Tox siêz Yên Bái phax tir thêir đêx nas cuôr yôngz, tox xưz poz

Ntơưv chor xã thax tsav tox siêz Yên Bái, phênhv ntâu têx jok nhoz trâu têx ntar trôngz siêz thiêz nxaz. Iz chas tox trôngz hâur pêk nxaz, cưx đês cưx ha toz đros trâu muôx ntâu têx đêx mê ntưk, viv li zôngx ziv trâul đêx nas cuôr yôngz, tox xưz poz thâuv muôx têx coz nas lox.

Iz chas luôs hâux lưv tso lênhx nênhs thiêz têx yêz, chuôz zênhx uz no bax phax tar ntux uô hiêv, iz hâur têx tsưr ziv tâu hâu nov cxuô thax tsav qơư moz siêz txos zos yax mông, kriê px bax tsưr ziv phax txar jav đêx nas lox. Têx li heik co tâu uô tsi so, lar heik zos uô ntêx thâuv njuôk xav zuôr muôx ntux nas lox lok ntơư. Zơưv Xưv Xênhv Lik, Phưv chủ tịch Ủy ban xã Nậm Khắt, huyện Mù Cang Chải heik pâuz: “Hâur cheix ntux nas, xã tưz tso lênhx nênhs lês uô hâux lưv phax tar ntux uô hiêv thiêz zok nriêr chơưv paz lênhx nênhs, fuô kriê têx tsưr ziv txos trâu hur si cxuô jêx jok. Thâuv huyện muôx ntơưr chox kriê lok phax tar têx tsi jông li heik sâuv mak xã zuôr chox kriê têx jok cxiv kho, cxênhv têx vax tsêr cov khor truôx cux li yax kriê lok hâux lưv phax tar ntux uô hiêv, zok nriêr chơưv paz lênhx nênhs”.

Nhiv no chor nênhs lês uô hâux lưv phax tar ntux uô hiêv nhoz Yên Bái tâu qênhz shuôs jông txix cấp tỉnh, cấp huyện txos trâu têx xã, jêx jok. Lênhx nênhs thiêz chuôz zênhx, yêz uz no cux tâu cxaz nzir hâur niêx shông chiê phax tir thêir tâu zênhx max têx tsi jông muôx têx yưv siv. Zơưv Phạm Hồng Sơn, Phưv Tsar Phongx kinh tế têx côngz trênhx thị xã Nghĩa Lộ heik pâuz: Txơưv tiêk thị xã nhiv kruôr lênhk nhav huyện Văn Chấn 7 xã lok đros uô cê, taz sik txos nhiv no cux tưz qênhz shuôs, uô jông têx hâux lưv lok phax tar ntux uô hiêv thiêz zok nriêr chơưv paz lênhx nênhs, taz por fuô uô cxix cxuô têx tsưr ziv phax tir thêir trơưk li tsưr ziv kriê: “Thị xã cux iz zav li ban seiz car phax tar ntux uô hiêv thiêz zok nriêr chơưv paz lênhx nênhs thị xã tưz sir jos uô têx hâux lưv zov chênhr li: Qênhz shuôs, cxaz nzir, kuôk cêv têx suôv qơư, thax tsav zôngx ziv trâul đêx nas cuôr yôngz, tox xưz poz; qênhz shuôs, qênhz yuôx, heik tỉnh paz max, cxiv kho têx côngz trênhx phax tar ntux uô hiêv chiê truôx tuk. Iz chas co, thị xã cux chox kriê cxuô cơ quan lês car uô đreiv têx hâux lưv ntơư đros chor nênhs yưv pênhr uô, têx taz viv cxiv uô côngz trênhx hâur thax tsav sir jos uô cov tiêr têx côngz trênhx, hâux lưv, muôx tsưr ziv taz por truôx tuk hâur cheix ntux nas chuô. Đros thiêz têx côngz trênhx đêx liv, tsuv bax tsưr ziv taz por truôx tuk trâu côngz trênhx thiêz tsôngv px nhoz thax tsav kaz đês”.

Shông 2019, tas nro tỉnh Yên Bái muôx 15 coz nas chuô lox, uô 6 lênhx nênhs trâul tuôs, 5 lênhx trâul saz; uô puôk tsuôx 2.200 ntâu luz tsêr, uô ruôr hiêv tas 900 ntâu ha têx kôngz lôngk, jôngr ntông; zuôr xar 9.200 tus tsiêx trâul tuôs; 19 côngz trênhx côngz côngv thiêz zuôr xar 90 côngz trênhx đêx liv trâul puôk tsi jông tas.... Njuôk xav têx trâul uô hiêv ntơư tas nhos 39 tyv đeiv. Txix shông 2020 txos nhiv no, hâur thax tsav qơư cux muôx ntâu coz nas chuô, lok lơưs uô 6 lênhx nênhs trâul saz; puôk tsuôx tas yênhx cxênhz luz tsêr; uô ruôr hiêv tsi jông tas yênhx puô ha kôngz lôngk....

Txix ntux têx txơưr txar ziv hnuz ziv phiv liv, tỉnh Yên Bái tưz sir jos fuô kriê têx faz tsưr ziv phax tir thêir li: Sđ tsi tâu tso siêz, thâuv tưs tưz chênhr phax njôngr. Zơưv Nguyễn Nggọc Xuân, Phưv Giám đốc Sở Kôngz nuv thiêz huôv tsar tox siêz tỉnh Yên Bái heik pâuz: “Pêz tưz heik cxuô taz viv thiêz ntơưv qơư cxiv uô têx tsưr ziv tsênhv tsênhz chiê thâuv tưs muôx ntux nas chuô lox lok sik tox xưz poz, đêx nas ngaz mak phax tir thêir tâu sei. Tiv 2 zos hâux lưv xa mông, heik trâu px sđ pâuz tsuv uô zênhx max chiê px sđ txar jav tâu têx tsi jông”.

Nhiv no tsôngv px thax tsav tox siêz Yên Bái têx tsưr ziv lok phax tar ntux uô hiêv ziv hnuz ziv uô tâu truôx. No cux zos iz hâur têx luôs hâux lưv jông paz txo grêk tsơưs têx tsi jông tiv đêx nas ngaz, cuôr yôngz, tox xưz uô ruôr hiêv thâuv txos cheix ntux nas chuô./.

(Tuấn Xuân-Riê Lâux cxeik, nhênhv)

Bí thư chi đoàn nênhs Hmôngz huôv tsar uô nox cxôngx hâux lưv chos ciêv fix

Chox lul: Tsôngv ...yuô! Phongz yaox Hluôk nênhs huôv tsar cêr uô nox sâuv thax tsav huyện Bảo Yên, tỉnh Lào Cai ziv hnuz ziv pov krêz uô đêz đar thiêz tax tâu têx chêx cuk qir thơưx. Lý Chiến Sách, Bí thư Chi đoàn jos Tổng Kim, xã Vĩnh Yên zos iz hâur têx lênhx hluôk nênhs tsôngv box mênhx cxưx tsơưs nênhs jông truôx siêz hla đhâu cêr phêv liv, huôv tsar uô nox yênhx côngz.

(Hlôngr suôz)

          Xênhz shông 1990 hâur iz chuôz zis nôngx mênhx pluôs mênhx cxưx Hmôngz nhoz jos Tổng Kim, xã Vĩnh Yên, cxôngx thâuv tsênhv zâu Lý Chiến Sách zos iz lênhx shux xênhz sei đrơưv, gruôs cơưv ntơưr. Cơưv tiêr cxênhx 3 Sách thik tâu muk cơưv tsêr cơưv Đại học vênhx huôv Hà Nội, shông 2015 cơưv tiêr tuôv shux. Zos iz lênhx nênhs sei đrơưv, gruôs cơưv ntơưr, thâuv tsênhv qơư tuôv shux Sách tâu muk ntâu qơư ndis shuôk têx trâur nuv huôv tsar uô nox uô hâuk. Sách tsov cưv tiv zix txos tsoz ciêv fix viv tsoz chos no cê chos tâu pêv tox trôngz por vêv jôngr ntông, tênhx qơư cê chox lok chêx cuk kinh têr siêz đuô pir đros têx tsoz chos txơưr. Thâuv tơưv shux Lý Chiến Sách tưz cuiz tênhv cxiv kho chuôz thênhx, truôx siêz huôv tsar cêr uô nox uô hâuk ciês sâuv zuk têz qơưk cxôngx chos ciêv fix.

Nhạc cắt

Chiêx muôx tâu zuôr xar 10 hecta ciêv fix li nhiv no, qir thơưx Sách 2 niêv txir cux tsi tâu lênhx nênhs hâur chuôz zis thiêz tsôngv box thôngx ziv, tiv zix zos nênhs hloz viv xar tiêk tsoz ciêv fix tsi huv đros thiêz ar têz, qiv hơưv cux xưk li tsôngv box Hmôngz li cêr cor cav uô kôngz nuv. 2 niêv tsir cux truôx siêz uô, vênhv tôngv tsôngv box sik đros uô. Chênhr viv li, đhâu 6 shông, Sách 2 niêv txir tưz chos tâu zuôr xar 10 hecta ciêv fix, tas nro puôr lênhx huôv jông, khav tênhv tâu tsưr ziv uô nox huv đros ar têz nhoz jêx jos.

          Hâur 2 shôngk qir thơưx chos ciêv fix chuôz zis chos cxaz poz cưk, kok ntông cê muôx cxaz phênhv sâu cê tsi zuôr nthuô đrox. Txos nhiv no txơưv tsi tâu tâu sâu tas nro, taz sik ciêv fix cux chos lol phênhv sâu trâu Sách chuôz zis cxôngx 60-80 tsov đeiv iz shông. Đros pưs txux zos iz lênhx Bí thư Chi đoàn Sách yax six yax mông, heik kriê hluôk nênhs hâur jos sik đros huôv tsar kinh têr. Tsi taz hâur têx jiês xênhz huôx đoanx mak Sách tsênhv tsưr tsix trâu đoàn viên muk ndis shuôk iz cxiê trâur nuv chos ciêv fix thiêz muk yênhx ziv chuôz zis đoàn viên vênhv tôngv, paz heik kriê tsưr ziv chos, tsoz phưz ciêv fix. Cơưv sâhuv uô lơưr Lý Chiến Sách 2 niêv txir li tsưr ziv uô, nhiv no lok six ntâu hluôk nênhs thiêz têx ziv chuôz zis hâur jos cxaz chuôz chos ciêv fix.

Nhạc cắt

          Sir jos uô bluô nux trâu zuk thiêz sei đrơưv hâur côngz xưv đoanx, Lý Chiến Sách tâu đoàn viên, hluôk nênhs njênhs njôngr, tâu pox nhuôs hâur jos cơưv shâuv uô lơưr, tâu Ban chấp hành đoàn xã Vĩnh Yên sâu jênhv zos lênhx nênhs jông hâur phongz yaox hluôk nênhs huôv tsar cêr uô nox, gôngr phênhv cxơưz tiês phongz yaox tưr thik hluôk nênhs sik côngv siêz paz max cxuôv yeiz thiv pluôs, huôv tsar kinh têr tiv phaz./.

Chox luk: Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

(Lầu Chia- Txâur Vax cxeik nhênhv)