Hli huôx tôngv viv fênhx zav cxênhx txir nênhx-pox niêv shông 2020 (15/11-15/12)

“Tso tsês ntâus tsiv pox niêv thiêz mê nhuôs”

          Cxôngx ntâu shông lok no, Đảng thiêz pêz têz qơưk tưz tsov cưv txos luôs hâux lưv pox niêv, txir nênhx vax huôv siz luôs, paz pox niêv tâu cxaz chuôz têx vênhv thix lok luz nênhx, kinh têr, xã hội. Cxôngx co, pox niêv, txir nênhx, tâu sêiz tsiv grê iz zav, tiv zix zos hâur vênhv thix lox tôngv, hâux lưv uô, tsoz phưz đas jos, zaoz zux. Kror zov chênhr zos, pêz têz qơưs VN tưz tso tơưv chêi txir nênhx thiêz pox niêv muôx vax huôv siz luôs, paz pox niêv tâu cxaz chuôz ntâu đuô lok hâur luz nênhx chinhr trị, kinh têr, vênhx huôv xã hội. Tsênhz mênhx zos chor pox niêv doanh nghiệp tax tâu 27% ntâu shông 2017, siêz tiv zix thax tsav Đông Nam Á thiêz sơưr tiv 7 hâur têx têz qơưk muôx doanh nghiệp zos pox niêv. Tiv zix hâur côx hôiv six cxiv nhiv no muôx 27% ntâu zos teiv plor pox niêv, siêz đuô 19% thax tsav Châu Á thiêz 21% chungz fênhx sâuv ntiêx têz.

          Taz sik, qênhx shênhx ntâus tsiv pox niêv tsênhv zos iz hâux lưv phêv liv lox nhoz Việt Nam. Thứ trưởng Bộ lox tôngv thương binh thiêz xã hội Nguyễn Thị Hà xar tiêk, chiê tso cov tâu tsês qênhx shênhx pox niêv tsik trâus ntâuk tsiv, hâux lưv tso tơưv têx tsênhv chêi, chei têz qơưs, zos cxuô cơ quan muôx vax huôv luôs hâux lưv tsuv fuô uô cov txos qơư. Iz chas co, tsuv tsov cưv txos hâux lưv pheiz kênh têx chiz coaz thôngz xor mông li tsưr ziv, pênhr xưv thiêz phuôx huiz pưs txux chuv tôngv, nriêr têx phênhv paz txưv chiê car chêx vênhv thix ntâus tsiv, uô hiêv txos pox niêv, nhuôv zâu.

          Hâux lưv têx chiz coaz, tsưr tsix hâur têz qơưk thiêz sâuv ntiêx têz muôx ntâu huôx tôngv chiê ndar txos luz hli huôx tôngv shông no tâu seiz zos iz khav tênhv trâu thôngx ziv sik côngv tês tso tsês tsik ntâus tsiv pox niêv thiêz mê nhuôv nxeik nhoz pêz têz qơưk. Hội pox niêv cxuô cấp tưz krêz uô ntâu tsưr ziv chiê yax mông lok txir nênhx, pox niêv vax huôv siz luôs thiêz phax tar ntâus tsiv chuôz zis ntơưv côngv thôngx, li “Shux xênhz li niêv txir phax tar ntâus tsiv chuôz zis”; “Txir nênhx uô ntêx nyuôk hâur phax tar ntâus tsiv pox niêv thiêz mê nhuôs”…zaz zâuv chôngz lênhx nênhs cxaz chuôz.

          Tsưr tsix Đoanx hluôk nênhs cux sik côngv uô jông. Tix lâuk Lê Quốc Phong, Bí thư tiv iz Trung ương đoanx TNCS HCM khav tênhv: tsưr tsix Đoanx, Hội liên hiệp hluôk nênhs VN thâuv tưs cux seiz jông hâux lưv cxaz chuôz taz por txir nênhx thiêz pox niêv vax huôv siz luôs zos iz luôs hâux lưv zov chênhr, tsuv uô cov tâu truôx. Hâur têx tsaz yênhx, huôx tôngv Đoanx, Hội puôr lênhx ndar txos chuôz tsar yax mông muôz siêz têx đoàn viên hluôk nênhs zos nhuôv nxeik li pưs txux, paz txưv hluôk nênhs sâuv ntâu thax tsav qơư, tiv zix zos têx nhuôv nxeik nhoz tox siêz đêz đrôngs. Thôngx cxix, sik côngv đros têx chiz coaz tsưr tsix têx huôx tôngv chiê muôz siêz jênhv pâuz lok txir nênhx thiêz pox niêv vax huôv siz luôs. Tix lâuk Lê Quốc Phong puz pâuz:

          “Pêz tsưr tsix ntâu huôx tôngv chiê pêz tâu heik têx siêz xar, chiê thôngz xor mông txos têx chiz coaz muôx txơưx jênhv yênhx lix têx tsênhv chêi paz txưv trâu têx nhuôv nxeik. Pêz cux cxaz chuôz lok hâur UB têz qơưk nhuôs zâuv Việt Nam li cxix luôk hâur krêz uô tổng đài 111 thiêz seiz tsưr tsix đoanx nhoz ntơưv qơư zos iz hâur têx kênh pov sei tas nro têx lênhx nênhs muôx lênhx coaz txos uô hiêv thiêz ntâus tsiv mê nhuôv”.

          Đros qênhx shênhx nhiv no, chiê tax tâu qơư tsov txos lok txir nênhx thiêz pox niêv vax huôv siz luôs, pos Nguyễn Thị Hà- Thứ trưởng, Bộ lox tôngv thương binh thiêz xã hội xar li no:

          “Chiê tax tâu qơư tsov txos lok fênhx zav nênhs, tsênhz mênhx zos iz hâux lưv lêx ntêr, zuôr trâus txos tas nro cxix luôk chinhr trị thiêz côngv thôngx li sir jos. Hâur co, hâux lưv tso tơưv têx chính sách pháp luật tsuv reik đros têx chiz coaz muôx txơưx jênhv li sir jos hâur krêz uô chiê cêr chei tâu uô hâur luz nênhx. Đrâuv co, tsuv tsov cưv txos têx chiz coaz thôngz xor mông li pưs txux hâur thôngz xor mông hlôngr yiêz siêz xar lok ntâus tsiv. Coaz tsôngv đuô, pox niêv thiêz mê nhuôs tsuv chuv tôngv hâur hâux lưv pheiz kênh nriêr qơư paz max car chêx têx vênhv thix ntâus tsiv, trâus zuôv uô đaz uô tuôs…”

          Hli huôx tôngv viv txir nênhx thiêz pox niêv vax huôv siz luôs thiêz phax tar ntâus tsiv shông no tâu krêz uô đros ziz njiêz zos iz hâux lưv yax mông cấp têz qơưk chiê muôz siêz jênhv pâuz, huiz tôngv tas nro têx chiz coaz, tsưr tsix thiêz cxuô lênhx tsôngv box cxaz chuôz. Tiv zix, txir nênhx tsuv zos lưx lươngv uô ntêx nyuôk, chuv tôngv đros têx chiz coaz muôx txơưx jênhv thiêz côngv thôngx uô cov tâu truôx luôs hâux lưv phax tar tsik ntâus tsiv pox niêv thiêz mê nhuôs, tiv zix zos pox niêv thiêz mê nhuôs nhoz tox siêz đêz đrôngl, thax tsav tsôngv box mênhx cxưx tsoưs nênhs./.

                                                (VOV4-Txâur Vax cxeik nhênhv)