Cxaz nzir qơư sâu zuôr muôx hax huv kôngz nuv trâu pêx xênhv

Tsênhv qơư txuôk đros sâu zuôr kôngz nuv tâu yênhx lix đros jênhv vưv cxiv tsa qơư piêr pâuz hax huv kôngz nuv, têx zav nox kaz thax tsav ntơưv số 13 phố Thụy Khuê, thành phố Hà Nội thiêz piêr pâuz sâuv trang thôngz xor mông điện tử “Ciêz Kôngz nuv Dân việt”. Đros thiêz têx Bôv, nganhx, doanh nghiệp thiêz tiv phaz li têx qơư txuôk đros hâur kôngz nuv, hâux lưv tso tơưv nzir têx qơưk txuôk đros sâu zuôr muôs hax huv kôngz nuv no zos kror muôx tsiv gri zov chênhr đros thiêz uô xênhz yar kôngz nuv nhiv no chiê cêir chêx têx phiv liv li sâu tâu kôngz siv gri kik lok sik paz khưx phưx têx phiv liv njiz trâus lok kôngz nuv hâur têx shông đhâu, pos Vũ Thị Hải, Giám đốc  tsênhv qơư txuôk đros sâu zuôr muôx hax huv kôngz nuv puz pâuz:“Tsik tâu muôx qơư sơưr thiêz côngz jênhv mak tsênhv qơư zuôr hêik kriê pêx xênhv đăngk cir đros tiv phaz. Nhiv no nhoz têx tiv phaz cux kriz đar côngz jênhv, pêx xênhv cux zuôr uô tâu ntơưr thor xav jênhv tsưr ziv uô xênhz yar, hax huv ngaz tuk thôngx cxix jênhv lok tsơưr lươngv ngaz tuk hax huv, thâuv muôx ntơưr côngz jênhv zuôr tâu Tsênhv qơư txuôk đros piêr pâuz txos trâu nênhs sir zôngv zuk têx hax huv co”.

Cxaz chuôz piêr pâuz hax huv ntơưv tsênhv qơư, pos Đoàn Thị Vân, Giám đốc ông ty TNHH cuô đêx mắm Vân Hải, thị trấn Cát Hải, thành phố Hải Phòng hêik:“Qơư uô xênhz yar muôz lok piêr pâuz 250 lir cuôz đêx mắm cxôngx nzor Cát Hải thiêz xar muôx 10o têik mắm, kror no lok six muôx tsiv gri viv hax huv zuôr tâu chôngz lênhx nênhs sir zôngv pâuz txos. Vav tiêk hâux lưv no tưz tsik zos paz trâu pêx xênhv uô xênhz yar hur mak tsênhv paz muôl muôs tâu jông đuô zuk têx hax huv uô tâu”.

Lơưr zoưv Lưu Quang Định, Tổng Biaan tập pov chir Nông thôn Ngày nay puz pâuz, uô tsưr ziv đros đrêiv pêx xênhv, paz kriz đar trâu muôl muôs kôngz nuv hur, zos Cơ quan trung ương Hôiv Nôngx mênhx Việt Nam, yax kriê xa 11 triệu hôiv viên hôiv Nôngx mênhx tas nro têz qơưk li luk hêik, haux lưv paz pêx xênhv muôl muôs têx hax huv cê zos tòa soạn li txơưx jênhv cê zos kror tsuv uô. Tsênhv qơư txuôk đros sâu zuôr muôs hax huv kôngz nuv thiêz trang tài chính kôngz nuv đros trang thông xor mông điện tử “Ciêz kôngz nuv Dân Việt” vav tiêk tưz tsik zos qơư txuôk đros paz trâu pêx xênhv xưz mak tsênhv paz muôx sik thav thiêz tênhv qơư sik njiz nhoz chor nênhs khoa học, doanh nghiệp, nênhs tso tơưv tsênhv chêi đros pêx xênhv, thôngx cxix uô lơưr txuôk đros  thiêz muôs ciês têx hax huv kôngz nuv ngaz tuk, pâuz tsênhz qơư uô.“Vav tiêk zaz zâuv tâu pêx xênhv nhoz têx tiv phaz muôx têx hax huv kaz, jông cux xưk li têx hợp tác xã, doanh nghiệp uô xênhz yar kôngz nuv ngaz tuk, pâuz tsênhz qơư zuôr piêr pâuz, đhâu co pêz zuôr zos nênhs paz txuôk đros piêr pâuz têx hax huv no txos trâu nênhs sir zôngv thiêz ciêz đrôngs”.

Zơưv Nhiêx Shôngx Xênhv Thox, Chủ tịch Ban chấp hành Trung ương Hôiv Nôngx mênhx Việt Nam khav tênhv, Pov chir Nông thôn Ngày nay muôx gôngr côngv zov chênhr chêx cur cxiv tsa, huôv tsar tsưr tsix hôiv Nôngx mênhx Việt Nam hêik taz, gôngr côngv trâu chêx cur hlôngr yiêz têz qơưk, tiv zix zos hâur hâux lưv kôngz nuv, pêx xênhv, jêx jok hâur 30 shông ntâu đhâu./.

                                                                                          (VOV1-Lik Thox cxêik nhênhv)

Lênhx pox niêv mênhx cxưx Hmôngz txơưx uô kinh têr

Tsôngv ....yuô! Têx shôngk đhâu, phongz yaox pox niêv huôv tsar kinh têr, txu grês cêr pluôs truôx vênhs nhoz huyện Mai Châu, tỉnh Hòa Bình muôx têx hlôngr yiêz jông. Cxôngx co muôx ntâu lênhx pox niêv txơưx uô kinh têr, tso lok phênhv sâu yênhx puôk tsov đeiv iz shông, gôngr phênhv sir jos txu yeiz cxuôv pluôs, huôv tsar kinh têr xã hội tiv phaz. Hâur co, niêv lâuk Mỷ Xênhv Vax nhoz jos Hang Kia 1, xã Hang Kia zos iz hâur têx lênhx nênhs jông co.

          Tâu xênhz zus thiêz hloz lox hâur iz chuôz zis uô kôngz, niêv lâuk Mỷ Xênhv Vax thâuv tưs cux xar njôngr uô li chas chiê huôv tsar kinh têr chuôz zis, sir jos hla đhâu txox cêr pluôs. Đros siêz xar co thiêz gruôs uô hâux lưv, niêv lâuk Mỷ tưz truôx siêz cxuô tsa kinh têr đros chor pênhr nhiêx chuôz zis cxênhx tsês tâu. Niêv lâuk zuôr 3 tul nhux lok uô nôngz thiêz nriêr pâuz, cơưv shâuv chênhz zênhv tu zus đhâu têx trâur nuv, cxaz chuôz têx lớp kriê cxaz. Cê uô, niêv lâuk cê cơưv shâuv chênhz zênhv. Chuôz zis li hâux lưv tu zus cux tsi njiz phêv liv, cxôngx 3 tul nhux qir thơưx, txos nhiv no niêv lâuk chuôz zis li paz nhux tưz huôv yênhx 10 tul. Drâuv co, niêv lâuk tu zus cxaz 15 tul buô thiêz 50 ntâu tul keiz. Jênhv pov tâu tiêk tiv phaz huôv tsar tâu tu zus, niêv lâuk vênhv tôngv têx Hội viên txơưr sik đros cxiv tsa têx trâur nuv kinh têr muôx chêx cuk cxôngx tsưr ziv yưv pênhr zuôr tsiêx cxu uô nôngz; pheiz kênh chênhz zênhv chiê sik paz max huôv tsar kinh têr chuôz zis, gôngr đas jos lok hâur côngz xưv txu yeiz cxuôv pluôs, uô bluô nux. Khov txơưx uô trơưk tsưr ziv tu zus, niêv lâuk chuôz zis li phênhv sâu ziv hnuz ziv ngaz tul, zuôr tâu ntâu chuôz zênhx yiêz phưx vưv luz nênhx niêx hnuz, thôngx cxix tso mê nhuôs mul cơưv ntơưr cxix cxuô. Niêx shông, fênhx pheiz niêv lâuk chuôz zis sâu tâu 100-130 tsov đeiv iz shông.

Nhạc cắt

          Tsi taz txơưx uô kinh têr, niêv lâuk Mỷ tsênhv zos hội viên seiz đrơưv hâur cxuô phongz yaox chi hội, hội pox niêv xã thiêz têx phongz yaox ntơưv tiv phaz. Đros pox niêv hội viên hâur jos, niêv lâuk thâuv tưs cux truôx siêz pheiz kênh chênhz zênhv uô lox tôngv xênhz yar, cxiv tsa chuôz zis tsâu sor, fênhx zav, hlôngr yiêz, shir phaz, cxaz chuôz cxix cxuô têx huôx tôngv zos têx cấp Hội phuôx tôngv. Đros theiez têx sir jos hâur huôv tsar kinh têr chuôz zis thiêz cxaz chuôz jông phongz yaox ntơưv xã, niêv lâuk Mỷ thâuv tưs cux tâu pox nhuôs njênhs njôngr, zos đeiv iêr chi cax luk nhoz xã Hang Kia chiê cxuô lênhx nênhs cơưv shâuv uô lơưr./.

          Phênhv nôngx mênhx zuôr tsuv pâuz ciêz no tsuôk muôx xâuk li no xưz, phênhv no zos Chiz coaz Đeix nta suôz VN iz suôv faz Bắc côngv đros tsênhv qơư cxiz kôngz têz qơưk uô./.

(Txâur Vax cxeik nhênhv)