngr yiêz chiê chox Đảng huôv tsar”.

          Txơưv kuz Tổng bí thư Lê Khả Phiêu tưz tâu tas siv nênhx, taz sik zơưv li cêr moz siêz txos cán bộ, chiến sĩ thiêz tsôngv box Nam Bộ thiêz zơưv li têx gôngr côngv trâu têz qơưk tiêv tiêv tsênhv nhoz co, tâu cxuô cxênhx nênhs tov kaz no ndo njôngr txos hâur siêz tsi plox./.

(Việt Đức- Txâur Vax cxeik nhênhv)

Chor hluôk nênhs sik côngv têk đros phax, tar caz moz

Txix kaz hli 7 txos nhiv no, txơưv ntux yar lok zos ntux nas, chor hluôk nênhs li têx yêz mêir thâux đros chor loa yax kriê cux muk txos trâu yênhx txox cêr, jêx jok hâur xar Cư Dliê Mnông, huyện Cư Mgar, tỉnh Đắk Lắk chiê yax kriê phax, tar caz moz Covid-19. Tix lâus Y Diu Ktla, nhoz jok Brah, xar Cư Dliê Mnông piêr, thâuv 6 six txos 8 six sơưr nzor thiêz txix 4 six txos 6 six zuôr tsâuk ntux yênhx hnuz, chor yêz thâux loa no ho max mav muk sâuv têx cêr hâur têx jêx jok, tso têx luk hêik kriê lok tsưr ziv phax tar caz moz txix luk Ê đê. Khov co, nhoz jok Brah, txix nênhs lâul txos nhuôs zâu puôr lênhx pâuz tâu txos têx tsưr ziv chiê phax tar caz moz xưk li tsik so nzuôr têk cov hur, qêz suô vax tsêr thiêz iz ndis cov đu lus, hur si, chox ntâuz bos kror ndâux thâuv muk lok tâus cêr, uô hâux lưv thiêz muk trâu têx qơư muôx chôngz nênhs. Tix lâus Y Diu Ktla hêik:“Muôz ntâuz ntơưr yax kriê mak phênhv ntâu chor ntơưr zos sâu ntơưr tsoz tsiz, iz cxiê lênhx nênhs sêiz tsik pâuz viv li cux njiz phiv liv hâur jênhv pâuz. Hok nhiv no tâu yax kriê txix loa li no mak zôngx ziv pâuz đuô, pox nhuôs sơưr đơưk mnôngs tâu luk Ê đê mak lơưr uô jông mnôngs thiêz lơưr pâuz tâu jông đuô, txix co sir jos uô trơưk yax kriê chiê phax tar caz moz cov jông đuô”.

Tix lâus Nguyễn Hữu Ân, Bí thư đoàn xar Cư Dliê Mnông puz pâuz, thâuv ntêx no Đoanx hluôk nênhs tsuôk yax kriê txix muôz têx ntâuz ntơưr, sâu xor mông tso trâu sâuv tsưr tsix Đoàn li trang mạng zos chênhr xưz. Đoanx xar cux sir zôngv loa chiê yax kriê taz sik tsuôk zos ntơưv tsênhv qơư xar. Sik, thâuv caz moz tror siz cik trâu kaz hli 7 nhiv kruôr đhâu thiêz muôx nênhs nhoz ntơưv Đắk Lắk trâus moz, đoanx xar tưz chuôz cxaz uô zôngv yêz mêir thâux loa muk txos trâu yênhx jêx jok chiê yax kriê.“Hâux lưv yax kriê txix loa li no mak pov uô tâu jông đuô viv muk txos trâu cxuô kror qơư hâur yênhx jêx jok, thâuv co pêx xênhv zuôr pâuz tâu têx xor mông sêi thiêz tsênhz đuô. Yax kriê txix 2 zav luk, luk tsoz tsiz thiêz luk Ê đê. Hâur Đoanx xar li têx tsênhv njiêz yax kriê mak zuôr tâu xêir jông têx xor mông chiê yax kriê, đhâu co pov pêx xênhv sơưr đơưk pâuz tâu jông đuô thiêz cux sir jos uô trơưk jông đuô”.

Cux đros tsưr ziv uô li co, đoanx hluôk nênhs xar Vụ Bổn, huyện Krông Pắk tưz yax kriê txos tas nro 28 jêx jok hâur xar. Tix lâus La Văn Giang, Bí thư đoàn xar Vụ Bổn puz pâuz, chor nênhs yax kriê muk lơưr yênhx paz đêi qix thiêz thâux loa đros, yax kriê tsik so iz hnuz oz jiês thâuv sơưr nzor thiêz zuôr tsâuk ntux. Tix lâus La Văn Giang hêik:“Iz hnuz cur uô oz tsaz yênhx xor mông lok côngz xưv yax kriê lơưr UBND xar thiêz thênhv siêz têx ntâuz ntơưr chox kriê hâur côngz xưv phax tar caz moz thiêz tso sâuv cxiv luôs nta suôz xar iz hnuz oz jiês. 2 tôv yax kriê muk txos ntuô têx jêx jok hâur xar, muk yax kriê muôz têx ntâuz ntơưr hêik kriê thiêz muôz ntâuz bos kror ndâux tsik zuôr nhiêx txiêx trâu pêx xênhv ntơưv têx ciêz, qơư muôx nênhs nhoz chôngz đros hêik pêx xênhv sơưr đơưk uô jông lơưr cui tênhv chox ntâuz bos kror ndâux ntơưv têx qơư công côngv”.

Ntơưv xar Cư Pơng, huyện Krông Buk, đros yax kriê lok caz moz Covid-19, chor hluôk nênhs tsênhv uô đros yax kriê lok mo bạch hầu thiêz moz suôz liêz. Lơưr tix lâus Y Hlý Niê Kđăm, Phưv bí thư đoanx hluôk nênhs xar Cư Pơng, xar li đôiv yax kriê cux zos đôiv côngz xưv xar hôiv viv li zôngx ziv thâuv kriz uô têx hâux lưv. Đros muôx 30 lênhx nênhs uô chênhr thiêz chôngz lênhx nênhs đros paz uô zos chor shux xênhz cxênhx oz, txix kaz hli 7 txos nhiv no, đôiv tưz phênhz uô yênhx paz chiê muk yax kriê ntơưv 18 jêx jok hâur xar. Txơưv ntâu hnuz đhâu, ntux lok nas ntâu uô trâu chor cêr muk lok phiv liv đuô taz sik yênhx hnuz chor nênhs no cux tsik so muk yax kriê đhâu yênhx txos cêr, txos trâu yênhx ziv chuôz zis.“Tror uô đuô chor nênhs uô ntêx hlo jiês 1 mak sơưr đơưk puôr lênhx yax kriê trâu pox nhuôs pâuz txix loa, muôz ntâuz ntơưr kruôz kriê thiêz kriê pêx xênhv sir zôngv ứng dụng Ncovi sâuv điện thoại. Têis cik sơưr nzor mak txix 5 six yax kriê ntơưv ciêz thiêz hêik sơưr đơưk thâuv muk lok tâus cêr mak tsuv chox ntâuz bos kror ndâux chiê por vêv zuk thiêz chuôz zis, tror kruôz kriê trâu pox nhuôs sơưr đơưk pâuz lok têx xor mông chiê lơưr tsik cxơưx hênhr”.

Đros hâux lưv yax kriê thiêz sir tas đas jos tsưr ziv uô, chor nênhs yax kriê zos têx hluôk nênhs nhoz Đắk Lắk tưz paz phênhv trâu luôs hâux lưv phax, tar caz moz Covid-19 ntơưv têx jêx jok hâur thax tsav tỉnh uô tâu truôx đuô./.

(TTTN-Lik Thox cxêik nhênhv)

Lênhx pox niêv tox siêz pâuz huôv tsar uô nox

17 shông đav ntêx, thâuv cxiv tsa chuôz zis, niêv lâuk Nhung zos chuôz zis pluôs, luz nênhx txov nhêv viv phênhv sâu tâu phênhv ntâu zos uô liêx têz. Ntâu chiv blêx uô thiêz sâu tsi tâu trơưk li tsưr ziv, luz nênhx tưz txov nhêv lok ziv trâul txov đuô thiêz. Chênhr li ntơư, niêv lâuk thâuv tưs tưz xar njôngr, zuôr uô li chas chiê luz nênhx jông xưk luôs lưv tus.

Shông 2007, thôngz đhâu tsưr tsix Hôiv nôngx mênhx ữa Hát Lừu, niêv lâuk Nhung tưz kêr txeik Tsêr nhiêx tsênhv chei XH huyện 7 tsov đeiv lok zuôr hax hhuv muôs thiêz tu zus buô. Taz sik thâuv co, niêv lâuk chuôz zis tsi tâu muôx tsưr ziv tu, lav zus mê njik thiêz tsơưs xưz, zok nriêr tsi tâu qơư sâu zuôr, viv li phênhv sâu tâu tsi ntâu, tsi siêz. Txos shông 2009, tâu cơưv cxaz nzir têx lớp kriê tsưr ziv uô kôngz, tu zus tsiêx cxu zos Hôiv nôngx mênhx huyện tsưr tsix; iz chas co zuk tưx zok nriêr, cơưv shâuv nzir têx tsưr ziv uô nox đhâu ti vi, ntơưr pov tsir thiêz cơưv, uô trơưk luôs lưv tus txơưr đuô hâur xã li têx tsưr ziv uô kôngz, tu zus tsiêx cxu….., niêv lâuk tror kêr txeik tsêr nhiêx têz qơưk 50 tsov đeiv chiê krêz đar qơư uô nox, zuôr nzir ar têz thiêz zuz nôngz tsoz chos, tsiêx tu zus huôv tsar kinh tế.

  Đros trâu têx ar têz, uô nox tưz muôx, niêv lâuk chuôz zis quyết tinhv huôv tsar uô nox trơưk tsưr ziv tu zus tsiêx cxu. Zuôr xar 7 cxênhz xưv phaz ar têz, chuôz zis tsês phênhv ntâu chiê chos poz cưk thiêz uô blêx liêx, iz shông sâu tâu nhos 5 tênhr blêx, poz cưk. Yuôr xar muôx 1.500 xưv phaz ar têz mak niêv lâuk uô qơư tu zus tsiêx cxu; chos nzir jâuz tâuv thiêz khơưz pak đêx tso njêl zus chiê muôs. Iz shông, niêv lâuk chuôz zis muôs muôx 3 fâuv buô grêix, yưx hur tiz si têx nhiêx txiêx zuôr krâur uz no trâu nox….., tâu liv muôx 150 tsov đeiv ntâu. Nhiv no, niêv lâuk chuôz zis cux zus nzir 2 tus tưv, yênhx puô tus keiz ok cxuô zav. Nzaz nzơưv têx ar liêx têz nhoz jê iz ndis pak đêx, niêv lâuk tsênhv chos nzir jâuz tâuv chiê muôs hâur ciêz đrôngs thiêz chos nzir tâux chiê puz njêl, uô jâuz trâu tsiêx nox. Xav hur si têx uô kôngz đros trâu tu zus tsiêx cxu, iz shông, niêv lâuk Nhung chuôz zis muôx 200 tsov đeiv ntâu. Khov zôngv cxênhx txuôs thiêz tsês tâu iz kro mê njik, nhiv no niêv lâuk chuôz zis tưz cxiv uô tâu vax tsêr jông nhoz, zuôr tâu ntâu zav chuôz zênhx phưx vưv luz nênhx xênhz huôx hâur niêx hnuz. Niêv lâuk Hoàng Thị Nhung heik:“Muôx luz nênhx jông, phênhv sâu tâu truôx tuk li hnuz no, xuz thơưx zos cur uô tsâus ntâu txos cxuô cấp hâu nov ntơưv qơư, uô tsấu Hôiv nôngx mênhx cxuô cấp tưz muôz jông six hơưv paz cur chuôz zis kêr txeik pênhr lok huôv tsar uô nox, tu zus tsiêx cxu”.

Tsi tiêk huôv tsar uô nox uô hâuk coz, niêv lâuk Hoàng Thị Nhung tsênhv zos lênhx hôiv viên nôngx mênhx sir jos uô ntêx nyuôs hâur cxuô phôngz yaox ntơưv qơư, lar heik zos phôngz yaox tsôngv px sik tưr huôv tsar uô nox uô hnar, uô lax luôv coz. Iz chas sik pheiz kênh têx tsưr ziv tu zus tsiêx cxu, niêv lâuk tsênhv tsi so heik thiêz paz max tsôngv cưr tix nênhx tsa hâur, hâur xã lok huôv tsar uô nox, gra siêz phênhv sâu tâu trâu chuôz zis. Zơưv Lường Văn Tân, nhoz jok Hát Lừu, huyện Trạm Tấu heik pâuz:“Hâur jok, Hoàng Thị Nhung moz siêz đros uô têx hâux lưv hôiv, muôx pênhr chiê trâu tsôngv cưr tix nênhx tsa sđ kêr txeik huôv tsar uô nox, tsi zuôr nhiêx nju. Tsôngv px, têx cưr tix nênhx tsa hâur jêx jok lênhx tưs cux nhiêv thiêz gruôs nxiês  niêv lâuk”.

Siz lơưr liês hâur ntâu shông đhâu, niêv lâuk Nhung chuôz zis tâu chuôz zis uô nox coz hâur xã thiêz huyện, zos tsov iêr chi cax chiê ntâu chuôz zis txơưr đuô cơưv shâuv uô trơưk./.

(Đinh Tuấn-Riê Lâux cxeik, nhênhv)