Phênhv thưr 5, hnuz 14/1/2016:

Lênhx bộ đội lâuk gôngr ar uô cêr muk lok

Muk txos xã Hòa Thạch, nuk txos lênhx bộ đội lâuk Hoàng Văn Ngạn gôngr ar uô cêr muk lok mak tsôngv box ntơưv qơư lênhx tưs cux pâuz txos. Muk lơưr tsôngv box hâur jok tơư kriê, đhâu têx cêr nhiv kruôr uô tâu yiêz, jông muk, têx luz tsêr jông, nhoz hur si, pêz zok nriêr tâu cêr muk txos zơưv Ngạn tsêr. Shông no, zơưv Ngạn tưz muôx 70 shông, taz sik cux tsênhv gruôs khưr, uô têx nuv hâur vax tsêr, tu têx ntông. Zơưv Ngạn heik pâuz, hâur têx shông tir ntâuk trok châuz, zos lênhx hluôk nênhs, zơưv tưz sơưr cêr muk uô tuz lênhv. Txos shông 1970, zơưv tror lok tsêr, tâu têz qơưs paz nhiêx trâus moz hov ¼. Sir jos hla đhâu têx cêr txov, phiv liv, uô lơưr Lâuk Hôx têx luk choz kriê “ trâus moz trâus saz taz sik siêz truôx bo”, zơưv Hoàng Văn Ngạn sir jos huôv tsar uô nox chiê luz nênhx truôx tuk jux juk thiêz đros uô têx nuv hâur XH. Uô lơưr tsưr ziv lok cxiv tsa jêx jok yiêz hâur xã Hòa Thạch, shông 2013, zơưv tưz muôz zuôr xar 500 xưv phaz ar têz chiê uô cêr muk lok hâur têx liêx têz, paz tsôngv box zôngx ziv muk lok tâu. Zơưv Hoàng Phúc Thiện, Chủ tịch Hội bộ đội lâuk xã Hòa Thạch, huyện Quốc Oai heik:

“ Thâuv ntêx tsi tâu muôx cêr luôv xuôz jêz muk lok ndis seiz têx liêx têz mak tsôngv box lok six txov, viv cêr đaz tuôs, yêz lox muk tsi tâu, tsôngv box têx liêx têz ho đêz. Tsênhz tiês, cêr txix ntơưv jok muk trâu têx liêx lok six lax muk, tsuv cưr thiêz muk tơư iz ntu đêz. Txix thâuv cxiv uô tâu cêr jông muk lok hâur têx liêx têz mak tsôngv box sơưr đơưk zôngx ziv muk lok uô kôngz, thâux xa têx kôngz”.

Đros trâu têx ar zos zơưv Hoàng Văn Ngạn chuôz zis gôngr trâu xã, txox cêr yiêz tâu krêz uô đar, ntêr xar muôx 2 cêik, đar 4 thiêr, têx yêz lox, yêz mê zôngx ziv muk lok tâu hâur têx liêx têz, paz cxiz tsôngv box sơưr đơưk moz siêz huôv tsar uô nox. Txix zơưv Ngạn têx tsưr ziv, hâux lưv uô ntêx nyuôs ntơư, hâu nov xã, hâur jok tror vênhv tôngv tsôngv box siz chos gôngr đas jos, thôngx siêz đros cxiv tsa jêx jok yiêz. Thâuv têx ar têz tưz yênhx têx muôx liv, muôx grêk, mak tsôngv box muôz yênhx puô xưv phaz ar, xav tas muôx puô tsov đeiv nhiêx trâu cxiv uô têx côngz trênhx, cêr muk lok, ntơư zos iz kro jông. Zơưv Hoàng Văn Ngạn heik:

“ Muôz ar trâu uô cêr muk, no zos cur chuôz chiv chir muôz xưz. Têx ar muôz uô cêr co tsi zos ar shênhv, ar tso tsês uô têz phaz mak ntơư zos têx ar tsênhv uô kôngz. Tiv 2 zos muôz ar trâu uô têx cêr muk lok heik sâuv tsi uô hiêv txos tsưr tsix, chuôz zis tưs. Thâuv jok zuôr trâus txos txix tưs mak cur muôz txos txix ntơư. Cur cux heik mênhx, têx ar cur muôz ntơư tsi zos muôz trâu tsar jok mak cur muôz trâu tsôngv box uô cêr muk lok, hâur ntơư cur chuôz zis cux muôx cêr muk”.

Zơưv Tạ Đức Hải, Chủ tịch Hội bộ đội lâuk huyện Quốc Oai heik: “ Xav txix thâuv zơưv Ngạn uô ntêx hlo muôz ar têz trâu uô cêr muk lok, tsôngv box hâur jok, hâur xã cux jông siêz, thôngx ziv muôz zuk ar têz trâu uô cêr muk lok đhâu”. Hâur 2 jiês vênhv tôngv, xav jok Hòa Trúc mak tưz muôx 26 chuôz zis bộ đội lâuk muôz tâu xar muôx 8 cxênhz xưv phaz ar uô cêr muk lok. Hâur ntơư, lar heik zos zơưv Phùng Mạnh Thực, muôz tâu iz cxênhz xưv phaz ar têz, xav lok sâuv nhiêx tas muôx iz tỷ đeiv chiê uô cêr muk lok jêx jok, lok sik zơưv Hoàng Hồng Quân, tsar jok Hòa Trúc muôz zuôr xar 400 xưv phaz ar. Xav txos iz jiês no, hur si xã Hòa Thạch tưz muôx 400 ziv chuôz zis muôz tâu 15 cxênhz xưv  phaz ar têz chiê uô cêr muk lok jêx jok, zôngx ziv trâu uô têx ntâuz ntơưr côngz jênhv sir zôngv ar têz hâur phôngz yaox tas nro tsôngv box sơưr đơưk sik  côngv tês cxiv tsa jêx jok yiêz. Zơưv Tạ Đức Hải heik:

“  Hội bộ đội lâuk xã Hòa Thạch zos iz hâur têx tsưr tsix uô lơưr jông tsưr ziv no, hâur ntơư muôx yênhx châuv lênhx nênhs tưz gôngr têx ar liêx têz chiê trâu uô cêr muk lok jêx jok. Lar heik zos zơưv Hoàng Văn Ngạn tưz muôz tâu zuôr xar 500 xưv phaz ar têz chiê cxiv uô cêr muk lok jêx jok. Ntơư zos iz hâur têx lênhx bộ đội lâuk nhoz huyện Quốc Oai uô jông  lơưr tsưr ziv, phôngz yaox cxiv tsa jêx jok yiêz”.

Sâu jênhv zơưv têx tsưr ziv, côngz paz hâur phôngz yaox cxiv tsa têz qơưs, shông 2015, huyện Quốc Oai tưz kruôs jông zơưv Hoàng Văn Ngạn zos lênhx bộ đội lâuk uô ntêx nyuôs uô têx nuv jông thiêz zơưv tâu TP Hà Nội muôz ntơưr kruôs “ nênhs jông, uô hâux lưv jông” hâur đrôngs. Co zos têx côngz bê jông, taz sik lơưr zơưv Hoàng Văn Ngạn, phênhv huv lox yax zos chuôz zis tưz paz iz phênhv côngz đas jos thiêz ar têz        trâu tsôngv box ntơưv qơư cxiv uô cêr chiê muôx cêr jông muk lok, txo grêk tsơưs têx nhiêx txiêx ntiêr yêz thâux xa têx kôngz thiêz hnuz côngz lox tôngv./.

                        ( TTT-Riê lâux cxeik, nhênhv)