Jax sâu hnuz 14/9/2015:

Phiv liv txix chor qơư trâu têx vuôz tsuôz quặng Apatít nhoz Lào Cai

 

 

Hli 11/2014, iz kror ntus thêir têx đêx vuôz tsuôz hâur tsêr máy tuyển quặng Cam Đường, công ty TNHH Apatít Việt Nam, tơưv xã Tả Phời, thành phố Lào Cai, tỉnh Lào Cai trâus tơưs, uô trâu iz chor đêx hâur pak ntưk trâu saz đrâuv. Chor đêx co cuôr đros ntâu ar, poz jêz cxuz tas xar muôx pêx xênhv li 500 yiv ndis liêx. Qir tiv xuz thươux tâu xav jênhv zos tiv ntux lok nas tâu, đêx pur uô trâu njưr thêir trâus tơưs.

Đâu co, vênhv thix taz por ngaz tuk công ty li chor pak tsês chiê đêx hax zav tsuv tâu uô thâuv ntâu luz pak đêx tưz zuôr pur.

Công ty TNHH MTV Apatít Việt Nam li tsêr máy tuyển quặng Bắc Nhạc Sơn uô muôx 350 cxênhz tấn iz shông. Tsêr máy njuôk xav txos shông 2017 zuôr uô ntâu đuô oz jiês, hok tsêr máy no luz pak chiê đêx tsuôk oz shông xưz tưz zuôr pur. Hâux lưv taz por ngaz tuk pak tsês chiê đêx hax zav phiv liv đuô. Zơưv trần Văn Tân, phưv giám đốc tsêr máy puz pâuz:

Băng: “Zos muôx yưv trâus tơưs njưs mak tsêr máy tưz bax iz chor poz jêz chiê cxiv thêir. Zos tiêk trâus tơưs njưs mak zuôr phiv liv txos pêx xênhv chor liêx, sik tsik phiv liv txos têx vax tsêr tsuôk zos ntưk trâu hâur tuk đêx xưz. Ciês thâuv kriz uô tưz njuôk xav txos kror co”.

Đros qênhx shênhx qiv hơưv txơưr txar thiêz Công ty TNHHH MTV Apatít Việt Nam li qênhx shênhx nhoz chor pak tsês chiê đêx, chi cục por vêv tênhv qơư, thanh tra sở tài nguyên thiêz tênhv qơư tỉnh Lào Cai tưz qênhz yuôx ntâu jiês lok tsưr ziv taz por ngaz tuk tiv zix trâu pak tsês chiê đêx, tiv zix zos chêix ntux nas chuô. Lơưr co uô cov truôx njưs thêir zos kror tâu Apatít Việt Nam lok six tsov cưv txos thiêz tsik so qênhz yuôx, taz por lơưr cuiz tênhv. Zơư Nguyễn Quang Lợi, phưv tổng giám đốc công ty TNHH MTV Apatít Việt Nam hêik:

Băng: “Hâur yênhx chi nhánh li tsênhv njiêz liênx quanz pêz cux tsik so qênhz yuôx chor qơu chiê đêx chiê cêir chêx. Zos muôx phiv liv mak đros tiv phaz txar qơư nhoz sêi đrơưv trâu pêx xênhv. Hâur qênhx shênhx qênhz yuôx mak pêz cux tưz sêiz shuôk têx qơư phiv liv lơưr Sở tài nguyên thiêz tênhv qơư hêik tưz pov tâu oz kror qơư thiêz xưv lik tsik chiê muôx yưv têx phiv liv lox”.

Hâur qênhx shênhx ntux nas chuô ziv hnuz ziv phiv liv, thax tsav nxaz, công ty TNHH Apatít Việt Nam li chor qơư uô zuôr zôngx ziv muôx yưv ar poz lok six siêz. Hâur tsar tov li co, lok six vav txos chor cơ quan uô hâux lưv njuôk shuôk thiêz muôx qênhx li ntâuk gri huv đros chiê muôx tsưr ziv xưv lik./.

                                            (Thanh Thủy-Ly cxêik-nhênhv)

 

 

 

 

 

          Phênhv “Tsôngv box thiêz Côx Hội” hnuz 14/9/2014:

Tưz muôx faz tsưr ziv đơưk têx kror tsik huv lok shuv xênhz xênhz ntơưr kho njuôk moz.

 

          Nus: Thor cox puz pâuz, viv li chas nhiv no cxuô luz tsêr cơưv sâu nhiêx zuôr ntơưr kho njuôk moz trâu shuv xênhz, ho sâu txơưr tsik siz thôngx thiêz têx kror tsik huv đros lok ntơưr kho njuôk moz trâu shuv xênhz, zuôr tsuv uô li chas cov huv đros?

          Têz: Luôs hâux lưv tsưr tsix sâu nhiêx zuôr ntơưr kho njuôk, hâur ntơư muôx ntơưr kho njuôk moz trâu shuv xênhz, tưz tâu Bộ y tế, Bộ nhiêx txiêx hêik hâur Thông tư liên bộ. Trơưk li têx ntơưr hêik kriê yiêz no, luôs hâux lưv sâu nhiêx zuôr ntơưr kho njuôk moz tsuv tâu uô trơưk hâur niêx shông. Uô trơưk luôs hâux lưv tso tơưv yiêz no cux muôx yưv têx ntu, tsênhz mênhx zos txix nhiv no txos txos kaz shông 2015. Chênhr zos li hêik ntơư, xar cov sâu tâu sêi chor nhiêx zuôr ntơưr kho njuôk moz hêik sâu, tsik uô tuôr thênhv truz ntêr hnuz nhôngl, muôx iz cxiê tsêr cơưv tưz sâu ciês 3 luz hli nhiêx zuôr ntơưr kho njuôk moz trâu shuv xênhz hâur shông no thiêz sâu ciês chor nhiêx 12 luz hli shông cơưv zuôr txos. Zos sâu li ntơư tsik huv cxuô lênhx shuv xênhz thiêz hâur shông cơưv, chor shuv xênhz ntơư cux thêv nhiêx ntâu trâu hâur tsêr cơưv.

          Muôx yưv têx kror tsik huv hêik ntơư, Bảo hiểm xã hội VN tưz muôx ntơưr hêik kriê chiê sâu nhiêx zuôr ntơưr kho njuôk moz zos 3 luz hli, 6 luz hli lok sik iz shông sâu iz jiês. Txơưv sâu li chas, tsuv hêik trâu shuv xênhz niêv txir pâuz cov tsênhz mênhx.

          Nus: Zos trơưk li cox njuôk xav, sâu nhiêx zuôr ntơưr kho njuôk moz trâu shuv xênhz ntâu jiês hâur iz shông, shuv xênhz pok zuôr thêv chor nhiêx ntơư cxix cxuô?

          Têz: Kror tiv iz, zos xav trơưk li chêi têz qơưs, shuv xênhz tsuv tâu zuôv zuôr ntơưr kho njuôk moz. Kror tiv oz, chor ntơưr kho njuôk moz tâu sir zôngv txos shông tưs tas hax thiêz txos shông 2016, zuôr chor ntơưr kho njuôk moz trâu shuv xênhz 6 luz hli lok sik iz shông cux tâu hur si.

          Nus: Thor nus cox nzir mê njik, pir li shuv xênhz lớp 12 thiêz shuv xênhz cơưv Đại học shông cơưv tas suôx câuv hâur tsêr cơưv, tsêr cơưv tsuv sâu chor nhiêx zuôr ntơưr kho njuôk moz trâu shuv xênhz li chas?

          Têz: Shuv xênhz lớp 12 thiêz shuv xênhz cơưv đại học shông cơưv tas suôx câuv hâur tsêr cơưv, chor ntơưr kho njuôk moz trâu shuv xênhz, tâu sir zôngv txix hnuz xiêz 1/1 tax tas shông cơưv ntơư thiêx tas hax.

          Nus: Cox uô tix ho hêik pâuz nzir mê njik thiêz, hâur ntu tơưv tsêr cơưv, shuv xênhz tsuv tâu zuôr ntơưr kho njuôk moz li chas hâur iz ntu cêv kuôk?

          Têz: Kror tiv iz, tsik zos shuv xênhz hâur tsêr cơưv, tsuv tâu zuôr ntơưr kho njuôk moz đros zuk ziv chuôz zis; zos tơưv tsêr cơưv ho muk uô hâux lưv têz qơưs, tsuv tâu zuôr ntơưr kho njuôk moz hâur đơn vị cơ quan uô hâux lưv. Trơưk li quy tênhv chêi zuôr ntơưr kho njuôk moz, muôx ntâu lênhx cux tsuv tâu thêv nhiêx kho njuôk moz. Taz sik, zos chor zuôr ntơưr kho njuôk moz hâur 5 shông siz lơư liês, thâuv zuk muk kho njuôk moz ntơư, muôx liv trâu zuk đuô.

          Uô cox tsâus ntâu./.

                                                                                                 (TTT)