Sơn La: Tsêr cơưv nhoz ntus đriv muôx lớp cơưv yiêz

Lóng Phiêng zos huyện Yên Châu (Sơn La) luz xar ntus đriv muôx 5 cêik cêr đriv têz buôs ti têz qơưk Lào. Xar muôx 1.300 ziv chuôz zis, 5 mênhx cxưx sik đros uô nênhx nhoz. Huôv tsar cêr uô nox tsênhv txov nhêv, tas nro xar cux tsênhv yuôr 6 qar cơưv ntơưr lav uô txix têx shôngz ntông; ntâu tsêr cơưv tsik tâu muôx qơư uô jâuz mor nox thiêz têx côngz trinhx vêv xênhz, qơư trâu đêx xênhz huôx…Hâur co, tsêr cơưv Nong Đúc nhoz tsêr cơưv nhuôs zâu Sơn Ca, xar Lóng Phiêng, đros xar muôx 30 lênhx shux xênhz txix 3 txos 5 shông tsik tâu muôx tsêr lớp cơưv, chor shux xênhz tsênhv tsuv cơưv hâur tsêr cơưv cxênhx iz. Hnuz no, tsêr cơưv Nà Mùa thiêz Nong Đúc nhoz tsêr cơưv Sơn Ca tâu choz zok oz qar cơưv yiêz, 1 tsêr nhoz uô hâux lưv trâu cưk kriê ntơưr, 1 qar nox mor trâu shux xênhz, 4 tsêr vêv xênhz thiêz faz nja xor thêir tsêr cơưv khor jông, tưz tsik zos chor shux xênhz, cưk kriê ntơưr hâur tsêr cơưv xưzz mak shux xênhz niêv txir cux shir phaz tas hur si. Tix lâus Vì Văn Thiết, nhoz jok Nà Mùa, xar Lóng Phiêng hêik:“Thâuv ntêx no chor mê nhuôs muk cơưv ntơưr muôx ntux nas chuô lox mak lok six cxơưx; nhiv no muôx tsêr cơưv ntơưr khor jông li no mak cur lok sik tso siêz hok chor nhuôs cux tsik nyêi lơưv. Nhiv no chor nhuố lok six nhiêv tuôx cơưv ntơưr. Ntơưv no tưz tsik zos shux xênhz niêv txir xưz mak sơưr đơưk puôr pênhx shir phaz tas hur si viv muôx tâu iz luz tsêr cơưv lox jông li nhiv no”.

Cưk kriê ntơưr Tạ Thị Thu, Hiệu trưởng tsêr cơưv nhuôs zâu Sơn Ca shir phaz puz pâuz:“Txos nhiv no mak tập thể cán bộ, cưk kriê ntơưr, nhân viên tsêr cơưv mak cux lok six tso siêz uô cônz xưv, tiv zix zos cưk kriê ntơưr kriê ntơưv têx tsêr cơưv li Nà Mùa thiêz Nong Đúc. Chor cuk kriê ntơưr zuôr sir jos chiê uô chak cov tsêr cơưv ntơưr uô tiêr jông jênhv vưv tâu choz cux xưk li tsơưr lươngv kriê thiêz cơưv ntơưr hâur tsêr cơưv tâu uô jông thiêz gra siêz đuô”.

Têx côngz trinhx tâu choz zok ntơưv tsêr cơưv nhuôs zâu Sơn Ca hnuz no tâu cxiv uô txix nhiêx txiêx zos Bôv Bôv đôiv pênhz phax Sơn La hêik sơưr đơưk, têx taz viv, doanh nghiệp hâur tỉnh paz. Đại tá vũ Đức Tú, Phưv Chính ủy Bôv chỉ huy Bôv đôiv pênhz phax tỉnh Sơn La puz pâuz: uô tiêr, choz zok thiêz muôz sir zôngv tsêr cơưv yiêz, đros têx côngz trinhx txơưr ntơưv tsêr cơưv nhuôs zâu Sơn Ca zuôr paz khưx phưx têx phiv liv hâur côngz xưv kriê ntơưr, xênhz huôx trâu chor cưk kriê ntơưr thiêz shux xênhz ntơưv no, paz hlôngr yiêz thiêz gra siêz đuô tsơưr lươngv zoz zux ntơưv thax tsav ntus đriv. Thôngx cxix, paz trâu shux xênhz chor niêv txir tso siêz đuô chiê sik đros bôv đôiv pênhz phax por vêv truôx jông thax tsav, ngaz tuk ntus đriv têz qơưk:“Hâur jiês tsiêz no, tas nro chor zênhx pênhz phax puôr lênhx tsưr tsix têx hâux lưv li tsaz yênhx “Ntux yiêz sor siêz nhoz ntus đriv”; “Đros đrêiv pox niêv nhoz ntus đriv”, lok sik ntênhk hôiv “Nduôr txâuk puôz njuôz” ntơưv chor zênhx pênhz phax chiê đros cấp ủy, chính quyền tiv phaz tsưr tsix trâu pêx xênhv shir phaz tok ntux yiêz ngaz tuk thiêz lov jêv đuô”.

Ntơưv ntênhk, ntâu kror hax huv txix chor taz viv, doanh nghiệp, nênhs siêz jông muôz paz cux tâu muôz trâu chor cưk kriê ntơưr thiêz shux xênhz hâur tsêr cơưv chiê paz nzir trâu chor cưk kriê ntơưr thiêz shux xênhz ntơưv no khưx phưx têx phiv liv, sir jos đuô hâur luz nênhx, sik đros tok iz shông yiêz cov shir phaz, lov jêv đuô./.

(Trấn Long-Lik Thox cxêik nhênhv)

Tsưr ziv phax tar no trâu tsoz chos

Chiê txo grêk tsơưs têx trâus ruôr hiêv tiv ntux no njiv, tsôngv box sđ tsuv moz siêz tu jông têx jâuz, tâuv thiêz muôx tsưr ziv phax tar ntux no njiv li đrav kaz:

Fmông qir, zưs đêx cov txâuk, tu thiêz shuôs njôngr têx jâuz tâuv:

Fmông qir trâu têx jâuz tâuv cov huv đros, fmông ntâu qir kali hâur têx jiês ntux no njiv, paz jông trâu tsoz chos hloz lox, gruk tâuk têx đêx, tir tâuk no njiv.

Têx hnuz ntux no njiv, muôx tê mak zôngv thôngz tsuôs jâuz lok sik car gruk đêx tso đêx zưs trâu têx blôngx cov chor đâuk tê zax sei, tsi uô hiêv txos tsoz chos thâuv yar ntux tuôx jiêz. Têx tâuv cuôz xênhz, tâuv pâur, cuô txoz, poz cưk ntux tsâus tsuv mnôngs, sox seiz njôngr têx mông heik pâuz lok ntux txơưr txar, tsi tsêz chos trâu têx hnuz ntux no njiv ntêr, txơưv tiêk tưz txos cheix tsêz chos.

Cxuô zav jâuz li: Đok, cuô txoz, txir lưk suôr, kok zax zưv, jâuz krưr, jâuz ntus hâur pâuk, jâuz pax.....thiêz têx zav jâuz txơưr đuô cux tsuv zưs đêx cov txâuk nông trâu têx jâuz heik sâuv hâur chor hnuz ntux no njiv. Fmông nzir qir kali, qir lân trâu, taz sik fmông tsơưs têx qir đơưz chiê cov têx jâuz muôx jos, tir tâuk no. Muôz têx blôngx, chês yiz cov mê njik siz (lar heik zos têx txir lưk suôr), uô qơư vor thêir, txo grêk tsơưs têx caz hmoz tho nox uô hiêv......

Iz chas ntơư zos phax tar, tsuôs yuôx tuô, lov zênhx max têx caz hmoz nhiv kruôr huôv xênhz, nox uô ruôr hiêv têx kôngz, jâuz tâuv./.

(Thu Thùy-Riê Lâux cxeik, nhênhv)