Quảng Ninh: Ntâu tsênhv chei paz pênhr jos trâu thax tsav tsôngv box heir nênhs tsơưs

Tỉnh Quảng Ninh sir jos txos shông 2025, cov xav kror đruôz đraz tsôngv box heir nênhs tsơưs, tox siêz, ntus đriv, poz hiêr phênhv sâu tâu tsar ndê ntâu đuô 2 bâus pir li shông 2020, chor chuôz zis pluôs txo grêk tsơưs 3% iz shông….

No zos iz hâur têx tsưr ziv hâur Nghị quyết lok cir tsaz yênhx huôv tsar truôx kinh tế-XH reik đros tsưx phưv jông têx xã, jêx jok tox siêz, tsôngv box heir nênhs tsơưs, ntus đriv, poz hiêr tỉnh Quảng Ninh ntu 2021-2025 truôx tuk, uô ndar txos shông 2030, qir tâu thôngz đhâu ntơưv jiês cơưv tiv 2 Hôiv đôngx pêx xênhv tỉnh Quảng Ninh khóa 14, six cxiv 2021-2026. Taz sik, kinh tế-XH thax tsav tsôngv box heir nênhs tsơưs, tox siêz, ntus đriv, poz hiêr hâur tỉnh cux tsênhv yuôr ntâu phiv liv, huôv tsar tsi tâu fiv đros trâu têx muôx jông. Chor chuôz zis pluôs hâur tỉnh phênhv ntâu zos nhoz tox siêz đêz đrôngs, ntus đriv, poz hiêr thiêz ntâu đuô pir li tỉnh Quảng Ninh tsưr ziv tso tơưv.

Hâur têx shông đhâu, cấp ủy, hâu nov cxuô cấp tỉnh Quảng Ninh tưz moz siêz chox car, kriê thiêz muôx ntâu chỉ thị, nghị quyết, tsưr ziv, iz chas ntơư tsov cưv tsês têx chei jông, pênhr nhiêx chiê paz huôv tsar chính trị, kinh tế, vênhx huôv, xã hội, côx phax-txiv ngaz thax tsav tsôngv box heir nênhs tsơưs, tox siêz, ntus đriv, poz hiêr. Tsov cưv huôv tsar têx côngz trênhx kinh tế-xã hội, txuôk đros luôs 2 chas thax tsav qơư, lar heik zos têx cêr muk lol chênhr,; sir jos yưv pênhr uô têx côngz trênhx zov chênhr, zuôr trâul txos lok sâuv y tế, zoz zux, viễn thông, đêx phưx vưv huôv tsar uô kôngz, đêx xênhz huôx, kho têx qơư khênhr trâul đêx ngaz sâuv têx cêr muk lol hâur tỉnh, qơư yêik txar tsôngv box muk nhoz.

Si jos huôv tsar zoz zux kriê txux chi, gra siêz tsơưr lươngv pênhr jos, muôz thiêz zok nriêr hâux lưv uô, lar heik zos ntơưv thax tsav tox siêz tsôngv box heir nênhs tsơưs. Tỉnh Quảng Ninh tưz tso tơưv iz cxiê tsênhv chei paz max trâu shux xênhz, cưk kriê ntơưr ntơưv têx tsêr cơưv cao đẳng, đại học hâur thax tsav, đros thiêz gra siêz txux chi huv đros zoz qơưx ntơưv qơư. Iz chas co, shux xênhz tsêr cơưv cao đẳng Việt-Hàn Quảng Ninh cơưv iz hâur 5 zav hâux lưv uô zos: Hav tênhv, điện tử công nghiệp, cơưv kho têx yêz lox….zuôr tâu moz siêz paz max thêv têx nhiêx cơưv hâur niêx luz hli, nhiêx nox, nhiêx khiêz cơưv thiêz paz lok qơư nhoz tsi tas nhiêx txiêx hâur tsêr cơưv, zos chuôz zis pluôs, zuôr xar pluôs, nhoz chor xã thax tsav I tsôngv box tox  siêz heir nênhs tsơưs, cơưv tas ntơưr cxênhx 3 hâur têx tsêr cơưv Phổ thông dân tộc nội trú hâur tỉnh, zos lênhx nênhs uô tiêr hâux lưv muk uô tuz lênhv tror lok….

Tsi tiêk tsêr cơưv Cao đẳng Việt-Hàn Quảng Ninh, shux xênhz tsêr cơưv Cao đẳng Y tế Quảng Ninh, têx lênhx cơưv trung cấp, cao đẳng uô cưk yuôx đrox njuôz zos chuôz zis pluôs, chuôz zis zuôr xar pluôs, cơưv tas ntơưr cxênhx 3 têx tsêr cơưv Phổ thông dân tộc nội trú hâur tỉnh, nhoz chor xã thax tsav I cơưv tâu ntơưr txơưx mak tâu paz max nhiêx thêv tsêr cơưv niêx luz hlik; zos shux xênhz cơưv coz tâu paz max nhiêx khiêz cơưv ntơưr thiêz tâu paz nhiêx nox, nhiêx cơưv ntơưr trơưk cui tinhv. Đhâu thâuv cơưv tas ntơưr lok uô hâux lưv đhâu 12 luz hlik thiêz cir ntơưr chos luk uô hâux lưv txâuk 36 luz hlik lol zos 3 shông tror zar sâuv ntơưv chor xã thax tsav I tâu paz 30 tsov đeiv iz lênhx nênhs…. Zơưv Trần An Dương, Phưv thơưx seiz car tsêr cơưv Cao đẳng y Quảng Ninh heik pâuz, têx chei paz no muôx liv lok six jông trâu tsêr cơưv hâur ntu nhiv no:“Tỉnh tưz muôx têx chei cxơưz paz, hu zâuv shux xênhz tuôx cơưv nhoz têx ngênhx li: Tsoz phưz đas jos, lar heik zos hâur ntu muôx moz gênhk huôv xênhz li nhiv no mak ziv zuôr trâul txos tsoz phưz đas jos thiêz zuôr têx cưk yuôx chiê đros uô hâux lưv phax tir thêir moz zos lok six zov chênhr. Lar heik, têx tsênhv chei paz max shux xênhz đhâu cơưv tas ntơưr tơưv tsêr cơưv paz lơưr tso siêz đuô hâur cêr cơưv txux thiêz moz siêz đros cxiv tsa, cxơưz tỉnh huôv tsar”.

Huôv tsar pênhr jos thax tsav tox siêz tsôngv box heir nênhs tsơưs zos hâux lưv zov chênhr hâur tỉnh Quảng Ninh ntu nhiv no. Hâux lưv co tsuv muôx tas nro cxix luôs chính trị, iz chas têx chei paz max huôv tsar pênhr jos, txux chi thax tsav tsôngv box heir nênhs tsơưs, zuôr trâul txos hur si côngv thôngx sik đros thôngx ziv, côngv têk thiêz tsôngv box cxuô heir nênhs tsơưs têx sir jos./.

(Hoài Thu BT-Riê Lâux cxeik, nhênhv)

Têx lênhx nênhs siêz jông paz trâu chor nênhs nhoz Sơn La tror lok zuk qơư nhoz

Co zos tix lâus Ánh Xênhv Zax, nhoz jok Suối Khẩu, xar Suối Bằng, huyện Vân Hồ, tỉnh Sơn La, zos công nhân nhiv kruôr tror lok txix tỉnh Bình Dương hêik pâuz. Tix lâus Ánh đros pox niêv muk trâu Bình Dương txix thâuv hâur shôngk shông chiê uô công nhân trâu công ty jov uô ntông muôs trâu oz chas têz qơưs. Tiv moz Covid-19 huôv xênhz, công ty tsuv cơư kror trôngx, công nhân, nênhs lox tôngv tsuv so hâux lưv. Txơưv cxuô cấp chính quyền, cxuô tsưr tsix, chor nênhs siêz jông tưz sir jos paz, taz sik cux tsuôk paz tâu iz phênhv tưs xưz. Viv li tix lâus oz niêv txir, đros chôngz lênhx nênhs tưz cuêz tênhv tror lok tsêr. Tror lok tas muôx yênhx cxênhz cêik cêr, taz sik têx siêz jông, siz hluz, siz paz thiêz đuô hur si zos siêz xar sir jos tror lok zuk vax tsêr, qơư nhoz tưz paz trâu tix lâus Ánh thiêz sơưr đơưk sir jos hla đhâu têx phiv liv chiê tror lok.

Cux tror lok txix tỉnh Bình Dương, niêv tix Mai Xênhv Shôngx, nhoz jok Che Mè, xar Mường Bang, huyện Phù Yên puz pâuz: Tsuv tas muôx 4 hnuz hmo lok tsik so hlo, niêv tix thiêz 80 ntâu lênhx nênhs thiêx lok txos trâu qơư sêiz jor, phax tar caz moz Vân Hồ-Sơn La. Tiv chêix yêz mêir lok muôx yênhx cxênhz cêik cêr, tưz muôx têx jiês yez tsik jông, tas nro đoàn tsuv sik đros chaz yêz muôx oz pêz cêik cêr thiêx muôx qơư chiê kho yêz. Gênhk tiv tsuv chêix yêz muk oz pêz hnuz hmo tsik so hlo, viv li tưz njiz trâus têx txiêz nanv phiv liv, taz sik lok six hmôngr jông tsik muôx nênhs uô chak hlo.

Tsuv lok đhâu ntu cêr xar muôx 2.000 cêik cêr, hâur qênhx shênhx muôx ntux yar, ntux nas, chôngz lênhx nhuôs zâu cux tsuv đros niêv txir chêix yêz lok. Phiv liv li co, taz sik kror tix lâus Ánh thiêz niêv tix Mai đros sơưr đơưk ndo njôngr txos zos chính quyền thiêz pox nhuôs nhoz ntơưv têx thax tsav qơư lơưr lok đhâu li cêr hluz, siêz jông. Têx luk nus txix chor nênhs tsik siz pâuz, têx hưx đêx, têik mor thiêz chor nhiêx sơưr đơưk muôz paz, tưz paz nzir đas jos trâu sơưr đơưk tror lok txos trâu zuk vax tsêr, thax tsav qơư nhoz. Niêv tix Mai Xênhv Shôngx hêik:

Uô jông txêik tok chor nênhs muk uô nox đêz tror lok hâur qênhx shênhx muôx caz moz phiv liv zos lênhx tov tỉnh Sơn La li iz kror hâux lưv uô jông thiêz sir jos. Viv li, chor lưx lươngv sêiz jor, phax tar caz moz ntơưv têx qơư sêiz jor li têx hâux lưv siêz jông uô côngz xưv txêik tok tưz paz trâu sơưr đơưk muôx nzir cêr shir phaz thâuv lok txos trâu ntơưv thax tsav tỉnh. Têx luk nus, kruôz kriê thiêz tsik sâu nhiêx txiêx njuôk shuôk sêi caz moz tưz paz trâu pox nhuôs sơưr đơưk tso siêz đuô chiê uô lơưr têx tsưr ziv cêv kuôk, taz por ngaz tuk phax tar caz moz. Tix lâus Thái Xênhv Shôngx, nhoz jok Che Mè, xar Mường Bang, huyện Phù Yên, tỉnh Sơn La puz pâuz:

Lơưr thôngz sâu txix hnuz 4/10 txos nhiv no, ntơưv qơư sêiz jor phax tar caz moz liên ngành nhoz huyện Vân Hồ, tỉnh Sơn La buôs ti đros tỉnh Hòa Bình tưz txêik tok muôx 400 ntâu lênhx nênhs tror lok txix têx tỉnh Bình Dương, Đồng Nai, Long An, thành phố Hồ Chí Minh. Lơưr zơưv Đỗ Xuân Cảnh, Trưởng phòng Cảnh sát Zoz thôngz, Công an tỉnh Sơn La, Trạm trưởng trạm qênhz yuôx phax, tar caz moz Covid-19 ntơưv huyện Vân Hồ: Txix ciês ntơưv qơư sêiz jor, phax tar xuz thơưx ciês zos Xà Lĩnh, Rừng Già, huyện tưz chiê chor lưx lươngv y têr, công an thiêz chor hluôk nênhs uô ntêx hlo sik côngv yax kriê chiê paz trâu pox nhuôs tso siêz. Pox nhuôs lok txos trâu têx qơư njuôk shuôk sêi caz moz Covid-19 puôr lênhx tâu paz jâuz mor nox, đêx hâuk tsik tas nhiêx txiêx, tâu phêiz nhoz so lơưr yênhx thax tsav qơư cov tsik uô siz cik caz moz:“Xav jênhv chor nênhs lox tôngv lok tas muôx 2.000 ntâu cêik cêr mak njiz ntâu kror phiv liv thiêz lok six gênhk lơưv, chor qơư sêiz jor, phax tar caz moz tưz bax uô têx tsưr ziv li: tưz muôz phêiz txix qơư sêiz jor phax tar caz moz Xà Lĩnh, Rừng Già chiê zôngv yêz thâux xa pox nhuôs tsik tas nhiêx txiêx lok trâu têx qơư njuôk shuôk sêi caz moz thiêz têx qơư cêv kuôk, paz chor pluôs nox tsik tas nhiêx txiêx thiêz paz thâux xa têx yêz mêir trâu pox nhuôs. Txos nhiv no mak cxuô kror hâux lưv tâu uô lok six jông thiêz paz trâu pox nhuôs tso siêz đuô”.

Njuôk xav têx hnuz zuôr txos chor nênhs txix têx tỉnh faz Nam tror lok Sơn La tsênhv zuôr muôx nzir. Chor lưx lươngv muôx vax huôv nhoz tỉnh tsênhv sir jos uô tas zuk txơưx jênhv viv tsôngv box thiêz sir jos tuôr truôx jông côngz xưv phax tar caz moz, tuôr truôx jông zos thax tsav caz moz tsik phiv liv trâu ntơưv thax tsav qơư thiêz têx tỉnh Tây Bắc./.

(Lik thox cxiv sâu thiêz cxêik nhênhv)