Jax thưr 6, hnuz 14/10/2016:

Bôv đôiv pênhz phax Lai Châu paz cxiv uô qơư tok đêx hur lok trâu tsôngv box thax txov nhêv

Nhoz thax tsav ntus đriv, hâur têx hnuz ntux cuz sor, yênhx châuv lênhx canr bôv, chiến sĩ zênhx pênhz phax Dào San, huyện Phong Thổ cux sir jos uô nuv sik đros thâux gra têx xi măng, xuz jêz….muk trâu thax tsav cxiv uô qơư trâu đêx chiê tok đêx hur lok trâu tsôngv box zôngv. Têx rơưr lok zos bể trâu đêx xênhz huôx cxiv uô jâuv no tâu cxiv uô trâu ntơưv hâur đêx 2 jok Hợp 1 thiêz  Hợp 2, txix têx pênhr nhiêx tas muôx 200 tsov đeiv, muôx 3 qar, ntiv tâu 50 yiv đruôz đêx. Txix ntơư, đêx xênhz huôx zuôr tâu tok lok trâu 2 qơư trâu đêx hâur jok muôx 12 yiv đruôz chiê tso lok trâu tsôngv box sđ 2 jok heik sâuv, têx tsêr cơưv, tsêr kho moz hâur thax tsav thiêz qơư uô hâux lưv hâur xã….zôngv. Lênhx tuz lênhv Phí Anh Tuấn, nhoz zênhx pênhz phax Dào San heik:

“ Pêz tưz tuôx paz tsôngv box cxiv uô qơư trâu đêx tâu xar muôx iz hlik lok no. Txơưv tiêk ntux cuz sor, mê njik phiv liv, taz sik viv tsôngv  px viv li pêz chor canr bôv, chiến sĩ cux sir jos uô nuv. Sđ tưz tsi nyei txov thiêz phiv liv, siz chos sir jos cxiv uô côngz trênhx chiê muôx qơư trâu đêx phưx vưv tsôngv box sđ hâur thax tsav uô ntêx cheix ntux kruôr”.

Jok Hợp 1 thiêz Hợp 2 muôx zuôr xar 200 ziv chuôz zis tsôngv box heir nênhs Hmôngz, uô nênhx nhoz pêv ntar trôngz siêz. Shông tưs cux li ntơư, thâuv cheix ntux kruô mak chuôz zis tưs cux muôx tsi txâuk đêx zôngv thiêz tsuv muk êv đêx đêz 2, 3 cêik cêr.  Muôx têx shông ntux kruôr ntêr, tsi muôx đêx, sđ ziv muk gra đêx đêz đuô, viv li têx đêx gra tâu lok cux tsuôk txâuk zôngv uô 2 puôk mor nox. hok đa đêx, nxuô trik yo mak tsôngv box tsuv muk đêz muôx 10 cêik. Niêv lâuk Say Xênhv Shôngx nhoz jok Hợp 2, xã Dào San heik pâuz:

“ Pêz lok six shir phaz viv muôx chor tuz lênhv pênhz phax tuôx paz cxiv uô qơư trâu đêx trâu pêz tsôngv px. Nhiv no muôx đêx lok txos jê, pêz tsi trâus muk êv đêx đêz 2, 3 cêik cêr li đrav ntêx lơưv”.

Côngz trênhx trâu đêx chêx tsôngk no zos côngz trênhx lox thiêz jông đuô hur si xav txix thâuv ntêx txos nhiv no tâu cxiv uô trâu ntơưv jok Hmôngz tox siêz Dào San. Hâur đêx hur no tâu pheiz txix tsôngv box nhoz ntâu jok hâur thax tsav  hâur đêx xênhz huôx thiêz uô liêx têz lok. Chênhr viv liv, chiê muôx têx cxiv uô thiêz zôngv tâu uô cê iz hâur đêx no, zênhx pênhz phax Dào San tưz đros hâu nov ntơưv qơư uô jông hâux lưv vênhv tôngv, yax kriê chiê tsôngv box sđ pâuz to tâuz. Đhâu thâuv zôngv nzuôr têk nzuôr tơư, tsâuk jâuz…..uz no tas, tsôngv box muôx têx tror zôngv tâu trâu zưs jâuz tâuv; têx car tok đêx lok tâu seiz shuôs njôngr, kho tsi so…., txơưv hâur cheix ntux kruô lok cux muôx đêx trâu sđ zôngv, viv li tsôngv box jông siêz, thôngx ziv đros uô. Zơưv Chang Dì Quỳ, Phưv Chủ tịch UBND xã Dào San, huyện Phong Thổ heik pâuz:

“ Hâu nov ntơưv qơư tưz hux jos truôx đros canr bôv, chiến sĩ zênhz pênhz phax chiê uô têx hâux lưv cxiv tsa jêx jok yiêz hâur thax tsav. Hur tiz si têx côngz trênhx cxiv tsa jêx jok yiêz, xưk li: cêr muk lok mak cxiv uô luôv xuôz jêz chiê trâu sđ zôngx ziv muk lok, tsi txov li đrav ntêx, tsôngv box lok six shir phaz. Têx côngz trênhx đêx xênhz huôx nhiv no tưz cxiv uô, tok tâu đêx lok txos ntuô ntơưv têx jêx jok trâu tsôngv box”.

Njuôk xav hli 11 zuôr txos no, côngz trênhx đêx xênhz huôx ntơưv tsênhv qơư xã Dào San zuôr muôz lok sir zôngv thiêz ntơư cux chênhr zos thâuv luz six ntux kruôr tsi muôx đêx. Li ntơư cheix ntux kruôr shông no, tsôngv box Hmôngz nhoz tox siêz Dào San tsi trâus cxơưx lok têx đêx zôngv xênhz huôx hâur niêx hnuz. Taz sik, nhiv no cux yuôr ntâu xã ntus đriv txơưr đuô nhoz Lai Châu tsênhv tsi tâu muôx txâuk đêx hur zôngv, lok six zuôr trâus txos cxuô cấp hâu nov, têx lênhx nênhs siêz jông tror yưv pênhr paz chiê hâur têx cheix ntux kruôr zuôr txos ntơư, tsôngv box tox siêz Lai Châu muôx nzir đêx hur zôngv./.

( Khắc Kiên-Riê Lâux cxeik, nhênhv) 

Phênhv thưr 6, hnuz 14/10/2016:

CHÊI TÊZ QƠƯS

Tik bluô chor tuz cxêik siz zuôr tsik tâu txưv shông cov zos đrêiv chêi têz qơưs tso tơưv

Trơưk li grê 47, Nghị định số 110/2013/NĐ-CP, hnuz 24/9/2013 ntơưv Chính phủ quy tênhv chiê bluô chor tuz cxêik siz zuôr tsik tâu txưv shông; ntơư zos bluô 500 cxênhz txos 1 triệu đêiv.

Toà án tưz tu tsuv tso tsês tsik puz siz đênhr, siz zuôr; taz sik ho cxoz txưv hâuz nziêk chor tuz cxêik tsik tâu txưv shông siz zuôr tsik trơưk chêi, tsuv trâus bluô nhiêx txix 1 triệu txos 3 triệu nhiêx.

*Bluô chor siz zuôr tsik tâu txưv shông trơưk chêi têz qơưs tso tơưv:

Chor tuz cxêik siz zuôr tsik tâu txưv shông, zos cxoz txưv tsưr tsix siz zuôr, tsuv tâu bluô trơưk li grê 148 chêi têz qơưs muôx li đrav kaz:

Thâuv tưz  trâus bluô nhiêx tas, viv uô cxâuv siz zuôr tsik tâu txưv shông; taz sik cux tsênhv cxoz txưv tror uô cxâuv chêi, tsuv trâus tik cêr cxâuv nhoz  3 luz hli txos 2 shông.

-Pox niêv, txir nênhs nhoz uô cê iz zav li niêv txir txix gơưv, taz sik ho tsik uô ntơưr siz zuôr; têx chuôz zênhx chuôz tav, tsuv phêiz cov huv đros. Zos siz phêiz tsik huv, tsuv tu trơưk chêi têz qơưs quy tênhv.

-Niêv thiêz txir, mê nhuôv: Niêv thiêz txir, mê nhuôv vax huôv, tsuv tâu têz qơưs côngk nhav. Thâuv Toà án tso tsês tsik puz siz zuôr, viv siz zuôr tsik trơưk chêi; niêv thiêz txir, mê nhuôv, thâuv zuôr siz tso, tsuv tâu tu cov huv đros thiêz zos đrêiv chêi têz qơưs tso tơưv./.

                                                          (Tsu cxêik, nhênhv-Hồng Việt, Tây Bắc)