Loa nta suôz-qơư yax xa mông kriê sđ phax tir thêir moz gênhk nhoz Lai Châu

(Tiếnh tuyên truyền qua loa phát thanh)

Têis cik tưs cux li ntơư, tsaz yênhx nta suôz tso têx xor mông heik lol phax tar moz Covid-19 txix luk Choz Tsiz thiêz luk heir nênhs tsơưs li no txix têx loa nta suôz nhoz cxuô jêx jok hâur xã Bản Cang, huyện Tam Đường, tỉnh Lai Châu. Loa tso heik đror txơưv lênhx tưs nhoz kror tưs, đêz jê, muk uô liêx têz lok sik nhoz hâur tsêr cux puôr lênhx muôx têx mnôngs tâu Đeix hur si. Tix lâus Lù Văn Tình, nhoz hâur xã Bản Cang, huyện Tam Đường heik:“Cur 2 niêv txir muk uô jos đrav Bắc Giang, tâu tỉnh tso yêz tuôx tok lok, đhâu ntơư ho tâu huyện tok lol hâur xã, krêz heik pâuz đas jos, têx qơư zuk mul nhoz uô hâux lưv thiêz tâu canr bôv y tế chox muk nhoz cêv kuôk ntơưv tsêr têz. Niêx hnuz cur tâu hnor loa nta suôz yax kriê lok têx tsưr ziv tir thêir moz gênhk viv li cur uô jông trơưk Bộ y tế têx cui tinhv phax tir thêir moz”.

Jok Giang nhoz hâur xã Bản Giang, huyện Tam Đường, muôx zuôr xar 150 chuôz zis, 700 lênhx nênhs, phênhv ntâu zos tsôngv box heir nênhs Giáy. Zơưv Lèng Văn Sơn, Tsar jok Giang heik pâuz, niêx hnuz, tsi tiêk tâu mnôngs Đeix T.Ư têx tsaz yênhx nta suôz, tsôngv px tsênhv tâu mnôngs têx xor xưv, tsưr ziv kriê lok tir thêir moz gênhk zos canr bôv xã uô, fuô kriê trâu sđ, viv li lok six jông, paz tsôngv px zôngx ziv mnôngs tâu, pâuz to tâuz thiêz zôngx ziv uô trơưk.“Pêz tsi so yax kriê trâu tsôngv niêv txir cưr tix nênhx tsa lok moz Covid-19 li têx tsi jông, ruôr hiêv chiê sđ pâuz tsênhz; pêz cux tsi so heik tsôngv px uô trơưk Bộ y tế cui tinhv lok tir thêir moz li: Chox ntâuz bos krâur ndâux thâuv muk uô hâux lưv uz no, tsi so muôz xaz phôngz nzuôr têk, iz tus nhoz đêz iz tus..... Têx luk yax kriê zos uô trơưk li chor hloz thênhv siêz fuô kriê, pêz tror yax mông, kriê sđ đhâu sâuv loa nta suôz  chiê tsôngv niêv txir lax px pâuz tsênhz, uô jông trơưk têx tsưr ziv, cui tinhv phax tir thêir moz”.

Tas nro xã Bản Giang muôx 7 jok, phênhv ntâu zos 3 heir nênhs li: Giáy, Cho thiêz Hmôngz uô nênhx nhoz. Six hơưv đhâu, xã tưz lênhk tok 55 lênhx nênhs zos lox tôngv txix chor tỉnh, TP hâur hur si têz qơưk tror lol hâur thax tsav. Khov nzaz nzơưv chor loa nta suôz co thiêz yax kriê trâu sđ têx tsưr ziv tir thêir moz Covid-19 đhâu sâuv loa, viv li txos nhiv no, hâur thax tsav tsi tâu muôx lênhx nênhs tưs cik tâu caz moz hlo.

Trơưk li zơưv Trần Văn Sáu, Phưv Giám đốc Sở thôngz xor xa mông tỉnh Lai Châu, têx loa nta suôz hâur thax tsav tưz paz yax kriê, xa tâu sei thiêz zênhx max Đảng, têz qơưk têx tsưr ziv, tsênhv chei kriê txos trâu tsôngv px sđ. Lar heik, txix têx loa nta suôz no, tưz paz cấp ủy, hâu nov cxuô thax tsav qơư uô tâu jông luôs hâux lưv yax kriê tir thêir moz Covid-19:“Loa nta suôz muôx 2 kror jông, iz zos tsôngv px cê muk uô liêx têz cux muôx têx mnôngs tâu; 2 zos tso tâu nta suôz đêz txos trâu thax tsav tox siêz đêz đrôngs, ntus đriv. Iz chas têx jông li heik sâuv, tsênhv njiêz yax kriê tir thêir moz gênhk cux tưz tâu cxuô xã fuô kriê txos thax tsav tsôngv box heir nênhs tsơưs, huv đros yênhx thax tsav qơư chiê px muôx têx mnôngs tâu têx xor mông txix T.Ư, tỉnh thiêz huyện chox kriê. Đhâu loa nta suôz ntơưv qơư, tsôngv box cxuô heir nênhs hâur tỉnh li txux chi tsưr ziv jux juk tâu gra siêz, txix nênhs lâul txos têx nhuôv zâu puôr lênhx uô tâu thiêz trơưk li Bộ y tế têx cui tinhv lok phax tir thêir moz”.

Hâur ntu têz qơưk huôv tsar li nhiv no, tsôngv px sđ muôx têx tâu buôk ti têx xor mông txix ntâu faz tsưr ziv nhiêk txơưr nhiêk tsi siz thôngx. Taz sik, đros thiêz tỉnh tox siêz, ntus đriv, ntâu tsôngv box heir nênhs tsơưs uô nênhx nhoz li Lai Châu, loa nta suôz tưz thiêz tsênhv gra lok ntâu kror jông trâu sđ. Paz sđ pâuz tâu ntâu xor mông jông, muôx liv trâu luz nênhx xênhz huôx niêx hnuz. Txix thâuv muôx moz Covid-19 huôv xênhz, loa nta suôz nhoz Lai Châu ziv zos têx zav chuôz zênhx zov chênhr thiêz jông paz cấp ủy, hâu nov ntơưv qơư tsưx phưv truôx tuk thax tsav qơư, cê uô tâu jông luôs hâux lưv tir thêir moz gênhk, cê huôv tsar kinh tế-XH hâur qơư nhoz./.

(Khắc Kiên-Riê Lâux cxeik, nhênhv)