Lạng Sơn: Chiê cưr cxiêx Then tâu kriê hâur têx tsêr cơưv

Triệu Tuấn Minh (shux xênhz cơưv lớp 7 tsêr cơưv mênhx cxưx cxênhx oz huyện Văn Quan) li luz tsêr thâuv tưs cux hnor suôz trax tính đror đros têx suôz heik cưr cxiêx Then. Đrâuv six hơưv tsês chiê cơưv têx môn cơưv thiêz tsi so tax shux xênhz cơưv txơưx, Tuấn Minh lok six nhiêv ntâus trax tính thiêz heik cưr cxiêx Then trâur lâus. Tuấn Minh puz pâuz, tiv moz huôv xênhz, muk cơưv shâuv tsi tâu ntơưv lớp cơưv đros têx cưk kriê thiêz fôngx zưs, viv li thiêx nhoz tsêr shâuv:

          “Cur qir shâuv trax tính txix hâur shôngk shông 2020, cur pov lok six shir phaz thâuv tâu cơưv shâuv zuk mênhx cxưx li têx cưr cxiêx trâur lâus. Tsi taz cur xưz mak ntâu lênhx fôngx zưs txơưr cux puôr lênhx lok six nhiêv shâuv. Cưk kriê heik têx nghệ nhân txơưx lok trax tính thiêz cưr cxiêx then tuôx kriê trâu pêz. Têx jax cưr cxiêx Then pêz shâuv lok six jông, muôx têx jax heik lok phax tar zax zênhz, muôx têx jax kruôk txos zuk têz qơưk, muôx têx jax ho heik lok txos niêv txir...Thâuv ntâus trax tính, cur pov lok six txưv haox viv gôngr phênhv tuôr tsês mênhx cxưx li vênhx huôv jông”.

          Tsêr cơưv THCS mênhx cxưx nội trú huyện Văn Quan li CLB heik cưr cxiêx then nhiv no muôx zuôr xar 100 lênhx shux xênhz cxaz chuôz. Têx shôngk tov ntêx, thâuv tsênhv uô côngz xưv hâur tsêr cơuv THPT Lương Văn Tri, iz tsêr cơưv THPT muôx txos 90% ntâu shux xênhz zos nênhs mênhx cxưx Tày, Nùng taz sik hâur têx jiês xênhz huôx tập thể mak tsi heik cưr cxiêx trâur lâus. Cưk kriê Phùng Văn Thời xar, “Tsuv uô li chas chiê shux xênhz pâuz thiêz nhiêv heik cưr cxiêx then, ntâus trax tính?”.

          Cxôngx hâux lưv nriêr pâuz, shâuv cxaz têx jax cưr cxiêx then, trax tính....cưk kriê Phùng Văn Thời thiêz têx cưk kriê txơưr hâur tsêr cơưv truôx siêz kriê iz cxiê jax cưr cxiêx then hâur Đoàn tsêr cơưv li tsaz yênhx nta suôz; yax mông, cxơưz cxiz shux xênhz, cưk kriê nriêr pâuz thiêz cxaz chuôz heik cưr cxiêx then, hu têx lênhx nênhs txơưx heik cưr cxiêx, ntâus trax tinhd tuôx kriê trâu shux xênhz đrâuv six hơưv cơưv ntơưr...Txos nhiv no, têx jax cưr cxiêx then, trax tính tưz tâu têx shux xênhz txơưx heik, txơưx ntâus hâur têx hnuz tsưr tsix vênhx ziv krêz shông cơưv yiêz, hnuz ntênhs lok sik thik vênhx ziv. Cưk kriê Phùng Văn Thời, Phưv Hiệu trưởng tsêr cơưv PT mênhx cxưx nội trú THCS huyện Văn Quan puz pâuz:

          “Têx shux xênhz jênhv pâuz sei, shâuv 2,3 chuôv txơưv txơưx. Muôx nhos 10 chuôv tưz txơưx heik cưr cxiêx thiêz ntâus trax tính. Têx thâuv so uô si, shux xênhz chiv chir gra trax tính lok shâuv tsi zuôr lênhx tưs heik. Tov kaz no thâuv shux xênhz uô côngz xưv nhoz ntâu tiv phaz lơưr cux zuôr zos têx lênhx nênhs paz tuôr tsês, phuôx huiz jông tsiv grê vênhx huôv jông no. Cur xar tiêk kriê heik cưr cxiêx then, ntâus trax tính trâu shux xênhz zos iz tsưr ziv jông chiê gôngr phênhv tuôr tsês thiêz phuôx huiz tsiv grê vênhx huôv trâur lâus heik cxuô cux xưk li tsưr ziv heik cưr cxiêx then heik taz”.

          Hâux lưv yênhx lix CLB cưr cxiêx then trax tính nhoz côngv thôngx thiêz hâur têx tsêr cơưv tưz gôngr phênhv tsênhv tsênhz tuôr tsês, phuôx huiz di sản vênhx huôv mênhx cxưx. Pos Trần Thị Hải Yến, Tsar phongx zaoz zux yax six, Zaoz zux chuyên nghiệp, Sở zaoz zux thiêz thox cxov tỉnh Lạng Sơn puz pâuz:

          “Hâux lưv tsưr tsix têx CLB heik cưr cxiêx then hâur têx tsêr cơưv zos chiê shux xênhz pâuz thiêz txưv haox đuô lok zuk mênhx cxưx li tsiv grê vênhx huôv jông. Ntu zuôr txos, Sở zaoz zux thiêz thox cxov tỉnh Lạng Sơn tror heik têx tsêr cơưv tsưr tsix têx CLB vênhx ziv, hâur co muôx têx CLB cưr cxiêx then, trax tính. Pêz zuôr sir jos sik côngv đros têx tsêr cơưv, têx tsưr tsix, lênhx nênhs chiê paz shux xênhz lok chuôz lov thiêz cxuô zav chiê cơưv shâuv. Thôngx cxix tsưr tsix têx ntênhs thik vênhx ziv đhâu co paz shux xênhz tâu sik njiz, sik đros cơưv shâuv, gôngr phênhv uô jông côngz xưv zaoz zux đrâuv six hơưv muk cơưv ntơưr”.

          Triệu Thủy Tiên- sêiz car qơư cơưv shâuv trax tính thiêz cưr cxiêx trâur lâuk tỉnh Lạng Sơn xar li no, hâux lưv yênhx lix têx qơư heik cưr cxiêx then- ntâus trax tính nhoz côngv thôngx thiêz hâur têx tsêr cơưv zos iz huôx tôngv tsênhv tsênhz tso pov vênhx huôv jông no zuôr tâu cxênhx hluôk nênhs tov kaz, phuôx huiz, tuôr tsês  truôx jông, mênhx cxưx li tsiv grê hêik cưr cxiêx Then chax chês./.

(VOVĐB- Txâur Vax cxeik nhênhv)

Bàn Văn Đức zos iz lênhx tuôr tâu truôx hêir nênhs Cho têx txux chi, cêr uô nênhx jông

          Zơưv Bàn Văn Đức nhoz huyện Vân Hồ, tỉnh Sơn La, zos iz lênhx cơưv shâuv khơưk tsês tâu hêir nênhs Cho têx ntâuz ntơưr, txux chi, cêr uô nênhx jông cxôngx nzor. Xênhz zus shông 1968, taz sik txos trâu nhiv no, zơưv Đức tưz zok nriêr thiêz khơưk tsês chiê tâu muôx zuôr xar 30 fâu ntơưr, sâu cxix cxuô hêir nênhs Cho li bê ntơưr, iz cxiê fâu tưz sâu đhâu muôx yênhx puô shông. Zơưv Đức cux hêik pâuz tiêk: Hêir nênhs Cho chor ntơưr co, muôx njiêz luk hêik kriê têx tuz nxêik cxiv tsa cêr uô nênhx jông, hêik lok hêir nênhs Cho chax chêk, cêr đaz cêr kruô, hêik lok hêir nênhs Cho têx txux chi, cêr nênhx, vênhx huôv jông cxôngx nzor.

          Taz sik, chor pâuz nhênhv zuk hêir nênhs têx bê ntơưr co tsênhv tsơưs, chênhr zos li hêik ntơư hâur 20 ntâu shông đhâu lok, txơưv shông tưs zơưv Đức cux kriz 2-3 lớp kriê cơưv, iz lớp muôx 30-80 lênhx tuôx cơưv hêir nênhs Cho têx ntơưr tsik tas thêv nhiêx kriê.

          Băng: “Cur xar njôngr cov pêz hêir nênhs Cho muôx chôngz lênhx ntâu tus pâuz nhênhv tâu zuk hêir nênhs têx ntơưr sâu thiêz tsuv pâuz hêik zuk hêir nênhs li luk, pâuz hêik zuk hêir nênhs têx suôz sênhr cưr cxiêx, pâuz tâu zuk hêir nênhs Cho li chax chêk cxôngx nzor. Chênhr zos li hêik ntơư, hâur 20 shông đhâu lok, cur tưz kriz tâu ntâu lớp kriê côngv thôngx hêir nênhs Cho pâuz txos zuk hêir nênhs li bê ntơưr cxôngx nzor”

          Zos iz lênhx truôx siêz cơưv shâuv thiêz khơưk tsês chiê zuk hêir nênhs têx txux chi, vênhx huôv jông cxôngx nzor thiêz xav txos trâu nhiv no, zơưv Đức tưz nhênhv tâu hêir nênhs Cho 63 zav suôz sênhr hêik cưr cxiêx, hêik cxix cxuô lok huôv tsar cêr uô nênhx nox nhoz muk lok hâur niêx hnuz. Zơưv Tặng Quốc Khánh, nhoz xã Tân Lập, huyện Mộc Châu, tỉnh Sơn La shir phaz lul hêik:

          Băng: “Zơưv Đức zos iz lênhx sir tas đas jos tsưr ziv zok nriêr thiêz khơưk tsês tâu hêir nênhs Cho têx txux chi, vênhx huôv jông cxôngx nzor. Hâur ntu đhâu cur tưz cơưv zơưv Đức lớp kriê cơưv hêik cưr cxiêx siz lưr, muôx 40 lênhx cơưv, tsuôk zos cơưv trâu thâuv hmo ntux hnuz thưr 7 thiêz ntơư zos iz luôs hâux lưv jông khơưk tsês zuk hêir nênhs têx txux chi, vênhx huôv jông cxôngx nzor tsik chiê pôngz plox”.

          Txix têx luôs hâux lưv uô tâu jông hêik sâu, shông 2012 tsênhv qơư huôv tsar truôx, viv cxuô hêir nênhs nhoz thax tsav tox siêz li têx txux chi, vênhx huôv jông, nhoz saz hiệp Hội khoa học kỹ thuật VN tâu cxiv tsa thiêz muôx hêir nênhs Cho nhoz 7 tỉnh li: Nghệ An, Sơn La, Hoà Bình, Yên Bái, Bắc Giang, Thanh Hoá, Quảng Ninh. Tsênhv qơư no tâu choz zok hauax lưv paz kriê hêir nênhs Cho li ntơưr sâu thiêz zơưv Đức tâu xêir tsov uô uỷ viên tsênhv qơư thiêz zos tus cxêik cxuô zav bê ntơưr chox lok sâu uô hêir nênhs Cho li bê  ntơưr. Zơưv Đức shir phaz lul hêik pâuz nzir:

          Băng: “Cur tsênhv zuôr tror sir jos kriê zuk hêir nênhs li bê ntơưr sâu trâu cxuô lênhx sđ zos hêir nênhs Cho, zos lênhx nênhs tưs xar cơưv sênhr suôz hêik hêir nênhs Cho têx cưr cxiêx. Lar hêik zos tâu hâu nov thênhv siêz paz max txos luôs hâux lưv kriê cơưv hêir nênhs Cho li têx ntơưr sâu”

          Zơưv Lường Văn Hùng, Bí thư đảng uỷ xã Vân Hồ, huyện Vân Hồ, tỉnh Sơn La hêik pâuz nzir tiêk: Nhiv no, hêir nênhs Cho hâur thax tsav xã cux tsênhv tuôr tâu truôx hêir nênhs Cho têx txux chi, vênhx huôv jông cxôngx nzor tsênhv muôx đros đrêiv hâur luz nênhx.

          Băng: “Zơưv Bàn Văn Đức zos iz lênhx pâuz thôngz hêir nênhs Cho chax chêk, cêr đaz cêr kruô đros trâu hêir nênhs Cho têx luk heik, txux chi, vênhx huôv jông cxôngx nzor; lar hêik zos tsik chiê zuk hêir nênhs têx ntơưr sâu, lo luk hêik trâus pôngz plox”

          Đọc nền……..

          Chênhr zos huôv tsar thiêz zok nriêr, khơưk tsês tâu hêir nênhs Cho têx txux chi, vênhx huôv jông cxôngx nzor,  zơưv Bàn Văn Đức tưz tâu chủ tịch têz qơưs muôz ntơưr kruôk./.

                                                            Tsu cxêik nhênhv-Chẻo Thu