Jax sâu thưr 2, hnuz 14/112/2015

Điện Biên: Yuôr ntâu phiv liv hâur cxiv tsa jêx jok yiêz

 

 

 

Xã Thanh Chăn, huyện Điện Biên zos iz hâur 11 xã sâuv thôngz têz qơưk tâu Ban bí thư trung ương xêir uô siv kriz uô cxiv tsa jêx jok yiêz. Ntu thâuv nhiv kruôr piz uô shông 2009, xã muôx 2/19 luôs hâux lưv tax ploz tsênhr. Đhâu 5 shông kriz uô tsaz yênhx, đros têz qơư, tỉnh li yưv pênhr, tiv phaz li sir jos, Thanh Chăn tưz sơưr thơưx iz huôv tỉnh lok kriz uô tsaz yênhx, đros uô tâu 19 luôs hâux lưv tax tâu ploz tsênhr jêx jok yiêz, njuôk xav txos kaz hli 12 shông no thiêx hêik pâuz uô tiêr tsênhr jêx jok yiêz.

Taz sik, chiê muôx tâu chêx cur no, cấp ủy, chính quyền xã tưz tsuv sir zôngv txơưx xar tơưv têz qơưk li chor cuiz tênhv cov huv đros qênhx shênhx nhoz tiv phaz. Iz zav li tsưr ziv lok cêr muk lok, zos iz tiv phaz tox siêz, thax tsav đar, cêv kuôk, hâux lưv cuiz tênhv tas nro chor cêr hâur xã, cêr hâur đrak liêx tsuv tâu uo bê tông thiêx tax tâu ploz tsênhr jêx jok yiêz zos kror lax uô tâu. Viv li, txơưv tsik tâu tax ploz tsênhr lok luôs hâux lưv no, ta sik yêz ô tô muk lok tâu 4 chêix, viv li xã tưz hêik cov tâu côngz jênhv tax tâu luôs hâux lưv cêr muk lok thiêz zuor tror uô hâur ntu zuôr txos. Lok sik xưk li luôs hâux lưv cêv kuôk qơư nza nhoz Thanh Chăn cux phiv liv. Lơưr cuiz tênhv, qơư kruô nza tsuv tâu cêv kuôk tsêx tsung…. Taz sik, lơưr phongx cxưx, tsôngv box mênhx cxưx tsik so phâuk lơưr chuôz xênhv, viv li cêv kuô uô qơư nza tsêx tsung lok six phiv liv lã uô tâu sêi. Zơưv Cà Văn Pánh, chủ tịch UBND xã Thanh Chăn puz pâuz:

 “Zos uô zos li ploz tsênhr têz qơưk cxiv tsa jêx jok yiêz tsik tâu chor sở, nganhx txơưx xar uô mak Thanh Chăn lax uô tâu tiêr, viv chor tsênhv njiêz tsuv tâu yưv pênhr cux tsênhv yuôr lok six ntâu, tsưr ziv uô chor luôs hâur chor tsưr ziv uô tsênhv yuôr ntâu mak zuôr lax uô tau lơưr Bộ tsưr ziv têz qơưk jêx jok yiêz”.

Lơưr văn phongx điều phối tsaz yênhxx cxiv tsa jêx jok yiêz tỉnh Điện Biên li thôngz sâu, đrâuv Thanh Chăn, hâur tas nro 115 xã tsênhv yuôr, txos six hơưv no, tỉnh Điện Biên nhiv kruôr muôx iz xã tax tâu 15 txos 18 luôs hâux lưv; 11 xã uô tâu 10 txos 14 luôs hâux lưv lơưr ploz tsênhr cxiv tsa jêx jok yiêz. Chor xã no phênhv ntâu nhoz hâur vuôk har Điện Biên Phủ, zos chor xã zôngx ziv uô tiv zix hâur tỉnh. Chor xã tsênhv yuôr, hâux lưv cxiv tsa jêx jok yiêz yuôr ntâu kror phiv liv.

Zơưv Lò Zơưv Quang Chiêu, phưv giám đốc sở kôngz nuv thiêz huôv tsar jêx jok, tox siêz tỉnh, chánh văn phongx sêiz car tsaz yênhx cxiv tsa jêx jok yiêz tỉnh Điện Biên puz pâuz: qir piz uô cxiv tsa jêx jok yiêz nhoz chor xã sâuv thax tsav tỉnh kik; cxiv luôs cơ sở cxuô zav tsênhv đaz tuôs, yênhx tưv pêx xênhv kik zos tễ xkror phiv liv lox txos kriz uô cxiv tsa jêx jok yiêz nhoz tiv phaz. Đuô li, uz cxiê cuiz tênhv hâur chor luôs hâux lưv cxiv tsa jêx jok yiêz tsik tâu huv đros tsar tov tsênhv tsênhz nhoz Điện Biên hêik taz thiêz chor tỉnh tox siêz, mênhx cxưx hêik cxuô, uô trâu hâux lưv cxiv tsa jêx jok yiêz njiz ntâu kror phiv liv.

 “Iz luz jok tsuv cxiv uô iz luz tsêr vênhx huôv mak tsik huv. Viv muôx iz cxiê chuôz zis thâuv ntêx no muôx yênhx puô chuôz zis, nhiv no muôz phêiz uô 3-4 luz jêx jok. Chor jok no mak tsuôk tsuv cxiv uô iz luz tsênhr vênhx huôv côngv thôngx cxuô trâu chor jễ xjok co. Oz zos cxiv uô ciêz. Lơưr cuiz tênhv, ciêz jêx jok tsuv muôx tsơưs tiv zix 100 kror qơư muôs huv, đros iz kror qơư đar 12 yiv ndis. Li co, viv li tas nro ciêzz tsuv đar muôx 1.200 yiv ndis. Đros tox siêz mak nriêr thax tsav li co lok six lax. Đuô thiêz, iz cxiê xã cxiv uô chor ciêz li co zos tsik huv đros, viv iz luz xã tsuôk muôx iz zo chuôz zis kinh doanh muôl muôs têx hax huv kôngz nuv xưz. Li co cux tsik thav cxiv uô chor qơư muôs thiêz chor ciêz lox li hêik co”.

Chiê uô jông tsaz yênhx cxiv tsa jêx jok yiêz, tỉnh Điện Biên xav jênhv tror sir jos yax kriê gra siêz gra siêz cxuô cấp ủy Đảng, chính quyền thiêz pêx xênhv li jênhv pâuz hẩu rphuôx huiz pênhr jos chiê cxiv tsa jêx jok yiêz. Qênhx shênhx chox kriê, kriz uô tsuv muôx ntâu tsưr ziv uô txơưx xar tơưv, đros tsưr ziv “Zôngx ziv uô uô ntêx, phiv liv uô lơưr kaz”…Taz sik, chiê tsaz yênhx kriz uô tax tâu chêx cur jông tiv zix, tỉnh Điện Biên cux vav trung ương tso tơưv têx tsênhv chêi huv đros. Zơưv Mùa A Sơn, chủ tịch UBND tỉnh Điện Biên puz pâuz:

 “Pêz pov trung ương li tsưr ziv mak zos. Taz sik, lơưr pêz mak tsuv muôx phênhz thax tsav, phênhz têx jêx jok chiê yưv pênhr uô cov huv đros. Zos tsuôk tso tơưv chor luôs hâux lưv thiêz sêiz co zos kror uô iz zav nhoz chor tiv phaz hâur iz huôv têz qơưk mak chor tiv phaz zôngx ziv uô zuôr zôngx ziv uô đuô. Oz zos chor tiv phaz nhoz qơư kik mak tưz zênhx muôx tsả rtov chiê huôv tsar lơưv.  Viv li, pêz xar tiêk, tsuv muôx tsênhv njiêz thiêz tsov cưv txos pênhr jos đuô txix trung ương trâu chor tỉnh, tiv zix zos chor tỉnh tox siêz li chor xã txov nhêv, thiêz chor tỉnh tox siêz cux tsuv phênhz chor xã thax tsav 1, thax tsav 2, thax tsav 3…chiê tsêx tsung yưv pênhr cov jông đuô”.

Cux lơưr zơưv Mùa A Sơn, tỉnh Điện Biên sir jos txos shông 2020 muox 30% chor xax tax ploz tsênhr jêx jok yiêz. Uô ntêx, tas shông 2015 no muôx iz xã uô tiêr 19 luôs hâux lưv, 2 xã tax tâu 15 txos 18 luôs hâux lưv jêx jok yiêz tror sâur./.

                                                              (Thu Thùy-Lik Thox cxêik nhênhv)

 

 

 

Phênhv “Côx hội” hnuz 14/12/2015:

Cơưv sik thav hêik lok 70 shông côx hội VN: Tsuv hlôngr yiêz chiê uô tâu jông đuô têx hâux lưv zok muôz

 

 

Têx luk, thix ziv heik ntơưv phêv thaov chêx tsôngk phênhz tsênhz mênhx lok têx cêr lịch sử, txux chi tsưr ziv uô tâu jông hâur jiês bo xeir xuz thơưx; uô tsênhz mênhx côx hội VN six hơưv, hnuz nhôngs reik đros, đros đrêiv tsôngv box, hâur 70 shông đhâu, txix ntơư xav tinhv thiêz sir jos uô trơưk côx hội têx uô hâux lưv uô tâu jông hâur hlôngr yiêz đhâu yênhx ntu uô hâux lưv.

Tsuôk 2, 3 luz hlik đhâu thâuv têz qơưs thax zênhz, ntu têz qơưs tsênhv yuôr lok six ntâu txov nhêv, iz zos đơưk tu têx phiv liv hâur têz qơưs, 2 zos phax tir thêir têx nênhs fêv đrâuv li têx tsưr ziv, siêz xar tsi jông xar ntâuk kâus cách mạng VN, pêz Đảng thiêz Chủ tịch HCM tưz bax thiêz tsưr tsix jông, uô tâu yênhx côngz jiês Tổng tuyển cử hnuz 6/1/1946. Kuz phưv Chủ tịch côx hội Nguyễn Đức kiên heik, ntơư  zos jiês bo xeir tâu uô trơưk sơưr đơưk tsưr ziv, siêz xar, krêz iz hâu cêr trâu cxiv tsa têz qơưs hla ntu hlôngr yiêz. Co cux chênhr zos Côx hội VN qir uô hâux lưv thiêz huôv tsar, iz chei, cui tinhv jênh tsuv, côngz fênhx, uô hâux lưv viv tsôngv lax pêx xênhv sơưr đơưk. Têx uô tâu yênhx côngz xuz thơưx hâur jiês no tưz tsês ntâu txux chi tsưr ziv jông trâu sơưr đơưk đros seiz pov, đros pâuz. Zơưv Nguyễn Đức Kiên phênhz li no:

“ Cur xar heik txos têx tsưr ziv, hâux lưv uô tâu jông yax zos Đảng thiêz luâk Hôx pâuz tsênhz txos têx muôx liv thiêz jông trâu tsôngv pêx xênhv luz nênhx nox nhoz, tsi chiê lênhx tiz nênhs tưs trâus txov, trâus luôs niêk tsiv uô krêr. Hâur ntu, ntâu shông tsôngv pêx xênhv sơưr đơưk tsuv uô nênhx txov nhêv njuôr, têz qơưs trâus luôs tsav txênhz, 95% zos tsôngv box uô liêx têz viv li Đảng, Lâuk Hôx quyết tinhv zaz zâuv tâu chôngz lênhx, ntâu tuk đros tir ntâuk trok châuz, zos iz tsưr ziv zov chênhr chiê quyết tinhv tsưr tsix uô luôs hâux lưv no nzor, truôx tuk thiêz uô tâu trơưk tsưr ziv, siêz xar”.

Chor đại biểu cux khav tinhv tsênhz, tror tis seiz njiê 70 shông đhâu, iz chas têxluôs hâux  lưv uô tâu, cux tsênhv yuôr ntâu hâux lưv uô tsi tâu, tsi tiêr, tsuv tror hlôngr yiêz côx hội tsưr ziv tsưr tsix thiêz hâux lưv uô chiê lơưr chuôs têz qơưs têx cêr huôv tsar hâur ntu hlôngr yiêz. Cux tsênhv yuôr têx chei, cui tinhv uô tsi yuô tâu ntov thiêz jông viv li uô trâu têz qơưs têx chei luật nhiv kruôr tso tơưv tsuv cxiv kho, cxaz nzir, hlôngr yiêz ntâu jiês. Hâux lưv seiz kaz txơưv tưz uô tâu jông, taz sik cux tsi tâu uô jông trơưk tsôngv box tsưr ziv, siêz xar. Hâux lưv quyết tinhv têx hâux lưv zov chênhr hâur têz  qơưs, lar heik zos quyết tinhv nhiêx txiêx, muôx kênh jâuv tsênhv tsi yuô tâu moz siêz uô jông reik đros têz qơưs têx chei, cui tinhv hâur yênhx shông, têx ntu. Iz chas ntơư, cux muôx kênh lênhx đại biểu Côx hội tsi moz siêz uô jông zuk têx hâux lưv zok muôz, zos iz lênhx hlôngr njêx muôs trâu tsôngv box xa zuk têx luk, tsưr ziv, siêz xar txos trâu Đảng, têz qơưs. Zơưv Trần Du Lịch, đại biểu côx hội đoanx TP HCM heik, côx hội tsưr ziv uô nuv, zos tsi moz siêz, car uô đreiv têx hâux lưv zok muôz mak zuôr uô tsi yuô tâu têx luôs hâux lưv:

“ Zos seiz lok sâuv côx hội ntu hlôngr yiêz tsưr ziv tsưr tsix, uô nuv, đhâu chuôs njiz cử tri, pov tsôngv box sơưr đơưk vav chiê siêz njôngr trâu côx hội têx hâux lưv uô. Xar cov côx hội gra siêz têx nuv uô mak xuz thơưx zos tsơưr lươngv đại biểu côx hội. Xưk li côx hội khóa I, têx lênhx đại biểu tâu xeir trơưk tsưr ziv zos têx lênhx muôx txux chi jông, uô tâu nuv. Pêz tsưr ziv tsuv xeir têx lênhx txơưx njê, muôx pênhr xưv lok tsi muôx? Ntơư zos hâux lưv zov chênhr hâur xeir đại biểu”.

Trơưk iz cxiê lênhx đại biểu, hâur six hơưv zuôr txos, côx hội hla đhâu ntu hlôngr yiêz, ntu tror sir jos uô hlôngr yiêz têz qơưs, sik côngv truôx đros ntiêx têz. Iz qênhx shênhx ntơư, côx hội tsuv tror hlôngr yiêz  chiê uô tâu jông lơưr Hiến pháp shông 2013 thiêz têx chei lix  qox cik txos, tror uô tiêr têz qơưs têx chei, cui tinhv chiê uô tâu trơưk tsôngv pêx xênhv tsưr ziv, siêz vav xar njôngr hâur cxiv tsa thiêz tsưx phưv, chox car pêz têz  qơưs yênhx iz têz  qơưs huôv tsar jông./.

                                      (TTT-Riê Lâux cxik, nhênhv)