Shông yiêz txos nzor trâu thax tsav trâus đêx nas uô ruôr hiêv Phù Yên

Zơưv Phùng Xuân Hà, nhoz jok Sọc chuôz zis muôx 5 lênhx nênhs, đhâu đêx nas cuôr yôngz uô hiêv, zơưv chuôz zis zos iz hâur têx ziv chuôz zis tsuv yêik txar qơư nhoz zênhx max. Zơưv chuôz zis tâu yêik mul nhoz trâu qơư yiêz. Đros thiêz têx cưr tix nênhx tsa cxênhz jê, tsôngv box sđ hâur jok paz, zơưv chuôz zis kêr txeik nzir tsêr nhiêx 50 tsov đeiv chiê khơưz kuô tsêr thiêz đhok uô iz luz tsêr tsar lơưx 4 qar tâu ruôr txix luz tsêr kuz lok, txos nhiv no tsênhv jux juk uô tiêr chiê ndar tok tsiêz têz qơưk:

“Lok six tso siêz, yêik txar lok nhoz no têx tuz nhuôs lok six jông siêz thiêz nhoz no puôr lênhx zos têx cưr tix nênhx tsa hur si, cêr mul lok cux zôngx ziv, ntux nas tsi nyei cêr trâus xưz poz”.

Hâur jiês đêx nas cuôr yôngz nhiv kruôr đhâu, jok Sọc, xã Mường Bang muôx 2 chuôz zis vax tsêr trâus puôk tsuôx, tsi jông tas hur si thiêz 22 chuôz zis zôngx ziv muôx tox xưz poz, tsuv yêik txar zênhx max. Đros thiêz tsưr ziv “lênhx muôx mê njik hluz lênhx pluôs”, tsôngv box sđ hâur jok tưz siz paz ruôr tsêr thiêz cxiv uô tsêr, paz têx chuôz zênhx zuôr trâus txos trâu têx chuôz zis trâul ntux uô ruôr hiêv chiê lơưr tso siêz thiêz shir phaz đros luôs lưv tuk nox tsiêz. Txix thâuv đhâu đêx nas uô hiêv txos nhiv no, têx chuôz zis hâur jok puôr lênhx sir jos siz paz uô tsêr nhoz, phênhv ntâu tsôngv box sđ tưz tsi muôx iz hnuz tâu so hlo; sik pheiz kênh têx chuôz zênhx, tưx têik zôngv, sik kênh tsôngk trik yo hnar, mor nox..... Nhiv no, nhoz jok yiêz tsôngv box luz nênhx tsênhv iz hnuz truôx tuk jux juk, tưz pov muôx têx vax jâuz, keiz buô đhiê jov jơưk ntơưv têx tos vax tos tsêr. Thiêz pov hluôr tơưk chis sor tsêr hâur têx hnuz ntux no njiv. Zơưv Phùng Trọng Thâm, Bí thư chi bộ jok Sọc, xã Mường Bang heik:

“Têx chuôz zis tsôngv box nhoz ntơưv qơư paz hnuz côngz, cxur nox đêx hâuk, tênhv tênhz, chơưr, grêix chiê trâu lơưr nox hâuk uô tsêr, iz chuôz zis paz mê njik, tsênhz tiês hâur six hơưv nhiv kruôr đhâu mak pêz tsi tâu so hlo, six muk đros sđ uô tsêr tas li xưz, uô tas luz no txos luz tov”.

Đhâu 3 hlik ntâu trâus ntux nas uô ruôr hiêv tas, huyện Phù Yên tưz paz trâu 260 chuôz zis muôx vax tsêr trâus đêx nas cuôr yôngz tas hur si thiêz yêik txar zênhx max. Iz chas ntơư, huyện tsênhv sir jos fuô uô 3 dưv anr phênhz qơư nhoz trâu tsôngv box ntơưv thax tsav trâus ntux uô ruôr hiêv; cxiv uô têx qơư nhoz yiêz, luôs hâux lưv khưx phưx têx liêx têz cux tâu moz siêz uô. Nhiv no, tưz kho tâu 90 ha têx liêx trâus đêx nas uô hiêv, cxuz tas tsơưs ntơư. 264 ntâu ha liêx têz trâus ar, poz jêz cxuz, tsôngv box tưz uô 3 chiv têx jâuz tâuv uz no li: Chos đok, chos kix, chos jâuz cxuô zav...... Cxix luôs tênhv tênhz, cêr mul lok, đêx xênhz huôx, đêx liv zênhx max tâu cxiv kho. Cxuô cấp hâu nov, côngv thôngx puôr lênhx moz siêz đros paz trâu tsôngv box thax tsav trâus đêx nas uô hiêv Phù Yên chiê sik pheiz kênh iz phênhv tưs têx cêr qiv, pôngz siêz. Zơưv Cầm Ngọc Minh, Chủ tịch Ủy ban tỉnh sơn La heik pâuz:

“Pêz paz, uô ntêx zos lok sâuv nhiêx txiêx, kôngz krâur chiê tsôngv box muôx tsiêz nox nhoz qơư nhoz yiêz, txix cxuô cấp cxuô ngênhx têx pênhr mak cxuô thax tsav qơư siz chos paz tuôx trâu tsôngv box trâus đêx nas uô ruôr hiêv hâur hli 8 nhiv kruôr đhâu ntơư. Ntêr jux juk tsưr ziv huôv tsar uô nox, pêz paz lok sâuv zuz nôngz kôngz uô hâur 3 shông lơưv, paz tsôngv box nôngz nhux nôngz tưv chiê truôx tuk tâu ntêr trâu tsôngv box”.

Txix cấp ủy, hâu nov hâur tỉnh txos trâu ntơưv qơư têx cêr paz thiêz tsôngv box sđ têx sir jos, tsôngv px nhoz thax tsav trâus đêx nas cuôr yôngz luz nênhx tưz truôx tuk mê njik. Shông yiêz, cêr shir phaz tsênhv lok txos trâu tsôngv box nhoz suôv qơư trâus đêx nas uô ruôr hiêv Phù Yên./.

(Hồng Việt-Riê Lâux cxeik, nhênhv)

Tuz lênhv biên phôngx tỉnh Điện Biên cxơưx tsiêz trâu chor chuôz zis pluôs

Hâur têx hnuz no, cxuô lênhx tuz lênhv zênhx biên phôngx Mường Pồn, xã Mường Pồn, huyện Điện Biên, tỉnh Điện Biên tưz muôx njêx muôs cxix cxuô trâu ntơưv jos Pá Trả chiê paz tsôngv px ntơưv jos no bax cxuô zav chie tok nox tsiêz 30 têz qơưs. Têx luôs hâux lưv uô ntơư, zos tuz lênhv biên phôngx têx luôs hâux lưv uô sưv jê đros px thiêz ntơư zos tuz lênhv iz luôs hâux lưv uô muôx liv jông, paz phênhv trâu px shir phaz lul tok nox tsiêz 30 têz qơưs shông 2018. Tix lâus Lưv x Hơưx, tsar jos Pá Trả, xã Mường Pồn, huyện Điện Biên hêik pâuz tiêk:  hâur 62 ziv chuôz zis px puôr lênhx zos Hmôngz thiêz hâur ntu đrav ntêx, chuôs li hur si cxuô chuôz zis hâur jos puôr lênhx zos chuôz zis pluôs. Taz sik, hâur oz pêz shông đhâu lok no, tâu hâuv nov ntơưv qơư đros trâu tuz lênhv biên phôngx đros paz yax kriê tsôngv px sđ hlôngr yiêz huôv tsar cêr uô nox; txix ntơư txos trâu nhiv no, chor chuôz zis pluôs tưz txo grêk tsơưs lơưv jux juk, tsuôk yuôr 38 ziv chuôz zis pluôs. Tix lâus Lưv x Hơưx hêik pâuz:

          Băng: “Tâu tuz lênhv biên phôngx paz max đros px sđ qêz têx kaz vas tsiz tâus chiê bax cxuô zav tok nox tsiêz, xav mak tưz uô trâu tsôngv px sđ muôx cêr shir phaz lul.  Ndax trâu ntu no, cán bộ tuz lênhv tuz lênhv biên phôngx cux muôz mor txâuv puôz puz trâu iz cxiê chuôz zis pluôs thiêz muôz ntâu poz huv tsiêz puz trâu cxuô lênhx pox niêv vir ndâuk hâur jos”.

          Luôs hâux lưv uô muôx cêr shir phaz trâu px nhoz thax tsav ntus đriv, thax tsav poz hiêr, zos Bộ tư lênhv Biên phôngx luôs hâux lưv tso tơưv thiêz ndax trâu tsiêz 30 têz qơưs shông no,  Bộ tuz lênhv biên phôngx tỉnh Điện Biên cux chox car cxuô đơn vị fuô uô luôs hâux lưv “Krưr mor txâuv puôz tsiêz puz trâu chor chuôz zis pluôs nhoz thax tsav ntus đriv” hâur thax tsav tỉnh Điện Biên. Xav txos trâu nhiv no 17 zênhx biên phôngx nhoz tinhr Điện Biên tưz đros cxuô cấp hâu nov ntơưv qơư, tưz krưr tâu 4 cxênhz luz mor txâuv puôz tsiêz, puz trâu chor chuôz zis pluôs, chuôz zis muôx côngz trâu têz qơưs nhoz thax tsav ntus đriv, chiê tok nox tsiêz lov jêv shir phaz lul. Pos Quàng Thị Mai, nhoz jos Nà Ten, xã Hua Thanh, huyện Điện Biên shir phaz lul hêik.

          Băng: “Txix thâuv txêik tâu tuz lênhv Biên phôngx têx huv tsiêz, pêz cux jông siêz cơưs. Thiêz hâur ntu đhâu, txơưv shông tưs tuz lênhv biên phôngx cux muôz huv tsiêz puz trâu chor px chuôz zis pluôs, pêz muôx luk uô tsâus trâu tuz lênhv Biên phôngx”.

          Trung tá Hoàng Tuấn Long, phưv sêiz car chính trị, tuz lênhv biên phôngx tỉnh Điện Biên hêik pâuz tiêk: Hiur niêx sshông, thâuv txos tsiêz 30 têz qơưs, cxuô zênhx tuz lênhv Biên phôngx tsưr tsix no tsiêz, cux hêik hur si chor chuôz zis pluôs, chuôz zis muôx côngz têz qơưs tuôx đros tuz lênhv nox tsiêz. Thiêz ndax trâu tsiêz 30 têz qơưs shông no, Bộ tuz lênhv tỉnh Điện Biên cux zaz zâuv têx lênhx nênhs siêz jông, cxuô tsưr tsix sik côngv paz zuôr huv tsiêz puz trâu chor chuôz zis pluôs, chuôz zis muôx côngz têz qươs nhoz hâur thax tsav. Trung tá Hoàng Tuấn Long, phưv sêiz car chính trị, Bộ tuz lênhv Biên phôngx tỉnh Điện Biên hêik pâuz:

          Băng: “Bộ tuz lênhv biên phôngx tỉnh Điện Biên tưz cxuô car cxuô zênhx biên phôngx tsuv uô jông luôs hâux lưv paz cov tsôngv px hâur thax tsav jêx jos muôx tsiêz nox cxix cxuô thiêz tsưr tsix nthuôr uô cêr lov jêv nhoz thax tsav ntus đriv hâur ntu tsiêz 30 têz qơưs. Lar hêik zos xav txos trâu nhiv no, 17  zênhx tuz lênhv biên phôngx tưz krưr tâu 4 cxênhz ntâu luz  mor txâuv puôz, puz trâu chor chuôz zis pluôs, chuôz zis muôx côngz têz qơưs”.

          Tuz lênhv biên phôngx tỉnh Điện Biên cxuô luôs hâux lưv uô muôx liv ndax trâu hâur ntu tsiêz 30, cux chênhr zos paz phênhv tâu trâu tsôngv px nhoz thax tsav ntus đriv muôx cêr côngv siêz đros tsưx phưv truôx ntus đriv pêz têz qơưs./.

                                                    (Tsu cxêik nhênhv-Vũ Lợi)