Têx tsêr niêv côngv siêz nhoz thax tsav ntus đriv Lai Châu

Jok Seo Thèn, xã ntus đriv Pa Vệ Sủ, huyện Mường Tè zos 50 ntâu chuôz zis tsôngv box La Hủ-zos iz hâur 4 heir nênhs lok six txov nhêv hâur tas nro têz qơưk li qơư nhoz. Six hơưv jê lok no, khov fuô uô luôs hâux lưv “paz max têx chuôz zis pluôs, txov nhêv lok tsêr nhoz hâur thax tsav huyện Mường Tè, tỉnh Lai Châu”, đros trâu Thành ủy TP HCM thiêz Bộ Công an cêr paz max, ntâu luz tsêr yiêz tưz uô tâu tiêr thiêz tsênhv taz tov tâu cxiv uô, hlôngr trâu têx tsêr vor kênhz, xor shôngz đaz pêk tuôs thâuv ntêx.

Tix lâus Vax Cà Hừ, iz lênhx px ntơưv jok Seo Thèn nhoz hâur luz tsêr yiêz nhiv kruôr tâu choz zok trâu chuôz zis sir zôngv shir phaz heik: Cur luz tsêr tsuôk đar txâuk tso 2 luz txax xưz, vor kênhz, iz ndis zos xor shôngz, xor nzêik. Cheix ntux kruôr mak cux tsik muôx li chas, hok cheix ntux nas mak têx chuôz zênhx uz no hâur tsêr tưz trâul ntuz nas tas. Phiv liv thiêz txov nhêv yax zos thâuv têx hnuz li heik sâuv, chor nhuôs têx ntơưr ntuz nas tas hur si, ntâu hnuz tsuv so ntơưr viv tsi muôx ntơưr chiê cơưv. Nhiv no muôx tsêr yiêz lơưv, chuôz zis lênhx tưs cux shir phaz hênhr:

“Pêz uô tsâus ntâu Đảng, têz qơưk tưz moz siêz txos tsôngv px, muôz jông six hơưv trâu px uô tâu tsêr nhoz. Zênhx pênhz phax, Công an cux paz paz px chiê uô luz nênhx tsi yuô txov nhêv. Vav chiê siêz tiêk, Đảng, têz qơưk zuôr moz siêz txos ntâu đuô thiêz chiê huôv tsar kinh tế, tsôngv px luz nênhx iz hnuz hlôngr yiêz jux juk”.

Xã Pa Vệ Sủ muôx 670 ntâu chuôz zis, zuôr xar 3 cxênhz lênhx nênhs, phênhv ntâu zos heir nênhs Mảng thiêz La Hủ uô nênhx nhoz. No puôr lênhx zos têx heir nênhs muôx luz nênhx txov nhêv yax hâur hur si têz qơưk, têx chuôz zis pluôs hâur xã nhiv no yuôr nhos 61% ntâu, 100 ntâu chuôz zis tsi tâu muôx vax tsêr nhoz truôx tuk.

Trơưk li Chủ tịch Ủy ban xã Vax Hà Chóng, qir tiv tsi muôx tsêr jông thiêz khor truôx nhoz zos viv xã muôx tox trôngz hâur pêk nxaz, ar liêx têz tsơưs. Iz chas ntơư, tsôngv px cêr cor cav huôv tsar uô nox tsênhv pôngz kaz, viv li têx kôngz uô sâu tsi tâu nju, px cxênhx txuôs tsi tâu nhiêx txiêx uz no uô vax tsêr nhoz..... Iz chas co, thâuv pheiz chuôz mak têx chuôz zis tsi muôx vax tsêr jông đros luôs nhoz ntơư ho tsar ndê.

“Nhiv no têx chuôz zis tưz phênhv ntâu sir jos, đros trâu Bộ chỉ huy bôv đôiv pênhz phax tỉnh moz siêz paz max px hâur luz nênhx niêx hnuz. Thiêz công an paz uô tsêr nhoz. Vav thiêz xar tiêk, zuôr cxơưz tiês uô tiêr tâu sei têx vax tsêr chiê px truôx tuk luz nênhx, txix ntơư huôv tsar uô nox uô hnar”.

Đêx anr “paz max tsêr nhoz trâu tsôngv px pluôs huyện ntus đriv Mường Tè, tỉnh Lai Châu”, xav hur si tas nhos 50 ntâu tỷ đeiv, tsưr ziv zos paz max, uô zuôr xar iz cxênhz luz tsêr trâu px. Hâur co, cxiv uô yiêz 700 ntâu luz tsêr thiêz kho đuô 260 ntâu luz tsêr; nhiêx txiêx paz trâu cxiv uô iz luz tsêr yiêz zos 60 tsov đeiv thiêz kho đuô zos 15 tsov đeiv. Chiê đêx anr nzor uô tiêr, paz px muôx vax tsêr nhoz truôx, tỉnh Lai Châu tưz hu zâuv yênhx puô lênhx nênhs, txix têx lưv lươngv công an, tuz lênhv thiêz lênhx nênhs ntơưv qơư hâur huyện Mường Tè sik đros paz px uô tsêr nhoz.

Zơưv Kiều Hải Nam, Phưv Chủ tịch Ủy ban huyện Mường Tè heik pâuz: Trơưk li đêx anr tsưr ziv, txos tas hli 9/2020, tas nro zuôr xar iz cxênhz luz tsêr cxiv uô yiêz thiêz kho đuô zuôr tâu choz zok, muôz lok sir zôngv ntơưv 14 xã, thị trấn hâur thax tsav. Six hơưv đhâu, têx lưv lươngv thiêz px tưz khưx phưx têx phiv liv lok ntux txơưr txar, cxơưz fuô uô sei têx luôs hâux lưv sâuv, chênhr viv li txos nhiv no cux tưz uô tiêr tâu 200 ntâu luz tsêr.

“Huyện Mường Tè zos thax tsav yuôr lok six ntâu txov nhêv lok huôv tsar kinh tế-XH, lar heik zos txov nhêv lok tsêr nhoz thiêz huyện cux zos suôv qơư muôx ntâu têx chuôz zis pluôs đuô hur si hâur thax tsav tỉnh. Đêx anr no zuôr paz trâu huyện cxuôv por tsês têx đaz tuôs, lav uô lav nhoz trâu têx chuôz zis muôx luz nênhx txov nhêv hâur thax tsav qơư. Đhâu thâuv têx chuôz zis muôx luz nênhx txov nhêv ntơư tâu paz max lok tsêr nhoz, mak pêz zuôr tror uô lơưr têx tsênhv chei txơưr đuô chiê paz px huôv tsar uô nox uô hnar, txo grêk cêr yeiz pluôs”.

Têx luz tsêr niêv côngv siêz nhoz thax tsav ntus đriv Mường Tè tưz paz px muôx cêr sor siêz, jux juk truôx tuk luz nênhx. Têx huv muôx liv no tsi tiêk paz px muôx luz nênhx truôx tuk đuô, sir jos huôv tsar uô nox, mak tsênhv uô trâu px muôx cêr chiê siêz, njênhs njôngr trâu Đảng, têz qơưk têx tsưr ziv kriê, chei chox car, paz max thiêz cxuô heir nênhs VN cêr sik thôngx siêz siz hluz siz paz./.

                           (Khắc Kiên-Riê Lâux cxeik, nhênhv)