Lào Cai: Nhiês cêr muk uô lox tôngv thiêz têx phiv liv zuor njiz trâus

Si Ma Cai zos iz luz huyện pluôs tsênhv yuôr ntâu txov nhêv nhoz tỉnh Lào Cai. Hâur 3 shông tror lok no, chor lox tôngv muk saz đrâuv têz qơưk nriêr hâux lưv uô chuôz ndê. Khov hâur tsênhx ntu, xav kror đraz mak muôx 2300 lênhx nênhs muk uô lox tôngv tsik so saz đrâuv têz qơưk. Lơưr thôngz sâu tsik tâu cxix cxuô, mak chor nhiêx nênhs lox tôngv sâu tâu txix uô jos hâur oz pêz shông tror lok no nhoz Si Ma Cai njuôk xav tâu muôx 200 tiv đêiv ntâu. Tiv sâu tâu nhiêx txix uô jos, viv li ntâu ziv chuôz zis tưz cxiv uô tâu vax tsêr truôx jông, zuôr tâu yêz mêir, nhux tưv chiê huôv tsar tu zus uô cêr uô nox. Nhiv no nhoz huyện Si Ma Cai muôx zuôr xar 2.000 luz tsêr tâu cxiv uô truôx jông txix chor nhiêx muk uô jos saz đrâuv têz qơưk lok. Taz sik, tsik zos lênhx tưs muk uô jos cux muôx tâu nhiêx, tiv zix zos chor lox tôngv nhoz tox siêz, tsôngv box mênhx cxưx tsơưs nênhs pâuz tsik ntâu txos têx cêr chêi têz qơưk đrâu. Chôngz lênhx nênhs muk trâu saz Trung Quốc zok nriêr hâux lưv uô; taz sik tsik uô ntâuz ntơưr muk lok đhâu ntus đriv, tsik tâu chêi muk uô hâux lưv lơưr cuiz tênhv. Niêv tix Lù Thị Sen nhoz xar Thào Chư Phìn, huyện Si Ma Cai puz pâuz: nhoz ntơưv xar muôx chôngz lênhx nênhs muk uô jos, taz sik trâus tuk tsưr đas tsik muôz nhiêx, tiv zos tsik uô têx ntâuz ntơưr muk lok đhâu ntus đriv co.“Zuk muk uô ntơưr cov tsik trâus lơưr đas. Zok uô ntâuz ntơưr cxix cxuô mak lơưr thêv tas têx nhiêx côngz trâu zuk”.

Ntơưv Lào Cai, phênhv ntâu lox tôngv muk saz đrâuv têz qơưk chiê nriêr hâux lưv uô puôr lênhx zos nhiês muk têx cêr mê. Hâur 6 luz hli hâur shôngk shông 2018, Công an Trung Quốc tưz choz zok muôx 452 lênhx lox tôngv muk uô jos tror trâu tỉnh Lào Cai viv tsik uô têx ntâuz ntơưr trơưk li cui tênhv. Thượng tá Nguyễn Xuân Hội, Phưv trưởng Công an huyện Si Ma Cai puz pâuz: Tiv uô jông côngz xưv yax kriê viv li ntu jê lok no pêx xênhv tưz tuôx uô ntâuz ntơưr chiê muk uô lox tôngv.“Zos tiêk pox nhuôs uô ntâuz ntơưr muk lok huv li cuiz tênhv mak thâuv njiz phiv liv pêz zuôr muôx chêi hêik taz por qênhx liv trâu pox nhuôs. Txơưv muôx ntâuz ntơưr lok cux tsuv hêik trâu chuôz zis pâuz tiêk zuk uô hâux lưv kror tưs, nhiêx txiêx uô tâu li chak chiê cơ quan txơưx jênhv pâuz tâu chiê paz cêir chêx zos muôx yưv têx phiv liv tsik jông”.

Lox tôngv Việt Nam muk uô jos mak khênhr uô têx hâux lưv zôngx ziv li luôx têz, chos ntông, tsoz phưz tsơưz, câuk cuô mik cao su thiêz cxiv uô tsêr…. Thâuv muk uô jos, nênhs lox tôngv tâu thêv nhiêx txix 300-700 cxênhz đêiv iz hnuz. Zơưv Đinh Văn Thơ, Phưv giám đốc Sở lox tôngv xar hôiv tỉnh Lào Cai puz pâuz: Nhiv no muôx nhos 100 ntâu lox lênhx laox tôngv tưz tuôx uô ntauz ntơưr  chiê tâu muk uô lox tôngv huv chêi đhâu iz cxiê taz viv.

“Lox tôngv muk đhâu ntus đriv lơưr hiệp định mak lok six jông, taz sik zos chiv chir muk tsik zos chêi mak cux tsênhv yuôr ntâu kror phiv liv. Ntu zuôr txos tỉnh Lào Cai thiêz Hà Khẩu zuôr tsêx trung sir jos sêiz lax chiê muôx tsưr ziv paz trâu chor lox tôngv chiv chir muk đhâu ntus đriv”.

Pox nhuôs nhoz trơưk ntus đriv luôs hâux lưv muk uô jos trâu luôs oz chas têz qơưs cux huv đros. Iz chas côngz xưv fuô yax kriê mak têx cơ quan muôx vax huôv nhoz tỉnh Lào Cai tsuv nzor muôx tsưr ziv chiê nênhs lox tôngv muk lok cov huv li cêr chêi têz qơưs tso tơưv, đhâu co paz txo grêk tsơưs tâu têx phiv liv muôx yưv hêik sau./.

                                                                                     (BTS-Lik Thox cxêik nhênhv)

Zơưv Cao Văn Thống: Côngz xưv qênhz yuôx, seiz car, kỷ luật gôngr phênhv jông lok hâur côngz xưv cxiv tsa hlôngr yiêz Đangv

          Thor cox puz pâuz! Đhâu UB qênhz yuôx Trung ương li côngz xưv qênhz yuôx, seiz car, mak lơưr cox cui tênhv số 08 lok canr bôv, đangv viên li txơưx jênhv uô ntêx nyuôk zuôr muôx pưs txux li chas chiê gôngr phênhv muôz siêz Đangv li chêx cuk côngz xưv qênhz yuôx, seiz car?

          Đangv li cui tênhv tso tơưv mak cxuô lênhx canr bôv đảng viên tsuv uô jông uô trơưk, taz sik xar tâu uô jông hâur luz nênhx, mak têx têx cấp ủy tsưr tsix Đangv tsuv tsưr tsix nhênhz chơưv, heik kriê, muôx tsưr ziv, tsaz yênhx huôx tôngv, yax six phê bình thiêz chiv chir phê bình. Têx đồng chí cấp thênhv siêz li Ủy viên Bộ chinhr trị, Ủy viên Ban bí thư thâuv tưz uô ntêx nyuôk uô mak zuôr zos lênhx nênhs jông chiê cấp kis đuô uô lơưr. Têx cấp ủy tsưr tsix Đangv tsuv muôx tsưr ziv seiz car, qênhz yuôx hâux lưv uô cui tênhv lok txơưx jênhv uô ntêx nyuôk đros thiêz têx đồng chí canr bôv thênhv siêz. Têx cui tênhv co tsuv tâu muôz tso hâur quy chế uô hâux lưv, têx cấp ủy, ban thường vụ cấp ủy lok sik tsưr tsix Đảng li chế độ xênhz huôx Đangv qơư têx đồng chí zos lênhx nênhs cxaz chuôz xênhz huôx ntơưv co. Muôx tsưr ziv chiê phuôx huiz tsưr tsix chinhr trị, tsưr tsix Đangv li pưs txux, tsôngv box thiêz pov tsir mak cui tênhv thiêx tsênhz tsênhz tâu uô jông hâur luz nênhx, gôngr phênhv hlôngr yiêz Đangv, cxiv tsa Đangv hur si, truôx vênhs, chiê Đangv tsênhz tsênhz zos sưz xar, zos vav mênhx. Nênhs sơưr thơưx zav uô ntêx nyuôk uô jông mak cấp kis đuô zuôr ziv uô lơưr, gôngr phênhv cxiv tsa , hlôngr yiêz Đangv hâur ntu nhiv no thiêz hâur six hơưv zuôr txos.

          Zos li thor cox puz pâuz, hâur shông 2019 Ủy ban qênhz yuôx Trung ương tso tơưv têx tsưr ziv tưs lox trâu Đangv li côngz xưv qênhz yuôx, seiz car?

          Shông 2019 zos shông coaz tsôngv, côngz xưv hlôngr yiêz đangv đros têx zoz qơưx thiêz jênhv vưv lox đuô. UB qênhz yuôx Trung ương tror heik Bộ chinhr trị, Ban bí thư tso tơưv têx tsaz yênhx qênhz yuôx, seiz car lox thiêz uô têx jênhv vưv coaz tsôngv đuô. UB qênhz yuôx Trung ương cux cxơưx txos hâux lưv thox cxov, kriê cxaz muôz siêz yênhx tưv, nghiệp vụ trâu canr bộ, tuôv zênhv zoz qơưx jênhv vưv hâur qênhx shênhx yiêz. Viv têx tsưr tsix đangv, têx canr bộ đangv viên li têx uô cxâuv ziv hnuz ziv hnhar, ziv lax qênhz pov tâu viv li canr bộ qênhz yuôx tsuv muôx pênhr xưv, truôx siêz tơưv txênhz, chiê uô jông jênhv vưv tâu choz, gôngr phênhv jông lok côngz xưv cxiv tsa hlôngr yiêz Đangv, gôngr phênhv coaz tsôngv lok hâur hâux lưv tơưv txênhz phax tar têx nênhs fêv nox nhiêx têz qơưk…./.

          Thor uô cox tsâus ntâu!

(VOV1- Txâur Vax cxeik nhênhv)