Điện Biên cux tsênhv muôx chor nênhs khơưz cuzítik trơưk chêi ntơưv Phiz Nhưx

 Nhoz đêz tsênhv qơư xã Phiz Nhưx 9 cêik cêr; ntơư zos nhoz trâu  sâuv Thax tsav trôngz jos Háng Trơưv. Thax tsav qơư khơưz cuz pov khơưz ntâu luz kror toz yênhx châuv thiêr.

          Chor nênhs khơưz cuz tsik trơưk chêi no, muôx chor lâuk, hluôk, mê nhuôv zâu hur tiz si, txơưv gas hâur kror tâuz, toz thiêz khơưz trâu têx tsas poz jêz đêi sâuv têx ntar trôngz lox sik riêz nênhs cux tsênhv six khơưz tsik tso tsês.  Zơưv Buôs Xaz x Lâux, 57 shông nhoz jos Cồ Dề, xã Phiz Nhưx hêik pâuz: “Txix shông 2015-2016, công ty tror muk tsêr tsik tuôx khơưz cuz; txix ntơư, tsôngv px gas muk khơưz cuz trâu hâur têx kror tâuz. Hâur ntu khơưz cuz ntơư, ar, poz jêz tưz poz cxuz 3 lênhx nênhs khơưz cuz trâus tuôs”

          Hâur oz shông đhâu lok no, ntơưv thax tsav qơư khơưz cuz co, txơưv riêz nênhs bâus tưs, cux muôx chôngz lênhx ntâu tus px tuôx khơưz cuz tsik trơưk chêi. Lar hêik zos hâur têx hnuz muôx ntux lok nas mak lox sik riêz nênhs thiêz uô vuôz tsuôz kiêk nênhs txos têx hâur đêx, uô trâu tsôngv px nhoz jêx thax tsav ntơư tsik muôx đêx sir zôngv hâur niêx hnuz. Zơưv Lò Văn Thưởng, nhoz jos Nà Nghịu, xã Phiz Nhưx hêik pâuz: “Cêv kuôk 2-3 hnuz, px tror yâu cuz iz jiês, hmôngr ar hmôngr suôz jêz ntưk lok trâu têx liêx blêx, uô vuôz tsuôz kiêk nênhs trâu têx hâur đêx, tsik muôx đêx hur sir zôngv”.

          Kror cuz Phiz Nhưx, tâu khơưz pov hâur shông 2006 thiêz ntơư tâu xav zos thax tsav qơư muôx ntâu cuz sâuv thax tsav tỉnh Điện Biên. Đhâu ntơư, px cux muk khơưz kro mê njik thiêz txos hnuz 23/1/2008, uỷ Ban tỉnh Điện Biên tưz tso tơưv quyết tênhv số 98/QĐ tso luk trâu công ty Mo ly den Điện Biên tuôx khơưz cuz. Taz sik, qir tiv zos ký ntơưr tsik truôx, txix kaz shông 2016 txos trâu nhiv no,  công ty hêik ntơư tưz tso tsês tsik khơưz thiêz ho muôx yưv khơưz cuz trâu sâuv trôngz jos Har Trơưv hêik sâu. Ntơư cux zos iz kro uô trâu hâu nov ntơưv qơư cxơưx, viv thax tsav qơư khơưz cuz ntơư riêz nênhs hênhr, zôngx ziv uô ar, poz jêz poz lok cxuz lênhx nênhs. Zơưv Bằng x Vưx, Bí thư huyện uỷ Điện Biên Đông, tỉnh Điện Biên hêik pâuz: “Mặt trận tổ quốc, cxuô đoanx thể tưz tsưr tsix yax kriê tsôngv px sđ pâuz lok têz qơưs têx quy tênhv. Lar hêik zos tsik uô ruôr hiêv txos lênhx nênhs li txox siê thiêz pêz sêiz car tsik chiê muôx yưv têx kror tsik jông hâur xã hội. Zos khơưz cuz kro mê njik li ntơư, pêz cux tsik zôngx ziv qênhz yuôx tâu”

          Chênhr zos li hêik ntơư, txos thâuv tưs tsôngv px sâuv thax tsav qơư ntơư thiêx tso tsês tsik khơưz cuz./.

                                                                              (Tsu cxêik nhênhv-Hữu Lợi)

PHÊNHV TSÊNHV CHEI TXO GRÊK CÊR YEIZ PLUÔS TRUÔX

Têx tsưr ziv gra pênhr nhiêx txos trâu tsôngv box heir nênhs tsơưs huôv tsar uô nox

Zơưv Nguyễn Văn Lý, Phưv Tổng Giám đốc tsêr nhiêx tsênhv chei Xã hội heik, têx luôs hâux lưv uô tâu heik sâuv đros thiêz tsôngv box heir nênhs tsơưs zos qơư chiê tsêr nhiêx tsênhv chei xã hội uô tâu jông đuô luôs hâux lưv muôz pênhr nhiêx tsênhv chei xã hội trâu tsôngv box nhoz têx thax tsav txov nhêv kêr txeik huôv tsar uô nox, cxuz cêr yeiz pluôs truôx.

Tsênhv chei nhiêx txiêx tsês trâu tsôngv box heir nênhs tsơưs hâur six hơưv zuôr txos tâu kêr txeik ntâu; tsar ndê six hơưv, hnuz nhôngs tso txeik ntêr; pênhr nhiêx chêx tsôngk tso txeik trâu uô iz cxiê hâux lưv zuôr trâus txos chiê tsôngv box muôx tsưr ziv huôv tsar uô nox, muôx pênhr hâur ntu tov kaz li: Kôngz-jôngr nuv, uô nox, uô lax luôv, zok nriêr hâux lưv uô, hlôngr yiêz luz nênhx.....

Iz chas ntơư, cux tsuv cxơưz tiês hlôngr yiêz txux chi, tsưr ziv uô nox, qơư sâu zuôr têx xiv huv uô tâu....chiê paz têx chuôz zis tsôngv box uô tâu trơưk têk, tsưr ziv xar, muôx phênhv sâu tâu.

Chính phủ tsưr ziv lok tsênhv chei txo cxuz cêr yeiz pluôs truôx hâur six hơưv zuôr txos zos "Chuôz tsar tsênhv chei tso txeik, tsar ndê têx nhiêx txeik ntâu đuô trâu tsôngv box, zuôr têx ziv chuôz zis pluôs uô qơư khov.....".

Iz chas ntơư, tsưr ziv heik co chêx tsôngk lok trâu tsiv uô ntâu têx xiv huv. Hok đros thiêz têx lênhx tsôngv box heir nênhs tsơưs muôx luz nênhx txov nhêv, têx nênhs lâuk, nênhs tsi muôx qơư khov vav, tsi muôx đas jos uô lox tôngv, trâus sêv khiz luz chêr, trâus muôx moz gênhs....mak uô ntêx tsuv muôx têx tsưr ziv li chas cov têx chuôz zis ntơư truôx tuk luz nênhx, taz por txiv ngaz xã hội li: Chính phủ muôx nhiêx paz thiêz xã hội paz mak tsi tâu uô lơưr têx tsênhv chei nhiêx txiêx tso txeik pênhr tsov cưv.

Tsêr nhiêx tsênhv chei xã hội nhiv no seiz car 18 tsaz yênhx nhiêx txiêx tsênhv chei thiêz iz cxiê dưv anr; hâur ntơư muôx 3 tsaz yênhx nhiêx txiêx tsês trâu têx chuôz zis heir nênhl tsơưs zos: Tsaz yênhx  muôz pênhr nhiêx trâu têx chuôz zis heir nênhs tsơưs muôx luz nênhx txov nhêv txeik huôv tsar uô nox ntu 2012-2015 trơưk li Thủ tướng Chính phủ Quyết tinhv số 54/2012/QĐ-TTg hnuz xiêz 4/12/2012.

Tsaz yênhx paz lok sâuv ar nhoz thiêz zok nriêr hâux lưv uô trâu tsôngv box heir nênhs tsơưs muôx luz nênhx txov nhêv, pluôs thax tsav tiêx đras niêv đêx Cửu Long ntu 2013-2015 trơưk Thủ tướng Chính phủ Quyết tinhv số 29/2013/QĐ-TTg hnuz 20/5/2013.

Tsaz yênhx paz ar nhoz, ar uô nox, đêx xênhz huôx trâu têx ziv chuôz zis tsôngv box heir nênhs tsơưs muôx luz nênhx txov nhêv thiêz chuôz zis pluôs nhoz têx xã, jêx jok txov nhêv lơưr Thủ tướng Chính phủ Quyết tinhv số 755/QĐ-TTg hnuz 20/5/2013.

Taz sik, txos tas shông 2016, 3 tsaz yênhx nhiêx txiêx heik sâuv tưz tas hax thiêz tâu tsêr nhiêx tsênhv chei xã hội seiz car, sox seiz trơưk cui tinhv. Hâur six hơưv zuôr txos, Thủ tướng Chính phủ Quyết tinhv số 2085/QĐ-TTg zuôr tâu fuô uô chiê paz tsôngv box heir nênhs tsơưs muôx ar uô nox lok sik hlôngr yiêz nuv uô ntu 2017-2020.

Iz chas ntơư, tsênhv muôx tsaz yênhx tso txeik pênhr lơưr Chính phủ Nghị định số 75/2015/NĐ-CP hnuz xiêz 9/9/2015 lok sâuv cui tinhv, tsênhv chei por hưv thiêz huôv tsar jôngr, reik đros tsênhv chei cxuz cêr yeiz pluôs sei, truôx vênhk thiêz paz tsôngv tsôngv box heir nênhs tsơưs ntu 2015-2020.

Tsaz yênhx no nhiv kruôr tâu Chính phủ choz pênhr thiêz tsêr nhiêx tsênhv chei xã hội tưz zênhx max phênhz thiêz pheiz trâu cxuô thax tsav chiê fuô uô luôs hâux lưv tso txeik pênhr nhiêx trơưk cui tinhv. Txos nhiv no, xav hur si têx nhiêx tso txeik lơưr tsaz yênhx heik co tưz xar nto 8 tỷ đeiv, muôx 213 chuôz zis kir txeik./.

(Thanh Thủy-Riê Lâux cxeik, nhênhv)