Heir nênhs Cống Khao li phôngz cxưx tsiêz poz cưk

Tsiêz poz cưk tâu tsưr tsix đhâu thâuv tsôngv box Cống Khao sđ tưz sâu tas têx kôngz. Trơưk li hêir nênhs Cống njuôk xav, tsiêz tâu tsưr tsix lok hâur kaz hli 5, hli 6 zênhz lix niêx  shông, thâuv chiv poz cưk qir zuôr jông ntêik sâu. Chiê tok tsiêz poz cưk, heir nênhs Cống Khao tsuv bax uô ntêx iz đraz shông tsês li: Tu zus buô, keiz thiêz chos poz cưk  chiê nox tsiêz. Thâuv no, têx lâul hluôk, hloz zâu....hâur chuôz zis jâuv uô cê sik thav, phênhz têx hâux lưv bax trâu chuôz zis ntênhs tsiêz chiê uô tâu trơưk tsưr ziv, siêz xar. Uô ntêx hnuz zuôr tsưr tsix nox tsiêz, cxuô ziv chuôz zis hêir nênhs Cống shir phaz lus bax têx zuôr trâus txos hâur 3-4 hnuz chiê nox tsiêz. Thiêz cxuô chuôz zis tsôngv box hâur jok lênhx tưs cux puôr lênhx bax cxuô zav tok hnuz tsiêz trâu zuk chuôz zis. Niêv lâuk Chu Thị Lai, nhoz jok Nậm Khao, xã Nậm Khao, huyện Mường Tè, tỉnh Lai Châu  heik pâuz, iz zav jâuz mor, shaz ntơưr muôz tso trâu sâuv thax txi côngv pox côngz zơưv côngz hâur hnuz tsiêz zov chênhr no zos chor nênhs hâur chuôz zis bax uô tâu, chiê muôz trâu têx lâuk, heik chor lâuk pâuz lok têx hâux lưv tưz uô tâu hâur shông thiêz uô tsâus txos pox côngz zơưv côngz tưz paz por hưv trâu têx tuz nhuôs nox nhoz uô nênhx yar ntux đris, tsi muôx moz gênhs, uô tâu nox tâu hâuk, tu tsiêx tu cxur trơưk têl, uô kôngz lôngk sâu tâu nju:

“Hâur nênhs Cống tsiêz poz cưk, cxuô lênhx hâur chuôz zis tưz phênhz côngz sik đros muk txiêr tơưk, lor njuôs, đê ndêz, đê jâuz, ntêik poz cưk lol uô nduôr, muk cxov njêl, trâuz trik chiê bax trâu ntênhs tsiêz. Iz lênhx uô iz zav hâux lưv”.

Cux seiz lok chuôz zis ntơư luz nênhx muôx lok sik txov nhêv, tsôngv box trôngx jâuz mor txi côngv pox côngz zơưv côngz hâur hnuz tsiêz poz cưk co, têx jiês muôx ntâu zav lok sik tsơưs. Taz sik hêir nênhs Cống Khao têx zav jâuz mor, shaz ntơưr thâuv tưs tưz tsuv muôx chiê txi pos zơưs, ntơư zos têx zav nox tâu muôz poz cưk uô li: Nduôr poz cưk, mor poz cưk, poz cưk hâu thiêz têx jâuz kuk...chiê txi pox côngz zơưv côngz thiêz têx lâuk tưz tâu tas siv nênhx, thor cov lơưr paz đros por hưv têx tuz nhuôs uô tâu nox tâu hâuk, tsi muôx moz gênhs. Nduôr poz cưk zos muôz têx poz cưk blâuv mok jov uô shơư trâu jiz mur. Đhâu ntơư, muôz blôngx njê krưr, chox muk chuz cov siêr, mav xeir 4 luz nduôr khênhx thiêz jông gâux đuô hur si pir txưr li 4 chiv cheix hâur shông gra muk txi pos zơưs. Mor poz cưk zos muôz têx poz cưk mol lêis đo shơư cxur blâuv thiêz cux tâu muôz krưr trâu hâur têx blôngx njê yênhx têx poz lox gra muk chuz hâur tsu, thâuv chor mor siêr mak lok six tsư ha thiêz nox kaz cơưk. Co zos zav nox thâuv nzor tâu muôz poz cưk mol uô đhâu thâuv sâu kôngz viv li têx no cux zos heik lok tsôngv box cêr uô tsâus ntâu txos pox côngz zơưv côngz tưz đros paz por hưv trâu têx tuz nhuôs uô tâu nox tâu hnar. Iz chas ntơư, nênhs Cống Khao cux tsênhv muôx grêix buô, zos tâuz hâu, co tư, têk tơư; siêz, plaz hnhur buô chiê txi pos zơưs; iz chas têx no tsênhv muôx grêix keiz, mor poz cưk, ndêz kuk, chơưr poz cưk....thiêz. Lar heik thâuv tưs tưz zuôr tsuv muôx 12 tuk trâuz trik poz jêz pir iz zav 12 luz hlik hâur shông. Tsôngv box Cống Khao lơưr xar tiêk, trâuz trik zos têx zav tsiêx por hưv trâu tsôngv box sđ têx kôngz lôngk. Thâuv têx njiêr cưk tâu chos trâu hâur ar, tuôx câuk, nak, nôngk tuôx nox uô ruôr hiêv, trâuz trik zuôr zôngv chiêx lơưr têx nak, nôngk ntơư khiêr tsi nox uô hiêv têx kôngz. Đhâu thâuv muk ntêl cxov caz trâuz trik lok, tsôngv box muôz nzuôr hur, lor têx têk tơư, câuk têx uz no hâur plaz lok tas, lơưr muôz hmôngr cưk tso njơưk trâu, kho cov jông li kuz, gra muk chuz siêr, đhâu co mav muôz tso trâu sâuv trôngx đros têx jâuz mor txơưr đuô txi pos zơưs. Trơưk li tsôngv box Cống Khao, iz zav jâuz mor li heik sâuv txi pos zơưs tsuv tâu uô cov siêr, tsi tâu muôz têx jâuz nhôngk lol txi. Niêv lâuk Chang Thị Lam nhoz jok Nậm Khao heik pâuz nzir:

“Đhâu iz shông sir jos khưr uô nox uô hâuk, mak sâu têx poz cưk tas, pêz heir nênhs tsưr tsix nox tsiêz poz cưk. Phôngv côngz đas jos trâu chuôz zis thiêz shir phaz iz shông uô  têx poz cưk sâu tâu nju. Txix thâuv ntêx txos nhiv no, thâuv hnuz xiêz 1/6 hli ntux, cxuô lênhx sđ hâur chuôz zis puôr lênhx sơưr nzor muk đrav đêx đa đêx, nzuôr hur si iz chêr chiê têx tsi jông, moz gênhs đros shông lâuk  mul, thor cov shông yiêz sđ nox nhoz luôs nxi, tsi muôx moz gênhs, uô tâu nox tâu hnar. Đhâu co lâul hluôk, hloz zâu, pox niêv txir nênhx hâur jok siz zâuv tuôx uô cê trâu ntơưv tsêr vênhx huôv hâur jok chiê nthuôr uô cêr lov jêv, tok shông yiêz”.

Nênhs Cống Khao nhoz huyện Mường Tè, tỉnh Lai Châu tsiêz poz cưk hâur têx shông jê lok no tâu ntâu lênhx tsôngv kruô pâuz txos thiêz đros nox tsiêz. Hâur têx ntênhs hội tâu tsưr tsix nhoz huyện Mường Tè, tỉnh Lai Châu, tsiêz poz cưk tâu cxiv uô đuô, uô trâu tsôngv kruô sđ lok six nhiêv, đros cxaz chuôz uô têx cêr lov jêv, đros hâuk đros nox siv tsôngv box têx zav nox kaz. Tix lâus Tống Văn Kem, phưv Phongx vênhx huôv thôngz xor xa mông huyện Mường Tè heik:

“Tsôngv box Cống tsiêz poz cưk zos lơưr luz tsiêz chênhr, viv li lok six muôx liv trâu hur si côngv thôngx nênhs Cống Khao. Hâur ntênhs tsiêz no tsênhv tsưr tsix uô ntâu zav txux chi vênhx huôv lok six jông. Đros thiêz ngênhx vênhx huôv zos por hưv thiêz tuôr chiê têx txux chi jông co”.

Tsôngv box Cống Khao li tsiêz poz cưk zos six hơưv chiê tsôngv box uô tsâus txos têx đaz xênhz têz xênhz qơư, car đêx car ar, pox côngz zơưv côngz tưz đros paz por hưv trâu sđ uô tâu nox tâu hnar. Tsiêz poz cưk muôx đros đreiv trâu côngv thôngx cêr nênhx xênhz huôx, muôx cêr thôngx siêz, siz hluz siz paz, sik đros huôv tsar cov sđ muôx luz nênhx jông./.

(Chẻo Thu-Riê Lâux cxeik, nhênhv)

Sâu jênhv txix Liên hoan hu gâux thôngz têz qơưk jiês tiv 1 shông 2018

Kror zôngx ziv pov ntâu ntơưv Liên hoan hu gâux thôngz têz qơưk (jiês 1) shông no txơưv zos chor tỉnh tox siêz faz Bắc thiêz tiêx đras Bắc bộ muôx ntâu kror siz thôngx lok vênhx huôv, huôv tsar kinh tế; taz sik ho muôx ntâu zav hâur têx zav chiê cxaz chuôz liên hoan, txix hu gâux, ntâuk trax hêir nênhs tsơưs txos trâu đhiê pax vuôs, uô vênhx nghệ chôngz nênhs…hêik tơưv tâu yênhx hêir nênhs, thax tsav li têx vênhx huôv jông cxôngx nzor. Nghệ sỹ ưu tú Tạ Minh Tâm, phưv Giám đốc nhạc viện TP. Hồ Chí Minh, thành viên hội đôngx nghệ thuật Liên hoan, hêik:

“Muôx têx kror yiêz jông đuô thiêz cơưv shâuv cux uô jông uô. Lơưr cur mak kror co lok six jông. Lênhx tov têx tiv phaz cux yưv pênhr paz đros chor nghệ sỹ chor đoanx nghệ thuật faz Bắc li sir jos”.

Zos taz viv tsưr tsêr, Đoanx nghệ thuật Cao Bằng tưz kriz uô tsaz yênhx đros muôx 14 zav hu gâux, đhiê pax vuôs tâu bax jông, hêik tơưv tâu têx vênhx huôv nhoz Cao Bằng, Đoanx Nghệ thuật Lào Cai chox tuôx trâu nênhs sêiz têx kror li hêir nênhs Hmôngz ntênhk hôiv guôv tox, hêir nênhs Tày li ntênhk hôiv lồng tồng…Hâur 12 đoanx cxaz chuôz liên hoan jiês no, chor đoanx Sơn La, Điện Biên thiêz Lào Cai tâu hội đôngx nghệ thuật ntâuk gri siêz đros muôx têx zav cxaz chuôz jông, txơưx xar toưv thiêz hêik tơưv tâu vênhx huôv cxuô hêir nênhs. Nghệ sỹ Ưu tú Phạm Hồng Thu, trưởng đoanx nghệ thuật Sơn La puz pâuz:

“Dự liên hoan mak taz viv cux tsuv sir jos xar tơưv. Iz luz tỉnh tox siêz faz Bắc nhiêk muôx nhiêk iz tuk đêx ntưk lok đhâu txơưv chor đêx co nhiêk muôx nhiêk tsiv gri sik txơưr. Đros Sơn La mak tuk đêx đas muôx lok six ntâu tsiv gri. Tuôx trâu liên hoan jiês no, đoanx Sơn La hêik txos tuk đêx đas zos hêik tơưv lênhx nênhs luz nênhx”.

Liên hoan hu gâux đhiê pax vuôs thôngz têz qơưk shông 2018 (jiês 1) tưz suôv câuv, Ban tsưr tsix khơưk muôz 2 huy chương cuz, pêz huy chương nhiêx trâu chor tsaz yênhx nghệ thuật jông; thôngx cxix khơưk muôz 22 huy chương cuz, 34 huy chương nhiêx trâu chor zav hu gâux đhiê paz vuôs cxaz chuôz jông. Taz sik đuô hur, Liên hoan hu gâux đhiê pax vuôs thôngz têz qơưk 2018 (jiês 1) zos jiês chiêr chor đoanx nghệ thuật sik njiz, sik cơưv shâuv chênhz zênhv, hêik pâuz têx vênhx huôv jông nhoz yênhx tiv phaz, paz cxiv tsa thiêz huôv tsar nghệ thuật hêik taz thiêz côngz xưv vênhx huôv, thể thao, du lịch hêik cxuô, tax tâu sơưr đơưk li zoz qơưx sêiz mnôngs thiêz nriêr pâuz lok vênhx huôv cxuô hêir nênhs./.

(TTĐB-Lik Thox cxêik nhênhv)