Cêr sor siêz ntơưv thax tsav qơư cêv kuôk Điện Biên

Zos lênhx nênhs Việt Nam, huôv tsar cêr uô nox muôs hax huv trâu têz qơưs Lok Tsuôk, hnor mông txir xênhz zsus tsênhv taz tov moz hnhar, ntơư zos tus Niêv lâuk Nguyễn Thi Thanh, nhoz huyện Thiệu Hoá, tỉnh Thanh Hoá đros nưs oz tus mê nhuôv zênhx max bax cxuô zav tror lok trâu zuk têz qơưs cov tâu pov nưs txir jiês cơưs. Taz sik, thâuv lok đhâu trôngx đriv Việt Nam-Lok Tsuôk, tsuv tau cêv kuôk sêiz njuôk shuôk moz 14 hnuz, viv ndax trâu ntu têz qơưs tsênhv taz tov muôx yưv moz covid-19. Li ntơư niêv lâuk Thanh đros trâu nưk oz tus mê nhuôv tâu cểv kuôk 14 hnuz trâu ntơưv qơư cêv kuôk uỷ ban xã Tà Lèng, đrôngl Điện Biên, tỉnh Điện Biên. Niêv lâuk Nguyễn Thị Thanh cux thav tiêk: Hâur 10 ntâu shông muk huôv tsar cêr uô nox đêz vax tsêr, zos jâuv cơưs tâu sêiz pov nưs txir xênhz zus tau tas siv nênhx, zos sêiz pov sik thav đhâu hu xor tôngx, thâuv nưs txir txox siê zuôr tu tas siv nênhx, nưs đros nưs oz tus mê nhuôv kuôx uô cuô muôs pôngz nthar, hêik tsik tâu iz lo luk li chas? Taz sik, viv têz qơưs têx chêi tso tơưv, tsuv tâu cêv kuôk, chiê tir thêir zav moz riêz nênhs covvid-19. Iz kro uô trâu niêv lâuk Thanh chuôz zis ndo njôngr hâur siêz tsik plox zos tâu Ban sêiz car thax tsav qơư cêv kuôk, cux cxiv uô iz qơư chiê hlơưr shaz trâu tưs txir.

          Băng: “Cur muôx luk ndo txiex njis txos chor cán bộ, Ban sêiz car cêv kuôk ntơưv no, viv lơưr moz siêz paz max txos cur. Cur hu xor tôngx trâu cur niêv, cur niev cux đros jông siêz trâu  cxuô lênhx bộ, Ban sêiz car cêv kuôk têx luôs hâux lưv uô ntơư”

          Trung tá Nguyễn Anh Tuấn, phưv sêiz car Ban tuz lênhv thành phố Điện Biên, sêiz car thax tsav qơư cêv kuôk y tế ntơưv xã Tà Lèng cux hêik pâuz tiêk: Thâuv hnor niêv lâuk Thanh chuôz zis siêz xar njôngr cov muôx iz kror qơư tâu hlơưr shaz shuv nưs txir, mak pêz tưz saz lax đros Ban sêiz car cêv kuôk, tir thêir moz covid-19 thành phố Điẹn Biên, cux jông siêz tso chêi uô iz kror qơư trâu niêv lâuk Thanh  hlơưr shaz ndo txos nưs txir tâu tas siv nênhx.

          Băng: “Thâuv txêik tâu mông pos Thanh txir xênhz zus tâu tas siv nênhx, pêz cux hêik trâu Ban sêiz car thiêz hêik trâu pos Thanh pâuz tsênhz lok luôs hâux lưv cêv kuôk, tsuv uô cov tâu zos đrêiv chêi tso tơưv”

          Luôs hâux lưv cxuô lênhx cán bộ tuz lênhv uô hâur thax tsav qơư cêv kuôk chêx chôngk ntơưv xã Tà Lèng, đrôngl Điện Biên Phủ, iz chas yax kriê thiêz đros niêv lâuk  Thanh sik phêiz kênh têx cêr pôngz siêz hâur chuôz zis, tso siêz cêv kuôk zos tsôngv px cxuô hêir nênhs sđ tsuv uô cov tâu truôx. Tix lâus Võ Duy Tuân, iz lênhx px nhoz tỉnh Nghệ An tsênhv taz tov tâu cêv kuôk ntơưv no hêik pâuz:

          Băng: “Ban sêiz car nhoz ntơưv no cux paz max cxuô zav trâu chuôz zis hlơưr shaz shov thiêz pêz cux đros pos Thanh chuôz zis phêiz kênhx têx cêr pôngz siêz. Tsênhz mênhx, pêz cxuô hêir nênhs nhoz ntơưv no puôr lênhx muôx cêr côngv siêz thiêz njênhs njôngr uô trơưk Đảng têx chêi yax kriê”

           Cêr côngv siêz hâur thax tsav cêv kuôk xã Tà Lèng, đrôngl Điện Biên Phủ, zos cxuô lênhx cán bộ tuz lênhv tỉnh Điện Biên tsênhv taz tov siz chos côngv têk sir jos tas đas jos tsưr ziv uô hâur yênhx hnuz yênhx hmo chiê tir thêir cov tâu moz covid-19./.

                                         (Tsu cxêik nhênhv-Vũ Lợi, TTTB)

Iz cxiê tsưr ziv chos thiêz tsoz phưz txir thênhx caz, txir lưs

(Nam) 1. Ar têz thiêz qiv hơưv huv chiê chos thiêz huôv tsar

          Tsoz txir thênhx caz, txir lưs zos têx zav tsoz chos muôx ntâu chês. Zôngx ziv chos thiêz tso phênhv sâu siêz. Têx tsoz chos no chiêx thiêz huôv tsar jông hâur jêx tưv cxôngx 13-38 tưv, jông tiv zix zos 23-29 tưv.

          Têx tsoz chos no huv đros chos sâuv têx ar fov, zôngx ziv xâuk tâu đêx. Đrâuv co, tsuv heik txos têx tsơưr paz tsoz chos huôv tsar tax yar lengx siêz.

          (Nữ) 2. Tsưr ziv chos

          Pox nhuôs nôngx mênhx tsuv xeir têx nôngz tsoz chos muôx tsơưr lươngv jông thiêz tsi muôx caz hmoz. Tsoz zuz huôv tsar jông, blôngx njuôz jông, siêz lox.

          Tsov lơưr ar têz thiêz nôngz tsoz chos chiê muôx tsưr ziv chos huv đros. Pox nhuôs tsuv seiz shuôk iz cxiê tsưr ziv chos li đrav kaz:

          + Đros thiêz txir lưs jôngr zos 5x5 yiv; 6x6 yiv

          +Đros txir thênhx caz zos 2,5x2,5 yiv; 2x3 yiv

          + Khơưz kror đar xar muôx 2 đok, toz 2 đok

          Mfông qir guôx, môngr yâur đros môngr ar kruôr trâu hâur kror uô ntêx thâuv chos, thâuv chos tsuv vôngz thiêz niês ar cov chênhr. Đhâu co, cxok pak khi tsoz zuz cov tsi trâus chuô uô kâus.

(Nam) 3. Tsưr ziv tsoz phưz

          Cheix ntux yar tsuv yax six zưs đêx trâu tsoz chos thiêz thâuv tsoz chos tsênhv tơưs pax, txi txir. Tsoz txir thênhx caz, txir lưs mak zuôr trâus ntâu đêx thâuv txos ntu tơưs pax thêiz txi txir, taz sik tsi zưs ntâu uô đêx xâuk tsi tâu. Cheix ntux lok nas, pox nhuôs tsuv khơưz cưx đês chiê đêx ntưs tâu mul. Đrâuv co, pox nhuôs cux chos shơư tâu têx jâuz lok sik chos tsoz txir chuôz thox đros chiê chuôz cxaz phênhv sâu.

Nhạc cắt

          (Nữ) 4. Tsưr ziv zuôv qir

          Pox nhuôs tsuv zuôv qir tsês trâu têx tsoz txir thênhx caz, txir lưs. Iz ntu huôv tsar tsuv muôx tsưr ziv zuôv NPK cov huv đros.

          + Zuôv 1 jiês thâuv nhiv kruôr sâu txir tas

          + Zuôv 2 jiês uô ntêx thâuv tsoz chos tơưs pax. Jông tiv zix zos zuôv qir lân thiêz kali.

          + Zuôv 3 jiês thâuv tsoz chos qir txi txir thiêz thâuv txir tsênhv hloz lox.

          + Zuôv 4 jiês uô ntêx thâuv sâu txir 2 luz hlik chiê chuôz tsar tsơưr lươngv txir ntông.

          (Nam) 5. Txiêr chês

          Txiêr chês chiê hlôngr têx chês tưz lâus, chês trâus caz hmoz lok sik chês tsi txi txir thiêz por tsês. Hâux lưv txiêr chês tâu uô hâur yênhx shông thâuv tưz sâu txir tas.

          (Nữ) 6. Sâu txir thiêz por coar

          Pox nhuôs tsuv sâu txir hâur têx hnuz ntux ca, yar ntux. Tsi sâu thâuv ntux lok nas lok sik ntux pok huôz viv zôngx ziv uô txir trâus lưx. Thâuv sâu txir, tsuv uô jông sâu, tsi uô ntông trâus nti tơưr, txir trâus pôngz. Thâuv sâu txir tas tsuv por coar cov jông ntơưv têx qơư lax khiêv, jông tiv zix zos por coar ntơưv qơư txiêk./.

(DTMN – Txâur Vax cxeik nhênhv)