Ntâu tsơưz chos nhoz Lào Cai trâus đax blôngx Panama tsuv muôz txiêr por tsês

Txêik 100 triệu ntâu nhiêx chiê chos tsơưz, tưz zuôr jông sâu, taz sik tas nro vax tsơưz ho trâus đax blôngx. Tsik pov kaz uô li chak, tix lâus Thào Sà, nhoz jok Cốc Phương, xar Bản Lầu, huyện Mường Khương, tỉnh Lào Cai, lav muôz tas nro chor tsơưz ntơư txiêr por tsês, chiê hlôngr chos poz cưk thiêz chor nux gri tsik pâuz txos thâuv tưs thiêx zuôr thêv tas.

“Xuz thơưx tsuôk pov đax nhoz iz cxiê tsoz ntơưv câuv vax xưz, đhâu co cux cik jux juk trâu chor tsơưz txơưr đuô thiêz tas nro luz vax hur si. Chiê đax blôngx thiêz lor vâu, txir tsơưz jênhs tas sâu tsik tâu”.

Đrâuv tix lâus Thào Sà ziv chuôz zis, yuôr lok six ntâu ziv chuôz zis txơưr đuô nhoz jok Lầu cux njiz ntâu phiv liv tiv chor tsơưz chos tâu cux trâus đax blôngx li co.

Lơưr zơưv Hoàng Văn Kiên, Chủ tịch UBND xar Bản Lầu, đhâu thâuv cơ quan muôx vax huôv tuôx qênhz yuôx tưz hêik tiêk chor tsơưz no trâus moz đax blôngr Panama. Zav moz no mak tsik tâu muôx yuôx chiê tir tar, zôngx ziv cik đhâu ntâu kror thiêz lok six phiv liv, zuôr zôngx ziv uô hiêv txos tas nro chor tsơưz ntơưv Bản Lầu. Txos nhiv no tưz muôx 20 ha tsơưz trâus đax blôngx.

“Xar cux tưz yax kriê, thôngx cxix hêik Tsênhv qơư Kôngz nuv huyện kruôz kriê pox nhuôs hlôngr chiê chos zav tsoz chos yiêz, uô ntêx zos tsoz chos lur hnuz li txir pôngr lux, muk ntêr mak hlôngr chiê  chos tsoz chos jôngr nuv”.

Thôngz sâu puz pov, tỉnh Lào Cai nhiv no muôx 4.000 ntâu ha tsơưz, tsav muôx 1/3 thax tsav ntông nox txir tas nro tỉnh. Tsơưz tâu chos ntâu ntơưv chor huyện Mường Khương, Bát Xát, Bảo Thắng. kror tsuv hêik, tas nro chor thax tsav qơư no puôr lênhx tưz pov muôx tsơưz trâus đax blôngx Panama, đros tas nro thax tsav muôx nhos 45 ha.

Zơưv Phạm Quốc Cường, Phưv Chi cục trưởng Chi cục Chos kôngz lôngk thiêz Por vêv đrox tsuôs tỉnh Lào Cai puz pâuz, xav jênhv trâus đax blôngx Panama zos iz zav moz phiv liv tiv zix nhoz chor tsơưz viv li chi cục tưz nzor hêik pâuz, yax kriê, tso nênhs tuôx paz trâu pêx xênhv chiê jênhv pâuz tâu cux xưk li kriz uô têx tsưr ziv phax tar; thôngx cxix, tso tơưv tsưr ziv chiê zaz zâuv Viện nhênhz chơưv jâuz txir kok Trung ương tuôx nhênhz chơưv xêir tsov zav tsơưz yiêz chiê chos, uô chak cov tir tar tâu zav moz no; đuô li tsênhv hêik pêx xênhv hlôngr chiê chos têx zav tsoz chos txơưr đuô trâu ntơưv têx thax tsav chos tsơưz tưz trâus đax blôngx. Zơưv Cường hêik:

“Sâuv thax tsav tỉnh Lào Cai tưz pov tsơưz trâus đax blôngx Panama nhoz tas nro cxuô thax tsav chos tsơưz. Nhoz trâu thênhv lok six phiv liv. Zos pêx xênhv tsik sir jos uô lơưr têx tsưr ziv phax tar cov jông, mak zuôr uô phiv liv ntâu txos tsơưr lươngv têx tsơưz…”./.

(An Kiên-Lik Thox cxêik nhênhv)

Moz poz kror ndâux têk tơư

Trơưk li Cục Y tế dưv phax, Bộ Y tế, moz poz kror ndâux têk tơư zos zav moz txơưx siz cik, tiv nưk muôx nưk iz zav caz moz uô huôv moz. Moz siz cik txix lênhx nênhs no trâu lênhx nênhs tov đhâu nhoz jê uô cê đros lênhx nênhs moz lok sik cik moz đhâu sir zôngv têx chuôz zênhx trâus lo caz moz, lo lênhx nênhs moz têx kâuz ndâus…. Zav moz no khênhr muôx yưv li: Uô cuz uô no, moz ka, kror ndâux tơưv, moz poz trâu têx blêis, tơưv poz uô hlưr đêx trâu têx xiz têk, hâur châus, poz tư.

Zav moz no phênhv ntâu zos chor nhuôv zâu muôx txix 10 shông  tror zar hâur khênhr trâul moz, lar heik zos têx nhuôs tsi tâu muôx 5 shông. Pox niêv xênhz tuz ci hâur chêr tsuv phax txar jav, tsi nhoz jê đros lênhx nênhs moz, viv muôx têx zôngx ziv cik tâu moz thiêz cik caz moz txix lênhx niêv trâu lênhx nhuôs uô ntêx thâuv tsi tâu xênhz zus lok sik thâuv xênhz zus mê nhuôv. Kror lar heik đuô zos iz lênhx nênhs muôx têx trâul cik tâu moz poz kror ndâux têk tơư ntâu jiês.

Phax tir thêir thiêz txar jav moz poz kror ndâux têk tơư

Tsi so muôz xaz phôngx nzuôr têk ntâu jiês hâur iz hnuz, lar heik zos uô ntêx thâuv zuôr uô têx jâuz mor thiêz uô ntêx thâuv zuôr nox mor, puôs mê nhuôv, đhâu tơưv trôngx tas, đhâu hlôngr mê nhuôv têx tsôngk tril yo thiêz nzuôr mê nhuôv.....

Têx jâuz mor trâu nhuôv nox tsuv taz por txâuk tsơưr pưr. Nox siêr hâuk bâu, chuôz zênhx, tưx têik nox hâuk tsuv tâu nzuôr hur si uô ntêx thâuv zuôr zôngv, jông đuô zos muôz tsâu đêx cuz. Sir zôngv đêx hur hâur xênhz huôx niêx hnuz, tsi muôz têk đê grêix mor trâu mê nhuôv. Tsi chiê nhuôs zâu muôz têk tsuôz têx jâuz mor, nzêik têk, buôr têx chuôz zênhx uz no.

Ziv chuôz zis, qơư seiz jor têx nhuôs zâu, têx chuôz zis seiz jor mê nhuôv ntơưv tsêr tsuv tsi so qêz suô, muôz xaz phôngx, cuô đêx yuôx nzuôr so têx chuôz zênhx uô si, chuôz zênhx kriê nhuôv cơưv ntơưr, ntus kror trôngx, têx qơư nhuôv khênhr muôz têk tuôr txos, trôngx ntos, plas tsêr....

Thâuv pov mê nhuôv muôx yưv têx moz txơưr txar li chas, chor uô niêv uô txir tsuv chox ciês mê nhiôv muk trâu têx qơư y tế chiê tâu seiz njuôk shuôs thiêz pâuz tsênhz tus moz. Seiz lok têx pov tsênhz lênhx nhuôs trâul moz, cưk yuôx bác sĩ zuôr kriê tsưr ziv chơưv kho cov huv đros trâu lênhx nhuôv.

Tiv iz: Muôx têx tsoz phưz mê nhuôv ntơưv tsêr, taz sik tsuv sox seiz njôngr thiêz zos pov muôx yưv têx txơưr txar, tsuv chox zênhx max muk trâu tsêr kho moz sêiz njuôk shuôk ziv nzor ziv jông.

Tiv 2: Tsuv chox zênhx max muk nhoz tsêr kho moz chiê sox seiz, njuôk shuôs, txar jav têx riêz nênhs, huôv uô moz moz hnhar.

Muôz yuôx trâu mê nhuôv nox trơưk li cưk yuôx, bác sĩ heik kriê./.

(Hệ thống y tế Thu Cúc-Riê Lâux cxeik, nhênhv)